عشرون سؤال يتبادر إلى ذهنكم حول الكيتو

سنقدم لكم طريقة سريعة للبدء في الكيتو. من الجدير بالذكر أن إعطاء وصفات سريعة وجاهزة ليس الأمثل، لأنكم يجب أن تتناولوا الطعام حتى تشبعوا بناءً على حاجتكم ورغبتكم. في الشهر الأول، تناولوا الطعام حتى تشبعوا، وفي المستقبل تعلموا حساب السعرات الحرارية وتقدير حاجتكم اليومية.

السؤال الأول:

1. هل أبدأ حمية الكيتو أم لا؟

أنا أؤيد البدء في الكيتو، لكن يجب أن تعرف أن هذا النظام يختلف عن الأنظمة الغذائية الأخرى. أولاً، سيغير هذا النظام استقلاب جسمك بالكامل، حيث سيتحول من الاعتماد على السكر إلى الاعتماد على الكيتونات (المنتجة من الدهون). لذلك، يجب اتخاذ القرار بقوة وأن تكون واثقًا من خيارك وصابرًا عليه. لن يكون هذا مجرد تجربة سريعة لنظام غذائي؛ ستمر بأيام صعبة ويجب أن تكون مستعدًا لتحملها وهي طبيعية وليست ضارة إن شاء الله. إذا قرأت والتزمت بالخطوات، يفضل أن تكون مدة الكيتو أكثر من شهرين أو ثلاثة، وبعدها تخرج منه تدريجيًا.

من لا يجب أن يتبع حمية الكيتو؟

الأشخاص الذين يعانون من أمراض سابقة يجب أن يستشيروا أخصائي تغذية أو يكتبوا لي في المنشور وسأجيبهم. كل حالة لها اعتبارات خاصة ويوجد منشورات خاصة يمكن قراءتها في المنشور المثبت.

• الحامل: ممنوع.
• المرضع: ممنوع، ولكن لها توصيات خاصة (راجع منشور المرضعات).
• الأطفال: لهم اعتبارات خاصة وملاحظات.
• مرضى السكري: خصوصًا الذين يعتمدون على الأنسولين، يجب أن يستشيروا طبيبهم وينسقوا معه لتعديل الأدوية ومتابعة السكر (يوجد منشور مخصص بالتفصيل).
• مرضى القلب والجلطات الحديثة: ممنوع لمدة لا تقل عن سنة.
• مرضى القلب والجلطات القديمة: استشارة أخصائي أو قراءة منشور الشحوم وتجنب ارتفاعها.
• مرضى حصى الكلى والرمل: راجع منشور الكلى والكيتو.
• مرضى النقرس وارتفاع حمض البول: راجع منشور النقرس وحمض البول.

السؤال الثاني:

2. هل الكيتو فعال في خسارة الوزن بسرعة؟

نعم، حسب الدراسات، الكيتو ينزل الوزن أكثر وأسرع من الأنظمة الغذائية الأخرى. في الشهر الأول خصوصًا، يعطي دفعة معنوية كبيرة على الميزان ويمنحك إحساسًا بالطاقة والشبع ويساعدك على الصيام المتقطع.

السؤال الثالث:

3. هل يمكنني البدء فورًا أم يجب أن أجهز نفسي؟

يفضل البدء بالتدريج. توقف عن السكر تدريجيًا، قلل من الخبز، الرز، المعكرونة، والأطعمة الجاهزة والمشروبات الغازية. بعد أسبوعين إلى ثلاثة، اتبع الكيتو بشكل صارم. إذا كنت مستعجلًا، يمكنك البدء فورًا لكن الأعراض ستكون شديدة.

السؤال الرابع:

4. ما هي الأعراض التي قد تظهر؟

في اليوم الأول لن تشعر بشيء، لكن في اليوم الثاني أو الثالث وحتى الأسبوع، ستشعر بالدوخة، التعب العام، الضعف، الصداع، فقدان الشهية، ورائحة نفس غريبة. قد تشعر برغبة شديدة في السكر. هذه الأعراض طبيعية وتسمى “إنفلونزا الكيتو”.

السؤال الخامس:

5. كيف أخفف من هذه الأعراض؟

اشرب الكثير من الماء (2-3 لترات يوميًا)، تناول الخضروات والورقيات والمكسرات، والتزم بالمكملات الغذائية الضرورية مثل المغنيسيوم وفيتامين د.

السؤال السادس:

6. هل يمكنني البدء بدون مكملات؟

أقل شيء تناول المغنيسيوم وفيتامين د.

السؤال السابع:

7. لماذا أحتاج إلى مكملات؟

لأنك الآن تتبع نظامًا غذائيًا محددًا وقد يكون تناولك للفيتامينات والمعادن من الطعام غير كافٍ.

