قبل كل شي أنا همتي صفر عالدايت حفزوني؟
كل فقرة من الفقرات عليها دراسات ولاقو يللي عبيساوها عبينحفو أكتر ونفسيتن أحسن ….
مو عيب جيب ورقة وقلم خلونا نصير متل الأجانب وسجل فيها ذكرياتك وأهدافك وأتبع الخطوات المكتوبة….
آخر البوست صورة لآندريا وروني يللي حبو بعض وننحفو 272 كيلو مع بعض وتزوجو وكانو ملهمين لبعض
16….. خطوة بتخليك تحفزك عالداييييت…..
1…. حدد سبب رغبتك لإنقاص الوزن (لا تتمسخرو معلش بتفيد)
بتجيب دفترة وبتكتب أنا لازم أنزل وزني ولازم ساوي دايت…..
كرمال صحتي وعافيتي…..
كرمال عيش مع ولادي وتضل صحتي بخيررر وجوزن ووأفرح فيهم….
كرمال صير ررشيق ورياضي وتزيد ثقتي بنفسي والناس يقولو ما شاء الله مثلا
كرمال مرضي السكرييي…. ما بدي بعد عشر سنين تنضرب شبكتيي وقضيها أبر بالعيون وليزر وما بعرف شوووو….
كرمال ضغطيييي… ما بدي قضي حياتييي عحبوب الضغط ويضل يرتفع بالتدريج…
قد ما كانت ألأسباب تافهة فهي مجرد ما عمتفكر فيها هية هدف….
حتى لو كانت قطعة تياب لاحشها بالخزانة….. حتى لو كانت كرمال جمالك وأناقتك …
2… سجل عالورقة هدفك…. وحط لازم أنحف كيلو كل أسبوع وبدي أربعة كيلو بالشهر حسب وزنك سابقا….
وتذكر مجرد إنو تنقص 5 ل 10٪ بالمية من وزنك…. صحتك رح تتحسن كتيررر لياقتك تنفسك احتمالية الأمراض….
هي الفوائد الطبية لنزولك….
مثلا وزنك مية نزلت بين ال 5 والعشرة فإنت استفدت..
تحسين السيطرة على نسبة السكر في الدم
تقليل مخاطر الإصابة بأمراض القلب
خفض مستويات الكوليسترول
تقليل آلام المفاصل
تقليل مخاطر الإصابة ببعض أنواع السرطان
3…. سجل أهدافك… وتكون أهدافك قابلة للتحققيق……. لا تنفعل وتتحمس وتسجل بنادي من أول يوم وتحط 50 ألف اشتراك وما تروح
حط أهداف منطقية….
بتتسمى علميا أهداف ذكية…..
مثلا بدي أمشي نصف ساعة كل يوم أو خمس أيام بالأسبوع…
رح اكل بكره نص كيلو خضروات وخسة وباقة جرجير….
ما رح أكل حلو بكره… وحنى لو طريقي من قدام محل الحلويات وما رح أشرب بيبسي غير مرة بالأسبوع مثلا
4… أختار نظام دايت يناسبك… يناسب وقتك… يناسب الشي اااللي بتحبو….
حط خطة تقدر تلتزم فيها عالمدى عالطويل…..
وتخليك شبعان ومبسوط وما يطلب الأكل….
لهيك أنا ضد الحميات القاسية من كيتو بيض وكارنيفور وتوابعها
5.. حاول تتعلم حساب السعرات وتتعلم عالبرنامج…. لتتثقف أكتر حاول تحوي دفتر تسجل فيه شو أكلت شو نتائجك وبآخر كل يوم سجل مشاعرك وأحاسيسك….
(كتير حلو تكون متذكر شو أكلت وتسجلو كل يوم بيومو)
مثلا اليوم مر كذا كذا كان صعب اللي بعدو أسهل… اايوم شتهيت هيك وقاومت إلخ… كنابة الذكريات شي حلو كتيررر وكل فترة بلش وأقرا شو كتبت رح تبتسم لا شعوريا وتحس بالسعادة والرضى…..
6… احتفل بنجاحك….
لما توصل لهدف حلووو… خبر الناس يللي بتحبن وييحبوك(أكيد نحن منحبك طروق صورتين ونزلنا ياها لنشجعك)
أحكي لأهلك لأخواتك…
كافئ حالك…. طلاع مشواررر… زبطلك وصفة مرتبة تحسسك بالسعادة….
7… البحث عن الدعم الإجتماعي….
خبر عائلتك اهلك وناسك… أشرحلن نظامك الغذائي… اشرحلن نفستيك… اشرحلن أديش مهموم ورح ترتاح نفسيتك… وخبرن يوقفو جنبك….
خبر رفقاتك كرمال المشاوير يحترمو رغبتك….
وكرمال يتجبنو الأكلات االلي يتحبا بوجودك…
لاقو رفيق نفس وضعكم خلي يحفزكم تعرفو عبعض بالكروب هون وخليكم مع بعض عالصحة والدايت (بنوبكم ثواب وما بتعرف يمكن يكون هالشخص تؤامك وصديقك بالمستقبل)
8…. قم يعمل تحدي…..
مثلا نزل بوست باسمك الحقيقي وقول أنا رح بلش اليوم وبعد شهر رح صورلكم النتائج
تحدى نفسك…
خبر الناس باللي عمتساووويه….
ولو تنمرو أو تمسخرو رح تزداد قوة وعزيمة…
9… فكر وتحدث بشكل إيجابي….
تجنب الإنغماس العقلي…
مثلا يكون وزنك 120 وفورا تتخيل/ي حالك صرت/ي بال 50 وجسمك مثالي حلو متل المطربين والممثلين….
مارس التناقض العقلي…..
مثلا حط هدفك خلال مدة تتحسن صحتك ونشاطك
والمرحلة اللي بعدا تصير وزن أقل تقدر تلبس تيابك القديمة ….
وكل مرحلة بتطور مشاعرك وأحاسيك وشعورك وتخيلك للشي يللي بدك توصلو …..
وأكيد رح توصل….
بس لما تقسم هدفك عشكل خطوات رح يكون أسهل لعقلك الشعور باللإنجاز ….
10…حط ضمن خطططك إنو ممكن تمر بظروف صعبة وما تقدر تلتزم وجهز حالك نفسيا….
ودائما خلي طريق للرجعة…
لا تخلي التوتر والعامل النفسي يأثر عليك….
فكر وتخيل إنو بس يصير معك هالشي رح تحاول تريح نفسيتك بطرق بديلة عن الأكل….
تنفس عميقق…… زفير طوووويل….
أطلع اتمشىى…
أحكي مع صديقق….
أبحث عن الدعم….
رياااااضة…
خطط لتطلع مشاويررر وأختار مطعم فيو أكل صحييي سلفا وجهز نفسك لشو بدك تاكل…
11… لا تخلي هدفك الكمال…. وسامح نفسك…
مثلأ أكلت شغلة غلط… تقرر تصوم 24 وهالشي رح يتعب نفسيتك ويزيد الضغظ…
وتذكر إنو هالغلطة ممكن تصير ونحن عنا هدف كبير….
12…حب نفسك… حب حالك… حب جسدك…
لما تحب نفسك وتبعد عن المتنمرين رح تمشي بالدايت وإنت مرتاح
كاللعادة خلي الناس يللي حواليك إيجابين وبيحبوك وبيتمنولك الخيرر….
أتطلع بالمراي وقول الشغلات يللي بتحبا وبصوت عالي…..
13… ابحث عن تمرين تستمتع به….
لا تلتزم بنوع رياضة معين….
المهم شي بتحبووووو ولو كان مشييي….. كل يوم حط سماعات بدانك وأمشي وهرول…
او رقص… او أي شي بتحبيه…
بالإمكانيات الموجودة…
المهم شي أحسن من ولا شي مو ضروري نادي…
حطي هدف قريب وفيكي تحققيه ولو بمسكليتة أو ربع ساعة رقص .
14…. أبحث عن صديق خليه يكون ملهمك ومصدرك بالطاقة الإيجابية…
خلي يكون هوة الشخص يللي تحتذي فيه ويفضل يكون مارر بنفس تجربتك ويساعدك ويوقف معك…..
15… حاول تربي حيوان أليف .
كل الدراسات بتقول يللي عندن كلب صحتن أفضل من التانين بسبب الطاقة الإيجابية يللي بيعطيك ياها من تربيتو والرياضة والجهد يللي بتساويها معو لما تتمشى كل يوم….
16…. احصل على مساعدة من شخص احترافي عند الحاجة….
أختار أخصائي تغذية شاطر توثق فيو ويكون صديق إلك ويحفزك دوم…
أحكي مع طبيب نفسي ولو كان ليضل يحفزك ويفهم نفسيتك…
او اي شخص فاهم بالتعامل مع النفس….
شو أكتر فقرة عجبتكم… إذا قدرتو تقرو كل هالحكي حطولي قلب أخضر
أنا مافيني ساوي دايت خلص تعبت من كتر المحاولات ونفسيتي صفر بدي طريقة فوت فيها بالحمية وأستفيد وشوية نصائح لأقدر أصمد ….
تفضل لهون …
ما بدي ساوي دايت…
أو شغلتي كم كيلو ما خرج ساوي دايت …
نفسيتي غير مهيئة لأعمل دايت والتزم ….
عندي عيلة وولاد ولازم أطبخلن ….
ولا فيني أترك خبز ولا نشويات ….
ولا بقدر اشترك مع أخصائي ولا عندي وقت التزم ببرنامج محدد …..
حامل مرضع إلخ ….
عندي ضيوف … أو قاعدة عند ناس معينين ومو قادرة ألتزم …
أي شي المهم حافظ عصحتي …..
.
.
.
شو ساوي ؟
.
.
.
بصراحة للوهلة الأولى ….
لما تشوف هيك حكي ممكن يستفزك و يعصبك حتى ….
إنو مو معقول كمية التشاؤم
.
.
بس لما تجي وتتمعن بهالحروف بتلاقي معاناة إنسان وحرب نفسية عبيعيشا …..
وفعلا الله لا يعيشنا ظروفو ….
بالذات المرأة يللي عمتطبخ لولادا وعيلتا وأبو العيال بياكل كتير وما بيسمن ومقضيها حلو وسئسئة من السوق….
.
.
لهيك هالبوست مخصص إلك إنت بالذات ….
من أولها إذا ما بدك تقرا فإنت بصراحة جاي تتسلا علينا مو جاي تساوي دايت ….
1 …لا تفكر بالدايت ولا تقرر إنك رح تساوي دايت ولا تحدد موعد ويوم رح تبلش فيه …..
2 …بهي اللحظة يللي إنت فيها خود مقاساتك كلها ….
ووزنك ….(عالميزان) بأخف كمية ممكنة من التياب ….
وخدلك كم صورة عالمراية مو خسران شي خليهم عجوالك …
وإذا في نية تنزل تجربتك مستقبلا …
خدن بتياب حلوين وبيناسبوك وبيناسبو طلعتك ….
3 …إنزل عالسوق تبضع شوي جيب خل التفاح الأصلي (بعلبة بلور) …
جيب شوية سمسم غير محمص…
شوية بذور الشيا …..
واختار نوعية خبز مكتوب عليها لو كارب لو كنت بأوروبا أو خبز شعير أو خبز شوفان المهم ما بدنا خبز أبيض وفي حال ما فيك بدونو ….
خليك عالخبز الأبيض معلش بس كمل قراءة …
جيب سمن حيواني أو زبدة حيوانية وأكيد عندك زيت زيتون …
جيب لبن عالي الدسم أو لبنة أو لبن غنم ……
جيب كم نوع جبن عالي الدسم (ما يكون مكتوب عليه لايت )
حاول تنوع شوي باللحوم جيب وقية من كل نوع …صدر…فخد ..جنح …سودة …قلوبات ….سمك ….
إنزل عند الخضرجي جيب خضروات يللي ببالك لطبخات البيت وبطريقك جيب باقة بقدونس باقة جرجير باقة بقلة ختار أي نوع ورقيات أو نوعين جيب منو ويفضل تكون بتحبن…
وجيب شوية فواكه وبعد عن المنغا والموز واذا بتحب الفريز والتوت الأسود والأزرق والأحمر والأسود وجوز الهند جيب منهم هدول ما فيهم سكر كتير…..
وأفوكادو حاول تكون مستوية شوي يعني إضغط اصبعتك لازم يعلم محلا وتغور شوي….
مر بطريقك عند الموالح جيب 200 غرام من كل نوعية بتحبن مكسرات ….
الأفضل لوز جوز حاول تجيبهم مو محمصين حتى تاخد فوائدهم كاملة….
كل يوم
بتملا قنينة ليترين مي مع ملعقتين خل كبار …
بتقول خلص هدول لازم خلصن كل يوم ….
لما تشوفا بطريقك خدلك كاسة وقبل كل وجبة بنص ساعة خود كاسة ….
بتجي لوجبة الفطور ….
دائما خلي بوجبتك بيضة ل 3 مسلوق أو مقلي بزبدة أو سمنة حيوانية …
زيتون مسموح عشرة لعشرين حبة …
عطون مسموح 10 لعشرين حبة …
المكدوس الصحي لزيت زيتون وحدة وسط …
أي نوع جبنة دسمة 100 غرام..
أي نوع لبن مانو لبن دايت 150 غرتم …..
شنكليش 50 غرام……
مسبحة (حمص بطحينة)بحدود تلت ملاعق ….
متبل بحدود تلت ملاعق…..
أفوكادو مهروسة مع تومة وفليفلة حدة وملعقتين زيت زيتون وليمونة معصورة وشوية ملح وفلفل بتصير متبل أفوكادو طعمتو بتجنن منجربو مو خسرانين شي …..
الفطور بتختار البيض …مع ملعقتين دهن عكيفك زيت أو سمنة أو زبدة
ودائما صحن سلطة ورقية بقدونس أو جرجير أو بقلة إلخ …
وحطلا ملعقة سممسم أو بذور وإذا ما حبيت فكرة خل التفاح بالمي حط ملعقة للسلطة وشوية ليمون …..
وبتختار نوعين من البقية …
وحكينا حسب نوع الخبز يللي قررت ما تعيش بلاه …..
بتحط ببالك رغيف واحد مسموح لكل اليوم إذا أبيض قسمو عوجباتك …
أو رغيف ونص رقاق من باقي أنو الخبز ويفضل خبز شوفان أو خبز لو كارب …
هيك خلصنا من الفطور ….
منجي لفكرة السناك…
إما بين الفطور والغدا أو بالسهرة ….
اختار اللي بيناسبك …
ممكن تاخدو معك عالشغل ….
قبضة مكسرات كبيرة …من النوع يللي بتختارو (قبضة تحت ال50 غرام )…
وقطعة لقطعتين فاكهة حجم صغير …
كل الفواكه مسموحة ومنفضل تبعد عن المنغا والموز وأي شي الحلو تبعو ظاهر ومستوي يعني اعتمد تفاح حامض شوي كيوي وهكذا ……
منجي للغدا ….
خليك مع أكل البيت …
حكينا عن الخبز سابقا بتوزعو عكيفك فطور او غدا او بتقسمو بالنص ….
حسب وجبتك …
قبل كلشي خلي طبخك بالبيت بزيت زيتون ….أو سمنة أو زبدة حيوانية ….
وخلي دائما تركيزك عاللحوم بالوجبة …
لنفرض اليوم طابخين محشي وصي العيلة تكون محشياتك بكمية لا تتجاوز 7 مللاعق رز ودعمها باللحمة ….
لنفرض طبختك لحمة بصينية ستخدم الخبز المسموح يللي كتبناه فوق أو زيدو حبة حسب ضميرك…
لنفرض أكلك برغل خود 7 لعشر ملاعق وركز عالأكل يللي جنب البرغل أكيد في شي مطبوخ ….
نفس الشي البطاطا خليها تحت 200 ل 150 غرام مع اللحوم ….وإبعد عن القلي …أو أقليها بزيت زيتون ونشفها منيح بالبيت…
نفس الشي الرز مع ملوخية ركز عالملوخية واللحمة … وحدد كمية الرز …..
لا تنسى خل التفاح والسلطة….
ولا تنسى صحن الورقيات يللي عليه ملعقة سمسم ……
ومرق يوم أو تنين بالأسبوع سمك بحري أو نهري معلش حسب المستطاع….
إنت لحالك رح تعرف شوي شوي عشو تركز وعشو تاكل وشو الكمية يللي تحددها …
حاول تلتزم أسبوع رح تلاقي فرق منيح بجسمك ومقاساتك وبطنك حاول تاخدن لتحفز نفسك بالذات المقاسات …
رح تكره الأكل شوي ورح تنفر من النشويات لحالك ….
هون بتكون جاهز للحركة التانية ….
وهي توقف الخبز ….
أسبوع تاني ساوي نفس الشي …..
الخطوة التالتة سحب النشويات أو قلل كتيررر ..
هيك بتصير لو كارب ……..
آخر خطوة هو تحدد كمية الفواكه عنا بالكيتو المسموح والمفضل ….
فريز أفوكادو توت ازرق توت اسود توت أحمر جوز الهند…
تفاحة صغيرة 50 غرام …
كيوي صغيرة 50 غرام …
وبشكل عام تبقى الفواكه حسب نوعها …
وهيك بتصير كيتو بدون ما تحس …
فيك توقف عند أي مرحلة بدك ياها …
وآخر شي فيك تستغني عن الفطور مثلا (حتى لو ما وصلت للكيتو فيك تدمج الصيام مع أي ريجيم)….
وتصير تمارس الصيام المتقطع …
يعني في فترة كل يوم مثلا 6 ساعات أو 8 باكل فيها وباقي الوقت بشرب سوائل ومي ومشروبات بلا سكر …..
باكل أول وجبة 11 وبضل بدفش الفطور ليوصل ل 1 وإخر وجبة 7 هيك صمت 18 ساعة ؟ وفيك 16 ؟
وإذا السكر مقدس بأقل كمية ممكنة والأفضل تجيب أي بديل متوفر ….
ستيفيا اريثريتول اكسليتيلول مونغ فروت …..
(بسوريا متوفر ستيفيا بالبذورية ربع ملعقة صغيرة بتعادل 3 ملاعق كبار)
وحتى السكرين بشكل مؤقت فينا نستخدمو ولوو كان صناعي ….
بتعشق الكولا استبدلا هالفترة بالبيبسي داايت وحاول تخففا مستقبلا ….
طلعت مشوار اختار اللي حكينا عليه فوق …….
(يوم المشوار حاول تصوم 20 ل 22 ساعة وتخليها وجبة شبه فري بأقل الخسائر …إنت لوحدك ما رح تسخى تاكل كتير)
أتصفح وفوت عكروبات الدايت وشوف طبخات الصبايا والشباب وساوي متلا ….
شوي شوي عود حالك عالمشي ….
مشوارك بالسرفيس ربع ساعة خدها تمشاية وفر إجرة تكسي بتفيد جسمك صحتك ……
مارس أي رياضة بتقدر تساويها ….
إنت يللي عندك جهاز أوربيت أو تريد ميل وعاملو منشر غسيل وبدك تبيعو نزل التياب عليه وستفيد منو شوي هلأ أجا الوقت لتطالع سعرو لأني بعد فترة رح تتحمس وتعشق حالك وتسجل بنادي وتبيعو…
طيب ولو بنت كنتي فيكي تساوي شوية تمارين أو حتى الرقص مفيد المهم شب تحرقي فيو سعرات…..
حب حالك بكل ظروفك …..
وكون قوي ….
.
حضرتك فايت جديد وخلص قررت تبلش الكيتو بتجهز فنجان قهوة وبتسهر على هاد البوست لتفهم كل شي عن الكيتو…..
وبتكتب اسم المكملات عورقة وبتجيبن
عشرين سؤال بيخطرو ببالكم عن الكيتو…
ورح نعطيكم طريقة سريعة لتبلشو بشكل تقديري طبعا هالشي غلط نعطيك وصفات سريعة وجاهزة بس..
لأنو لازم تاكل لتشبع وحسب حاجتك وشو مشتهي بس كرمال تاخد أفكار…
أول شهر بتاكل لتشبع مستقبلا تعلم عحساب السعرات وتقدير حاجتك يوميا….
أول سؤال عندك ….
1…شو رأيك ساوي كيتو وبصير ولا لآ؟
أنا معك أول بس لازم تعرف إنو هاد غير أنظمة الدايت الآخرى…
أول شي هاد رح يغير استقلاب جسمك بشكل كامل ويتحول من الإعتماد عالسكر للإعتماد عالكيتون (المنتج من الدهون)…
لهيك القرار لازم يتاخد وبقوة وتكون واثق من خيارك وصابر عليه…..
(مانو بجرب ساوي دايت ويا إما بيزبط أو لأ )
لانو رح يمر عليك كم يوم صعبين ولازم تكون جاهز لتتحملن وهنة شي طبيعي مانو ضار إن شاء الله….
إذا كملت قراءة وإلتزمت بالخطوات
وطبعا المدة للكيتو يفضل تكون أكتر من شهرين تلاتة وبعديها بتطلع بشكل تدريجي منو وفي بوستات لكل شي ….
مين يللي ما بيصير يساوو كيتو؟
أو إلهم مراقبة خاصة؟؟
إو لازم تحت إشراف طبي؟
أو يتبعو نصائح معينة؟
أي شخص عندو أمراض سابقة شو من كانت المفروض يستشير أخصائي تعذية أو يكتبلي بالبوست وبجاوبو…..
كل حالة وإلها اعتبارات خاصة..
وفي بوستات خاصة…
فيكم تقروها بالبوست المثبت لتقدرو تفوتو الكيتو بأمان…
الحامل ممنوع….
المرضع ممنوع… (إلها توصيات خاصة راجع بوست المرضعات)
الأطفال…. إلهم اعتبارات خاصة وملاحظات….
مرضى السكري عموما والسكري يللي معتمد عالإنسولين ممنوع يبلشو بدون استشارة طبيب وينسقو معو لآخذ متابعات السكر وتعديل الأدوية وفي أدوية ممنوعة مع السكري
(في بوست مخصص مشروح بالتفصيل)….
مرضى القلب والجلطات الحديثة ممنوع اقل شي بعد سنة….
مرضى القلب والجلطات القديمة استشارة أخصائي أو بتقرو بوست الشحوم وبتتجنبو ارتفاعها….
مرضى حصيات الكلية السابقة والرمل…
راجع بوست الكلية والكيتو …
مرضى النقرس وارتفاع حمض البول…
راجع بوست النقرس وحمض البول..
أي حالة مرضية المفروص يستشير أخصائي ويشرحلو حالتو أو يكتبلي بساعدو ضمن إمكانيتي….
إذا الموضوع سهل بجاوبك …
إذا لأ بقلك ما بعرف وببحثلك عجواب بمواقع طبية موثوقة …
بالأخر كلنا بشر ومو ضروري نعرف كل شي …
وكل هالحالات إلهم بوستات خاصة..
2… هل الكيتو سريع بنزول الوزن؟
أي…. حسب الدراسات هو بينزل أكتر من كل أنظمة الدايت الآخرى وأسرع وأول شهر بالذات بيعطيك دفعة معنوية حلوة بالميزان وبيعطيك إحساس بالطاقة والشبع مالو مثيل وبساعدك عالصيام المتقطع..
حسب وزنك؟ عمرك؟ جنسك؟ جيناتك؟ وإذا معك أمراض أو لأ…
مثلا شب وزنو فوق ال 100 ممكن ينزل فوق ال 10 كيلو أول شهر ..
بشكل عام حسب أكلك للحلويات وشراهتك للنشويات قبل الدايت لأنو في وزن رح تخسرو سوائل
( النشويات والسكر بيحتاج لجزيئات ماء h2o ليحرق السكر لهيك رح يستغني عن كتير مي بجسمك مانك بحاجتا وتخسر وزن حلو ببدايت أول شهر ويمكن تسكن بال wc أول أسبوع ) …
طبعا الوزن كدهون الصحي الطبي… هوة أسبوعيا نصف كيو ممكن يوصل للكيلو وبحد أقصى كيلو ونصف
(لا أنصح تنقص أكلك كتير لهالدرجة) حسب سعراتك الحرارية والعجز يللي عامل فيه ….
