بوست تثقيفي …
كرمال ما تخافو وتقدرو تردو …
يللي توفى صاحب حمية أتكينز وليس كيتو ….
اسمو روبرت أتكينز أخصائي قلب ….
توفى بمرض اسمو اعتلال عضلة قلبية وليس جلطة قلبية ..
ليس له أي علاقة بالحمية ..
مرض فيروسي غالبا بصيب القلب وبيلتهب وبصير قصور وبيموت الشخص لأنو هاد شي مجهول السبب ومالو علاج وهيك ابتلاء من رب العالمين ……
بخصوص أول بوست كل فترة رح تسمعو حدا منزل بوست حمية الكيتو ودراسة وعلميا وضارة ومؤذية بس للأيف اللي نشر هالحكي ما كلف نفسو وقرا الدراسة….
لما تفتح الدراسة قبل كل شي رح تشوف ….
حميات شبيهة بالكيتو يعني الدراسة مانها عحدا عامل كيتو ….
أي شو يعني ؟
جماعة التغذية عندن حقد غريب عالحميات عالية الدهون ….
يعني بهالدراسة معتبرين كل شخص بياكل أقل من 25 بالمية من سعراتو كارب فهو كيتو ….
لنفرض الستاندر 2000 سعرة …
يعني 500 سعرة كارب يعني 125 غرام كارب ومستحيل يكون كيتو هالشخص لهيك تفضلو شوفو شو مفهومن للكيتو …
تاني شي كل هالدراسات مسحية وآنو المريض أخبرنا …كيف يعني ؟
يعني بيروحو عند 2000 شخص شو بتاكل ؟
باكل كذا كذا …أوك …
انت حمية شبيهة كيتو أو كيتو لأنو مابتاكل نشويات فوق 25 بالمية …
تمام ؟ شو نوع الدهون يللي بياكلوها ؟
ما حدا بيعرف ؟
شو نوع الزيوت يللي بيستخدموها ؟
ما حدا بيعرف ؟
المهم دهون …مكررة مهدرجة شو من كانت …. ما حدا بيعرف كلها دهون بمنظورهم …
طيب لهون معي إنت ؟
شو معيارهم للخطورة القلبية ؟
هو مقياس ال ldl
هن بنظرن كل شي رتفع ال ldl فهو خطر قلبيا ورح يتعرض لجلطة بس بالحقيقة عندنا يللي ملتزم بالكيتو وحتى بيرتفع ال ldl وما حدا بصيبو جلطة لأن شرحنا كتير عنوع ال ldl
وكيف منو أجزاء صغيرة بتترسب عالجدرا
ونوع حجمو كبير مفيد
ويللي بيتراكم بالكيتو النوع الكبير
بس ما عندنا طريقة لنقيس الحزيئات الكبيرة فقط ….
رح نزل فيديو ظريف بيشرح هالشي بالتعليقات لتفهموه أكتر
يعني هن بس شافو ldl رتفع شوي معناها خطر قلبيا …
خلاصة الحكي …
صار كل واحد بدو ينشهر شوي ويتحدث بالطب ويحكي كلمتين يعمل نسخ لصق بدون أدنى فهم ….
مو يعني كل دراسة لازم نصدقها وكل طبيب نشر كلمتيين لازم نصدقو
الدراسات أنواع
نوع مسحي …
يعني بيجو وبيسئلو ناس كذا وكذا وكذا وعذمة المريض …
نوع محترم منظم …
(تخيلو مرة قعدو بمشفى وصارو يسألو كل واحد عندو جلطة كم بيضة بتاكل بالأسبوع طلع معهم إذا أكلت أكتر من بيضتين بالأسبوع بصير معك جلطات هي دراسة مثلا 
)
أنا ممكن اقتنع بالكيتو ضار ووقفو وسكر الكروب بشرط ووعد رح سكرو إذا شفت هالشي …
تجي دراسة رسمية
يمسكو 1000 واحد ويعملولو كيتو لفترة كم سنة ويقارنوهم مع ناس بغير حميات ..
واذا شافو إنو يللي عاملين كيتو صحي محسوب وبدهون صحية عبتزيد جلطاتهم ومشاكلهم أنا بوقتا وعد قطعي رح سكر الكروب والغي شي اسمو كيتو من حياتي ….
بس لهلأ ما قدرو يعملو هيك ولا قدرو يساوو دراسة بهالطريقة …
وأغلب الدراسات مسحية عبارة عن قيل وقال وشو بتاكل انتي وكم غرام دهن تقريبا بدون ما يحددو نوع الدهون وكأنو كلو واحد ببنظرن …
(وبرجع بقلكم الكروب عطوني شخص عمل كيتو ونجلط لا سمح الله ؟)…
(معقول كروب 45 ألف شخص ما حدا نجلط من ورانا بعيد الشر عنكم ) ….
يللي نآذو والقصص يللي سمعتوها هن عبياخدو حب كيتو وحكيت عن حبوب الريجيم شو عمتساوي بالناس
نظام الكيتو مظلوم …
لعدة أسباب …
يللي بيعرف الكيتو ما رح يحتاج لا هو ولا عيلتو لأخصائي تغذية ولا كوتش يساعدو رح يتثقف ويتعلم كل شي بيخص التغذية …..لهيك رح يقطع رزق المختصين وبيضلو يحاربوه ….
تاني شي في دواء اسمو كيتو بيتروج إلو للتتنحيف وفيو مواد محظورة (في بعض الدول) يللي آخدو قال ضرني الكيتو وراحت عالكيتو …..الناس ما بتعرف تميز ..
المنظمات وشركات الأدوية خافضات السكر والشحوم رح تحاربو ولو اضطرت تساوي دراسات بتكلفة ملاين الدولارات كرمال تثبت ضررو لأنو الكيتو بيخليكي توقفي أغلب أدوية السكر والضغط وإلخ 
(هالفقرة مو لتوقف دواك وتبلش كيتو ..هالفقرة لتتابع حالك مع طبيبك وتصير تحاليلك وفحوصك تمام وتوقف كب شي مع بعض)
الكروبات العربية يللي ترجمت الكيتو كفرت نظامي بأسس التغذية واخترعو كيتو خاص إلهم وكانت غايتها تنحيف الناس بغض النظر عن صحتهم …
متل كلاسيك وغيرو …
الكيتو فيو فواكه ..
الكيتو ممنوع ينقطع عنو مشتقات الألبان ..
الكيتو فيو مكسرات …
هدول التلاتة (بعض ) الكروبات العربية يللي صحابينها ما بيمتلكو أي شهادة هن منعوهم ليزيدو النحف عند الناس …
النتيجة …
نقص فيتامينات ..
تسرعات قلبية …
مشاكل بالمرارة …
مشاكل بالغدة …
إلخ إلخ ….
لهيك أنا فيكي تقولي عراب الكيتو بسوريا وشايل القصة على عاتقي 
وبإذن الله رح يجي يوم يصير النظام رقم واحد في سوريا