السؤال الثامن:

8. ماذا أفعل إذا شعرت بالدوار في اليوم الثالث أو الرابع؟

تناول محلول الكيتو: لتر ماء، ملعقة خل التفاح الطبيعي، نصف ملعقة ملح صخري أو بحري، وشرائح ليمون.

السؤال التاسع:

9. لماذا لا أستخدم ملح الطعام العادي؟

لأنه معالج ومكرر بطريقة غير صحية.

السؤال العاشر:

10. كم من الملح يمكنني تناولها يوميًا؟

لا تتجاوز ملعقتين إلى ثلاث ملاعق صغيرة، وإذا كنت مريض ضغط يفضل أقل من ملعقة ونصف.

السؤال الحادي عشر:

11. هل الصيام ضروري؟

في الفترة الأولى ليس ضروريًا. تناول الطعام حتى تشبع، ومع مرور الوقت، ستخف شهيتك ويمكنك البدء بالصيام المتقطع.

السؤال الثاني عشر:

12. ماذا يعني الصيام 16/8؟

يعني أن تصوم لمدة 16 ساعة وتأكل في نافذة 8 ساعات. مثال: آخر وجبة الساعة 8 مساءً، والوجبة التالية الساعة 12 ظهرًا في اليوم التالي.

السؤال الثالث عشر:

13. هل يمكنني الصيام لفترات أطول؟

نعم، يمكنك الصيام لمدة 18/6 أو 24 ساعة إذا كان جسمك معتادًا على الكيتو.

السؤال الرابع عشر:

14. لماذا أرى الكثير من المنشورات عن ثبات الوزن؟

ذلك بسبب الممارسات الخاطئة وعدم حساب السعرات بشكل صحيح.

السؤال الخامس عشر:

15. كيف أتابع تقدم جسمي؟

استخدم الميزان مرة واحدة في الشهر، واحسب مقاسات جسمك، والتقط صورًا لتتبع التغيرات.

السؤال السادس عشر:

16. هل يجب أن أجري تحاليل طبية؟

نعم، خاصة إذا كنت تعاني من أمراض معينة أو تخطط لاتّباع الكيتو لفترة طويلة.

السؤال السابع عشر:

17. ما هي التحاليل الضرورية؟

• هرمون الدرق TSH
• فيتامين د Vit D
• مغنيسيوم Mg
• بوتاسيوم K
• كالسيوم Ca
• خضاب الدم والصيغة CBC
• فيتامين بي 12 Vit B12
• حمض الفوليك Folic Acid
• تحاليل الشحوم كاملة (الكوليسترول، LDL، HDL، TG)
• حمض البول Uric Acid

السؤال الثامن عشر:

18. هل الكيتو مكلف؟

نعم، الكيتو قد يكون مكلفًا، خاصة في سوريا. لكن يمكنك التكيف والاعتماد على الزيت الزيتون واللحوم الدجاج.

السؤال التاسع عشر:

19. كم سأنزل من الوزن في الشهر الأول؟

يختلف ذلك من شخص لآخر. على سبيل المثال، الشخص الذي وزنه فوق 100 كيلوجرام قد ينزل أكثر من 10 كيلوجرام في الشهر الأول.

السؤال العشرون:

20. ماذا يجب أن آكل وأشتري؟

• الدهون المسموحة: زيت الزيتون، دهن الخروف، الزبدة الحيوانية.
• اللحوم: كل اللحوم مسموحة، لكن يفضل اللحوم ذات الدهون العالية.
• الخضروات والورقيات: كل الورقيات والخضروات مسموحة.
• المكسرات: كل أنواع المكسرات مسموحة بكمية محدودة.
• الفواكه: الفراولة، جوز الهند، التوت.

الفرق بين الكيتو واللوكارب؟

الكيتو يعتمد على أقل من 20 جرام كربوهيدرات في اليوم، بينما اللوكارب يتراوح بين 20 إلى 130 جرام.