3….بصير بلش فورا ولا لازم جهز نفسي؟
يفضل تبلش بالتدريج…
نمط حياتك نفسو توقف سكر …
تدريجيا تخفف خبز…
تخفف نشويات رز معكرونة وتوابعا ..
وتخفف أكل جاهز وكل شي فيو سكر ومشروبات وكولا…
خلال أسبوعين لتلاتة بعدين تتبع الكيتو بشكل صارم أفضل
وفي حال مستعجل مافي مشكلة أبدأ فورا بس الأعراض رح تكون شديدة عندك شوي إذا جاهز فيك تتحملا ….
4… شو هن هالأعراض؟
أول يوم ما رح تحس بشي… تاني تالت يوم غالبا التالت وممكن لأسبوع…
رح يخلص السكر يللي بجسمك ويروح معو السوائل يللي مجمعها
(في بجسمنا حوالي 600 غرام غليكوجين موزعين بالكبد والعضلات بس يخلصو بيبلش جسمك يبحث عن مصدر طاقة بديل يللي هو الدهون)
وهالشي رح يسحب معو معادن بالجسم…..
ورح يصير معك…
دوخة…
تعب عام…
ممكن جسمك يصير هزيل وضعيف … وتحس بضبابية … صداع … ضعفان شهية وريحة نفس غريبة…
و وممكن تقول نقص سكري؟ …
بدي حلووووو بدي سكر ..
(ممكن تراودك نفسك تاخد تمرة أو قطعة فواكه بس ما بنصحك لأنو رح تكون روحت تعبك عالفاضي وفشلت بالتجربة) …
رح تجيك أفكار كتيرة إنو تترك وتضعف إرادتك وخلص ما عاد بدك هالتجربة….
4… طيب شو لازم ساوي لخفف هالشي؟
أول شي لازم تعرف كل شي صار معك طبيعي…
هو من أعراض انفلونزا الكيتو (كيتو فلو).
وهي بتدل عإنو جسمك بلش يعتمد عالدهون ويفككها لكيتونات ويستخدمها…
ونزل السكر لأرقام
(مقبولة بجسمك أقل من ما متعود عليه) ما رح ينزل تحت الطبيعي
(مافي نقص سكر يعني) ….
والإنسولين بلش يستقر……
وجسمك بلش بمعركة الحرق وطرد السوائل…
الحل… إنك تكون جاهز نفسيا وتصبر….
تشرب مي كتيررر قد ما يطلب جسمك وإن ما طلب لازم تشرب فوق 2 ل 3 ليتر…
وتاكل وتنوع بالكيتو وتلتزم بالخضار والورقيات والمكسرات …ظط
وغالبا هالشي صعب لهيك في مكملات لازم تاخدها أول أسبوع لشهر أقل شي لتخف الأعراض….
5… شو هن هالفيتامينات والمعادن؟
أول شي وأهم شي…
المغنزيوم…. إذا كنت برا سوريا بتجيب (مغنزيوم سيترات) عيار 300 ل 500
وإذا مافي أي مغنزيوم معلش المهم جيب…
أما بسوريا
ملتي مغنزيوم حبتين قبل النوم ….
وفي مركب اسمو (مغنزيوم b6) 500
حبتين مرتين …..
يعني أربع حبات مقسمين مرتين على معدة فاضية
(أفضل للصبايا يللي بيعانو من تعب أثناء وقبل الدورة)
(رح تقلي ليش 4 لأنو المغنزيوم يللي جوات المركب عيارو بس 49 ) واسم 500 هو للمنتج كلو مع الحامل تبعو ….
فيتامين دال : من خلال حياتي والتحاليل اللي طالبها فوق ال 90 بالمية من شعبنا معو نقص فيتامين دال..
وهو مرتبط بالبدانة ….
ولو عوضناه بالجرعة يللي رح أكتبها ما رح تأذي إن شاء الله بدون تحليل
(لأنو تحليلو غالي جدا ومكلف وهامش أمانو واسع يعني رح أكتب جرعة بتخليك بالطبيعي ولو كان طبيعي ونادرا ما يوصل لمرحلة يأذيك لهيك ما تخاف)
sun d 10 000 اسم الدواء
خود أربع حبات بالأسبوع حبة يوميا مع الطعام لمدة شهرين..
بعدين منكون عوضنا النقص إن شاء الله ومنصير مناخد حبتين كل أسبوع كمكمل…
إذا عامل تحليل وطبيعي خود حبتين عيار 10 آلاف بالأسبوع فقط…
وبجوز الصيدلي ما يرضى يبيعك وحضرتك تخاف …
سااوي تحليل وتأكد يبقا وخود وإنت متطمن…
(ملتي فيتامين ولو فيو مغنزيوم ولو فيو أوميغا ولو فيو فيتامين دال ما بيكفي أبدا وجرعتو صغيرة كتير حاول تجيب هدول ولو معهم ولو كان فيو معنزيوم برقم عالي بيكون مغنزيوم أوكسيد امتصاصو ضعيف جدا لهيك لا تقلي حبة ملتي بتكفي وبتغنيني )
(ممكن تفيدك ملتي فيتامين لما تبلش تصوم فوق 20 ساعة و 24 )
هلأ هدول أهم تنين منجي للكماليات ويللي بشوفا مفيدة جدا للصحة والجسم بس يللي فوق أهم شي….
برجع بأكد كماليات مانا إجبارية متل أول تنين لأنو سعرن غالي كتيرررر صارو هلأ….
الأوميغا 3 ….إذا فيك تاكل وجبتين سمك أسبوعيا من نوع جيد (سلمون أو ماكريل أو سردين حتى لو معلب معلش بتغسلو وبتحطلو زيت زيتون)
ما في داعي لأوميغا ثري ولكن في حال صعوبة الإلتزام…
بفضل ناخد…
حب أوميغا ثري حبة كل يوم مع الفطور أول أسبوع وممكن بعد أسبوع ناخد حبتين بشكل دائم…
كيف منعرف الأوميغا الكويس في كتير أنواع؟
بتفتحو وبتشوفو بمعلوماتو مكتوب مادتين وكل مادة جنبا رقم…
EPA+DHA
لازم يكون مجموع هالمادتين فوق ال 500 أقل شي وإذا فوق ال 800 بتكون نوعية فاخرة …
البوتاسيوم
لا تجيبو كمكمل إلا إذا في حصيات كلية كتبلي وأنا بقلك…
المهم تاكل ورقيات وخضروات منيح وما تطنش …
كل وجبة جنبا صحن ورقيات ….
6… معلش ما آخد هدول؟
أقل شي خود المغنزيوم….
وفيتامين دال ما تنساه….
7… طيب أنا عايش كل عمري بدون مكملاات وماحسيت بشي؟
ليش بدك تكتبلي مكملات؟
صحي مانك عامل دايت…
صح نموذج حياتك سيء…
بس لا تنسى أكلك كتير وكميات كبيرة…
مزبوط إنو غير صحي بس كلو فيو فيتامينات ومعادن وعمتاخد حاجتك منهم بطريقة ما أو بشكل متفرق يعني حتى الخبز فيو…
وهلأ نحن ضبطنا أكلنا..
وألتزمنا بحمية محددة….
لهيك لازم ننتبه لهالتفاصيل …
وهالشي المفروض بكل حمية يكون في مكمل حسب نوع حميتك يعني مو المشكلة من الكيتو المشكلة من باقي الحميات ما بيقلولك خود هيك ….
8.. شو ساوي بس تجيني الدوخة تالت أو رابع يوم؟
بتساوي محلول كيتوني.. ليتر مي… ملعقة خل التفاح يكون عضوي (طبيعي) مكتوب عليه…
مع نصف ملعقة ملح صخري أو بحري أو الهيمالايا وممكن تحط فيو ترانشات ليمون…
وبتشرب كاسة كل ما حسيت بالدوخة أو ووجع الراس غالبا 12 ساعة ورح تخف كتير ….
(بشرط ما معك ارتفاع بالضغط إذا في بلا ملح)
9.. ليش ما آخد ملح الطعام العادي؟
لأنو معالج ومكرر بطريقة غير صحية…
10… قديش مسموح آخد ملح باليوم…
مو أكتر من ملعقتين حتى تلت معالق صغار وإذا مريض ضغط يفضل أقل من ملعقة ونصف..
11… سمعت عن الصيام صح ضروري؟
أول فترة مو ضروري أبدا وبتاكل لتشبع وإيمت ما بدك بس بشرط تكون الوجبة كاملة ومشبعة يعني النقرشة والسناكات غير محبذة بالكيتو…
خلال أسبوعين لتلاتة رح تخف شهيتك كتيرر وجسمك ما عاد يطلب الاكل كتير وبطبيعة الكيتو دهونو منيحة فالوجبة مشبعة وبتصد نفسك حتى
لهيك إذا صمت يفضل تصوم 16/8 بشكل عام ولما تحب الموضوع اختياري وليس إجباري بس الصيام رح يسرعلك حرق الدهون ويلزمك بسعرات أقل ويفوتك بالكيتوزيز أسرع
12… شو يعني صيام 16/8…
رح اعطيك مثال إنت آخر وجبة أكلتها الساعة تمانة المسا؟ صح؟
تاني يوم لا تفطر للساعة 12 الضهر صارت 16/8…
أو مثلا آخر وجبة الساعة الساعة 6 وتاني يوم الوجبة الساعة 10 وهكذا….
وتشرب مي قهوة زهورات أي شي بلا سكر وبدون إضافات ومي أكيد….
13…. معلش صوم دوم؟
18/6 مافي مشكلة فيو ولو كان بشكل دائم…
بس من أولها تصوم كتير وتضغط عنفسك ما بفضل ….
لهيك بلش تدريجيا
مثلا ..
أول أسبوع بلا صيام
تاني أسبوع صيام 14 وتدريجيا ساوي 20
تالت أسبوع مرقلك يوم 24
رابع أسبوع مرقلك يومين 24
ومستقبلا بس يصير جسمك كيتوني بامتياز بتقدر تصوم كتيررر وبتقدر تضل بشكل دايم صايم 24 …
بس المهم تكون عبتاخد بروتين منيح وخضروات منيح وعمتنوع بوجبتك وما تحرم حالك من ولا عنصر غذائي
ونصيحتي تضيف مكمل حب ملتي فيتامين
(أفتح الجدول وشوف يكون فيو يود + سيلينيوم + زنك )
إذا ناوي تصوم صيام 24 وفوق …
و في بوست مخصص لصيام 48 وفي ناس معنا قديمين بالكروب صامت أسبوع كامل …
14… طيب عمشوف كتير بوستات بالكروب عن ثبات الووزن؟ شو القصة؟
أول شي نتيجة الممارسة الغلط والصيام الطويل الدائم وعدم حساب السعرات رح يتأثر الجسم ويوقف لفترة عن نزول الوزن ولأنو ما بيلتزمو بالكميات مثلا بيبلشو ياكلو 200 غرام مكسرات ونحن منقلن 50 غرام بس….
بيبلشو يحطو كوب كريمه ونحن منقلهم 100 مل بيكفي…
بيبلشو ياكلو 200 غرام جبنة ونحن منقلهم 100 بس ….
15… طيب أنا نقاق كتير ومستعجل عنزول الوزن؟ كيف فيني أعرف تطور جسمي؟
أول شي خليك واثق إنو طالما أنو بلشت كيتو وعمتاكل أقل من سعراتك مستحيل تكسب دهن…
لهيك لازم تزين مرة وحدة كل شهر بس…
وللنساء مرة بعد إنتهاء الدورة الشهرية فقط
في شي اسمو حساب مقاسات ونسبة دهون جسمك…
في شي اسمو تياب وصور…
حاول تاخد صور إلك بكل الوضعيات لتحفز حالك وتشوف تطور جسمك…
وقديه حليت..
إحسب نسبة دهون جسمك…
في بوست مشروح …
أقل شي خود مقاس خصرك …..
هو الأهم…
ممكن إذا ساويت رياضة يثبت وزنك بس تنزل كمقاس…
يزيد الكتلة العضلية وتنقص دهون وإنت رح تفكر الميزان واقف وحرق الدهون واقف لهيك المقاسات ضرورية ومقدسة والصور وتشوف تغير التياب عليك والحزام يللي لابسو…
16… في داعي ساوي تحاليل؟
حسب هدفك…
إذا ناوي تساوي الكيتو لأسباب مرضية أكيد لازم تساوي وتراقب تحت إشراف طبيب…
إذا ناوي تساوي الكيتو أكتر من مدة تلت شهور أو ست شهور حد أقصى يفضل تساوي تحاليل قبل…
(أرجوك قبل؟ لا تساوي تحليل بعد شهر وتجي تشلفلي ياهن تقلي شوفن؟
بتساوي قبل وبعد 2 شهر أو 3 أشهر)
بدون تحاليل قبل ما بقدر أعرف شو يللي صار بجسمك….
والتحاليل ممنوع قبل الشهرين لأنو أغلبها بترتفع بشكل طبيعي وبترجع بتنزل بعد هالفترة…
إذا في أعراض بجسمك من قبل متل تعب عام إحساس بالبرودة… ضخامة بالرقبة… وبتحس إنو أكلك قليل وبالرغم من هيك عمتزيد وزن…
لازم تساوي شوية تحاليل للإطمئنان أقل شي تحليل غدة درقية tsh….
17… طيب شو هن التحاليل؟
(لنعرف سبب الوزن الزائد وضعف الإستقلاب بالجسم)..
هرمون الدرق tsh
فيتامين د vit d
مغنزيوم mg
بوتاسيوم k
كالسيوم ca
خضاب الدم والصيغة cbc
إذا في فقر دم سابق حسب نتيجة التحليل ممكن ينطلب لأنو مكلفين شوي
حديد fe
سعة رابطة للحديد TIBC
مخزون الحديد ferritin
فيتامين بي 12 ….. vit b12
حمض الفوليك….. folic acid
وتحاليل الشحوم كاملة حصريا في حال بدك تساوي كيتو لمدة طويلة (الأهم) ….
cholestol
ldl
hdl
tg3
uric acid حمض البول
18… سؤال مهم كتير بيخطر عبالكم…؟
هل الكيتو مكلف…
هوو صح مكلف وكتير بسوريا ومافيك تتدلل بس إذا مغترب يعتبر عادي وفيك تعيش كنطام حياة وتأمن كل شي مطلوب…
عموما فيك تعتمد عزيت الزيتون بدل السمن والزبدة….
فيك تعتمد علحوم الدجاج وتنوع فيهم …
الوصفات مو كتير ضرورية …
وصدقني بسعر وجبة شاورما جاهزة وصحن نابلسية فيك تاكل ليوم كيتو كامل ….
وبالنسبة لوصفات الكيتو الحلويات والمشروبات بسوريا والخبز الكيتوني…
فيك تجيب من البذورية طحين اللوز طحين الترمس ومبشور جوز الهند وبذور الشيا وقشور السيليوم وسكر استيفيا فرط….
وفيك تجيب جبنة دهن وقشطة بلدية أصلية او نيوبارك ولبنة عالية الدسم وكل أنواع الجبن الأصلية عالية الدهن مسموحة موتزاريلا شيدر قشقوان الحلوم…..
(في بوست بالتعليقات لكيف تتسوق للكيتو أقراع كمان بتستفيد منو)
19… طيب منحي لأغلظ سؤال؟
قديه رح أنزل وزن أول شهر … أول أسبوع؟
هاد السؤال صعب جاوبك عليه….
كل جسم وإلو اعتبارات خاصة…
بس من خلال خبرتي وأصدقائي يللي فاتو كيتو…
يللي مدمنين سكر وحلويات بينحفو كتير أول شهر وأول أسبوع وحسب وزنهم مثلا وزنهم فوق المية…. ممكن ينزل أول أسبوع 4 كيلو وأول شهر للعشرة كيلو …
يللي مدمنين أكل جاهز أقللل….
في ناس ممكن يثبت وزنهم…
هدول بالأساس عايشين أسوء نظام صحي بحياتن بياكلو معجنات وكرواسات وبسكويت وبروتينهم قليل وعندن ضعف عضلي والكيتو بيهتم بالبروتين وبيركز عالنسب وتناول فيتاميناتك فأول فترة ممكن يحتاج الجسم فترة ليعوض النقص بالفيتامين والبروتين يللي صرت تلتزم فيهم بالكيتو …
بعدين بتبلش تنزل وزن وبالرغم من هيك لو آخد مقاساتك رح تشوفا عمتنزل بطريقة حلوة وتحفزك كتيررر لهيك الله يخليك خود مقاساتك وأحسب نسبة دهون جسمك من الرابط يللي موجود بالكروب ….
20… خلصنا من المقدمات وجينا لأهم سؤال؟ شو لازم أكل شو لازم أشتري؟ شو لازم جيب.؟
أرجوك مرة ومرتين وألف مرة الكميات تقديرية مو غصب تاكلها كلها؟
نقص ملعقتين تلاتة زود خمسين غرام لحم أو نقص عاااااااااادي الكميات تقديرية أرجوك لا تقلي إنو كتير مو ضروري تاكلن كلن بتاكل حاجتك بس تشبع وقف؟
أول شي الدهون المسموحة والمفضلة…
زيت زيتون..
دهن الخروف…
زبدة حيوانية أو سمن حيواني أي نوع (مرسوم عليهم بقرة) أقرو التفاصيل يكون مكتوب عليهم طبيعي وحيواني مية بالمية وما يكون مكتوب عليها اي شي نباتي أو مهدرج…
يفضل زبدة لورباك… أو سمن حيواني من شي راعي غنم من الريف (بقري أو غنم)
طيب قديش رح أكل منو وكيف شو من كان أكل يوميا لازم تاكل حوالي 4 ل 8 ملعقة دهن حسب شو رح تاكل مثلا…
وجبتنا فيها فخد أو جنح أو لحم غنم منقلل… لأنو دهنهم عالي…
وجبتنا صدر جاج وتونا وسمك دهنو قليل منكتررر ل 8 هالحكي مثلا…
هللحكي مؤقتا لبين ما تتعلم عحساب السعرات الحرارية …
منقسم هالكمية قسمين تلاتتة… زيت زيتون للسلطة..
سمنة أو زبدة منحطن للحمة أو ومنقمر فيهم اللحم أو منقلي البيض فيهم…
أو أكلنا مثلا لحمة منزيد دهن الخروف فيه شوي وللسلطة كم ملعقة زيت
برجع بأكد هالشي مؤقت أول شهر بعدين منخفف دهون ومنحسب سعراتنا ومننوع منكون تعلمنا عكل شي هالشي كرمال تقدرو تحسو بالشبع والطاقة وما تاخدو أقل من 2000 سعرة حرارية كبداية…
خلصنا من الدهون….
بشكل عام حسب وزنك بتاكل لحم…..
الفطور خليه دوما 2 ل 4 بيضات كاملين مسلوقين أو مقلين بتساوهم عجة أو بيض ببندورة ضلو نوعو شي ما تملو….
مع ملعقتين تلاتة لبنة أو 50 غرام جبنة عالية الدسم أو ملعقتين مسبحة أصلية أو قطعتين تلاتة جبنة كيري (ركزو عكلمة أو)
بتحطو فوقهم جزء من الدهون يللي كتبتن فوقن للقلي أو للحمص أو للبنة…
مع خيارة و بندورة وصحن سلطة جرجير مثلا (كتبت تحت شو المسموح بشكل يومي منهم)
الغدا أي نوع لحم حوالي مثلا
وزنك بين ال 90 ل 100 بتاكل حوالي 350 غرام صدر جاج أو صدر كبير…منكتر دهن شوي متل ما حكينا …
أو 400 غرام فخذ دجاج مشفى … منخفف دهن ….
أو 350 غرام لحمة … منخفف دهن…..
كل ما زاد وزنك 10 كيلو بتزود 50 غرام لحمة…
كل ما نقص وزنك 10 كيلو بتنقص تقريبا 50 غرام لحمة…. هالحكي تقديري…
مثلا بنت وزنك 70…. بيكفيكي 200 غرام صدر جاج مع تلت بيضات باليوم…
300 غرام فخد صافي بدون عظم (اتركو الجلد عادي) شي فخدة ونص كبيرة أو أقل….
هالحكي بينطبق عكل اللحوم تقريبا ….
خلصنا من البرووتين….
رح نحكي عن الخضرووات والورقيات….
كل يوم بتاكل…
جرجير قد ما بدك….
بقدونس أو سبانغ بدون حساب قد بدك حاول تغير جو فيهم تساوي عجة مثلا…
وكل الورقيات هيك ويفضل تكتررر مليانين معادن مهمة لجسمك….
ركز عورق الخس ولا تاكل العضد يللي جوات الخسة حاول تاكل خسة يوميا….
الملفوف شي أقل من عشر ورقات يوميا…
كل شي ورق أخضر يفضل تاخدو وبدون حساب
خيار وحدة وسط يوميا….
بندورة وحدة وسط يوميا…
بصل حوالي 50 غرام..
توم حسب الحاجة…
ليمونة حجم وسط….
فطر مسموح مئة غرام يوميا إذا بتحب
قرن فليفلة وسط
هدول أساسيات…
منجي للخضروات يللي منحطا مع الأكل…
يوميا إما 200 غرام باذنجان أو كوسا أو بامية أو فاصولية خضرة أو لوبيا خضرة أو يقطين أو قرع أو كماية أو أرضي شوكي هيليون أو بلا هدول طبوخ لحومك بسبانغ وسلق وملوخية والكميات مفتوحة هدول
وإذا وزنك كبير فيك تزيدن شوي للخضروات….
منجي للمكسرات… يفضل ما تكترر أي نوع ببالك بتاكل قبضة (30 غرام) بإيدك وقت تشتهي..
منجي للفواكهة…
حوالي مية غرام فريز أو أو جوز هند أو توت الأحمر أو أسود (الأزرق بس 50 غرام)
الأفوكادو فيك تاخدو بدل دهونك مثلا اعتبر كل 70 غرام عبارة عن ملعقة دهن وهالشي كتير حلو وافضل من ملاعق السمن والزبدة وبالذات لمرضى القلب والكبار بالسن…
هي الكيتو ببساطة وسلاسة…
ورح ننزل بوستات بوجبات الشعب وأكلاتة يا ريت تتابعوهم وتسألو عن اي شي ببالكم بدون خجللل….
هي نموذج جاهز لأكلات لأسبوع كامل….
فيك تكررو أول كم أسبوع…
طيب آخر سؤال أكيد خطر عبالك صح؟
شو الفرق بين الكيتو واللوكارب…..؟
تعال لجاوبك بعد ما فهمت الكيتو
أكيد عرفت الكيتو شو وقريت البوست مرتين تلاتة بتمعن وسجلت كم شغلة ببالك….
يلا…
الكيتو… للازم أقل من 20 غرام باليوم كاربوهيدرات ( يللي موجودين بالخضروات والحمص واللبنة والجبنة والمكسرات والفواكه) وبحد أقصى 30 ويللي قديمين كتير وبيعملو رياضة ممكن يضلو كيتو ل 50
اللوكارب بيبلش من 20 غرام ل 50 وممكن ل 130 كحد أقصى يعني بيشبه الكيتو….
ما فهمت شي مو؟
والله حقك…
شغلة بتضوع…
طيب بتتذكر لما قلتلك كل يوم بتاكل خيارة؟
وبندورة؟ و 200 غرام باذنجان وتوابعتا واللبنة ملعقتين والحمص ؟
والفريز قلتلك بس 100 غرام والمكسرات 30 غرام بس (كرمال ما نصير فوق 20)؟
أي…
هدول بتصير بتاكلن بأريحية…. بتضاعف الخيار بتضاعف البندورة بتضاعف الخضروات بكمية أكبر مثلا 300 غرام باذنجان…. مثلا أربع خمس ملاعق حمص….؟ الفريز والمكسرات كل يوم وبتزيدن شوي….