عشرين سؤال بيخطرو ببالكم عن الكيتو…
ورح نعطيكم طريقة سريعة لتبلشو بشكل تقديري طبعا هالشي غلط نعطيك وصفات سريعة وجاهزة بس..
لأنو لازم تاكل لتشبع وحسب حاجتك وشو مشتهي بس كرمال تاخد أفكار…
أول شهر بتاكل لتشبع مستقبلا تعلم عحساب السعرات وتقدير حاجتك يوميا….
أول سؤال عندك ….
1…شو رأيك ساوي كيتو وبصير ولا لآ؟
أنا معك أول بس لازم تعرف إنو هاد غير أنظمة الدايت الآخرى…
أول شي هاد رح يغير استقلاب جسمك بشكل كامل ويتحول من الإعتماد عالسكر للإعتماد عالكيتون (المنتج من الدهون)…
لهيك القرار لازم يتاخد وبقوة وتكون واثق من خيارك وصابر عليه…..
(مانو بجرب ساوي دايت ويا إما بيزبط أو لأ )
لانو رح يمر عليك كم يوم صعبين ولازم تكون جاهز لتتحملن وهنة شي طبيعي مانو ضار إن شاء الله….
إذا كملت قراءة وإلتزمت بالخطوات
وطبعا المدة للكيتو يفضل تكون أكتر من شهرين تلاتة وبعديها بتطلع بشكل تدريجي منو وفي بوستات لكل شي ….
مين يللي ما بيصير يساوو كيتو؟
أو إلهم مراقبة خاصة؟؟
إو لازم تحت إشراف طبي؟
أو يتبعو نصائح معينة؟
أي شخص عندو أمراض سابقة شو من كانت المفروض يستشير أخصائي تعذية أو يكتبلي بالبوست وبجاوبو…..
كل حالة وإلها اعتبارات خاصة..
وفي بوستات خاصة…
فيكم تقروها بالبوست المثبت لتقدرو تفوتو الكيتو بأمان…
الحامل ممنوع….
المرضع ممنوع… (إلها توصيات خاصة راجع بوست المرضعات)
الأطفال…. إلهم اعتبارات خاصة وملاحظات….
مرضى السكري عموما والسكري يللي معتمد عالإنسولين ممنوع يبلشو بدون استشارة طبيب وينسقو معو لآخذ متابعات السكر وتعديل الأدوية وفي أدوية ممنوعة مع السكري
(في بوست مخصص مشروح بالتفصيل)….
مرضى القلب والجلطات الحديثة ممنوع اقل شي بعد سنة….
مرضى القلب والجلطات القديمة استشارة أخصائي أو بتقرو بوست الشحوم وبتتجنبو ارتفاعها….
مرضى حصيات الكلية السابقة والرمل…
راجع بوست الكلية والكيتو …
مرضى النقرس وارتفاع حمض البول…
راجع بوست النقرس وحمض البول..
أي حالة مرضية المفروص يستشير أخصائي ويشرحلو حالتو أو يكتبلي بساعدو ضمن إمكانيتي….
إذا الموضوع سهل بجاوبك …
إذا لأ بقلك ما بعرف وببحثلك عجواب بمواقع طبية موثوقة …
بالأخر كلنا بشر ومو ضروري نعرف كل شي …
وكل هالحالات إلهم بوستات خاصة..
2… هل الكيتو سريع بنزول الوزن؟
أي…. حسب الدراسات هو بينزل أكتر من كل أنظمة الدايت الآخرى وأسرع وأول شهر بالذات بيعطيك دفعة معنوية حلوة بالميزان وبيعطيك إحساس بالطاقة والشبع مالو مثيل وبساعدك عالصيام المتقطع..
حسب وزنك؟ عمرك؟ جنسك؟ جيناتك؟ وإذا معك أمراض أو لأ…
مثلا شب وزنو فوق ال 100 ممكن ينزل فوق ال 10 كيلو أول شهر ..
بشكل عام حسب أكلك للحلويات وشراهتك للنشويات قبل الدايت لأنو في وزن رح تخسرو سوائل
( النشويات والسكر بيحتاج لجزيئات ماء h2o ليحرق السكر لهيك رح يستغني عن كتير مي بجسمك مانك بحاجتا وتخسر وزن حلو ببدايت أول شهر ويمكن تسكن بال wc أول أسبوع 😁 ) …
طبعا الوزن كدهون الصحي الطبي… هوة أسبوعيا نصف كيو ممكن يوصل للكيلو وبحد أقصى كيلو ونصف
(لا أنصح تنقص أكلك كتير لهالدرجة) حسب سعراتك الحرارية والعجز يللي عامل فيه ….
3….بصير بلش فورا ولا لازم جهز نفسي؟
يفضل تبلش بالتدريج…
نمط حياتك نفسو توقف سكر …
تدريجيا تخفف خبز…
تخفف نشويات رز معكرونة وتوابعا ..
وتخفف أكل جاهز وكل شي فيو سكر ومشروبات وكولا…
خلال أسبوعين لتلاتة بعدين تتبع الكيتو بشكل صارم أفضل
وفي حال مستعجل مافي مشكلة أبدأ فورا بس الأعراض رح تكون شديدة عندك شوي إذا جاهز فيك تتحملا ….
4… شو هن هالأعراض؟
أول يوم ما رح تحس بشي… تاني تالت يوم غالبا التالت وممكن لأسبوع…
رح يخلص السكر يللي بجسمك ويروح معو السوائل يللي مجمعها
(في بجسمنا حوالي 600 غرام غليكوجين موزعين بالكبد والعضلات بس يخلصو بيبلش جسمك يبحث عن مصدر طاقة بديل يللي هو الدهون)
وهالشي رح يسحب معو معادن بالجسم…..
ورح يصير معك…
دوخة…
تعب عام…
ممكن جسمك يصير هزيل وضعيف … وتحس بضبابية … صداع … ضعفان شهية وريحة نفس غريبة…
و وممكن تقول نقص سكري؟ …
بدي حلووووو بدي سكر ..
(ممكن تراودك نفسك تاخد تمرة أو قطعة فواكه بس ما بنصحك لأنو رح تكون روحت تعبك عالفاضي وفشلت بالتجربة) …
رح تجيك أفكار كتيرة إنو تترك وتضعف إرادتك وخلص ما عاد بدك هالتجربة….
4… طيب شو لازم ساوي لخفف هالشي؟
أول شي لازم تعرف كل شي صار معك طبيعي…
هو من أعراض انفلونزا الكيتو (كيتو فلو).
وهي بتدل عإنو جسمك بلش يعتمد عالدهون ويفككها لكيتونات ويستخدمها…
ونزل السكر لأرقام
(مقبولة بجسمك أقل من ما متعود عليه) ما رح ينزل تحت الطبيعي
(مافي نقص سكر يعني) ….
والإنسولين بلش يستقر……
وجسمك بلش بمعركة الحرق وطرد السوائل…
الحل… إنك تكون جاهز نفسيا وتصبر….
تشرب مي كتيررر قد ما يطلب جسمك وإن ما طلب لازم تشرب فوق 2 ل 3 ليتر…
وتاكل وتنوع بالكيتو وتلتزم بالخضار والورقيات والمكسرات …ظط
وغالبا هالشي صعب لهيك في مكملات لازم تاخدها أول أسبوع لشهر أقل شي لتخف الأعراض….
5… شو هن هالفيتامينات والمعادن؟
أول شي وأهم شي…
المغنزيوم…. إذا كنت برا سوريا بتجيب (مغنزيوم سيترات) عيار 300 ل 500
وإذا مافي أي مغنزيوم معلش المهم جيب…
أما بسوريا
ملتي مغنزيوم حبتين قبل النوم ….
وفي مركب اسمو (مغنزيوم b6) 500
حبتين مرتين …..
يعني أربع حبات مقسمين مرتين على معدة فاضية
(أفضل للصبايا يللي بيعانو من تعب أثناء وقبل الدورة)
(رح تقلي ليش 4 لأنو المغنزيوم يللي جوات المركب عيارو بس 49 ) واسم 500 هو للمنتج كلو مع الحامل تبعو ….
فيتامين دال : من خلال حياتي والتحاليل اللي طالبها فوق ال 90 بالمية من شعبنا معو نقص فيتامين دال..
وهو مرتبط بالبدانة ….
ولو عوضناه بالجرعة يللي رح أكتبها ما رح تأذي إن شاء الله بدون تحليل
(لأنو تحليلو غالي جدا ومكلف وهامش أمانو واسع يعني رح أكتب جرعة بتخليك بالطبيعي ولو كان طبيعي ونادرا ما يوصل لمرحلة يأذيك لهيك ما تخاف)
sun d 10 000 اسم الدواء
خود أربع حبات بالأسبوع حبة يوميا مع الطعام لمدة شهرين..
بعدين منكون عوضنا النقص إن شاء الله ومنصير مناخد حبتين كل أسبوع كمكمل…
إذا عامل تحليل وطبيعي خود حبتين عيار 10 آلاف بالأسبوع فقط…
وبجوز الصيدلي ما يرضى يبيعك وحضرتك تخاف …
سااوي تحليل وتأكد يبقا وخود وإنت متطمن…
(ملتي فيتامين ولو فيو مغنزيوم ولو فيو أوميغا ولو فيو فيتامين دال ما بيكفي أبدا وجرعتو صغيرة كتير حاول تجيب هدول ولو معهم ولو كان فيو معنزيوم برقم عالي بيكون مغنزيوم أوكسيد امتصاصو ضعيف جدا لهيك لا تقلي حبة ملتي بتكفي وبتغنيني )
(ممكن تفيدك ملتي فيتامين لما تبلش تصوم فوق 20 ساعة و 24 )
هلأ هدول أهم تنين منجي للكماليات ويللي بشوفا مفيدة جدا للصحة والجسم بس يللي فوق أهم شي….
برجع بأكد كماليات مانا إجبارية متل أول تنين لأنو سعرن غالي كتيرررر صارو هلأ….