هيك صار اسمك لو كارب؟ وبطلت كيتوني…. وهيك بس تخلص كيتو بتطلع منو وشوي شوي بتزود بهدول الشغلات لترجع طبيعي
بس لا تنسى إنو رح تنقص دهونك ما عاد تحط من 4 ل 8 ملعقة ….
يعني حد أقصى 2 ل 3 ملاعق وحسب شو عمتاكل…..
أكيد فهمت صح
بس هون يا حلو ما فعلنا كيتونات الجسم وضل جسمك ودماغك عبيعتمد عالسكر بس أكيد رح تنزل وزن لأنو رح تشبع وتاكل قليل يعني لساتو نظام عالي الدهون…
والله أسهل من هيك ما ضل…
الكيتو ابن عمو ل لو كارب شوف المقارنة بينهم وحاول تعرف شوي عن التغذية والأكل المسموح
النظام منخفض الكاربوهيدرات….
ومقارنتو بالكيتو….
____________________________________
البوست أكل معي ست ساعات تقريبا تحضيرو إذا رح تقلي ما فهمت شي أو طويل؟ رح أزعل منك يعني معناها وومانك ناوي تفضي حالك نص ساعة لساعة تقرا الحكي بتركيز وتفهمو للأسف ولا بدك تساوي ريجيم وفايت تتسلا بصراحة…
وإذا في شي مو واضح أسأل من عيوني بس لا تقلي طويل وما فهمت شي؟
____________________________________
بس تخلص المقدمة فتاح الصور لتعرف كمية النت كاارب بكل 100 غرام من يللي كاتبن تحت ومشروح تحت كل صورة بالتدريج عن شو المسموح والممنوع والمفضل بس أقرا المقدمة
____________________________________
مقدمة….
كلمة كاربوهيدرات كلمة إنكليزية ترجمتا للعربية ترجمة غير دقيقة لهيك بيقلولا سكر أو نشويات…
الكاربوهيدرات بتنقسم ل…
نشويات
سكر
ألياف (ما بيمتصا الجسم وبتمر للأمعاء بتساهم بتشكيل الكتلة البرازية ومفيدة للجسم وبيتغذى عليها بكتيريا الأمعاء)
لهيك بالكيتو واللوكارب ما منحسبا…
مثلا قريت منتج فيو لكل 100 غرام منو في 30 غرام كاربوهيدرات 10 منهم ألياف….
بتحسب إنت النت كارب net carb
يعني الكارب الصافي : هوة 30 الكارب الكلي ناقص الألياف10 =20 كارب صافي أو نت كارب وكل شي رقم رح نحكيه تحت هوة نت كارب….
مثلا ; بذور الشيا فيها 100 غرام منها 42 غرام كاربوهيدرات فيهم 32 غرام ألياف؟
متخيلين شو فرقت يعني بس 10 غرام كارب صافي أو نت كارب بال 100 غرام بذور الشيا
____________________________________
لمحة عن التغذية
____________________________________
كل شي بالتغذية بيخضع للسعرات…..
الأكل مقسم تلت أقسام….
كاربوهيدرات…. كل 1 غرام بيعطي 4 سعرة حرارية…
بروتين… كل 1 غرام بيعطي 4 سعرة حرارية…
دهون… كل 1 غرام دهن بيعطي 9 سعرة حرارية…
(تخيلو تاخد طاقتك من غرام يعطيك تسعة)؟
بدل ال 4
النظام القديم الأميركي للتغذية….
هوة نظام عالي الكارب (النشويات) ولهلأ معتمدين عليه ومتنحين عليه وهوة سبب الحرب بينا وبينهم
وبيقسمو السعرات
45 ل 65 ٪ نشويات….
10 ل 35 ٪ بروتين….
20 ل 35 ٪ دهون……
يعني شخص وزنو 80 كيلو عفرض وعامل دايت ومطلوب سعراتو 2000 لينحف طبعا بكل أنواع الدايت تقريبا البروتين ثابت للغير الرياضي وبشكل تقديري غرام لكل كيلو من وزنو …
يعني عالحسابات لازم ياخد….
300 غرام كارب… 60٪ للسعرات
80 غرام بروتين….12 ٪ للسعرات
أحسب مجموع الكارب والبروتين بالسعرات 1460 سعرة بقي 540 سعرة للدهن…
60 غرام دهن….28٪ للسعرات
طبعا عأساس المفروض يكون الأكل صحي، والنشويات تكون مقسمة بنسب معينة وتكون أكل صحي وخضروات وفواكه … بس شوي شوي انتشر التخبيص والتركيز عللأكل الغير صحي والنشويات المصنعة متل الارز وغيرو والسكر المصنع وبلش ينتشر مرض السكري ومقاومة الإنسولين وأمراض كتيرة متعلقة بالسكر وصار الخبراء الجدد يعتبرو الكارب والسكر هي عدوة الإنسان…
فأخترعو نظام منخفض الكاربوهيدرات….
متل ما حكينا قبل…..
أي نظام تحت ال 150 غرام كارب (نشويات وسكر) هوة بينتمي لهالنظام….
وأقسامو….
بين 100 وال 150 غرام نت كارب… (نظام مريح وفيك تاكل كل شي صحي تقريبا خضروات فواكه حبوب صحية ممكن تحافظ عوزن فيو وممكن يعطيك طاقة للرياضة والبناء العضلي)
بين ال 50 ل 100 غرام نت كارب (نظام مضبوط شوي ممكن ينحفك… الحبوب أقل الفواكة مقبولة والخضروات بكمية كبيرة)
بين ال 20 ل 50 غرام نت كارب ( نطام متشدد للوكارب للتنحيف مافيو حبوب فواكه أقل وخضروات مقبولة)
تحت 20 غرام كارب بتصير هون كيتو وإذا كنت كيتوني قديم فيك تزود شوي شوي وتوصل لرقم 50 وتضل كيتو….
بس الفرق عن اللوكارب إنو لازم تلتزم بمسموحات وممنوعات الكيتو و الفواكه بالأنواع المسموحة (حسب نسبة السكر فيها)
حطينا هدفنا 150 غرام كارب مثلا مقارنة مع النظام الأمريكي القياسي…. للشخص يللي وزنو 80 وبدو ياخد 2000 سعرة فقط… هيك بصير سعراتو….
150 غرام كارب = 600 سعرة..
80 غرام بروتين = 240 سعرة.. (حسب وزنو)
أحسب مجموع الكارب والبروتين بالسعرات 840 سعرة بقي 1160 سعرة للدهن…
128 غرام دهون = 1160 سعرة…
قررت تصير كيتوني وتتعلم كل شي وكيف تختار أكلاتك وبعد هالبوست صدقني بتقدر تتابع ناس وتفوتن عالكيتوو وتاخد منهم أجرة متابعة كمان جيب ورقة وقلم وتفضل
قررنا نبلش كيتو ..؟
وقرينا كل شي ….
منجي للخطوة الأصعب وهي شو نشتري منتجات ..
خلينا نتفق …
في منتجات ضرورية
وفي منتجات للدلال يعني مشان إذا ملينا من روتين الأكل وحبينا نغير جو منجيبن …..
بشكل عام ما بفضل نجيب شي تبع دلال قبل شهر
خلينا نستغل حماسنا ونكون قوين ونلتزم ……
ونترك الدلال خطوة تانية …
رح أشرح كل شي …ضروري وغير ضروري بالتفصيل …
………………………………………………..
إذا اللغة صعبة ….
قبل كل شي حكينا لازم ننزل برنامج المترجم (ترجمة) أو موجود أساسي …
إما مناخد صورة ومنشوفا عالترجمة
أو منشغل الكاميرا بوضعية االقراءة بالترجمة وبتترجملنا فوري….
رجاء ثم رجاء ….
تلات شغلات بيهموك بالمنتج ….
الواجهة الأساسية (اسم المنتج) وبالذات إذا مكتوب كلمة بايو أو طبيعي bio
وكلمة المكونات عطرف العلبة أو تحت الجدول ….
ضروري جدا نقراها أو نصورها إذا ما عرفنا …
بالإنجليزي ingredients
بالألماني zutaten
أرجوك ..أتوسل إليك ..كرامة للأنبياء كلهم لا تسئلنا عن منتج بدون ما تصور هدول ؟
التعا قلبنا ونحن نقول صورو كل شي….
والجدول كامل كمان للسعرات الحرارية…
كلمة كاربوهيدرات
كلمة ألياف
كلمة سكر
إذا مكتوب كلمة ألياف بالعريض متل كلمة كاربوهيدرات بيكونو هن جامعين وطارحين لحالن ….
هون بيكون الكاربوهيدرات نفسها كلمة نت كارب…(يللي بتهمنا بالكيتو)
والألياف ….بتضل ألياف ما بتنحسب…
إذا كلمة كاربوهيدرات بالعريض وتحتا كلمتين ألياف وسكر صغار وبخط أرق وأنعم منشتغل بالطرح والحساب …
الكارب ناقص ألياف بيبقى نت كارب ويللي قلنا هاد بدنا ياه بالكيتو مجموعو اليومي كامل لكل شي يضل تحت ال 20 أو بين 20 وال 30 …..؟
نفس الشي لما تروح عغوغل وتكتب القيمة الغذائية لكذا …
بيطلع منتج حاول تتعلم تحسب كل شي….
………………………………………………..
الدهون …..
المسموحات..
زيت زيتون (بينكتب عالعلبة غير مكرر معصور عالبارد) أو مركز ….
زبدة أو سمنة ….
حيوانية حصرا( بس شفت كلمة طبيعي أو بيو جيبها فورا)
إذا مو مكتوب بتفتح عالجدول وتحت الجدول ..
لازم تشوف عبارة مستخرجة 100 بالمية من الحليب ….
ما لازم تقرا كلمة نباتي …
ولا زيت نباتي ……
أو بتشتري من شي شخص بالريف موثوق بقري أو غنم …
في بعض الدول عبيرسمو بقرة + ورق نبات عالمنتج …
ولما تفتح عالمكونات بتلاقي مكتوب نباتي وقسم منها مستخرج من الحليب ….
بعني مغشوشة….
عكل حال رح تلاقو الحيوانية أغلا شي ولا تسترخص بالزبدة والسمنة …
(بالكيتو لازم يكون عندك زيت زيتون وزبدة أو سمنة حيوانية ) …..
بسوريا زبدة لورباك موثوقة إن شاء الله وما تقرب عزبدة طيبة (نباتية لأنو)
دهن حيواني الأبيض مسموح …
#للدلال مو مضطر تشتريها..
زيت جوز الهند (ابحث عن عبارة غير مكرر ..)
عضوي طبيعي ….
(ممكن يفيدنا للقلي مالو ريحة وممكن نحطو للقهوة ونساوي قهوة الكيتو وممكن للحلويات الكيتونية)
(في أنواع للشعر بينكتب عليه أكيد ما بصير تاكلو)
وفي زبدة جوز الهند نفس الشي غير مكرر غير مهدرج طبيعي …
زيت الأفوكادو غالي كتير …
كمان ابحث عن عبارة غير مكرر
(يعتبر الأفضل للقلي أو التسويح وفينا ناخد راحتنا بيتحمل كتير وفوائدو كتيرة)
( وفينا نحطو للسلطة أفضل)
زيت mct جيد ومفيد ممكن ناخد ملعقة قبل الرياضة بيجي علب وغالية شوية بيزيد كيتونات للدم وبيعطي طاقة ….
(هاد مستخرج من زيت جوز الهند + زيت النخيل ) بس بيكون صرف يعني عضوي ومانو مكررر وهي الحالة الوحيدة يللي بيكون فيها زيت النخيل مفيد ……
زبدة الكاكاو ممكن تلزمك لوصفات الشوكولا
الممنوعات ….
سمن + زبدة نباتي …
مارغرين أي كلمة بتشوفا مهدرجة بتتركا من إيدك ..
زيت ذرة
زيت كانولا
زيت الصويا
زيت فول سوداني
………………………………………………..
المكسرات …..
قلنا يوميا 30 ل 50 غرام مسموح فقط ….
بتجيبهم ني ….غير محمص …
التحميص ما بخليهم ممنوعين ولكن بتقل فوائدهم ….
وخلينا ماشين بطريقة صحية…
إذا إلهم طبقة فوقا ومقرمشة بيكون منضفلهم طحين (يعني ممنوعين)
رح رتبهم ترتيب من يللي فيها كارب قليل للأكتر يعني من الأفضل
جوز البقان
جوز البرازيلي
مكاديميا
بندق
جوز (عين الجمل)
لوز
صنوبر
فستق سوداني (ما بفضلو كتير فيو أوميغا ستة وبساوي إدمان وأغلب الناس مثبت وزنها من وراه)
بدك نصيحتي ؟
ساوي خلطة 100 غرام من خمس أنواع من هدول ….
وخلطهم سوا …
وقسمهم عشر حصص بتصير الحصة 50 غرام …
أو 15 حصة بتصير 33 غرام …(أفضل)
بالنسبة إلي بفضل دايما ينوجد الصنوبر ….
لأنو في دراسة بتقول إنو بيرفع من هرمون السعادة أثناء الريجيم …
والجوز البرازيلي فيو سيلينيوم كتير للغدة الدرقية بفضل ينوجد ولو حبتين يوميا….
لهيك الخلطة كتير رح تعطيك فوائد وتنويع
وإذا حضرتك بسوريا ما رح تلاقي برازيلي ولا بقان ولا مكاديميا ساوي خلطة….
لوز 200 غرام ..جوز 100 غرام ….صنوبر 100 غرام …بندق 100 غرام وقسمها متل ما حكينا ….
وحسب قدرتك فيك تاخد بس لوز وخلصت لا تقلي بدك تفلسنا
………………………………………………..
البذور …
في حال قررت تاخد بذور …
فينا ناخد بذور بس ما بفضل كل يوم يعني حاول تنوع وباليوم يللي بتاخد فيو بذور بتلغي حصتك المكسرات …..
بذر ميال الشمس …
بذر اليقطين … (لونو أخضر)
بذر القرع (لب اسمو ) الأبيض ممنوع ومالو علاقة ببذر اليقطين ولا نفسو….
………………………………………………..
تكملة البذور …
بذور الشيا ..
حبوب السمسم (غير محمص)….
(ولو محمص ما في مشكلة في ناس بيطلع مع البراز متل ما هو وأمعائهم ما بتهضما فلا مانع نحمصو عإيدنا شوي ليصير لونو أشقر وهيك منساعد جسمنا ليمتص العناصر الموجودة)
قشور بذر القاطونة (نفسا قشور السيليوم بينكتب عليها بسيليوم هوسك بالإنجلش أو الألماني البذور ممنوعة فقط القشور مفيدة)….
بذر الكتان….
حبة سودة …
ذكرتهم لحالهم حاول تجيب من نوعين أو 3 من هدول …
وعكل صحن سلطة تحط ملعقة 7 ل 10 غرام …
أنا بفضل 10 غرام بذور الشيا أو قشور السيليوم مع الفطور
و 10 غرام سمسم مع الغداء….بشكل دائم
فيهم ألياف …معادن…فيتامينات …
قشور السيليوم بتفيد للوصفات ومعجنات ….
اسباغول …بينكتب اسمها هيك جيب شوي إذا ناوي تجيب طحين اللوز وطحين جوز الهند بيلزمك ملعقة أو تنين للوصفة ….
………………………………………………..
الطحينية مسموحة …
ولكن بدنا نفتح عالمعلومات ونقرا كلمة سمسم مية بالمية ….
عالجدول حوالي 590 سعرة حرارية
21 كارب
9 ألياف
(يعني نت كارب حوالي 12)
لهيك منستخدما ملعقة أو ملعقتين عند اللزوم ….
الملعقة الكبيرة فيها 89 سعرة 2.5 نت كاررب ..
أهم شي ما نشوف كلمة زيوت نباتي ولا دهون مهدرجة بالمعلومات ولا نشاء …
وكلمة سمسم مية بالمية بتكفي لتكون جيدة ….
بسوريا في طحينة البرج أنا مجربها وتواصلت مع صحابين المنتج ناس طيبين وكويسين والشب عامل كيتو كان وأكدلي مية بالمية إنها موثوقة
وباقي أنواع الطحينية نفس الشي
………………………………………………..
اللحوم …
حاول تأمن شوية فخاد وصدر ولحم كباب شقف وسودة وسمك وحطن بالفريزة يفضل تنوع بينهم وما نمسك نوع معين ونعيش عليه كل يوم كل يوم…
يوميا رح يلزمنا بين 200 ل 400 غرام لحم مو أكتر ….
منحاول إذا قدرنا نجيب أفضل نوع ويللي ييكون مربى الطبيعة وحتى البيض الأفضل يكون طبيعي …
بس إذا غالين كتير ومو إمكانياتنا عادي ….
يللي عاملين كيتو للعلاج (وليس للتنحيف)
بفضل يكون أكلهم طبيعي ومو مربى والبيض يكون بلدي ….بيضل أفضل …
اللحوم يفضل نجيبها طازجة …
المجمدة بيكون فيها مواد حافظة …
والأفضل أكيد تكون طازجة
منحاول نقرا الملصق …
ونتجنب يللي فيها مواد مضافة مثل الكاراجينان ، ونترات الصوديوم ، و BHA ، و BHT ، والأسبارتام ، أو السكريات الأخرى ….
نقانق.. هوت دوغ….تشاكوتيري …هدول لحوم معالجين كتير مانهم ممنوعين بس منفضل نتجنبن (لناخد فوائد اللحم)
اللحوم البحرية أغلبها مسموحة….
الأفضل سلمون …ماكريل …أنشوجة …سردين ….
قريدس
التونا والسردين والمعلبات …..
مسموحين …ويفضل يكونو بزيت زيتون ….
وإذا مانهم بزيت زيتون منغسل زيتهم ومنحط زيت من عندنا …
بالنسبة للمعلبات، ابحث عن علب خالية من مادة BPA ….
بالنسبة للمرتديلا ممنوعة…..
وإذا لاقيت منتج للمرتديلا شوف كلمة مكونات (نادر جدا تلاقي نوعية مسموحة) …
ما لازم تشوف كلمة نشاء ولا كلمة طحين ولا كلمة سكر ولا كلمة مالتوديكسترين ولا كلمة شراب الغلوكوز ونشاء البطاطا أو نشاء ….
ممكن تلاقي بقايا فستق سوداني أو الصويا عادي … أو فستق حلبي ….
………………………………………………..
الحليب واللبن والكريمه….
حليب البقر ممنوع ولو كان كامل الدسم
حليب خالي اللاكتوز ممنوع لأنو ما بينشال منو اللاكتوز بس بيحطولك أنزيمات هاضمة بتساعد يللي عندن نقص الخميرة ليهضما يعني الحليب خالي اللاكتوز نفسو الحليب العادي بس فيو إضافات ليهضما جسمنا….
(مانو ضروري)
حليب جوز الهند طيب كتير ومحبوب جيب منو بس لازم يكون كامل الدسم
مرسوم عليه جوز الهند الثمرة …
الجدول سعراتو متنوعة حسب نوعو ممكن فوق ال 180 أو 50 أو 100
السكر تحت 4 بكل مية مل …
حسب المنتج هو أصلو سميك وسعراتو عالية …..
بس كل منتج بيعملوه شكل …
قسم 10 بالمية حليب جوز الهند والبقية ماء)
قسم 30 وهيك ….
عكل حال حسب السعرات بال 100 مل إذا تحت ال 100 سعرة خود كوب مرتين بالأسبوع
إذا فوق ال 100 خود 100 مل ومددها بمي وشربها …
(مانو ضروري)
حليب اللوز بيقولو إلو لدعة مرارة وما طيب ….
ييكون سعراتو بال 39 وأكتر لكل كوب والسكر تحت 4 وكل ما كان سعراتو ودسمو أكتر أفضل ..
الأهم ….
اللبن اليوناني (ضروري)
كيف بتعرفو ؟
بيكون مكتوب عليه لبن يوناني غير محلا ….
يعني مافيو سكر …
لا تجيب مع فريز وأحمر وأخضر كلو فيو سكر ….
بتفتح عالجدول وتحت جدول
بتلاقي عند كلمة دهون رقم 8 وأكتر ….
عند كلمة كاربوهيدرات تحت ال 4.5 وممكن 3.5…..
مسموح يوميا 100 غرام وفيك تسمح لنفسك شي يوم 200 إذا عندك طبخة بلبن متل شاكرية وغيرها …
وبرجع بأكد ما يكون مكتوب عليه دايت وبوقتا ما رح يحقق الشرطين ….
حضرتك بسوريا رح تقلي مافي …
عندك حلين ..
الأفضل
لبن غنم تصفيه شوي …
بصير لبن يوناني …
أو
لبن بقر تصفيه كتير قبل ما يوصل لمرحلة اللبنة …..بصير لبن يوناني
وطبعا بتكب المي ما بتشربها لأنو بقيان اللاكتوز فيها والسكر…..
(اللبن لازم يكون موثوق من شي ضيعة يللي بالسوق بسوريا كلو بودرة لهيك عليك عالغنم لا تقلي غالي جيب كيلو بيكفيك 8 أيام بعد ما تصفيه )
اللبنة …(مو ضرورية)
كمان بتتأكد إنها كاملة الدسم ….
ما بفضلها كتير سعراتها عالية ….
خلينا عاللبن اليوناني ….
رح تشوف دسمها أعلا من 15 وحتى بتوصل ل 20 عند كلمة دهن بالجدول
والكارب تحت 4 كمان ….
الكريمة ….( موضرورية)
حامضة
ثقيلة
خفق
في كتير أنواع مسموحة ..
للطبخ ….
منحطا مثلا مع صدر جاح وفطر مثلا …
أو منضيفا للقهوة (ملعقة لملعقتين)
بتفتح عالجدول والكتابة …
لازم سعراتها الحرارية فوق ال 250 ممكن توصل ل 470 بس بتكون سميكة كتير يعني مددها بمي وقت الطبخ أو بمرق لحم….
لازم السكر يكون تحت 3 ….
وجنب الجدول…بتلاقي مكتوب مستخرجة من الحليب مية بالمية ….
ما لازم تشوف كلمة نباتي ولا زيت نباتي ……
(رح تلاقي مكتوب شوية مثبتات ومستخرجة بدرجة حرارة عالية كمان عادي)
ما بفضل نستخدم ياليوم أكتر من 100 وحد أقصى 150
الكريمة منعتبرا دلال زايد خليها مرة لمرتين بالأسبوع بالنسبة للطبخات…
لأنو مافيها بروتين ولا فوائد كتير …..
ولا مانع إذا كل يوم ملعقة كبيرة بس للقهوة ….
(بسوريا في نوع كريمة نيو بارك (انتبه نيو بارك وليس هوى الشام) فيها شوية سكر للأسف بس مكتوب طبيعية لهيك فينا نتوكل عالله ونستخدم ملعقة لملعقتين عند الضرورة 100 مل كحد أقصى لا تتعذب وتدور بالمولات وتدفع زيادة وتجيب أجنبيه كلهم ممنوعين وفيهم زيوت مهدرجة ونباتية حسب ما وصلني)
القشطة …
المسكربوني يللي بأوروبا مسموحة ….
(أهم شي تتأكد السكر تحت 4 وما فيها زيوت )
القشطة البلدية مسموحة ….
(بس تكون أصلية ) انتبه بيطحنو رز وبيخلطوه فيها ….
بفضل تساوي عإيدك ..
وجه الحليب وعصرو …
أو تجيب من محل موثوق
القشطة يللي بالشام بتنباع بمحلات الحلو عأساس بلدية وبيصنعوها عإيدهم يعني دوق طعمتا بس رح تعرف لحالك إنو ممنوعة
قشطة نستلة بسوريا ممنوعة…
قشطة نيو بارك الحديد ممنوعة ..