الأوميغا 3 ….إذا فيك تاكل وجبتين سمك أسبوعيا من نوع جيد (سلمون أو ماكريل أو سردين حتى لو معلب معلش بتغسلو وبتحطلو زيت زيتون)
ما في داعي لأوميغا ثري ولكن في حال صعوبة الإلتزام…
بفضل ناخد…
حب أوميغا ثري حبة كل يوم مع الفطور أول أسبوع وممكن بعد أسبوع ناخد حبتين بشكل دائم…
كيف منعرف الأوميغا الكويس في كتير أنواع؟
بتفتحو وبتشوفو بمعلوماتو مكتوب مادتين وكل مادة جنبا رقم…
EPA+DHA
لازم يكون مجموع هالمادتين فوق ال 500 أقل شي وإذا فوق ال 800 بتكون نوعية فاخرة …
البوتاسيوم
لا تجيبو كمكمل إلا إذا في حصيات كلية كتبلي وأنا بقلك…
المهم تاكل ورقيات وخضروات منيح وما تطنش …
كل وجبة جنبا صحن ورقيات ….
6… معلش ما آخد هدول؟
أقل شي خود المغنزيوم….
وفيتامين دال ما تنساه….
7… طيب أنا عايش كل عمري بدون مكملاات وماحسيت بشي؟
ليش بدك تكتبلي مكملات؟
صحي مانك عامل دايت…
صح نموذج حياتك سيء…
بس لا تنسى أكلك كتير وكميات كبيرة…
مزبوط إنو غير صحي بس كلو فيو فيتامينات ومعادن وعمتاخد حاجتك منهم بطريقة ما أو بشكل متفرق يعني حتى الخبز فيو…
وهلأ نحن ضبطنا أكلنا..
وألتزمنا بحمية محددة….
لهيك لازم ننتبه لهالتفاصيل …
وهالشي المفروض بكل حمية يكون في مكمل حسب نوع حميتك يعني مو المشكلة من الكيتو المشكلة من باقي الحميات ما بيقلولك خود هيك ….
8.. شو ساوي بس تجيني الدوخة تالت أو رابع يوم؟
بتساوي محلول كيتوني.. ليتر مي… ملعقة خل التفاح يكون عضوي (طبيعي) مكتوب عليه…
مع نصف ملعقة ملح صخري أو بحري أو الهيمالايا وممكن تحط فيو ترانشات ليمون…
وبتشرب كاسة كل ما حسيت بالدوخة أو ووجع الراس غالبا 12 ساعة ورح تخف كتير ….
(بشرط ما معك ارتفاع بالضغط إذا في بلا ملح)
9.. ليش ما آخد ملح الطعام العادي؟
لأنو معالج ومكرر بطريقة غير صحية…
10… قديش مسموح آخد ملح باليوم…
مو أكتر من ملعقتين حتى تلت معالق صغار وإذا مريض ضغط يفضل أقل من ملعقة ونصف..
11… سمعت عن الصيام صح ضروري؟
أول فترة مو ضروري أبدا وبتاكل لتشبع وإيمت ما بدك بس بشرط تكون الوجبة كاملة ومشبعة يعني النقرشة والسناكات غير محبذة بالكيتو…
خلال أسبوعين لتلاتة رح تخف شهيتك كتيرر وجسمك ما عاد يطلب الاكل كتير وبطبيعة الكيتو دهونو منيحة فالوجبة مشبعة وبتصد نفسك حتى ❤️
لهيك إذا صمت يفضل تصوم 16/8 بشكل عام ولما تحب الموضوع اختياري وليس إجباري بس الصيام رح يسرعلك حرق الدهون ويلزمك بسعرات أقل ويفوتك بالكيتوزيز أسرع
12… شو يعني صيام 16/8…
رح اعطيك مثال إنت آخر وجبة أكلتها الساعة تمانة المسا؟ صح؟
تاني يوم لا تفطر للساعة 12 الضهر صارت 16/8…
أو مثلا آخر وجبة الساعة الساعة 6 وتاني يوم الوجبة الساعة 10 وهكذا….
وتشرب مي قهوة زهورات أي شي بلا سكر وبدون إضافات ومي أكيد….
13…. معلش صوم دوم؟
18/6 مافي مشكلة فيو ولو كان بشكل دائم…
بس من أولها تصوم كتير وتضغط عنفسك ما بفضل ….
لهيك بلش تدريجيا
مثلا ..
أول أسبوع بلا صيام
تاني أسبوع صيام 14 وتدريجيا ساوي 20
تالت أسبوع مرقلك يوم 24
رابع أسبوع مرقلك يومين 24
ومستقبلا بس يصير جسمك كيتوني بامتياز بتقدر تصوم كتيررر وبتقدر تضل بشكل دايم صايم 24 …
بس المهم تكون عبتاخد بروتين منيح وخضروات منيح وعمتنوع بوجبتك وما تحرم حالك من ولا عنصر غذائي
ونصيحتي تضيف مكمل حب ملتي فيتامين
(أفتح الجدول وشوف يكون فيو يود + سيلينيوم + زنك )