(مكتوب عليهم زيت نباتي فتاح وتأكد)
قشطة قيمر أو نيو بارك (البلاستيك) حسب مو مكتوب مسموحة بتجي العلبة سعرا تحت ال (شلت الرقم لأنو كل يومين بيغلا سعرها) فيها 50 غرام مرقلك بالأسبوع 2 ….إذا بتحب ….
و(بتوقع مقطوعة حاليا)
………………………………………………..
الأجبان …
أي جبنة بلدية موثوقة مسموحة …
الجبنة سعراتها عالية خليك بال 100 غرام وبلاها كل يوم …..
كل ما كانت صلبة أفضل (بيكون سكرها قليل كتير)
ممكن يوصل السكر 1 غرام أو 0.5 بس بكل 100 بس البقية تحت 4 مسموحة
بارميزان
سويسري
فيتا
شيدر
جبن أبيض طري
مونتيري، جاك
موزاريلا
كولبي
جبن الماعز
جبنة زرقاء
جبنة الكريمة
جبنة ريكوتا
جبن القريش (القريشة)
في نقطة لازم ننتبهلا ….
انتبه بيحطو الجدول
ل 28 غرام
أو 100 غرام
منفتح عالجدول أقل شي سعراتها فوق 270 غرام لكل 100 غرام ….
أو 70 سعرة لكل 28 غرام …
(الرقم تقريبي )
بتلاقو كلمة دسم من المادة الجافة غالبا بتلاقو رقم فوق 20 ل 30 بالمية وأوقات بتلاقو قليلة الدسم بس مكتوب 20 عادي ما تخافو ….
لازم تشوفو كلمة مكونات …
الشيدر والموزاريلا صارو يطبخوها بدهون نباتية….
بس شفت كلمة نباتي أو زيت نخيل لا تجيبها …..
لازم يكون مكتوب مستخرجة من الحليب مية بالمية ….
………………………………………………..
خل التفاح …. عضوي غير مبستر غير مفلتر ….
ساوي فيه محلول كيتو … بيلزمك أول أسبوع كتير ….
وضيفو للسلطات ولو ملعقة ….
في نوع كيميائي تجنبو ….
(محلول الكيتو ليتر ماء + ملعقة خل تفاح + نصف ملعقة ملح صخري أو بحري)
اشرب كاسة كل ما دخت أو تعبت ..
لإنو رح ينزل ضغطك شوي وجسمك بحاجة لصوديوم …
وفيك تضيف ليمون ونعناع للتنكيه …..
……………………………………………….
وصلنا لعند الخضروات …
بيلزمنا كل يوم صحن سلطة ورقية كبير أو 2…
اختار يللي بدك ياه ….
ولا تنسى تحط فوقو ملعقة سمسم أو بذور يللي شرحناها فوق وحط عليه ملعقة خل التفاح …..وعصرة ليمون ….
وفيك تحط جزء من دهونك ….
اختار اي نوع أو نوعين ….
متل زيت الزيتون …
الخس ستخدمو للأكل لا تتجاوز الخسة باليوم …
ورق الملفوف كم وحدة ….(إذا بدك تكتر منهم صير احسبهم )
الورقيات البقية لا تحسبن وخود قد مبدك ….
فيهم معادن أكترررر وسعراتن قريبة من الصفر ….
الخضار الورقية…
الجرجير
البقدونس
البقلة
النعناع
رشاد
الكرنب
السبانخ
السلق السويسري
بوك تشوي
الخس
خس روماين
الراديكيو
الخضار التانية …
(شارح عنهم ببوست اللوكارب) ….
حسب نوعهم ….
وأديش فيهم كارب ….
بين ال 150 ل 200 وحتى 250 غرام أو ممكن نوصل ل 500 غرام باليوم إذا طبختك بدها شوية بندورة وبرجع بقلك تعلم عحساب الكارب بس متل بوست اللوكارب ….
مثلا يوم فاصوليا بلحمة…
يوم كوسا بلحمة …
النت كارب بكل 100 غرام (رح عدل البوست)
الفاصوليا الخضراء
الخرشوف
البروكلي
الثوم
البصل
الفلفل
نبات الهليون
الكحلبي
الكرفس
الخيار
الفطر الأبيض
فطر بورتوبيللو
الزيتون الاسود
الزيتون الأخضر
الكوسة
الاسكواش
البامية
الكراث
القرنبيط
الخرشوف
الكرنب
الباذنجان
………………………………………………..
الخضروات المخمرة
(ضرورية لبكتيريا الأمعاء) ومفيدة
مخلل الملفوف
الكيمتشي
الناتو
المخللات
الصلصة
كلو رح نجيبو بلا سكر …..
بتفتح عالمكونات بتلاقي مشروح وما يكون مكتوب كلمة سكر …
إذا شفت بالجدول غرام أو غرامين مو مشكلة بيكونو من المنتج نفسو
………………………………………………..
الخضار الممنوعة …
البطاطا البيضاء و البطاطا الحلوة و الجزر الأبيض و الذرة.
حتى بعض أنواع القرع ، مثل القرع الصيفي ، تحتوي على نسبة عالية جدًا من الكربوهيدرات. (ممكن نسمح فيه بكمية قليلة)
………………………………………………..
الفواكه …..
الأساسيات ….
الافوكادو 100 غرام باليوم (فيك ناخدو بشكل يومي مع باقي أنواع الفواكه)
بدل ملعقة ونص زيت زيتون أو سمنة خود 100 غرام عادي …
البقية بتختار نوع واحد فقط
الفراولة 100 غرام باليوم ..
التوت الأحمر والأسود 100 ل 130 غرام
التوت الأزرق 50 ل 60 غرام
ثمرة جوز الهند 50 ل 100 غرام باليوم
للدلال ….(ما بفضلن)
غالبا فينا نمرق أي نوع فواكه عدا الموز والمنغا بس بتفتح عغوغل وبتكتب القيمة الغذائية للتفاح مثلا ….
بتشوف كلمة كاربوهيدرات وتحتها ألياف …
بتحذفن من بعض بيضل النت كارب ….
بتاخد كمية ما تتجاوز 5 ل 7 نت كارب …
مثلا بسوريا ما عنا فواكه …
لهيك سمحنا بالتفاح واليوسفي مثلا …
بتقتح عغوغل وبتكتب القيمة الغذائية لليوسفي بيطلع 13 كارب … 1.8 ألياف …
يعني نت كارب 11 لهيك اتفقنا نسمح بقطعة 50 ل 60 غرام …
أو التفاح نفس الشي 14-2.4 بيطلع 11.5 …
لهيك اتفقنا نسمح بحبة صغيرة 50 ل 60 غرام خليها حامضة شوي غير مستوية
وهكذا …
أي شي بتشك فيه ….
بتكتب القيمة الغذائية وبتلاقي الرقم …
بدك تتأكد أكتر اكتب اسمو بالإنجليزي وجنبو glycimic index إذا طلع تحت 50 بيكون جيد ومقبول …
طلع بين 50 ل 65 يعني روقنا وخليه مرة لمرتين بالأسبوع …
شرحت عنو قبل وقديش بيرفع السكر بالدم …
مثلا التفاح 36 لهيك قلنالك بسوريا خود كل يوم معلش بس يللي برا سوريا خود من المتوفر فوق
………………………………………………..
منجي لأنواع السكر …
أفضل شي بنظري اريثريتول …بيجي بعلبة أو كيس بس فتاح عالمعلومات بتلاقي مكتوب فيو اريثريتول 100% واذا شفت كلمة كحولي …عادي حلال ما بأثر برقبتي معلش …بس بدك تكتر شوي ملعقة كبيرة وفوق تحلايتو ضعيفة وإلو لدعة باردة بالفم حاول تتعود عليها….
الاستيفيا غالبا بيجي مخلوط مع نوع تاني …..
أهم شي المكونات بتفتح وبتلاقي …
إما مكتوب ستيفيول غليكوسيدات مع اريثريتول أو اينولين وستيفيول هدول مسموحين وجيدين ومفضلين….
أو بتشوف مكتوب ستيفيول جنبها نسبة من مية مع سكرالوز وأسيستو سولفاكتام k
(مانو ممنوع ولا بيطلعك من الكيتو بس غير صحي ولكن يعتبر أقل سوءا من اللي فيو أسبارتام حاول تجيب ستيفيا لحالو أو مع اريثريتول) اسمك متكلف ومتكلف وإذا مافي مشي حالك فيه …
سويتال …غالبا منتشر بمصر فيو سوربيتول وسكرالوز ..فينا نقول أفضل من اللي فيو أسيستوسوولفاكتام k وأقل ضررا منو ….
(سوربيتول محلي كحولي مسموح)
(سكرالوز محلي صنعي الأقل سوءا بين المحليات الصنعية منقدر نستخدمو)
أو بتشوف ستيفيول مكتوب معو
أسبارتام هاد ممنوع(ما بيطلع من الكيتو بس بيضر بكتيريا الأمعاء كتير) …بدك تستخدمو عمسؤؤليتك ….
السكرين نفس الشي إما بيجي معو لاكتوز فهو ممنوع …
أو سكرين لحالو متلو متل أسبارتام مضرررر ولكن ما بيطلعك من الكيتو بدك تستخدمو عمسؤؤليتك….
مالتوديسكترين إياك تجيبو بيطلعك من الكيتو ….
في اكزليتيلول طعمتو طيبة بس بدك تحسبو من سعراتك والكارب بس جبتو أكتر من ملعقتين صغار ل 3 ما بدنا نستخدمو باليوم
مونغ فروت (حسب ممكن ينخلط مع اريثريتول تمام) لحالو تمام غير هدول لا …
بسوريا …في رابط للمنتجات في سوريا وعأساس ستيفيا وبيحلفو يمينات بدك تشتري من عندن فرط شتري وتوكل عالله ما بحط شي عمسؤؤليتي لبين ما اقدر حلل وخبركم ….
………………………………………………..
(للدلال)
الشوكولا …
الأفضل ينكتب عليها 85 بالمية وفوق بتوصل ل 100
ممكن ناخد ال 70 (في حال عدم توفر ال 85 )ولكن كل ما نزل نسبة كاكاو بيزيد السكر
85 بالمية والرقم هو لنسبة الكاكاو …..
الكاكاو أكيد فيو سكر متل أي شي بالدنيا
لهيك إذا شفت بالجدول وبالمكونات مكتوب سكر عادي ….
غالبا رح ينكتب باالمكونات …
مسحوق كاكاو قليل دسم (كمان عادي ) هي استثناء
بينكتب سكر كمان عادي
المهم الممنوع هو بس تشوفو بالمكونات كلمة مالتيتول
كلمة ديسكتروز
كلمة شراب الغلوكوز
الجدول بيكون غالبا لكل 28
أو 100 غرام
المهم بال 100 غرام بيكون مكتوب كاربوهيدرات بين 20 ل 30 أز تحت….
وبتجي مكعبات 10 غرام كل مكعب وأوقات 15 …
عكل حال مننصحك بمكعب باليوم وإذا سكرها قليل تحت 20 فينا نمرق مكعبين ….
………………………………………………..
(للدلال)
دقيق اللوز… بتلاقي سعراتو بين ال 500 وال 600
بال 100 غرام …
والنت كارب يللي فيه تحت 10 بحدود 7 ل 8 …
والكارب الكلي بين 15 ل 25 ….
(انتبه بيكتبو الجدول ومعلومات الجدول لكل 28 غرام أو لكل ملعقتين حسب)
دقيق جوز الهند….سعراتو بين ال 330 ل 450 حسب نوعو …
كل ما زاد سعراتو قل نسبة السكر يللي فيه ..
حسب كل منتج ….
والنت كارب يللي فيه تحت 22 لهيك ما بدنا نكتر منو ..
الكارب الكلي بيوصل ل 60 …
ملعقة ملعقتين تلاتة حسب نوعو ….
جيب أقل نوعية سكر وأكتر نوع دهون وسعرات أفضل …
انتبه الجدول بيكون لكل ملعقة أو أونصة 28 غرام أو حصة ..ضروب وقسم وجماع عكيفك…
ممكن يلزموك …
دقيق الترمس مسموح …
دقيق
………………………………………………..
بدك تشتري نقرشات كذا مذا ….
بس شفت نكتب عليها keto أو كيتو معناها مسموح بتشوف أديش في نت كارب ….
وحسوب حسب كاربك يعني مثلا قطعة فيها 10 نت كارب خود نصا علىى شكل سناك ….
مسموح …
إذا مكتوب عليها لوكارب صعب تتمرق بالكيتو غير للقديمين ونفس الحسابات …
بدك تتأكد مية بالمية صور المكونات وورجينا …مع الجدول ….
………………………………………………..
العلكة قليل كتير لتلاقي شي مسموح …
بدك تتأكد من المكونات رح تشوف المحليات يللي شرحت عنها فوق غالبا اكزليلتول أو سوربيتول مسموحين هدول وبيحطوها بالعلكة كتير وبس شفت الممنوعات بعد عنهم (متل مالتيتول وتوابعا) ….
………………………………………………..
الخبز لا تدور صعب كتير تلاقي وإذا لاقيت بيكون غالي جدا وهش أو صلب وقاسي ورح تندم عدفع فلوسو …
ما رح ينكتب عليه كيتو …
غالبا بيكتبو عليه لو كارب ….
بس شفت دقيق شوفان دقيق جاودار دقيق شعير .. ممنوع تستخدمو بالكيتو…..
وإذا نكتب عليه كلمة كيتو جيبو لأنو بيكون مراقب ومدقق …
……………………………………………….
رح عدل االبوست كل ما أتذكر شي جديد ….
لا تنسى اللايك و القلب الأخضر وتقلي شو بدك ضيف…
وإذا عندك منتجات بدك تتأكد منها حطا بالمنشور بالتعليقات….
رح حط شوية روابط بتفيدك …..
للمترجم وللفواكه وغيرو ….
حضرتك مرضع أو طفل فوق 14…. فيكي تساوي نظام لو كارب وهي شوية نصائح بعد ما تقري أول بوستين
( النطام الليبرالي منخفض الكاربوهيدرات للمرضعات بشكل خاص)
يصلح للمرضع وممكن للأطفال يفضل قراءته بعد قراءة البوستات الأساسية للتعريف عن الكيتو….
حوالي ال 50 غرام كاربوهيدرات ولكن نحن منفضل تبلشو ب 130 غرام وتنقصوهم بالتدريج حسب إستجابة جسمكم وما ينزل عن ال 60 ل 70…
أول شي الكيتو الصارم أو الكلاسيكي ممنوع للمرضعات …
يمكن تساوي كيتو وما تنضري….
بس طبيا شوهدت حالات وفاة لأسباب عديدة أهمها…
١..الصيام الطويل والإجهاد….
٢..حدوث الأمراض المرافقة ..
٣..او اضطرو لعمليات جراحية والمريضة كان وضعا مرهق وغير ملتزمة …
ممكن هالشي يفوتك بحماض كيتوني….
وتسجلو عالميا عشر حالات وفاة لمرضعات بهدول الأسباب…
لهيك بجوز تطبقي الكيتو وتستفيدي بس نحن منحسب حساب الأخطر ومننبه منو وأكيد ممنوع..
تخيلي تمرضي لا سمح الله؟
تخيلي تضطري لعملية…
لهيك ما بدنا ياكي تتعرضي للخطر…
ومنفضل تتبعي نظام خاص يللي رح أحكي عنو…
وبالأخر ماني ضد الكيتو فيكي تساوي
بس الله يخليكي كوني ناضجة وواعية بجسمك وبمسؤؤليتك عن حالك وعن البيبي تبعك …
بس تدريجيا شوي شوي وبدون صيام أبدا وبتراقبي نفسك وحليبك وبتنوعي بمصادر الكيتوو من ألبان وأجبان وأفوكادو ومكسرات وورقيات بشكل يومي يومي يومي يومي يومي …..
النطام الليبرالي منخفض الكاروبوهيدرات…
وفي شوية نصائح رح أذكرن لتحافظي عصحتك وصحة الطفل وتغذيتو….
قبل كل شي السعرات الحرارية لازم يكونو بين ال 1500 ل 1800 مو لازم ينزلو أكتر من هيك…
ولازم كل ٤ ل٦ ساعات وجبة يعني الصيام الطويل ممنوع ممنوع ممنوع..
١…إذا ما كنتي مرضعة ولا حامل وعندك زيادة وزن وناوية بالمستقبل تبلشي دايت…
لا تتأخري الموضوع وجربي الكيتو هلأ لأنو أعراض الكيتو فلو رح تفكريها مرض وتحرمك التجربة بس تصيري أم بس لما تكوني متعودة عليها بيضل الموضوع عادي
٢…تجنبي التجفاف يعني من أولا ما بدك تشربي 3 لتر مي يوميا رجاء ثم رجاء لا تساوي دايت…
٣…لا تنسي الفيتامينات والمعادن
الصوديوم : الملح (الملح الصخري مفضل) يوميا 3 ل 5 غرامات تقريبا
وموجود في مرق العظام والخضار والخيار والكرفس والمكسرات والبذور المملحة
ومناخدو بالملح بشكل طبيعي مو اكتر من ملعقتين باليوم…
البوتاسيوم : الحاجة اليومية ٣ غرامات ويجب تناول الفواكه والخضار والقرنبيط
وإذا صعب الإلتزام بكميات محترمة يفضل تجيبي مكمل …
سيترات البوتاسيوم إذا برا سوريا حبتين أول أسبوع وبعدا حبة…
أو الفارس k شراب بسوريا ملعقة كبيرة مرتين أول أسبوع بعدين ملعقة يوميا
المغنزيوم : مهم جدا جدا حبة عيار 500 قبل النوم
وموجود ببالمكسرات متل بذور اليقطين والخضروات الورقية أهمها السبانغ..
متوفر بسوريا عشكل لاكتات مغنزيوم مع بي 6 حبة عيار 500
أو ملتي مغنزيوم حبة باليوم ….
الكالسيوم : غالبا ما منحتاج مكمل وموجود.. بمتتجات الألبان… أسماك … لفت … بروكلي… ووإذا حبيت ويفضل تاخد حب فيتامين دال مع الكالسيوم بيجو مع بعض بنفس الحبة
فيتامين دال كمان مهم ويفضل التعرض للشمس صباحا تلت مرات بالأسبوع قبل الساعة تسعة الصبح مع الكشف عن اليدين والرجلين لمدة تلت ساعة كل مرة..
الأوميغا 3 : زيت السمك موجود بالسلمون والسردين…
يفضل عيار 3 ل 5 آلاف مجم باليوم بعد الطعام صباحا ومعظم الناس بحاجة إلو لانو ما بينتجو الجسم الكيتونين وغير الكيتونين ومفيد للقلب والدماغ ولكل الجسم…
رح نلخص المكملات بعد ما قرأنا البوست هدول للمرضع مهمين كتيرر وبالذات إذا ما عندك قدرة تاكلي ورقيات وتنوعي بالخضروات ومصادر الكالسيوم…
(لللحوامل يستشيرو طبيبهم)
ولكن للمرضع آمن ….
حبة معنزيوم 500 قبل النوم..
بوتاسيوم ملعقتين صباحا ومسا أول أسبوع ثم ملعقة يوميا….
حبة فيتامين دال عيار 10 آلاف أربع مرات بالأسبوع بعد وجبة دهنية صباحا لمدة ثلاث أشهر (في حال في نقص بالتحليل وفي حال مافي نقص مناخد حبتين بالأسبوع)…
حبة كالسيوم بعد الطعام كربونات الكالسيوم عيار 500 (في حال في نقص كالسيوم وطبيبك كتبلك ياه أو أكلك مافيو كالسيوم)…
حب أو ميغا ثري عيار 1000 حبة أول أسبوع ثم يرفع تدريجيا بعد أسبوع لحبتين او ثلاثة مع الفطور
الخلاصة بدك ينزل وزنك وتمشي بنظام صحي….
وجبات الكيتو مسموحة بالإضافة إلهم لوجبات مهمة…
لبنة أو لبن بشكل يومي…
جزر بشكل يومي…
مكسرات بشكل يومي ولو قبضة يدوية ..
أفوكادو يفضل يوميا قطعة ..
ورقيات كتيرر … سبانغ…
قرنبيط لفت مرق عظام….
فواكه كيتونية او منخفضة الكاربوهيدرات بكمية مقبولة فريز توت ممكن كرز كيووووي برتقال قطعة يوميا او تفاح أخضر الحامض مثلا وليمون ما ننساه ( راجعي بوست الفواكه المسموحة) …
يوميا بتبلشي 130 غرام كاربو هيدرات وبتنقصي بالتدريج خمسة لعشر غرامات كل كم يوم وبتراقبي إنتاج الحليب وصحة ابنك…
يفضل ما توصلي لرقم أقل من 50 ل 60 غرام كاربوهيدرات
قبل ما تبلش نصيحة أخوية خود مقاساتك ووزنك وكتبن عورقة وحسوب نسبة دهون جسمك وكل شهر خدن مرة كرمال تشوف الفرق وتتحمس ولو ثبت وززنك.
بعد إذنكم أهم شي بتساوه قبل كل دايت وضروري جدا جدا جدا جدا…
1… تاخد صور إلك تتركن عجوالك مع كل جسمك ولا تخجل منو بالعكس هالشي رح يحفزك أكتررر…شهريااااا
2… بتراقب مقاساتك وتيابك وحزام خصرك شو عميصير فيوووو…. كل فترة
3…. بتزين حالك…. وبتراقب حالك عنفس الميزان…. دائما الميزان صباحا… بعد الخروج… وبأقل كمية ممكنة من التياب وكل مرة بتزين بنفس التياب …
وللنساء بعد آخر يوم للدورة الشهرية مرة بالشهر للكل….
4… حساب نسبة دهون جسمك وهي أهم شي وفيك تراقب شو خسرت دهن وشو ربحت عضل وبتحفز حالك بالأرقام
بس مازورة مطلوب…
الخصر… للنساء أصغر منطقة بالخصر… بس للرجال عند السرة بتقيسو
الورك… هوة قطر أعرض منطقة بالجسم… حطيت صورة موضحة بس للنساء مطلوب …
الرقبة بتقيسوها تحت الحنجرة بسنتي وبتلفو المازورة حوالين رقبتكم
الطول معروف
والواحدات ميتريك…. والأرقام إنغلشش
5… أحسب ال BMI تبعك وشوف قديش لازمك للمثالي في حال ما بتلعب رياضة وبدك تعرف وزنك صحي طبي مثالي ولا لأ….
من هالرابط…
بتحطو طولكم ووزنكم بس
لازم يكون بين 20 و 25 وهوة بيخبركم قديش لازم تخسر وزن لتصير مثالي
طيب هلق فهمت كل شي ومحتار كيف تبلش بدك مساعدة بوجبات أسبوع كامل وتجهز نفسك للكيتو…
تفضل لهون.
تحضير للكيتو أول أسبوع…
يللي ناوي يبلش ومحتار ويجهز حالو
وهدول كبداية مناسبين….
مستقبلا بعد شهر لشهرين…
بتتعلمو عحساب السعرات وبتصيرو تشبعو من أقل من هالكميات وبتخففو دهون كتير وبتنوعو بين مصادر الدهون
طبعا شوية البرنامج مريح كبداية وإنتو خففو عكيفكم …
أنا ضد الوصفات الجاهزة كالعادة بس بلكي حدا فايق ومتكاسل ومو عرفان شو يجهز بلكي بيتحمس وبيعجبو الفطور وبيقول بأذن الله بلشت….
(ويللي بدو برنامج خاص فيو بالأطعمة يللي بيحبها في متابعة مأجورة معي عالواتس فيكم تسإلو عنها عالمسنجر وعن تكلفتا)
وصفات لأول أسبوع للكيتو (للتجهيز له) ….
والتحضير له….