إذا ناوي تصوم صيام 24 وفوق …
و في بوست مخصص لصيام 48 وفي ناس معنا قديمين بالكروب صامت أسبوع كامل …
14… طيب عمشوف كتير بوستات بالكروب عن ثبات الووزن؟ شو القصة؟
أول شي نتيجة الممارسة الغلط والصيام الطويل الدائم وعدم حساب السعرات رح يتأثر الجسم ويوقف لفترة عن نزول الوزن ولأنو ما بيلتزمو بالكميات مثلا بيبلشو ياكلو 200 غرام مكسرات ونحن منقلن 50 غرام بس….
بيبلشو يحطو كوب كريمه ونحن منقلهم 100 مل بيكفي…
بيبلشو ياكلو 200 غرام جبنة ونحن منقلهم 100 بس ….
15… طيب أنا نقاق كتير ومستعجل عنزول الوزن؟ كيف فيني أعرف تطور جسمي؟
أول شي خليك واثق إنو طالما أنو بلشت كيتو وعمتاكل أقل من سعراتك مستحيل تكسب دهن…
لهيك لازم تزين مرة وحدة كل شهر بس…
وللنساء مرة بعد إنتهاء الدورة الشهرية فقط
في شي اسمو حساب مقاسات ونسبة دهون جسمك…
في شي اسمو تياب وصور…
حاول تاخد صور إلك بكل الوضعيات لتحفز حالك وتشوف تطور جسمك…
وقديه حليت..
إحسب نسبة دهون جسمك…
في بوست مشروح …
أقل شي خود مقاس خصرك …..
هو الأهم…
ممكن إذا ساويت رياضة يثبت وزنك بس تنزل كمقاس…
يزيد الكتلة العضلية وتنقص دهون وإنت رح تفكر الميزان واقف وحرق الدهون واقف لهيك المقاسات ضرورية ومقدسة والصور وتشوف تغير التياب عليك والحزام يللي لابسو…
16… في داعي ساوي تحاليل؟
حسب هدفك…
إذا ناوي تساوي الكيتو لأسباب مرضية أكيد لازم تساوي وتراقب تحت إشراف طبيب…
إذا ناوي تساوي الكيتو أكتر من مدة تلت شهور أو ست شهور حد أقصى يفضل تساوي تحاليل قبل…
(أرجوك قبل؟ لا تساوي تحليل بعد شهر وتجي تشلفلي ياهن تقلي شوفن؟
بتساوي قبل وبعد 2 شهر أو 3 أشهر)
بدون تحاليل قبل ما بقدر أعرف شو يللي صار بجسمك….
والتحاليل ممنوع قبل الشهرين لأنو أغلبها بترتفع بشكل طبيعي وبترجع بتنزل بعد هالفترة…
إذا في أعراض بجسمك من قبل متل تعب عام إحساس بالبرودة… ضخامة بالرقبة… وبتحس إنو أكلك قليل وبالرغم من هيك عمتزيد وزن…
لازم تساوي شوية تحاليل للإطمئنان أقل شي تحليل غدة درقية tsh….
17… طيب شو هن التحاليل؟
(لنعرف سبب الوزن الزائد وضعف الإستقلاب بالجسم)..
هرمون الدرق tsh
فيتامين د vit d
مغنزيوم mg
بوتاسيوم k
كالسيوم ca
خضاب الدم والصيغة cbc
إذا في فقر دم سابق حسب نتيجة التحليل ممكن ينطلب لأنو مكلفين شوي
حديد fe
سعة رابطة للحديد TIBC
مخزون الحديد ferritin
فيتامين بي 12 ….. vit b12
حمض الفوليك….. folic acid
وتحاليل الشحوم كاملة حصريا في حال بدك تساوي كيتو لمدة طويلة (الأهم) ….
cholestol
ldl
hdl
tg3
uric acid حمض البول
18… سؤال مهم كتير بيخطر عبالكم…؟
هل الكيتو مكلف…
هوو صح مكلف وكتير بسوريا ومافيك تتدلل بس إذا مغترب يعتبر عادي وفيك تعيش كنطام حياة وتأمن كل شي مطلوب…
عموما فيك تعتمد عزيت الزيتون بدل السمن والزبدة….
فيك تعتمد علحوم الدجاج وتنوع فيهم …
الوصفات مو كتير ضرورية …
وصدقني بسعر وجبة شاورما جاهزة وصحن نابلسية فيك تاكل ليوم كيتو كامل ….
وبالنسبة لوصفات الكيتو الحلويات والمشروبات بسوريا والخبز الكيتوني…
فيك تجيب من البذورية طحين اللوز طحين الترمس ومبشور جوز الهند وبذور الشيا وقشور السيليوم وسكر استيفيا فرط….
وفيك تجيب جبنة دهن وقشطة بلدية أصلية او نيوبارك ولبنة عالية الدسم وكل أنواع الجبن الأصلية عالية الدهن مسموحة موتزاريلا شيدر قشقوان الحلوم…..