يصلح لوزن ال 90 لفوق ال 100 مع نشاط خفيف شوي…. بدون رياضة…..
يللي وزنهم أقل شيلو ملعقة دهن وملعقة من شي أكلة تانية…..
أرجوك مرة ومرتين وعشر الاف مرة مو إجباري تاكلو كلو؟؟؟
هاد 1900 ل 2000 سعرة حرارية يعني للأوزان الكبيرة إذا وزنك ستين نقصصصص شوي وإذا شبعت بأقل من هالكمية ووووووووقف أكل مو ضروري تاكل كل شي بس كميات اللحم ووالبيض حاول تاكل كمية مشابهة أو أقل بشوي صغيرة كرمال تحافظ عبروتينك…..
يمكن استبدال البيض المقلي بالمسلوق بشرط إضافة نفس عدد الملاعق السمن (بدالهم زيت لباقي المكونات)
فيكن تساووو عجة سبانغ أو عجة بقدونس بالبيض مع الحفاظ على نفس كمية الزيت المطلوبة أو البديلة شي ما تملو من البيض..
الغداء في حال الكمية كبيرة يقسم لوجبتين….
لا داعي للصيام أول أسبوع….
تأكل حتى الشبع ومتى تجوووووع …..
لا داعي للالتزام بأرقام الأيام….
أختار اليوم المناسب…..
لا تنسى المكملاااات…..
ممكن تخفيف الدهون مستتقبلا قي حال الشعور بالتخمة ولكن كمية البروتين ضرورية..
لا تنسى المحلول الكيتوني… عند ظهور الأعراض والدوخة ووجع الرأس…..
ليتر مي… نصف ملعقة ملح صخري…. ملعقة حل تفاح وترانشات ليمون وتشرب عند الحاجة….
بالتووووفيق….
_________________________________
يوم السبتتتتتتت……
الفطور …
2 بيضة مقلية بملعقة سمن….
100 غرام مكدوس (مكدوسة كبيرة)
ملعقتين كبار لبنة عالية الدسم ملعقة زيت فوقها….
1 ملعقة زيت زيتون للسلطة يللي مشتهيها بالمكونات تحت…..
الغدا….
400 غرام فخد دجاج (حوالي الفخدة والنصف كبيرة مع الجلد) مقمرين بملعقتين سمن مع توابل مسموحة……
50 غرام لبنة مع تومتين وملعقة زيت… ساوي فيهم مايونيز….
قبضة مكسرات يللي بتحبا 30 غرام ….
100 غرام فريز أو 60 غرام توت أزرق أو 50 ل 100غرام أفوكادو أو 50 جوز هند الثمرة نفسا أو 130 غرام توت أحمر
الخضروات توزع حسب الطلب مع الوجبات….
1 خيارة وسط…
1 بندورة وسط…
1 ليمونة وسط…
جرجير أو بقلة أو بقدونس أو أي شي ورقيات الكمية مفتوحة…
باقة خس مثلا بدل الخبز أو كم ورقة ملفوف ….
________________________________
يوم الأحد…..
الفطور…….
2 بيضة مقلية بملعقة سمن……
50 غرام جبن بلدي… حوالي قطعتين لتلاتة
2 ملعقة مسبحة كبيرة فوقها ملعقة زيت…..
1 ملعقة زيت زيتون للسلطة يللي مشتهيها بالمكونات تحت…..
الغدا……
200 غرام لحمة غنم…..مع 25 غرام دهن خروف (حوالي 2 ملاعق كبار)
مع أي نوع خضروات فاصوليا قرع بروكلي بامية باتنجان كوسا حوالي 150 ل 200 غرام …..
قبضة مكسرات يللي بتحبا 30 غرام ….
100 غرام فريز أو 60 غرام توت أزرق أو 50 ل 100غرام أفوكادو أو 50 جوز هند الثمرة نفسا أو 130 غرام توت أحمر
الخضروات توزع حسب الطلب مع الوجبات….
1 خيارة وسط…
1 بندورة وسط…
1 ليمونة وسط…
جرجير أو بقلة أو بقدونس أو أي شي ورقيات الكمية مفتوحة…
باقة خس مثلا بدل الخبز أو كم ورقة ملفوف ….
__________________________________
يوم الإثنين…
الفطووووور….
3 بيضة مقلية بملعقة سمن…..
10 حبات زيتون أو عطون مع ملعقة زيت…..
2 قطع جبنة كيري
ملعقتين مسبحة عليهم ملعقة زيت…
الغداءء….
ميتين غرام طونا…. حوالي علبتين صغار فوقن
بتغسلوهم من زيتن وبتحطو فوقن 4 ملاعق زيت زيتون…..
أو…
نوع سمك عالي الدهون حوالي 350 غرام مقمر بملعقتين سمنة….
مع أي نوع خضروات فاصوليا قرع بروكلي بامية باتنجان كوسا حوالي 150 ل 200 غرام ….. مسوحين بملعقة سمن أو زيت…
قبضة مكسرات يللي بتحبا 30 غرام ….
100 غرام فريز أو 60 غرام توت أزرق أو 50 ل 100غرام أفوكادو أو 50 جوز هند الثمرة نفسا أو 130 غرام توت أحمر
الخضروات توزع حسب الطلب مع الوجبات….
1 خيارة وسط…
1 بندورة وسط…
1 ليمونة وسط…
جرجير أو بقلة أو بقدونس أو أي شي ورقيات الكمية مفتوحة…
باقة خس مثلا بدل الخبز أو كم ورقة ملفوف ….
_______________________________
يوم الثللاثاء……
الفطووور…..
3 بيضة مقلية بملعقة سمن……
2 ملعقة مسبحة عليهم ملعقة زيت…
زعتر أخضر ب 50 غرام جبنة بلدية عليهم ملعقة زيت
الغدااااء…..
300 غرام صدر دجاج (حوالي) صدر حجم مقبول…..
مع 2 ملاعق سمنة بتساوي فيهم شاورما بالتوابل يللي بتحبن…..
مع أي نوع خضروات فاصوليا قرع بروكلي بامية باتنجان كوسا حوالي 150 ل 200 غرام ….. مسوحين بملعقة سمن أو زيت….
50 غرام لبنة ملعفة زيت وتوم…. بتساوي فيهم مايونيز أو صوص أو بلاهم…..
قبضة مكسرات يللي بتحبا 30 غرام ….
100 غرام فريز أو 60 غرام توت أزرق أو 50 ل 100غرام أفوكادو أو 50 جوز هند الثمرة نفسا أو 130 غرام توت أحمر
الخضروات توزع حسب الطلب مع الوجبات….
1 خيارة وسط…
1 بندورة وسط…
1 ليمونة وسط…
جرجير أو بقلة أو بقدونس أو أي شي ورقيات الكمية مفتوحة…
باقة خس مثلا بدل الخبز أو كم ورقة ملفوف ….
_______________________________
يوم الأربعاء….
الفطووور…..
3 بيضة مقلية بملعقة سمن…..
100 غرام مكدوس….
3 مثلثات جبنة دهن…..
سلطة
الغداءءء….
لحمة خروف 250 غرام مع 35 غرام دهن أو ملقعتين دهون زيت أو سمنة
وباذنجان 250 غرام…. (لحمة بباذنجان)
قبضة مكسرات يللي بتحبا 30 غرام ….
100 غرام فريز أو 60 غرام توت أزرق أو 50 ل 100غرام أفوكادو أو 50 جوز هند الثمرة نفسا أو 130 غرام توت أحمر
الخضروات توزع حسب الطلب مع الوجبات….
1 خيارة وسط…
1 بندورة وسط…
1 ليمونة وسط…
جرجير أو بقلة أو بقدونس أو أي شي ورقيات الكمية مفتوحة…
باقة خس مثلا بدل الخبز أو كم ورقة ملفوف ….
________________________________
يوم الخميسسسسس
الفطوووووور…….
3 بيضة مقلية بملعقتين سمن عربي
4 ملاعق لبنة… عليهم ملعقتين زيت
10 حبات عطون
10 حبات زيتون (إذا إلهم زيتات منحفف ملعقة من فوق)
سلطة…
الغداءءء……
200 غرام كبدة……
200 غرام فطر…
مطبوخين بتلت ملاعق سمن أو زيت زيتون
سلطة عليها ملعقة زيت…..
قبضة مكسرات يللي بتحبا 30 غرام ….
100 غرام فريز أو 60 غرام توت أزرق أو 50 ل 100غرام أفوكادو أو 50 جوز هند الثمرة نفسا أو 130 غرام توت أحمر
الخضروات توزع حسب الطلب مع الوجبات….
1 خيارة وسط…
1 بندورة وسط…
1 ليمونة وسط…
جرجير أو بقلة أو بقدونس أو أي شي ورقيات الكمية مفتوحة…
باقة خس مثلا بدل الخبز أو كم ورقة ملفوف ….
________________________________
يوم الجمعة……
الفطوووووور…….
3 بيضة مقليات بملعقة سمن
2 ملعقة مسبحة حمص عليها ملعقة زيت زيتون
100 غرام مكدوس (انتبه من الزيتات تبعوتو)
الفداااااءء…
200 غرام لحمة غنم بتساوي فيهم همبرغر بورق ملفوف أو ورق خس وعليها 50 غرام موتزاريلا…. حط الخضروات يللي بتحبا…..
قبضة مكسرات يللي بتحبا 30 غرام ….
100 غرام فريز أو 60 غرام توت أزرق أو 50 ل 100غرام أفوكادو أو 50 جوز هند الثمرة نفسا أو 130 غرام توت أحمر
الخضروات توزع حسب الطلب مع الوجبات….
1 خيارة وسط…
1 بندورة وسط…
1 ليمونة وسط…
جرجير أو بقلة أو بقدونس أو أي شي ورقيات الكمية مفتوحة…
باقة خس مثلا بدل الخبز أو كم ورقة ملفوف ….
طيب أنا شغلتي تلت أربع كيلوات وما كتير لازمني نزول وزن شو بتنصحني
البوست اليومي المكررر للمرة ال 17 مليون
مرحبا….
أنا صبية طولي 170 وزني 69 ( شقرة بيضة بعيون زرق كمان وإلي خدود) بصير ساوي كيتو مع إنو شغلتي 5 كيلوات (تعو نقهرو ونغاظو يا جماعة ال90) … عبمزح
هي بين القوسين من عندي…
.
.
.
.
جوابي الدائم والأبدي….
أييييي…..
للكل وأي حدا محتار؟
وإنت ليكك يللي عمتقرا البوست واكتئبت من وزنك؟
ومقرر تعمل تكميم وتحويل مسار؟
الكل لازم يجرب كيتو حتى إنتي يا أم طول 170
وأنت يللي ناوي تساوي عملية (إنت بالذات المفروض لو بدولة محترمة وإذا الأخصائي تبعك محترم وعليه القدر والقيمة مو متل عنا تعا عملية وروح لو وزنك 70؟ يجبرك تقطع سكر وتساوي دايت قبل العملية أقل شي تلت شهور مشان يعرف إذا فيك تلتزم ولا لأ بعد العملية وتقدر تستفيد)
لهيك جرب شهر كيتو وبلكي الله بيفرجا عليك وبيكون نزولك خيررررر تكمل…
والله رح تقضي سنة وسخة من عمرك لا صحة ولا عافية وجسم هزيل ونقص فيتامينات ومعادن وتشتهي اللقمة وما تقدر تاكلها؟ …
هالسنة ساوي فيها كيتو وكول لحم ودهن وجيب محليات وطحين اللوز وغيرو ودلل حالك بتكلفة العملية يللي عبيوصل ل 6 و7 مليون
كيف بتسخى تقطع جزء من جسمك بلا سب؟؟؟؟
وإنتي كمان لازم أم طول 170 ..
لأنو كلنا معرضين للسكري…
كلنا معرضين للزهايمر يللي رح يجي يوم ويعتبرون سكري نمط 3
كلنا لازم نجرب نعيش بدون متعة السكر…
كلنا لازم نكون جاهزين لهاللحظة يللي نقدر نستغني عن أدوية السكرو نعالج حالنا في حال نصبنا فيها….
كلنا لازم نتعلم من الكيتو شو يعني دهون صحية….
كرمال عيلتنا وأهلنا لنقدر نساعدن ونقدر ننشر فكرة الأكل الصحي ….
صدقني بعد ما تترك كيتو ضميرك رح يعذبك كل ما تقرر تاكل قطعة حلو ورح تبطل إدمان فواكه وتاكل باعتدال مو كيلوين كل يوم…
وتحافظ عصحتك إن شاء الله طول حياتك…
نصيحة بخصوص الكيتو كلاسيك والعادي وفي بعض الكروبات عبينشرو هالشي
شوية نصائح من صفحة د.بيرج….
منقوووول ……
بتمنى من قلبي تقروها تركزو فيها وكل شي عامل كيتو يقراها…
أنا من أول ما صار في كروبات كيتو عربية عبراقب الوضع فيها….
فعلا شي بيبكي….
إنك تمنع المكسرات والأجبان والفواكه المسموحة مثلا (كيتو كلاسيك) جريمة إلا في حال وجود حالة صحية ما؟
وليس من اجل النحف فقط…
كيتو البيض مو بس جريمة يللي بيدعو إلو وبيشجع عليه هاد إنسان ما عندو ضمير ولا ذرة أخلاق؟ ..
وكل ما بكتب عموضوع التحديات وإنو حرام نأذي الصبايا فيها (كونهم عبيثقو بصاحب التحدي وبعلمو عأساس) ناس بتتهمني أني عبستدهدف كروب معين مجاور؟
وبترككم مع الحكي المكتوب من صفحة د.بيرج….
ويلللي قرا الحكي يحط قلب أخضر لأعرف إنو مريت….
1. الكيتو الصحي هو نظام يعتمد على النسب (التي تختلف من شخص لآخر، ولنفس الشخص من وقت لآخر).
والأساس في التطبيق هو مبدأ الوفرة في الطعام)..
يعني حساب السعرات مو ضروري بشرط ما تجوع حالك وتضغط عحالك ووجباتك تكون كاملة العناصر الغذائية من فيتامينات ومعادن…
(بس أنا بفضل نلتزم بعدد سعرات ونتعلم ونتثقف بموضوع السعرات حتى نفهم كل شي تغذية بحياتنا) …
2- الكيتو الصحي هو النظام المسموح تطبيقه، لأنه نظام متكامل يوفر جميع العناصر الغذائية التي يحتاجها الإنسان، ويرفض الحرمان والتجويع ابدا، ولا يسمح بتناول الأطعمه رديئة المكونات أو المصدر
على عكس ما يتم نشره من أنظمة دخيلة لا صحة لها كما يسمونها (كلاسيك، ليزي، ديرتي، كيتو كارنيفور…. وغيرها) وهذه كلها أنظمة غير مدروسة ولها أضرارها الصحية الكبيرة على من يطبقها ربما تظهر بعد سنوات
3- غير مسموح إعطاء اي نظام أو نسب أو نصائح لأي مريض، قبل الاطلاع على فحوصات الأساسية ومعرفة معلوماته بالتفصيل، ويجب أن يكون متابع من قبل (متخصص مؤهل حاصل على شهادة ومتمرس فاهم في هذا المجال)، ولا يمكن المتابعة للتخسيس فقط متجاهلين الحالته الصحية والمرضية.
4- من أكبر الأخطاء التي تقع بها بعض المجموعات، هو قيامهم بإجراء مسابقات وتحديات (جماعية)، “بدافع التحفيز”
، ولكن هذه المسابقات خطيرة جدا، لأن لكل حالة وضع مختلف تماما تحتاج متابعتها بما يناسبها، فما يناسب شخص قد يضر بالاخر، ولن تظهر النتائج السلبية الا بعد مرور أشهر طويلة، حينها سيكون إصلاح المشاكل صعب جدا، او ربما مستحيلة لو سببت بعجز او ضرر بأحد الاعضاء كألكلى او الكبد او الغدة … وغيرها.
5- الإنسانية يجب أن تكون هدف كل من يدخل بهذا المجال، لأننا نسعى لتحسين صحة الانسان، وهذا يتناقض مع كل ما تم ذكره في اعلاه، وخاصة عندما يكون هدف الشهرة والانشار على حساب صحة الناس
واخيرا.. طريق الحق جميل وواضع ومشرق بنور الصدق والأمانة التي سيسألنا الله عليه يوم لا ينفع فيه الندم، فاجعل من منبرك مكان مبارك يدعوا الناس للخير والصحة الحقيقية
، واحذر من أن تقول كلمة قد تضر بها احدهم ولو بدون قصد، لأنك لم تتأكد من المعلومة او لأنك تنقل من مصدر غير موثوق او لأنك تساير موجة ما يتم نتشر من عشوائية
..
شو هالحمية يللي كلها حبوب وفيتامينات
.
.
.
فيني ساوي كيتو بدون مكملات؟
أو فيني وقف مكملات؟
.
.
.
قبل ما بلش أخواتي….
المكملاات مو لأنك كيتو؟
لا بالعكس…
لأنك ماشي بريجيم وحياة صحية ولأنك مثقف بدك تعطي جسمك كل شي حقو؟
ولأنك مهمل ومافيك تلتزم بالكميات يللي كتبتا كل يوم؟ (بتشد يومين بترخي عشرة) لهيك صرعتك بالمكملات كرمال صحتك تضل بخير….
مو بس هيك كل شي ريجيم لازمو مكملات؟
انا شفت ابطال بيطلعو عالمسرح وعاملين أصعب أنواع الحميات؟
ونفسيتن وأعصابن وجسمن صفر بسبب الإهمال وقلة الفيتامين؟
.
.
.
.
.
.
نعم فيك ورح أعطيك كمية تقديرية وشو تساوي لتوقف كل المكملات والفيتامينات…..
بس جاوبني بصراحة بتقدر تلتزم يوميا؟
200 غرام أفوكادو…
100 غرام سبانغ ….
200 غرام ملفوف خس…
خيارة + بندورة ..
قبضة مكسرات….
30 غرام بزر كتان.
3 بيضة… (ضمن اكلك)
300 غرام لحوم…(ضمن أكلك)
أكبد رح تاكل شي عالغدا ما يعادل 200 غرام خضروات..
متفرقات….
وشو ما زدت ورقيات زيد كلو خير ولصحتك بس هدول الكميات شبه إلزامية يوميا….
أسبوعيا نصف كيلو حتى الكيلو سمك (أفضل)
بما يعادل وجبتين لثلاث وجبات أسبوعيا
إما ماكريل أو سالمون أو سردين
حسب ظروفك لا مانع سردين معلبات ينغسل وينحطلو زيت زيتون….
فيتامين دال؟ بعد ما نعوضو حب عشر الاف يوميا لمدة شهرين …. منوقفو ومنكمل….
إما التعرض أسبوعيا للشمس حمام شمسي لمدة نصف ساعة مع تغطية الوجه بحيث يصير احمرار خفيف بالبشرة بيعطينا 10 ل 25 ألف وحدة فيتامين دال.
أو التعرض تلت مرات أسبوعيا للشمس وكشف الأيدي والأرجل بين الساعة 10 ل 3….
وهيك منكون حصلنا…
4500 ملغ بوتاسيوم….
400 ملغ مغنزيوم…
أوميغا حسب نوع السمك بس بتاخد حاجتك بالكمية المكتوبة
فيتامين دال حكينا…
ووقفنا المكملات وريحناك من هالحب…
لمزيد من التفاصيل …
فيتامينات:
الأوميغا …
مجرد ما نسمع بهالكلمة بيخطر عبالنا بس سمك وحب أوميغا 3 بس هن أكتر من أوميغا…
لهيك رح أشرح شوي عن الموضوع…..
هنة تلت أنواع أوميغا 3.6.9
أحماض دهنية 3 و 6 متعددة غير مشبعة وال 9 أحادية غير مشبعة….
3 و 6 لازم ناخدن من برا…
9 الجسم بيصنعو…. (ما رح أحكي عنو كتير)
طبعا كلن مفيدين…. ولكن كثرة ال 6 ضارة فقط….
الحياة الغربية أو فيكم تقولو نمط حياتنا السيء…
الموازنة بينهم كبيرة لصالح أوميغا 6…
عمتوصل تقريبا الوارد لجسمنا من أوميغا 6 حوالي 20 ضعف.. الأوميغا 3…
لهيك نحن لازم نخفف كتيرر من أوميغا 6…
ولازم نزود من أوميغااا 3 لنقدر نساوي موازنة كأبسط مثال وووحكينا عن دراسة سابقة…
عملوها عنمط حياة بدل ما يكون 20 ضعف
عدلو نمط الحياة ل 4 أضعاف فقط يعني أوميغا 6 كانت أربع أضعاف 3 وقلت نسبة الوفيات كتيرر وارتبطت بزيادة العمر…
مع إنو المفروض تكون النسبة 1 ل 1…
نمط حياة أجدادنا هيك كانت….
وهي فكرة الكيتو… قطع الزيوت النباتية(الضارة) ووتخفيف مصادر أوميغا 6 وتعويض بدلا منو أوميغا 3 بالأغذية والأسماك والممكلات لنوصل لنمط حياة صحية متوازنة…
***الأوميغا 3 حكينا بالبوست السابق وين متواجد وكيف ناخدو…
رح أحكي عن وظائفو …
1..تحسين صحة القلب..
2.. دعم الصحة النفسية…(اكتئاب، باركنسون)
3.. إنقاص الوزن وحجم الخصر….
4… تقليل دهون الكبد…
5.. دعم نمو دماغ الرضيع…
6.. دعم مقاومة الإلتهاب…
كلمة مقاومة التهاب كلمة كبيرة وهية عأساسها مبنية فكرة الكيتو والأنظمة الصحية…
وهية نفسا لما تدرس طب وتكتشف نص الأمراض (سببها مجهول)؟
أي مرض بالجسم يعتبر التهاب …..
أي شي بالجسم غلط فيك تفسرو بنمط حياتك السيئة….
لهيك الكل لازم باخد أوميغا 3 مجرد ما حس في شي غلط بجسمو وحتى لو ماحس… حاول تاخد من اجل الوقاية. (حب أو طعام)
بيحكولك لازم ناخد 250 ل 300 ملغ أوميغا 3 كأقل تقدير
ومجلس الغذاء والتغذية التابع لمعهد الطب الأمريكي ، بيقول إنو المدخول الكافي من omega-3s يوميًا هو 1.6 جرام للذكور البالغين و 1.1 جرام للإناث البالغات بعمر 19 عامًا فما فوق….
(يعني كلنا لازم ناخد أوميغا 3 أو ناكل وجبتين سمك محترمين أسبوعيا كأقل تقدير)
*** الأوميغا 6…
متل ما حكينا هو حمض دهني غير مشبع متعدد…
هو إلو فائدة ببعض الحالات وممكن ناخدو كمان بس في حالات خاصة كتيررر ولسه الدراسات عليه قليل لأنو الموضوع معقد شوي وحسب نوعو وكيف مستقلباتو ممكن تفيد وتشتغل…
(لهيك أعتبرو هالفقرة ما قريتوها ومحطوطة للذكرى فقط)
زيت زهرة الربيع المسائية…
زيت لسان الثور….
(هدول يللي نعمل دراسة عليهم صغيرة ولاقو مفيدين)
المفروض ما نتجاوز 17 غرام يوميا للذكور و 12 غرام لاأناث…
وإذا بدنا حياة صحية أو نوازن بين أوميغا 3 وأوميغا 6 بدنا أقل من هيك أكيد…
فيما يلي كميات أوميغا 6 في 100 جرام من الأطعمة التالية…
زيت فول الصويا: 50 غرام…
زيت الذرة: 49 غرام…
مايونيز: 39 غرام…
الجوز: 37 غرام…
بذور عباد الشمس: 34 غرام…
بذور القنب : 27 غرام…
اللوز: 12 غرام…
الكاجو: 8 غرام…
زبدة الفول السوداني: لكل ملعقة 2 غرام
ال 100 غرام زبدة فيها 12.5 غرام…
التوفو : 5 غرام…
زيت القرطم : 13 غرام…
(لما عمناخد لوز أو كاجو أو بزر بالكيتو عمتاخد فقط 30 غرام يعني ضمن الكمية المقبولة والمسموحة تقريبا)
لهيك لازم ننتبه شوي لموضوع بذر عباد الشمس
وعموما إذا عناخد سمك وأوميغا منقدر نوصل لموازنة جيدة إن شاء الله…..
*** الأوميغا 9…
حمض دهني غير مشبع أحادي السلسلة…
كمان مفيد…
بس ميزتو الجسم قادر عإنو بركبو…
فنحن مو محتاجين إلو…
*** حاولو تتجنبو المكملات يلي فيها اوميغا 3 و 6 و 9..
*** أوميغا 3 في منو أنواع كتير الأهم…
EPA:الأساسي يللي بيساهم في تقليل الإلتهاب وتقليل اعراض الإكتئاب
DHA:بيشكل 8 بالمية من وزن الدماغ وبيساهم في نمو الدماغ ووظيفته
ALA:يفيد القلب والجهاز المناعي والجهاز العصبي
المهم متل ما نبهنا لما نشتري مكمل منفاح ومنشوف معلوماتو ومنركز عمجموع كمية EPA+DHA لازم يكون مجموعن منيح وبفصل دائما يتجاوز ال 500 ملغ….
عمتاخدو أوميغا ثري؟ ولا عمتاكلو سمك ولا بذور الشيا ؟ وشو نوع السمك؟
السمك النهري ما كتير فيو أوميغا….
شوية معلومات عالطاير….
العديد من المنظمات الصحية الرئيسية تحث على تناول بحد أدنى من 250-500 مجم من أوميغا 3 يوميًا للبالغين الأصحاء…..
السردين حتى المعلب نظرا للظروف الصعبة بسوريا وعدم توفر السمك وسعره الغالي….
بيتوفر على أوميغا ثري بكمية وافرة…
خلي وجبتين بالأسبوع سردين عأقل احتمال…
وبدل التونا جيب سردين بيضل أرخص…..
إذا مافي قدرة على شراء حب الأوميغا وبالرغم من هيك بنصح بآخد النوعين….
كل الحميات بالدنيا بتنصح بتناول وجبتين سمك أسبوعيا لتلاتة ….
وحمية البحر الأبيض المتوسط هي الأفضل والأصح للوقاية من أمراض القلب بسبب احتوائها على الأسماك الدهنية…
لهيك علبتين سردين صفيهم من زيتهم وغسلهم وحط زيت الزيتون وصحة وهنا أفضل من التونا بكتير
وكمان بطريقك بذور الشيا لأنو فوائدها عظيمة..
طبعا في فوائد كتير بالأسماك بالفيتامينات والمعادن بس رح أحكي عن أوميغا ثري…
يتبع في بوست تاني فوائد الأوميغا ورح أسرد وين متوفر وكتبولي بالتعليقات شو عمتاخدو منهم….
طبعا الأفضل من 1 ل 8… لأنهم بيحووو أحماض EPA + DHA من 9 ل 12 أقل…
ولما تشترو مكمل أوميغا ركزو عشغلتين…
ما يكون فيو أوميغا 6 و 9…
ويكون فيه مجموع هالمادتين DHA+EPA
فوق ال 500 أقل تقدير….
(ملاحظة : ممكن الدواء إذا أخدناه يزيد تأثير المميعات لهيك لازم ننتبه أو نسأل طبيبنا الأسبرين، كلوبيد، وارفرين)
1…سمك الماكريل …
كل 100 غرام فيها 5134 ملغ…
2… سمك السلمون…
كل 100 غرام فيها 4123 ملغ…
3… زيت كبدة سمك القد…
لا تاخد أكتر من ملعقة فيها 2682 ملغ…
4… سمك الرنجة…
لكل 100 غرام فيها 2366 ملغ..
5… المحار…
لكل 100 غرام… فيها 435 ملغ…
6… السردين…
لكل 100 غرام… فيها 1480 ملغ…
7… الأنشوجة…
لكل 100 غرام فيها… 2133 ملغ…
8… الكافيار… (متل توابل)
لكل ملعقة فيها… 1086 ملغ…
9…. بذور الكتان…
لكل أونصة طعام فيها 7260 ملغ…
بس فية اوميغا 6 لازم ننتبه ما نكتر…
10… بذور الشيا…
مغذية بشكل لا يصدق – فهي غنية بالمنجنيز والسيلينيوم والمغنيسيوم وبعض العناصر الغذائية الأخرى…
تحتوي الحصة القياسية 1 أونصة (28 جرام) من بذور الشيا على 5 جرامات من البروتين ، بما في ذلك جميع الأحماض الأمينية الأساسية الثمانية .
محتوى أوميجا 3: 5،060 ملغ لكل أونصة (28 جرام)
11… الجوز
كل 30 غرام فيها 2570 ملغ…
12.. فول الصويا…
كل 100 غرام قيها 1443 ملغ…
بس كمان فيها أوميغا 6…
المغنزيوم..
شرحت عنو كتير من قبل
وشرحت كيف منعوضو وشو أفضل انواع المكملات….
الخلاصة بيدخل بكل شي بجسمك
إذا عمتعطس ممكن يكون سببو نقص مغنزيوم وإذا جلطة مثلا ممكن يكون أحد أسبابها سكري وضغط وإلخخخخ حتى اكتئاب وضعف تركيز وقلة نوم وآلام دورة شهرية أو ما قبل الدورة أي شي بالدنيا بيخطر ببالك سببو المغنزيوم؟
بس رح ارجع أشرح بشغلات مهمة..
قبل الكيتو كنا مقضينا بقوليا ونشويات وبكميات كبيرة رز وخبز وتوابعو يعني متل العادة صح أطعمة ضارة عالجسم بس الكميات الكبيرة يللي عمناكل منها عنتعطينا شوية معادن وفيتامينات وتعطينا حاجتنا…
وبالرغم من هيك معنا نقص أغلبنا حتى قبل الكيتو
وكالعادة بأي دايت (مو بس الكيتو) لازم ننتبه للمعادن ومنها المغنزيوم…
حتى لو عملت تحليل وطبيعي لازم تاخد مكمل إلا إذا فتت وحسبت وشفتلي خرجك تاخد حاجتك وتلتزم كل يوم ولا بدك مكمل
____________________________________
أديش الحاجة اليومي للمغنزيوم؟
المغنزيوم؟
تقريبا
400 ل 420 ملغ للذكر
310 ل 320 للنساء…
وللحامل بحدود 400 ملغ
وللمرضع بحدود 350 ملغ
مرضى السكر…
منزود 50 ملغ يعني شب سكري 450 امرأة سكرية 370 ملغ تقريبا….
____________________________________
شو هن الأغذية المسموحة بالكيتو والعالية بالمغنزيوم ؟
لحالك فوت وحسوب وقدر شوفلي عمتجيب فوق 300 ولا لأ؟
الحكي لكل 100 غرام من الطعام المذكور..
الشوكولا… 228 ملغ
أفوكادو……. 29 ملغ
السلق السويسر…. 86 ملغ
البقلة…. 68 ملغ
السبانغ… 79 ملغ
الجرجير… 47 ملغ
الخسس… 13 ملغ
ملفوف… 12 ملغ
الفطر…. 9 ملغ
البروكسل… 23 كلغ
القرنبيط.. 15 ملغ
البروكلي… 21 ملغ
لحم دجاج… 23 ملغ
لحم غنم… 23 ملغ
لحم تونا… 42 ملغ
لحم السردين… 39 ملغ
لحم السلمون.. 27 ملغ
سمك الماكريل… 76 ملغ
المحار…. 58 ملغ
أرضي شوكي…. 60 ملغ
البامية…. 57 ملغ
البيضة…. 10 ملغ
خيار… 13 ملغ
بندورة.. 11 ملغ
ليمون…. 8 ملغ
باذنجان…. 14 ملغ
كوسا…. 18 ملغ
فاصوليا… 25 ملغ
الحمص مسلوق…. 48 ملغ
البصل.. 10 ملغ
الفريز.. 13 ملغ
فليفلة… 10 ملغ
الجوز… 150 ملغ
الاجبان عموما…. 30 ملغ
حليب الصويا… 25 ملغ
حليب جوز الهند… 37 ملغ
التوفو…. 53 ملغ
مبشور جوز الهند… 50 ملغ
الجوز البرازيلي 376 ملغ
بزر الشمس… 325 ملغ
بزر القرع… 592 ملغ
حبة سوداء (البركة)… 385 ملغ
الللوز…….268 ملغ
الكاجو…. 292 ملغ
بزر الكتان….. 392 ملغ
بذور الشيا… 355 ملغ
السمسم…. 351 ملغ
حبة البركة… 385 ملغ
فستق فول سوداني … 168 ملغ
الطحينة…. 95 ملغ.
أكيد شفت بزور الكتان وبزور الشيا للمرة الثانية مو؟
#الكالسيوم….رمزه #ca
1000 ملغ للجميع…
1200 ملغ للنساء فوق 50 سنة…
1200 ملغ للكل رجال وذكور فوق 70 سنة…
1300 ملغ للأطفال بين 4 ل 18 سنة….
#١يلعب الكالسيوم دورًا في وظائف الجسم
في حال لم تتناول الكالسيوم سيسحب الدم الكالسيوم من العظام لأهميته القصوى في الدم ولأنه يلعب دور كبير في العضلات والهرمونات
#٢جسمك لا ينتج الكالسيوم وأنت بحاجة لآخذه من الطعام….
#٣أنت بحاجة لمستويات جيدة من فيتامين دال لتحسين امتصاص الكالسيوم…
#٤النساء أكثر أهمية لهم الكالسيوم وبخاصة في موضوع الدورة وآلام ما قبل الدورة هام تناوله بشكل منتظم مع المغنزيوم
تشنجات عضلية
تنمل ، أو الشعور بوخز وخز في الأطراف
تغيرات في المزاج ، مثل القلق أو الاكتئاب أو التهيج
مشاكل الذاكرة
انخفاض ضغط الدم
صعوبة في الكلام أو البلع
إعياء
الشلل الرعاش
وذمة حليمة العصب البصري ، أو تورم القرص البصري
#أعراض #نقص #كالسيوم #الدم #الحاد #هي:
النوبات
عدم انتظام ضربات القلب
فشل القلب الاحتقاني
تشنج الحنجرة ، أو نوبات الصرير
تشمل الأعراض طويلة المدى لنقص كالسيوم الدم ما يلي: (يعني لمدة طويلة)
جلد جاف
أظافر هشة
حصى الكلى أو رواسب الكالسيوم الأخرى في الجسم
مرض عقلي
عدسة معتمة العين
الأكزيما
تعويض الكالسيوم بحاجة لتعويض المغنزيوم وفيتامين دال ولا يجب أن يتم تعويضه لوحده….
وبخاصة عن طريق المكمل يحمل مخاطر عدة
حدوث إمساك وغازات وانتفاخ في حال آخذك لمكمل الكالسيوم يدل على أن جسمك يإخذ جرعات كبيرة من الكالسيوم..
أما بتعوض دال ومغنزيوم أو وقفوووو…
قد يزيد من خطورة تشكل حصيات الكلى…
هناك بعض الأطباء يربطون بين زيادة الكالسيوم والأمراض القلبية
(ولكن الموضوع بحاجة لمزيد من الدراسات والتأكيد)
تم ربط زيادة الكالسيوم مع سرطان البروستات
حيث يحوي 21 بالمية فقط كالسيوم مثلا الحبة 100 بيكون فيها 200 كالسيوم حر
يمكن تناوله بدون طعام على معدة فارغة والأفضل لكبار السن بسبب أنا حموضة المعدة متدنية..
وهو مفضل في حال وجود متلازمة الكولون العصبي…
#كربونات #الكالسيوم… يجب أنا يؤخد مع الطعام من أجل امتصاص أفضل وهوة الأرخص…
يحوي 40 بالمية كالسيوم مثلا الحبة 1000 كربونات الكالسيوم فيها 400 كالسيوم…
يجب عدم آخذ جرعة أكثر من 500 ملغ كالسيوم ( يعني كربونات الكالسيوم عيار 1000 فيها 400 كالسيوم)
وفقد ثبت عدم جدواها لأنه لا يمكن امتصاصها دفعة واحدة وفي حال التعويض يجب تقسيم الجرعة لأكثر من مرة…
وحتى لما بدك تاكل لا تاخد 100 غرام جبنة بارميزان مثلا…
قسمها عوجبتين وخلص أخدت حاجتك اليومية من الكالسيوم بتكون لنفرض قررت تحسب…
في مكمل اسمو لاكتات الكالسيوم 100 ملغ بيحبو د. بيرج كتير بس ما قريت عنو بمحل تاني بس بيساعد كرمال النوم كتيررر وبينصح فيه…
بس ما بتوقع بيعطيك حاجتك اليومية من الكالسيوم
#الاطعمة #التي #تحوي #الكالسيوم :
السمسم…975 ملغ
جبة البركة… 1000 ملغ
الطحينة… 426 ملغ
بذور الشيا… 631ملغ
بزر الكتان.. 255 ملغ
بزر القرع واليقطين.. 55 ملغ
بزر الشمس… 78 ملغ
الكرفس…40 ملغ
الأجبان…البلدية 140 ملغ
القريشة 83 ملغ
الشيدر والموتزاريلا 721 ملغ
البارميزان 1184
الألبان… حوالي ال 100 وأقل
السردين…382 ملغ
البيضة… 30 ملغ
اللحوم ضعيفة بالكالسيوم…
لحم دجاج 15 ملغ
لحم غنم 6 ملغ
المعلاق 43 ملغ
العدس… 19ملع
الحمص… 50 ملغ
الفول..37ملغ
اللوز..264ملغ
الجوز… 98 ملغ
الواي بروتين.. كل سكوب فيه 200 ملغ
الكرنب..40ملغ
السبانغ…99ملغ
السلق… 51 ملغ
الجرجير … 160 ملغ
البروكلي… 47ملغ
البامية… 82 ملغ
اللفت..30ملغ
الراوند..86ملغ
التوفو…350 ملغ
الليمون… 26 ملغ
فراولة… 16 ملغ
الأطعمة المدعمة… ولكن الإنتباه للكمية الكييرة بالوجبة….
السبانغ والورقيات غنية بالكالسيوم ولكن تحوي على الأوكزالات يفضل وضع الليمون عليها لتجنب حدوث الحصيات…
#برأيك #منحتاج #مكمل؟
غالبا أي إذا حسبت وطلع ورادك قليل كتير بس الأفضل تحسب وتنوع وتاخد حاجتك من الاكل ….
(كرمال ما نفوت بمتاهات مكمل الكاسيوم)
#ليش #بينبهو #كتير #من #مكمل #الكالسيوم؟
لأنو لما تاخدو بدون مغنزيوم وفتيامين دال هون المشكلة وهون بساوي مشاكل بالجسم وبيتراكم… اللي حكينا عنهم فوق….
المفروض لما ناخد المكمل يكون الكالسيوم #ضعف المغنزيوم…
يعني 1000 كالسيوم…. 500 مغنزيوم…
وهكذاااا
وما ننسى فيتامين دال….
وجهة نظري لا مانع يكون موجود بحبة الملتي فيتامين في حال عنا اعراض نقص أو ما عمنقدر ناخد كمية مقبولة ووافرة منو والأفضل أكيد نحسب وننوع وناخد حاجتنا وخلص
ونكون عمناخد فيتامين دال..
ومغنزيوم…
كتبولي بالتعليقات…
عمتاخدو مكمل حسب التعليمات ولا فيكم تجيبو حاجتكم اليومية…. والقلب أكيد
وعرفتو ليش بكره #الكيتوكلاسيك كمان رح يحرم جسمكم من الكالسيوم والأجبان
الحديد…..
80 بالمية من البشر عندن نقص بمخزون الحديد
30 بالمية من البشر عندن فقر دم بنقص الحديد
___________________________________
(قبل ما بلش مو كل فقر دم يعني نقص حديد؟
ممكن فقر دم بالتلاسيميا مثلا وهاد شي تاني؟ مرض وراثي وما بدو بالحديد وممكن يزيد بالحديد ويأذيك إذا تعالج غلط لهيك ضروري تراجعي طبيبك ويعمل تحاليل كاملة وبتأكد من السبب) التلاسيميا وراثية وإذا في حدا بالعيلة عندو ياها من الأقارب راجعي طبيبك وانفحصي (إياكي تاخدي حديد لحالك)
وممكن فقر دم بنقص فيتامين بي 12 وحمض الفوليك لهيك التحاليل المكتوبة تحت ضرورية
___________________________________
أعراض نقص الحديد….
ممكن ما يكون في أعراض ونساوي تحاليل بالصدفة مكتشف هالشي
وممكن…
إعياء
ضعف
جلد شاحب
ضيق في التنفس
دوخة
الصداع
أظافر هشة
تساقط الشعر
ضربات قلب سريعة
الشهوة الضالة يعني المريض بيشتهي ياكل جليد أو أوساخ ، تسمى أعراض بيكا
برودة اليدين والقدمين
شعور بالوخز باليدين
أرجل لا تهدأ
___________________________________
أسباب نقص الحديد…..
النباتيون
الفقراء
اضطرابات الأكل
الأطفال يللي معتمدين عحليب البقر
(لأنو فقير بالحديد)
الأشخاص يللي بيتبعو نظام دايت قاسي
الأشخاص يللي ما بياكلو لحوم وخضروات وفواكه
يللي بيشربو كافئين كتير
ويللي بياخدو أدوية مضادات للحموضة
فترات الحيض للنساء
قصور الدرق
بعض الأمراض الهضمية
الحوامل؟
___________________________________
التحاليل يلللي بتنطلب…
CBC تعداد شامل لكريات الدم وحجمها وحجم الكريات
FI (iron) الحديد الحر في المصل
ferritine مخزون الحديد
TIBC السعة الرابطة للحديد
وممكن ينطلب تحليل مشان نتأكد إنو فقر الدم بسبب نقص الحديد ولا في فيتامينات ناقصة معو كمان….
vit b12 فيتامين بي 12
folic acid حمض الفوليك
___________________________________
طيب كيف علاجها….
المكملات….
مكملات الحديد….
ولكن الفكرة مو هون … الفكرة إنو أغلب الأدوية يللي عمتنكتب جرعتها كتير صغيرة وما بتوفي بالغرض….
طبعا التعويض لازم يكون بإشراف طبيب….
ولازم يوميا يتاخد بحدود 150 ملغ حديد وحتى 200 ملغ…
ويرجع ينعمل تحاليل بعد شهرين أو تلاتة ونشوف إذا عوضنا النقص منحط جرعة داعمة صغيرة كمكمل بتحميك من النقص….
إذا بتفتحو أدويتكم بتلاقوها أغلبها بين ال 14 وال 30 ملغ ومخلوطة مع فيتامين بي وحمض الفوليك…..
لهيك برجع بأكد لازم تساوو تحاليل وتراجعو طبيب شاطر وتعوضو بجرعة محترمة أقل شي شهر ونص لشهرين……
توقيت الحب الأفضل عمعدة فاضية وفي حال حدوث أعراض عدم تحمل هضمي ممكن ناخد الحبة بعد الطعام….
الحب ممكن يساويلك إمساك أو تلون البراز بالأسود وهالشي عادي ما تخاف….
___________________________________
الحاجة اليومية للحديد…
14 ل 18 سنة….
ذكور 11 ملغ
بنات 15 ملغ
الرجال عموما بيحتاجو بعد ال 18سنة ل
8 ملغ فقط..
النساء بين 19 ل 50 سنة…. بيحتاجو حواالي
18 ملغ..
وبأيام الدورة ممكن يزيد لنوصل ل 20 ملغ
النساء بعد 51 سنة…. بيحتاجو فقط
8 ملغ…
الحامل بتحتاج يوميا حوالي 27 ملغ…
المرضغ بما إنو ما في دورة شهرية
بتحتاج فقط 9 ل 10 ملغ….
والرياضين عموما رجال أو نساء بيحتاجو أكتر
___________________________________
بالنسبة للتغذية….
رح أحكي بشكل عام وركز عالأكلات المسموحة بالكيتو وكيف نعوض إذا عفرض النقص خفيف…..
في نوعين للحديد بالأغذية
نوع بيحوي على الهيم وهاد غالبا متوفر بالحيواني…
ونوع لا يحوي على الهيم متوفر بالنباتي وامتصاصو أقل…
طبعا الحكي كالعادة لكل 100 غرام.
المحار…. 3 ملغ حديد…
(فيو حديد الهيم يللي امتصاصو عالي)
ربع حاجتك اليوومية من فيتامين سي
أربع أضعاف حاجتك اليومية من فيتامين بي 12
السسبانغ… 2.5 ملغ حديد…
(نسبتة جيدة بس مافيو الهيم وامتصاصو ضعيف)
ولكن يحوي مضادات اكسدة + فيتامين سي يللي بتعزز امتصاص الحديد
يعني مقبول بس مانو متل ما متخيلين باباي؟
ببنضاف للأكل جيد واللحوم بس ما نعتمد عليه دايما
السمسم…. 14.6 ملغ؟؟؟
الجرجير….. 1.6 ملغ
البقلة… 2 ملغ…
السلق… 1.8 ملغ
الخس… 1 ملغ
حمص 2.89 ملغ
فاصوليا خضراء 1 ملغ
كبدة البقر…. 6 ملغ حديد…
وغني بالسيلينويوم والنحاس
فيو فيتامين A بجرعة كبيرة بتساوي عشر آلاف حاجتك باليوم؟
كبدة الدجاج 9 ملغ…
نفس الشي بالنسبة لفيتامين A فيو 11 ألف ضعف
(ممكن ناكل أكتر وما يصيبنا شي)
حاولت دور عالكمية الآمنة كتير ما لاقيت…
لانو الموضوع نسبي وفي ناس صار تسمم بفيتامين A بس قلال جدا
ومذكور إنو التوصية مرة بالأسبوع فقط….
وضروري نطبخوووو منيح عالنار ….
عدس مطبوخ… 3.3 ملغ
في حال كنت لو كارب لا مانع تفوت 100 غرام
فاصوليا سوداء مطبوخة… 2 ملغ
الكينوا… 4.6 (خارج الكيتو واللوكارب)
البيضة حسب حجما 0.7 ملغ
لحوم حمراء…. 2.7 ملغ
الرئة (المعلاق)….. 3 ملغ
لحم الديك… 1.4 ملغ.
لحم الدجاج… 1.3 ملغ
لحم التونا… 1.6 ملغ
لحم السلمون… 0.3 ملغ
لحم السردين… 2.7 ملغ
سمك الماكريل… 1.6 ملغ
البروكلي…. 0.75 ملغ
رائع بفضل وجود فيتامين سي يللي بكل مئة غرام بتاخد 70 بالمية من حاجتك اليومية….
أرضي شوكي… 1.3 ملغ
التوفو… 3 ملغ
الشوكولا الداكنة والكاكاو…. 11 ملغ
بذور الكتان 5.7 ملغ
بذور الشيا 7.7 ملغ
بزور اليقطين… 8 ملغ
بزر القرع… 3.3 ملغ
حبة سوداء (البركة).. 18.5 ملغ
الطحينة… 9 ملغ
السمسم …. 14.5 ملغ
اللوز 3.72 ملغ
الجوز 2.9 ملغ
بزر شمس 5.3 ملغ
البندق 4.7 ملغ
فستق حلبي 4 ملغ
فستق سوداني 4.6 ملغ
___________________________________
نصائح عامة لزيادة امتصاص الحديد…
١..ترك مسافة ساعات بين الوجبة والكافئين (الشاي والقهوة) بسبب احتوائهم على مادة البوليفينيول…
٢..التنويع بمصارد الحديد بين الحيواني والنباتي والإعتماد علة الأطعمة الغنية بفيتامين سي جيث ثبت زيادة امتصاصه….