(في بوست بالتعليقات لكيف تتسوق للكيتو أقراع كمان بتستفيد منو)
19… طيب منحي لأغلظ سؤال؟
قديه رح أنزل وزن أول شهر … أول أسبوع؟
هاد السؤال صعب جاوبك عليه….
كل جسم وإلو اعتبارات خاصة…
بس من خلال خبرتي وأصدقائي يللي فاتو كيتو…
يللي مدمنين سكر وحلويات بينحفو كتير أول شهر وأول أسبوع وحسب وزنهم مثلا وزنهم فوق المية…. ممكن ينزل أول أسبوع 4 كيلو وأول شهر للعشرة كيلو …
يللي مدمنين أكل جاهز أقللل….
في ناس ممكن يثبت وزنهم…
هدول بالأساس عايشين أسوء نظام صحي بحياتن بياكلو معجنات وكرواسات وبسكويت وبروتينهم قليل وعندن ضعف عضلي والكيتو بيهتم بالبروتين وبيركز عالنسب وتناول فيتاميناتك فأول فترة ممكن يحتاج الجسم فترة ليعوض النقص بالفيتامين والبروتين يللي صرت تلتزم فيهم بالكيتو …
بعدين بتبلش تنزل وزن وبالرغم من هيك لو آخد مقاساتك رح تشوفا عمتنزل بطريقة حلوة وتحفزك كتيررر لهيك الله يخليك خود مقاساتك وأحسب نسبة دهون جسمك من الرابط يللي موجود بالكروب ….
20… خلصنا من المقدمات وجينا لأهم سؤال؟ شو لازم أكل شو لازم أشتري؟ شو لازم جيب.؟
أرجوك مرة ومرتين وألف مرة الكميات تقديرية مو غصب تاكلها كلها؟
نقص ملعقتين تلاتة زود خمسين غرام لحم أو نقص عاااااااااادي الكميات تقديرية أرجوك لا تقلي إنو كتير مو ضروري تاكلن كلن بتاكل حاجتك بس تشبع وقف؟
أول شي الدهون المسموحة والمفضلة…
زيت زيتون..
دهن الخروف…
زبدة حيوانية أو سمن حيواني أي نوع (مرسوم عليهم بقرة) أقرو التفاصيل يكون مكتوب عليهم طبيعي وحيواني مية بالمية وما يكون مكتوب عليها اي شي نباتي أو مهدرج…
يفضل زبدة لورباك… أو سمن حيواني من شي راعي غنم من الريف (بقري أو غنم)
طيب قديش رح أكل منو وكيف شو من كان أكل يوميا لازم تاكل حوالي 4 ل 8 ملعقة دهن حسب شو رح تاكل مثلا…
وجبتنا فيها فخد أو جنح أو لحم غنم منقلل… لأنو دهنهم عالي…
وجبتنا صدر جاج وتونا وسمك دهنو قليل منكتررر ل 8 هالحكي مثلا…
هللحكي مؤقتا لبين ما تتعلم عحساب السعرات الحرارية …
منقسم هالكمية قسمين تلاتتة… زيت زيتون للسلطة..
سمنة أو زبدة منحطن للحمة أو ومنقمر فيهم اللحم أو منقلي البيض فيهم…
أو أكلنا مثلا لحمة منزيد دهن الخروف فيه شوي وللسلطة كم ملعقة زيت
برجع بأكد هالشي مؤقت أول شهر بعدين منخفف دهون ومنحسب سعراتنا ومننوع منكون تعلمنا عكل شي هالشي كرمال تقدرو تحسو بالشبع والطاقة وما تاخدو أقل من 2000 سعرة حرارية كبداية…
خلصنا من الدهون….
بشكل عام حسب وزنك بتاكل لحم…..
الفطور خليه دوما 2 ل 4 بيضات كاملين مسلوقين أو مقلين بتساوهم عجة أو بيض ببندورة ضلو نوعو شي ما تملو….
مع ملعقتين تلاتة لبنة أو 50 غرام جبنة عالية الدسم أو ملعقتين مسبحة أصلية أو قطعتين تلاتة جبنة كيري (ركزو عكلمة أو)
بتحطو فوقهم جزء من الدهون يللي كتبتن فوقن للقلي أو للحمص أو للبنة…
مع خيارة و بندورة وصحن سلطة جرجير مثلا (كتبت تحت شو المسموح بشكل يومي منهم)
الغدا أي نوع لحم حوالي مثلا
وزنك بين ال 90 ل 100 بتاكل حوالي 350 غرام صدر جاج أو صدر كبير…منكتر دهن شوي متل ما حكينا …
أو 400 غرام فخذ دجاج مشفى … منخفف دهن ….
أو 350 غرام لحمة … منخفف دهن…..
كل ما زاد وزنك 10 كيلو بتزود 50 غرام لحمة…
كل ما نقص وزنك 10 كيلو بتنقص تقريبا 50 غرام لحمة…. هالحكي تقديري…
مثلا بنت وزنك 70…. بيكفيكي 200 غرام صدر جاج مع تلت بيضات باليوم…