٣…عدم تناول مكمل الكالسيوم مع الحديد وترك مسافة ساعات بينهم….
٤… في حال تناول المكسرات والبقوليات والحبوب التي تحوي على الفيتات يفضل الإكثار من مصادر فيتامين سي بالوجبة لتجنب تأثير الفيتات على امتصاص الحديد
___________________________________
فيتامين سي…
بشكل عام كتير سهل نحصلو بالأكل يوميا أي نوع من المذكورين بكمية 100 غرام رح نحصل اغلب حاجتنا ويفضل ننوع منهم ونركز عالمسموحين بالكيتو
البرقوق (الخوخ) (الجارنك بيمشي حالوو كبديل بالكيتو)
كرز هندي
فلفل أخضر حار (فليفلة) حبة وحدة باليوم مئة غرام بتعطيك حاجتك من فيتامين سي؟؟
الزعتر الأخضر
البقدونس
السبانغ
كيوي
بروكلي
بروكسل
ليمون
الفريز 150 غرام بتعطيك حاجتك اليومية من فيتامين سي
___________________________________
نصيحة اخوية يللي معن نقص حديد
كل يوم ملعقة بزور الشيا وملعقة بزور الكتان وملعقة سمسم مع شوية لبن ومحلي عليهم وجنبن اي شي فيو فيتامين سي….
وقولو يا رب
___________________________________
إذا كملت قراءة…
كتبلي فيك تجيب حاجتك؟
بتوقع الذكور سهلة…
والنساء سهلة…
بس الحوامل مستحيلة والنساء بسن الدورة الشهرية صعبة شوي….
وممكن يحتاجو مكمل بجرعة خفيفة…..
ولا تنسى القلب
البوتاسيوم…
المهم تقروه وتاخدو فكرة بدئية لتنوعو بأكلكم لتوصلو لرقم مكتوب بالبوست….
بأول فترة بالكيتو حكينا الجسم بيفقد ماء كتير وبينطرح معو صوديوم وبوتاسيوم…
لهيك لازم ننتبه أول فترة وبشكل دائم لغذائنا….
____________________________________
شو أعراض نقصو؟
وأغلبكم صارت معو ببداية الكيتو
تشنجات العضلات
ارتعاش العضلات
خفقان القلب / زيادة الإحساس بضربات القلب
____________________________________
أديش الحاجة اليومي للبوتاسيوم؟
لازم كل يوم نحصل 3000 ملغ أقل شي حتى 4700 ملغ….
يعني إذا منحصل 4700 بيكون شي ممتاز بس هو شي شبه مستحيل….
قبل الكيتو كنا ناكل فواكه كتير ونخبص بالأكل وكل تخبيصاتنا فيها بوتاسيوم لهيك ما كنا نحسب ودوم آخدين حاجتنا ومزودين
بس أي حمية متنعمل وبتخفف تخبيص لازم ننتبه ونركز عليه؟
مثلا كنا قبل كل يوم ناكل نص كيلو موز لحالو فيو 1700 ملغ بوتاسيوم؟
مثلا ربع كيلو بطاط فيها ألف؟
اربع خمس تمرات فيها ألف وهكذا…
وغيرو وغيراتو بس هلأ ما ضل؟
____________________________________
شو هن الأغذية المسموحة بالكيتو والعالية بالبوتاسيوم ؟
طبعا الحكي لكل مية غرام….
لحالك فوت وحسوب وقدر شوفلي عمتجيب فوق 3000 ولا لأ؟
أفوكادو……. 485 ملغ
السلق السويسر…. 549 ملغ
البقلة…. 500 ملغ
السبانغ… 558 ملغ
البقدونس… 554 ملغ
الجرجير… 369 ملغ
الخسس… 200 ملغ
ملفوف… 170 ملغ
الفطر…. 318 ملغ
البروكسل… 389 كلغ
القرنبيط.. 299 ملغ
البروكلي… 316 ملغ
لحم دجاج… 223 ملغ
لحم غنم… 310 ملغ
لحم تونا… 527 ملغ
لحم السردين… 397 ملغ
أرضي شوكي…. 370 ملغ
البيضة…. 85 ملغ.
خيار… 147 ملغ
بندورة.. 237 ملغ…
ليمون…. 138 ملغ…
باذنجان…. 229 ملغ…
كوسا…. 261…
فاصوليا… 200 ملغ
البصل.. 146ملغ
الفريز.. 153ملغ
فليفلة… 175 ملغ
الجوز… 440 ملغ
بزر الشمس… 645 ملغ
بزر القرع… 919 ملغ
الللوز…….705 ملغ
بذور الشيا… 400 ملغ
بزر الكتان….. 813ملغ
حبة البركة… 1694 ملغ
السمسم… 486 ملغ
الطحينة… 414
اكيد شفت بزور الكتان مو؟
ما بدي ذكرك تحط ملعقتين تلاتة عالسلطة يوميا عدا عن باقي الفوائد العظيمة بالألياف وغيرووو
إذا كملت قراءة …. كتبلي بتقدر توصل ل 3000 أو 5000 ملغ؟ ولا لازمك مكمل؟
ولا تنسى القلب
فيتامين دال….
الملخص إذا مانك ناوي تكمل قراءة……
من خلال خبرتنا الطبية بالموضوع نسبة 80 ل 90 بالمية من الناس عندن نقص فيتامين دال بسوريا…..
المشكلة تكلفة التحليل تقريبا بال 40 ل 60 ألف بيكلف ويمكن أكتر…..
لهيك منعوضو بجرعة مقبولة بدون ما نحلل ونكلف المريض وما بتساوي تسمم إن شاء الله أقرو الجرع تحت الشي وشوفو هي من الميدسكيب (مرجع طبي محترم) وبتتغير حسسب المرجع…
يعني أي طبيب بتزوورو بجوز يكتبلك ياه من الجلدية للنسائية للداخلية للعظمية لأخصائي التغذية ……
الكل ياخد إذا في بدانة ومو مساوي التحليل من قبل ولا ناوي يتكلف حبة عيار 10 كل يوم (4 أو 5 أيام بالأسبوع) لشهرين……
بعدين كل أسبوع ياخد حبتين عيار 10 آلاف وخلصنا….
لبين ما يصير وزنك نظامي وطبيعي بتاخدو حبة بالأسبوع فقط وقتها …
وبتاخدو بعد الفطور أو الغدا وجبة فيها دهون
بدك بشكل دقيق وتتثقف ككل أقرا المقالة ..
طبعا طبيا مو مذكور نقصو غير شوية آلام عضلات ومرض الكساح وترقق العظام بس من جديد صارو يربطوه بكتير شغلات متل البدانة والمناعة وعملو دراسات بس قليلة شافو يللي تعوضلو كانت مناعتو أفضل وخسرو وزن أفضل بس طبيا بدن دراسات أكتر ليثبتوه….. أقرو لتشوفو إذا عمتعانو منهم….
وبرجع بأكد إذا مانك مرتاح للجرعة وحاسسها كبيرة أرجوك حللل وريح قلبك ….
وبرجع بأكد لازم تشرب مي منيح وما يكون في بسوابقك حصيات سابقة ولا صايم صيام جاف ( إذا في هيك شي حلل وعوض عللمضمون ولو تكلفت) …
___________________________________
هوة صح فيتامين بس أقرب للهرمون لأنو كل خلية بالجسم إلها مستقبل إلو….
بيصنعو الجسم من الكوليسترول لما نتعرض للشمس……
موجود بالأسماك الدهنية ومشتقات الألبان بس صعب كتير ناخد حاجتنا منهم….
لازم كل يوم ناخد بحدود 400 ل 800 وحدة (طبيا) بس الخبراء بيقلولك لازم تاخد أكتر من هيك بكتير ولو طبيعي ولو ما عندك نقص…..
عموما يللي مرشحين يصير عندن نقص هن:
… أصحاب البشر الداكنة….
… الكبار بالسن….
… يللي عندن وزن وسمنة….
… يللي ما بياكلو أسماك ومنتجات ألبان….
… العيش بعيد عن خط الإستواء….
.. يلي بيستخدمو واقي شمسي بكثرة…
… يللي ما بيطلعو من البيت …
الأعراض بتكون منوعة وممكن ما يكون في أعراض….
كيف بتعرف معك نقص فيتامين دال؟
1… الأمراض والعدوى (مقضاها عكريب ورشح والتهابات) المناعة بتحسا مو نظامية
2…. تعب وإرهاق بالجسم….
3… آلام العظام والظهر… ما بيشبه آلم الديسك الوجع منتشر عمسار العمود الفقري والعظام بتحس بوجع معمم….
4…. الإكتئاب؟.
5… صعوبة إلتئام الجروووح…
6…. هشاشية العظام…. لأنو فيتامين دال هو يللي بيثبت الكالسيوم على العظام….
7… تساقط الشعر…
8… آلام مزمنة بالعضلات….
التحليل المفضل هو :
((25 هيدروكسي فيتامين د))
المستوى الطبيعي… 30 نانوغرام/مل أو أكثر….
عدم كفاية الفيتامين…. 21 ل 29 نانو غرام/مل
20 وتحت…. فهوة نقص….
كيف منعالجووووو…..؟
في حال النقص للبالغين….
50 ألف وحدة دولية بالأسبوع لمدة 8 أسابيع…
يعني حبة عيار 50 ألف كل أسبوع مرة لشهرين…..
أو
6 آلاف وحدة دولية كل يوم لمدة 8 أسابيع….
يعني كل يوم حبة عيار 6 آلاف لشهرين
المفروض بعد شهرين نساوي تحليل….
وإذا طلع فوق 30 ألف….
منعطي بشكل دائم مدى الحياة حبة عيار 1500 أو 2000 وحدة دولية…
هلأ للأشخاص اللي عندن سمنة أو بدينين أو عندن مشاكل بالإمتصاص ….
منعطي كل يوم حبة 6 آلاف أو 10 آلاف وبعد شهرين منساوي تحليل…..
إذا طلع فوق ال 30….
منعطي بشكل دائم كل يوم حبة 3 آلاف أو 6 آلاف….
يعني لا بقا تقلولي حبة عيار ألف وألفين وتضلو خايفين…
فينا نتعرض كم مرة بالأسبوع للشمس بين الساعة 10 ل الساعة 3 الضهر…. بيعطينا كمية مضاعفة للدم أكتر من الأكل….
التعرض للشمس كل الجسم مع احمرار خفيف لجماعة البشرة الفاتحة ممكن ينتج
10 آلاف ل 25 ألف لهيك مننصح فيو ولو مرة بالأسبوع أقل من نصف ساعة مع تغطية الرأس والأماكن الحساسة….
متل ما قلنا متوفر ببعض الأكل منتجات الحليب والأسماك الدهنية بس غالبا قليل إلا إذا المنتج مدعم وما بيكفي شي….
المغنزيوم….
كتير منسمع عن المغنزيوم ولا تنسى حبة المغنزيوم….
وصرعتونا فيها؟
شو قصتها؟
يلا رح نبلش… بشكل مختصر وبالعامية كالعادة لتقدرو تقرو ويوصل الحكي …
بس بالنسبة للصبايا رقم تسعة أهم شي وبالنسبة للذكور المتزوجين أو المرتبطين كمان كرمال يتأقلمو مع تقلبات مزاج الأنثى بهالفترة…..
المغنزيوم هوة معدن بالجسم بيساهم بأكتر 600 تفاعل بالجسم …
تقريبا نصف الشعب عندن نقص مغنزيوم ولو كان الرقم يللي بالتحليل طبيعي ليش؟
لأنو التحليل عبيكشفو بالدم فقط بس هوة موجود بنسبة 60 بالمية بالعظام و40 بالمية بالنسج الرخوة والسوائل… ونحن تحليلنا بس للدم؟؟
يعني كتبلك طبيبك مغنزيوم وشخص تاني شاف المغنزيوم بتحليلك طبيعي وقلك شو هالطبيب ما بيفهم؟ قلو سكوت ما شغلك انا واثق بطبيبي وقرارو
وظيفتو وفوائدو كتير بس بالمختصر….
١… بيساهم في 600 تفاعل في الجسم من خلق الطاقة وتكوين البروتين… وصيانة الجينات وحركات العضلات والجهاز التنفسي وتنظيم الجهاز العصبي …
2… يعزز أداء التمارين والرياضة ( ضروري الكل ياخدو الرياضين)
3… يحارب الإكتئاب؟ يعني بتصدق ممكن تكتئب بسبب نقص المغنزيوم؟
4… مرضى السكري… بيساهم بضبط السكر ونقصو ممكن يأهب للسكر؟
5… يساعد المغنزيوم في خفص ضغط الدم….
6… له فوائد مضادة للالتهاب..
7… ممكن يحميك من الصداع النصفي والشقيقة ….
8… يقلل من مقاومة الإنسولين…
9… بيحسن من أعراض الدورة الشهرية…
خصوصا النساء (يللي بيقلبو مزاجهم وبصيرو نكديات قبل الدورة بأسبوع) يللي منسميها متلازمة ما قبل الطمث وعلاجا ضروري وصعب ولازم تراجع طبيب ليوصفلا أدوية من بينهم المغنزيوم ونسبة انتشارها عند أكثر من 50 بالمية من النساء
وبمجتمعنا حوالي 90 بالمية حسب توقعاتي …
يعني هالنكد بلي بتساويه الأنثى مو بإيدها هوة حالة ومرض وبدو علاج…..
طبعا يا جماعة هدول فوائدو بالجسم ونقصو بيساوي عكس كل شي مكتوب ما بدي أشرح حتى ما يطول البوست….
السؤال التاني… ممكن بصير نقص حاد وخطير؟
عموما عند الطبيعين كخطورة عالحياة قليل….
بس المتعرضين لهالشي..
1… مرضى الكلى..
2.. مرضى كرون والأمراض الهضمية…
3.. مرضى جارات الدرق..
4.. مرضى السكري والسرطان…
5.. كبار السن.
6.. الكحولين…
7.. يللي بياخدو لمدة طويلة أدوية المعدة متل بانتوربرازول ونكسيوم وديكسالانزوبرازول ورابيرازول
السؤال التاالت… قديه حاجة الجسم من المغنزيوم؟
تقريبا
400 ل 420 ملغ للذكر
310 ل 320 للنساء…
وللحامل بحدود 400 ملغ
وللمرضع بحدود 350 ملغ
مرضى السكر منزود 50 ملغ تقريبا
رح حط جدول بالتفصيل تحت حيب الأعمار
طيب فيني آخذن من الأكل؟ بدون مكمل؟
بكره الادوية؟..
طبعا أكيد بس وعدني تحسب حاجتك وتاخد بشكل تقديري ويومي هالكميات؟
للاسف ما رح تقدر تلتزم…..
بس عكل حال رح أكتبلك شو هن الأطعمة وأديش نسبة المغنزيوم فيهم يللي مسموحين بالكيتو رح حطن أول شي البقية يستعينو فيهم بغير حميات……
1…الشوكولا الداكنة… 28 غرام فيها… 64 ملغ من المغنزيوم…
2.. الأفوكادو… حبة أفوكادو متوسطة فيها… 58 ملغ من المغنزيوم…
3… المكسرات… 28 غرام من اللوز كاجو جوز برازيلي (مقدار قبضة يد اللي مسموحة بالكيتو)
فيها حوالي 82 ملغ من المغنزيوم…
4… البقوليات للاسف غير محبذة بالكيتو…
مثلا كوب الفاصوليا السودة فيها بحدود 120 ملغ مغنزيوم
5… التوفو ( جبنة مصنوعة من الصويا)
إذا الكارب فيها قليل مسموحة بالكيتو…
كل مئة غرام منها فيها 53 ملغ مغنزيوم ..
6… بذور اليقيطن والشيا والكتان…
مثلا قبضة مكسرات من بزر اليقطين فيها 150 ملغ من المغنزيوم…
يعني مئة غرام بيكفيكم المغنزيوم يللي فيها؟
ينصح كتير فيو وكتير مفيييييد وفيو دهون مفيدة وأوميغا….
بنصحكم تساوو خبز بمكوناتة وتاخدو منو ولو بشكل يومي من البذور المذكورة …
7… حبوب القمح والشوفان والشعير والحنطة السوداء والكينوا…
ممنوعة بالكيتوو…
بس يفضل تاخدوهم بحبوبهم الكاملة ….
مثلا الحنطة السوداء كل 30 غرام فيها 65 ملغ من مغنزيوم…
يعني فيهم كمية كبيرة بس للأسف ممنوعين بالكيتو
8.. الأسماك عالية الدهون متل السلمون والماكريل والهلبوت…
مثلا نصف شريحة سمك سلمون (178 غرام)
فيها حوالي 53 ملغ من المغنزيوم…
9…. الموز (ممنوعة بالكيتو بباقي الحميات يفضل يكون مو مستوي ولا حلو كتير).
الحبة الكبيرة فيها حوالي 37 ملغ مم المغنزيوم..
10… الخضروات الورقية… لفت سبانغ كرنب خردل
كل مئة غرام قبل الطبخ للسبانغ فيها 79 ملغ مغنزيوم يعني كمية كبيرة لازم تاكل..
كل مئة غرام جرجير فيها مغنزيوم 47 ملغ…
لهيك مننبه متير عالورقيات…
خلصنا هلأ؟
سؤال؟ فيك تاكل وتنوع بحيث توصل ل 400 ملغ باليوم؟
بتوقع صعب كتيرررر لهيك لازم تاخد مكمل…
رح نزل عنا بوست تاني وشو افضل انواع المكملات وحسب المتوفر بسوريا….
وبالآخر لا تنسو حبة المغنزيوم وشكرا
المغنزيوم هام هام هام هام……..
وإذا إنت كيتوو ولا مو كيتو كمان خود المغنزيوم…
مريض سكري ضغط قلب أي مرض معك ياه بالدنيا أو صبية بتعاني من آلام شهرية….
لازم تاخدي مغنزيوم حبة إذا بدك أكتر استشير طييبك….
لهيك جيب ووزع لأبوك وامك وأخواتك…
إذا ما بدك راجع البوست تبع المغنزيوم أو شوف الصورة وأقعد أحسب لتنوع وتوصل ل 350 ملغ مع العلم كل oz بالصورة تقريبا 28 غرام…
مثلا 28 غرام لوز بيعطيك 80 ملغ مغنزيوم يعني 20 بالمية من حاجتك اليومية…..
115 غرام سبانغ بتعطيك نفس الكمية….
فيك تكون شطور وتحسبن وتاخدن وتنوع بدون مكمل….
وبالرغم من هيك صعبة كتير تقدر تساويها كل يوم
لاحظت إنو بأوروبا منتشر أكتر نوع هو أوكسيد المغنزيوم وهاد mg oxide
وهاد يصنف اقل المكملات جودة ، لأنو امتصاصو لا تجاوز 4 ل 5 بالمية من الجسم….
ولسه الموضوع متضارب حولو
يعني ناس بتقلك بفيد ناس بتقلك لأ…
إذا مشتريه وعندك ياه كمل فيو لتخلصو… و
إذا بدك تشتري جديد تجنبو وتكلف دولارين زيادة عالأضمن…. جيب
سيترات أو كلوريد أو لاكتات أو أي نوع من اللي مكتوبين….
ويللي بدو يعرف ليش المغنزيوم هام رح حط رابط عنو منزلو سابقا آخر البوست ورح حط اسمو إنكليزي وعربي ليتسهل عليكم تجيبوه….
طبعا حاجة الجسم بين 300 ل 400….
وحتى لو آخدتو بأغذيتك وكمكمل بينطرح بالبول ما بتنضر إن شاء الله…
طبعا أفضل انواع المكملات لا يتجاوز امتصاصو 50 بالمية (مو متأكد) (ما لاقيت ارقام مؤكدة) …. …
يعني الله يخليك لا توسوس وتفكر هالحبة رح تساويلك تسمم
الحبة بتاخدا قبل النوم مثلا….
أو عمعدة فاضية…
(قبل الأكل بساعة أو بعد الاكل بساعتين)
أهم شي ما تاخد معها كالسيوم….
1… سيترات المغنزيوم…
Magnesium citrate
من أفضل انواع المكملات كامتصاص من الجهاز الهضمي..
ممكن يستخدم كملين….. (ممكن يساوي إسهال)
سعرو غالي شوي ومتوفر عالأمازون…
إله تأثير لتشجنات مفيد الرجلين…
وهو الأفضل وبنصح الكل يجيبووووو
قي بودرة بتجي منو عالامازون حسيتا افضل شي
2…أوكسيد المغنزيوم….
Magnesium oxide
هو ملح بيجمع بين المغنزيوم والأوكسجين
لا يُستخدم هذا النوع عادةً للوقاية من نقص المغنيسيوم أو علاجه ، حيث تشير بعض الدراسات إلى ضعف امتصاصه في الجهاز الهضمي….
استخدامو للمعدة (حرقة المعدة) وللإمساك ولعسر الهضم…
بس هو ابدا ما بيعوضلك نقص المغنزيوم….
ومتل ما حكينا امتصاصو 5 بالمية فقط….
3…كلوريد المغنزيوم…
Magnesium chloride
ملح المغنزيوم…
امتصاصو جيد من الجهاز الهضمي ….
ممكن استخدامو كمكمل…
وممكن يفيد بحموضة المعدة وبيخفف من الإمساك….
4…. لاكتات المغنزيوم ….
Magnesium lactate
هاد نفسو يللي بسوريا مع فيتامين بي 6…
يعتبر الأرخص والأفضل يللي موجود بسوريا….
لهيك كاتبو للكل…
امتصاصو مقبول وأعراضو الهضمية خفيفة ..
ممكن يفيد بالتوتر والقلق…
لهيك حكينا بسوريا محطوط معو فيتامين بي 6 وممكن يخفف شوي من مشاكل الدورة وما قبل الدورة الشهرية وممكن يساعد عالنوم ..
البقية ما كتير متوفرين وغالين شوي
بيكفي تقرا لهون وتحط قلب أخضر والله يعطيك العافية…..
5… مالات المغنزيوم ….
Magnesium malate
امتصاصو جيد وكويس كتيررر…
إلو شوية تاثير ملين عالأمعاء…
مفيد بمتلازمة التعب المزمن…
ما بشوف منو كتير بس إذا لاقيتو فهو خيار جيد لتاخدو…..
6…. تورات المغنزيوم
Magnesium taurate
فيو أحماض آمنية…
في دراسات قالت إنو مفيد بشكل خاص لمرضى السكري والضغط..
لهيك إذا لاقيت هالنوعية ومعك سكر فهالخيار مفضل….
7…. ثريونات ال مغنزيوم….
مكمل كويس وامتصاصو جيد حالو ممكن يفيدك بالذاكرة ..
ويخفف من الإكتئاب…
8…. كبريتات المغنزيوم….
بيسموه ملح إبسوووم…
امتصاصو ضعيف ما بيلزمنا كمكمل…
ممكن يفيد للبشرة والحمام ممكن يخفف ألم العضلات والتعب….
9… جلايسينات المغنزيوم…
Magnesium glycinate
امتصاصو جيد….
وممكن يكون إلو فوائد كتيرة للقلق والتوتر وأمراض القلب…
ومالو اي تاثير عالامعاء (لا يسبب إسهال)
10… أورتات المغنزيوم …..
Magnesium orotate
هاد المركب كتير بيحبوه الرياضين…
فية حمض الأوروتويك (وهو مادة طبيعية تشارك في بناء الجسم للمواد الجينية ، بما في ذلك الحمض النووي)….
في أبحاث بتقول إنو مفيد لمرضى القلب…
طبعا سعرة غالي شوي حسب حكيهم…
والدراسات جديدة عليه يعني الإثبات مو مية بالمية لهيك لا تشتريه إذا مانك مضطر…..
11… هيدروكسيد المغنزيوم….