300 غرام فخد صافي بدون عظم (اتركو الجلد عادي) شي فخدة ونص كبيرة أو أقل….
هالحكي بينطبق عكل اللحوم تقريبا ….
خلصنا من البرووتين….
رح نحكي عن الخضرووات والورقيات….
كل يوم بتاكل…
جرجير قد ما بدك….
بقدونس أو سبانغ بدون حساب قد بدك حاول تغير جو فيهم تساوي عجة مثلا…
وكل الورقيات هيك ويفضل تكتررر مليانين معادن مهمة لجسمك….
ركز عورق الخس ولا تاكل العضد يللي جوات الخسة حاول تاكل خسة يوميا….
الملفوف شي أقل من عشر ورقات يوميا…
كل شي ورق أخضر يفضل تاخدو وبدون حساب
خيار وحدة وسط يوميا….
بندورة وحدة وسط يوميا…
بصل حوالي 50 غرام..
توم حسب الحاجة…
ليمونة حجم وسط….
فطر مسموح مئة غرام يوميا إذا بتحب
قرن فليفلة وسط
هدول أساسيات…
منجي للخضروات يللي منحطا مع الأكل…
يوميا إما 200 غرام باذنجان أو كوسا أو بامية أو فاصولية خضرة أو لوبيا خضرة أو يقطين أو قرع أو كماية أو أرضي شوكي هيليون أو بلا هدول طبوخ لحومك بسبانغ وسلق وملوخية والكميات مفتوحة هدول
وإذا وزنك كبير فيك تزيدن شوي للخضروات….
منجي للمكسرات… يفضل ما تكترر أي نوع ببالك بتاكل قبضة (30 غرام) بإيدك وقت تشتهي..
منجي للفواكهة…
حوالي مية غرام فريز أو أو جوز هند أو توت الأحمر أو أسود (الأزرق بس 50 غرام)
الأفوكادو فيك تاخدو بدل دهونك مثلا اعتبر كل 70 غرام عبارة عن ملعقة دهن وهالشي كتير حلو وافضل من ملاعق السمن والزبدة وبالذات لمرضى القلب والكبار بالسن…
هي الكيتو ببساطة وسلاسة…
ورح ننزل بوستات بوجبات الشعب وأكلاتة يا ريت تتابعوهم وتسألو عن اي شي ببالكم بدون خجللل….
هي نموذج جاهز لأكلات لأسبوع كامل….
فيك تكررو أول كم أسبوع…
https://m.facebook.com/groups/475742467099311/permalink/484013412938883/
طيب آخر سؤال أكيد خطر عبالك صح؟
شو الفرق بين الكيتو واللوكارب…..؟
تعال لجاوبك بعد ما فهمت الكيتو 😍
أكيد عرفت الكيتو شو وقريت البوست مرتين تلاتة بتمعن وسجلت كم شغلة ببالك….
يلا…
الكيتو… للازم أقل من 20 غرام باليوم كاربوهيدرات ( يللي موجودين بالخضروات والحمص واللبنة والجبنة والمكسرات والفواكه) وبحد أقصى 30 ويللي قديمين كتير وبيعملو رياضة ممكن يضلو كيتو ل 50
اللوكارب بيبلش من 20 غرام ل 50 وممكن ل 130 كحد أقصى يعني بيشبه الكيتو….
ما فهمت شي مو؟
والله حقك…
شغلة بتضوع…
طيب بتتذكر لما قلتلك كل يوم بتاكل خيارة؟
وبندورة؟ و 200 غرام باذنجان وتوابعتا واللبنة ملعقتين والحمص ؟
والفريز قلتلك بس 100 غرام والمكسرات 30 غرام بس (كرمال ما نصير فوق 20)؟
أي…
هدول بتصير بتاكلن بأريحية…. بتضاعف الخيار بتضاعف البندورة بتضاعف الخضروات بكمية أكبر مثلا 300 غرام باذنجان…. مثلا أربع خمس ملاعق حمص….؟ الفريز والمكسرات كل يوم وبتزيدن شوي….
هيك صار اسمك لو كارب؟ وبطلت كيتوني…. وهيك بس تخلص كيتو بتطلع منو وشوي شوي بتزود بهدول الشغلات لترجع طبيعي😊😊
بس لا تنسى إنو رح تنقص دهونك ما عاد تحط من 4 ل 8 ملعقة ….
يعني حد أقصى 2 ل 3 ملاعق وحسب شو عمتاكل…..
أكيد فهمت صح 🤗
بس هون يا حلو ما فعلنا كيتونات الجسم وضل جسمك ودماغك عبيعتمد عالسكر بس أكيد رح تنزل وزن لأنو رح تشبع وتاكل قليل يعني لساتو نظام عالي الدهون… 🤗
والله أسهل من هيك ما ضل…
كتبلي أي سؤال ببالك بالتعليقات ولا تنسى تحط لايك ووردة لأعرف إنك مريت… 💚
ولا تنسى تشوف بوست اللوكارب شارح فيه كل شي بالتفصيل شو المسموح والممنوع…