12… كربونات المغنزيوم….
كيتو راش(طفح الكيتو) …
ضروري الكل يقراه مو بس يللي عندن حكة؟
حتى إنتو فيو معلومات مهمة للبشرة ونصائح وكرمال يللي بدكم تفوتوهم بالمستقبل
أهم معلومة …
ثبت أن بعض الأدوية غير فعالة لطفح الكيتو أيضًا. وتشمل هذه مضادات الهيستامين ، والكورتيزون الموضعي ، والكورتيزون عن طريق الفم ، لذلك لا تضيع وقتك معهم.
يعني الأدوية مضادة الحكة يللي عمتشتروها عالفاضي تقريبا…
تاني شي يا ريت الكل ويللي بشرتهم حساسة ما يفوتو فورا بالكيتو يقرو البوست المثبت ويفوت بالتدريج ويخفف كاربوهيدرات ليفوت كيتو
رح نبلش حكي ويا ريت تبلشو العلاج من نفسكم وحدة وحدة…
طبعا كالعادة كل الأمراض الجلدية بتبلش بمجهول السبب وغير معروفة
مع بالغ إحترامي وتقديري لزملائي الجلدية…
تصنيفو من ضمن ….
الحكة الصبغية@
رح نحكي عنهم شوي…
١..بينتشر عند النساء بنسبة ضعفين ونص الرجال..
٢..بيضيب غالبا المراهقات والشباب بالأعمار أكتر من غيرهم…
٣…أسبابها
أنماط الحياة / بخاصة يللي بيزيد نسبة كيتونات الدم…(أهم سبب)
الإجهاد العاطفي الزائد…
التعرض لمهيجات الجلد…
معناها لحد الآن فهمنا إنو كل حكة كيتونية هية نفسا حكة صبغية وليس العكس…
كيف شكلو؟
هي آفاات عالجلد لونها حسب مرحلتا رح حط بالصور تحت ممكن تكون حمراء أو وردية او فاتحة اللون أو بنية…
خطرة شي؟
هية مزعجة وغير مريحة بس أبدا ما بتشكل خطر عحياة الإنسان
وين بينتشر؟
رقبة.. ظهر… صدر… كتفين… جذع… تحت الإبط…
ممكن يأثر عالوجه والإيدين والرجلين ولكن مانو شائع وقليل….
كمان المفروض غالبا يكون ثنائي الجانب يعني اليمين متل اليسار وآخد شكل الشبكة…
بيزيد؟
أي بيتحرض وبيزيد لما بيتعرض للحرارة والعرق والإحتكاك او إذا حطينا شغلات هيجتو زيادة…
مراحلو؟
بيبلش متل خدوش وردية ما منلاحظا ومنطنشا غالبا…
بعدين بيتطور شوي متل حطاطات أكبر وبتنجس بالإيد وممن تنتفخ.. هون بتكون مزعجة جدا…
بعدين بتتقشر وبتصير متل الأزرق عأسود وبتعطي منظر شبكة…
لإيمت رح يضل؟
بصراحة ممكن أيام ممكن شهور وممكن يروح لحالو….
وممكن كل ما رجعت للكيتو يرجعلك؟
يعني الخلاصة ممكن تضطر تغير الكيتو كلو كرماالو …
بس في خطوات ممكن نساويها ونحاول نتأقلم عليها قبل ما ناخد القرار ونقول هالشي….
رح نحكي شوي عن تفسير هالموضوع كرمال نلاقي حلول؟
١.. لما نبلش كيتو بيكون كميات الكيتوزية والاسيتون كبيرة وممكن هالشي يحرض الراش لهيك هدول من الأشخاص يللي ممكن يتحسنو شوي بعد فترة إذا مو زاعجتك كتير ومجرد منظر بس في تطنشا وبعد شهر بتروح لوحدا…
٢…أنا زاعجني الموضوع والحكة مزعجة وبدي حل ومافيي أصبر شهر؟
يقال ممكن يكون يكون السبب نقص الأنسولين وبالذات بالصيام؟
الحل منوقف صيام… ومناخد وجبتين تلاتة …
منرفع كاربو هيدراتنا من 25 ل 50…
رح نضل كيتو هيك…
إذا ما تحسن الوضع …
منرجع منرفع بين 50 ل 100 غرام باليوم…
غالبا رح يتحسن الوضع إن شاء الله…
بعدين شفنا الوضع استقر…
منرجع منخفف بالتدريج…
وبس رجع الراش مرة تانية…
هون منقول جسمي حساس للكيتو وما بيناسبني الحمية الكيتونية…
وفيك تكمل بنظام لو كارب بين ال50 و100
٣.. بيقلولك ممكن يكون سبب الحكة هية شي أكلة من أكلات الكيتو…
مثلا إنت فوتتت عحياتك شغلات جديدة ما كنت تاكلا بنفس هالكمية من قبل ممكم يكون جسمك ما تقبلها …
منتجات الألبان (مثل الجبن والزبادي كامل الدسم والجبن الصلب).
بيض
الأسماك (مثل التونة والسلمون)
المحار (مثل المحار والمحار وسرطان البحر)
مكسرات الشجر (مثل المكاديميا واللوز)
الفول السوداني
لهيك جرب سحاب هالأكلة إذا ما تحسنت بعد فترة معناها مو منها….
٤…نصائح عامة للجلد والبشر…
المعادن والمكملات يللي مهمة كتير..
متل فيتامين دال وفيتامين أ والنياسين…
أوميغار ثري مفيد جدا للجلد ويخفف من الإلتهابات..
ولازم نزبط الأكل نشرب مي عظم (كولاجين) وجلد الأكل (غلايسين)
نركز عزيت الزيتون كتير مفيييد…
ناكل خضروات ورقية وصليبية متل القرنبيط…
٥… شرب المي بكميات جيدة ومهم كتير وبيخفف من تراكم الكيتونات….
٦… تجنب المهيجات الجلدية..
الأبسة الضيقة وبالذات حوالين منطقة الإصابة …
أغلب الألبسة الحديثة فيها مواد كيميائية محسسة…
خففو استخدام المقشرات
خففو من التنشيف بقوة عالجسم…
لا تحطو ضمادات او كحووولل عالراش…
لا تناموووو عالطرف الموجود فيها….
٧… خففو الرياضة والتعرق…
أو حاول تقللو من شدة التمارين… ويفضل فورا تتحممو بعد الجيم….
٨…حاولو تخفففو إجهاد نفسي…
لانو أغلب الامراض الجلدية نفسية…
٩… آخر شي استشر طبيبك ليكتبلك شوية أدوية ومضادات حيوية مفيدة أثبتت فاعليتها…
متل مينوسيكلين أو دوكسيسكلين….
وحتى العلاج فيهم يمكن ما يفيدك وممكن يبرجع يطلع الراش يعني لا مانع من التجريب بس لا تسب عالطبيب إذا رجعت الحكة..
كيتو راش(طفح الكيتو) …
ضروري الكل يقراه مو بس يللي عندن حكة؟
حتى إنتو فيو معلومات مهمة للبشرة ونصائح وكرمال يللي بدكم تفوتوهم بالمستقبل
أهم معلومة …
ثبت أن بعض الأدوية غير فعالة لطفح الكيتو أيضًا. وتشمل هذه مضادات الهيستامين ، والكورتيزون الموضعي ، والكورتيزون عن طريق الفم ، لذلك لا تضيع وقتك معهم.
يعني الأدوية مضادة الحكة يللي عمتشتروها عالفاضي تقريبا…
تاني شي يا ريت الكل ويللي بشرتهم حساسة ما يفوتو فورا بالكيتو يقرو البوست المثبت ويفوت بالتدريج ويخفف كاربوهيدرات ليفوت كيتو
رح نبلش حكي ويا ريت تبلشو العلاج من نفسكم وحدة وحدة…
طبعا كالعادة كل الأمراض الجلدية بتبلش بمجهول السبب وغير معروفة
مع بالغ إحترامي وتقديري لزملائي الجلدية…
تصنيفو من ضمن ….
الحكة الصبغية@
رح نحكي عنهم شوي…
١..بينتشر عند النساء بنسبة ضعفين ونص الرجال..
٢..بيضيب غالبا المراهقات والشباب بالأعمار أكتر من غيرهم…
٣…أسبابها
أنماط الحياة / بخاصة يللي بيزيد نسبة كيتونات الدم…(أهم سبب)
الإجهاد العاطفي الزائد…
التعرض لمهيجات الجلد…
معناها لحد الآن فهمنا إنو كل حكة كيتونية هية نفسا حكة صبغية وليس العكس…
كيف شكلو؟
هي آفاات عالجلد لونها حسب مرحلتا رح حط بالصور تحت ممكن تكون حمراء أو وردية او فاتحة اللون أو بنية…
خطرة شي؟
هية مزعجة وغير مريحة بس أبدا ما بتشكل خطر عحياة الإنسان
وين بينتشر؟
رقبة.. ظهر… صدر… كتفين… جذع… تحت الإبط…
ممكن يأثر عالوجه والإيدين والرجلين ولكن مانو شائع وقليل….
كمان المفروض غالبا يكون ثنائي الجانب يعني اليمين متل اليسار وآخد شكل الشبكة…
بيزيد؟
أي بيتحرض وبيزيد لما بيتعرض للحرارة والعرق والإحتكاك او إذا حطينا شغلات هيجتو زيادة…
مراحلو؟
بيبلش متل خدوش وردية ما منلاحظا ومنطنشا غالبا…
بعدين بيتطور شوي متل حطاطات أكبر وبتنجس بالإيد وممن تنتفخ.. هون بتكون مزعجة جدا…
بعدين بتتقشر وبتصير متل الأزرق عأسود وبتعطي منظر شبكة…
لإيمت رح يضل؟
بصراحة ممكن أيام ممكن شهور وممكن يروح لحالو….
وممكن كل ما رجعت للكيتو يرجعلك؟
يعني الخلاصة ممكن تضطر تغير الكيتو كلو كرماالو …
بس في خطوات ممكن نساويها ونحاول نتأقلم عليها قبل ما ناخد القرار ونقول هالشي….
رح نحكي شوي عن تفسير هالموضوع كرمال نلاقي حلول؟
١.. لما نبلش كيتو بيكون كميات الكيتوزية والاسيتون كبيرة وممكن هالشي يحرض الراش لهيك هدول من الأشخاص يللي ممكن يتحسنو شوي بعد فترة إذا مو زاعجتك كتير ومجرد منظر بس في تطنشا وبعد شهر بتروح لوحدا…
٢…أنا زاعجني الموضوع والحكة مزعجة وبدي حل ومافيي أصبر شهر؟
يقال ممكن يكون يكون السبب نقص الأنسولين وبالذات بالصيام؟
الحل منوقف صيام… ومناخد وجبتين تلاتة …
منرفع كاربو هيدراتنا من 25 ل 50…
رح نضل كيتو هيك…
إذا ما تحسن الوضع …
منرجع منرفع بين 50 ل 100 غرام باليوم…
غالبا رح يتحسن الوضع إن شاء الله…
بعدين شفنا الوضع استقر…
منرجع منخفف بالتدريج…
وبس رجع الراش مرة تانية…
هون منقول جسمي حساس للكيتو وما بيناسبني الحمية الكيتونية…
وفيك تكمل بنظام لو كارب بين ال50 و100
٣.. بيقلولك ممكن يكون سبب الحكة هية شي أكلة من أكلات الكيتو…
مثلا إنت فوتتت عحياتك شغلات جديدة ما كنت تاكلا بنفس هالكمية من قبل ممكم يكون جسمك ما تقبلها …
منتجات الألبان (مثل الجبن والزبادي كامل الدسم والجبن الصلب).
بيض
الأسماك (مثل التونة والسلمون)
المحار (مثل المحار والمحار وسرطان البحر)
مكسرات الشجر (مثل المكاديميا واللوز)
الفول السوداني
لهيك جرب سحاب هالأكلة إذا ما تحسنت بعد فترة معناها مو منها….
٤…نصائح عامة للجلد والبشر…
المعادن والمكملات يللي مهمة كتير..
متل فيتامين دال وفيتامين أ والنياسين…
أوميغار ثري مفيد جدا للجلد ويخفف من الإلتهابات..
ولازم نزبط الأكل نشرب مي عظم (كولاجين) وجلد الأكل (غلايسين)
نركز عزيت الزيتون كتير مفيييد…
ناكل خضروات ورقية وصليبية متل القرنبيط…
٥… شرب المي بكميات جيدة ومهم كتير وبيخفف من تراكم الكيتونات….
٦… تجنب المهيجات الجلدية..
الأبسة الضيقة وبالذات حوالين منطقة الإصابة …
أغلب الألبسة الحديثة فيها مواد كيميائية محسسة…
خففو استخدام المقشرات
خففو من التنشيف بقوة عالجسم…
لا تحطو ضمادات او كحووولل عالراش…
لا تناموووو عالطرف الموجود فيها….
٧… خففو الرياضة والتعرق…
أو حاول تقللو من شدة التمارين… ويفضل فورا تتحممو بعد الجيم….
٨…حاولو تخفففو إجهاد نفسي…
لانو أغلب الامراض الجلدية نفسية…
٩… آخر شي استشر طبيبك ليكتبلك شوية أدوية ومضادات حيوية مفيدة أثبتت فاعليتها…
متل مينوسيكلين أو دوكسيسكلين….
وحتى العلاج فيهم يمكن ما يفيدك وممكن يبرجع يطلع الراش يعني لا مانع من التجريب بس لا تسب عالطبيب إذا رجعت الحكة..
الملح…. شوية معلومات عن اليووووود وملح اليوووود…..
(ملح اليود مانو ممنوع ولكن غير محبذ …متلو متل أي منتج تاني غير صحي حبيت تاخدو خدو ….ما بدك أمن بديلو وركز علأطعمة يللي فيها يود )
وشو أختار ملح وهل ضروري آخد هيمالايا؟
(كتبولي شو عمتستخدمو نوع ملح)
الملح….
في منو انواع وفيو اكتر من معدن؟
الصوديوم هو واحد من المعادن الأساسية وبيكون موجود عشكل كلوريد الصوديوم…
الصوديوم ضروري للجسم بس موجودة بكتير أكلات وموجود بالملح كمان….
كل أنواع الملح فيها نفس الكمية من الصوديوم تقريبا؟
كل ملعقة ملح فيها 2 غرام صوديوم تقريباو…
الصوديوم هام للجسم بس كترتو ممكن تضر وترفع الضغط ..
يللي متهم بهالضرر وبشكل أساسي الأطعمة الجاهزة والمعلبات بس كطبخ منزلي وأكل بيت نادرا لتقدر ناخد كمية مؤذية من الملح….
أنواع الملح….
ملح صخري : من الرواسب الجوفية الناتج عن تبخر البحار القديمة (كهووف) …
ملح الطعام : هو نفسو الملح الصخري بس تعالج ونطحن كتير مرات (راحو المعادن المفيدة منه) ونحطلو يود كرمال يحمونا من نقص اليود لأنو الاكل فقير باليود (خارج الكيتو) وبمناطقنا عبيصير ضخامة غدة درقية ونقص نشاط وأثناء عملية التكرير (ورفع درجة حرارتو ل 1200 فهرنهايت) والطحن ضافولو موانع تكتل (بيتهموها بإنها بتأذي الجسم) وبطبع أكل الكيتو غني باليود فنحن مو بحاجة لهالموضوع…ورح أحكي آخر شي عن اليووود..
بالإضافة لوجود الألمنيوم بهالملح وهوة يقال عنه إنه سام…
ملح البحر : من مياه (البحر) المتبخرة وممكن يجي فيو يود وبعض المعادن بشكل طبيعي وبيختلف حسب نوعو في أنواع بيكون فيها شوائب وبقايا بلاستيكية لهيك لازم إذا حبينا نجيب نختار نوعية صافية نضيفة …
ملح الهيمالايا : من كهوف جبال الهيمالايا من باكستان لونو فاتح لوردي غامق…
(فيو كمية ضئيلة كتيرررر من المعادن النادرة بيقولو فيو 84 معدن من كالسيوم وحديد وبوتاسيوم ومغنزيوم وفيو أقل من الصوديوم وهالكمية كتير قليلة من المعادن يعني الموضوع مو مقدس وفي خيارات كتيرة وكمية هالمعادن ما بتعوضلك نقص بشي )
ملح سلتيك (د. سولت) : هو نوع من ملح البحر مشهورى بفرنسا…
لونه رمادي
فيو صوديوم أقل شي وشوية معادن…
وهوة ملح نضيف تقريبا…
مشكلة الملح الصخري والبحري ممكن يكون فيهم شوائب بللاسيتيكية ممكن تكون ضارة عالجسم لهيك أختارو نوعية نضيفة….
((( نصيحتي إذا متوفر ورخيص جيب هيمالايا أو سولت بس إذا سعرو غالي وتأمينو صعب حرام تتكلف فيك تاخد ملح صخري أو ملح بحري تختارو بنوعية جيدة نقية مو أي ملح )))
الصوديوم كتير مهم للجسم…..
…. الحفاظ على التوازن الكيميائي الدقيق وتوازن السوائل في الخلايا وحولها…
… يحافظ على ضغط الدم…
… انقباض العضلات..
…. إجراء النبضات العصبية..
بالنسبة لتناول الملح والأشخاص العادين يللي مانهم كيتو في خلافات أزلية بين جماعة التغذية وجماعة القلبية وكل واحد بيعمل دراسة والتاني بساوي دراسة معاكسة إلها بس آخر شي اتفقو إنو للشخص الطبيعي شي والمريض شي تاني….
طيب ما هي كمية الملح التي يجب أن تأكلها؟
إذا كنت عمتعاني من
ارتفاع ضغط الدم الحساس للملح أو
قصور القلب الاحتقاني أو
أمراض الكلى ،
لازم نخفف صوديوم لأقل من 4 غرام والأفضل أقل من 2.4 غرام…
(((يعني مسمحلن ملعقة صغيرة فقط في اليوم وبحد اقصى ملعقتين))) …
هدول بالذات يا ريت تنتبهو عالمعلبات والأطعمة الجاهزة جدا…
لأنوو كمية الملح الموجودة فيهم هية يللي عمتضرهم أكتر من الملح العادي يللي منحطو للأكل….
إذ ما عندك هالأمراض مافي داعييي تخفف كمية الملح…. بالذات إذا كنت كيتو أو لوكارب
تقريبا بالكيتو منحتاج 4 ل 7 غرام من الصوديوم يوميا
يعني مسمحلكم ملعقتين ل تلت ملاعق صغار يوميا من الملح
تعويض الملح ضروري ومهم وبالذات بالفترة الاولى والإنتقالية لتجنب أعراض الكيتو فلو ….
طيب أكيد خطر عباالك سؤال…
ما دام أنا كيتو ونصحتني بعد عن ملح اليود من وين رح جيب يود لجسمي والغدة الدرقية تبعيتي؟
اليود حاجة الجسم منو بين 150 ل 200 أو 250 مو أكتررر إذا مرضع أو حامل ….
للأعمار تحت 14 حاجتهم أقل من 100…
كل غرام ملح يود فيها 77 يوووووود…
يعني نصف ملعقة صغيرة ملح يود بتكفي وزيادة وفيها اكتر من 150 ميكرو غرام بس طبعا نحن موقفينو لملح اليود كيف لازم نعوضو؟
… الأعشاب البحرية فيها اليود بشكل غزير لهيك نننصح تفوتوها بوجباتكم ولو مرتين بالأسبوع…
عشب كومبو (Kombu).
عشب واكامي (Wakame).
عشب نوري (Nori).
الأسماك…
متل سمك القد والجبمري والتونة…
كل بيضة فيها 12 ميكرو غرام يود…
مشتقات الألبان فيها بغزارة يود ممكن
كوب لبن يعطيك بحدود 70 ل 80 ميكرو غرام من اليود يعني نص حاجتك اليومية…
الفاصولية والبرقوق والجارنك فيهم يوووود
لهيك إذا وقفت ملح اليود وما بتاكل بيض ولا سمك ولا لبن ولا أعشاب بحرية….
حاول تاخد مكمل أيودين…..
وإذا ما بدك تاخد…. حاول تنوع بين انواع الملح ….
خود حبة فيتامينات فيها مكمل اليود…. 150 مايكروغرام كأقل تقدير…
بالتوفيق للجميع وهي صورة لمكونات الملح ومقارنة بينهم…… شوفو مو هالفرق العظيم.
ليش بعض الزيوت ممنوعة بالكيتو؟؟.
وحتى إنت يللي برا الكيتو؟
وشو أفضل شي للقلي العميق؟ مع التغمير؟؟
أكيد كتير بتتسائلو عن هالشي وإنو ليش مافينا نستخدم هالزيوت ولا بكميات صغيرة…..
موضوع اختيار الدهون والزيوت هو من أصعب الخيارات طبية اللي بتبحث عنها عالنت بتلاقي كتير أشياء مضرة ونحن منعرفا مفيدة وبتلاقي العكسسس…..
لهيك اول شغلة قبل ما تكمل البوست…
إنت كيتو يعني إنت ما عندك. مشكلة بالدهون المشبعة زبدة وسمنة ودهن حر؟ ….
لهيك نحن إلنا مفاهيم وأفكار خاصة عالأكل….
رح تفتح غوغل تشوف السمن مضر والدهن الحيواني مضر؟
بس هدول نفسن كاتبينلك عن الكيتو مضر لهيك إنت أخد طريق بحياتك التغذوية معين ولازم تعتمد عليه وعمراجعو وما كل شغلة ترجع لغوغل….
وبما إنو نحن معتمدين عالكيتو يللي هوة بيعتمد عنمط الحياة اللي كانو عايشينو أجدادنا ويلللي كان فيو زيت الزيتون والسمن والزبدة فقط…..
فالكيتو هوة ضد أي زيوت مصنعة حديثا…
كالعادة بجوز تفتح غوغل وتقلي يا زيت عباد الشمس؟ قرأت إنو مفيد للجسم؟ وللقلب كيف عمتقلي ممنوع؟
لهيك رح أشرحلك هلأ شو فكرة هالزيوت وليش مانعينها……
شو يعني معدل وراثيا؟
يعني شي خارج عن الطبيعة يعني لعبانين بال DNA للنبات كرمال يصير أطول وأغزر ويعطي مادة بكمية أكبر…..
وموضوع الدهون بالذات مافيها مزح لأنو هية رح تفوت عجسمك والجسم رح يتعامل معها كانها جزء منو؟ ويستخدما كطاقة وببناء الخلايا؟
متخيلين شو سبب السرطانات؟
وليش منتشرين آخر سنين؟
ومعظم السرطانات والتشوهات بتبلش بمشكلة ال DNA..
لهيك لما نفوت هالأشياء عجسمنا معناها فوتنا شي غريب وعمنعرضو للسرطان….
والمعدلة وراثيا …
كانيولا….
صويا…
عباد الشمس… (بنسبة أقل)
الذرة……
مو بس الزيوت اي شي بتقراه عمنتج بدك تشتريه كلمة معدل وراثيا فهو ممنوع…..
شو يعني زيت مكررر؟
يعني زيت وصل لدرجة حرارة 2000 ونغلااا وبقي عشر ساعات عبينغلى هيك ليوصلنا بهالجودة من الزيت وبهالثبات….
مثلا زيت عباد الشمس درجة احتراقو وتدخينو شي 100 يعني المفروض الزيت الطبيعي عفرض مو معدل وراثيا يللي بتشتريه إنت فورا يحترق لسه ما حطيتو عالنار؟
بس لأنو بيصنعوه وبيكرروه وبيساوه بطريقة تفيدك بالقلي وتتحمل درجات حرارة عالية.. صارت درجة احتراقو 230 وطبعا عملية التكرير بتزيد من سعرو وهيك بيتحمل تقلي فيو عشرات مرات ولساتو شغال…..
الزيت الصحي؟
هو الزيت يللي لازم يحافظ فيها علونو وريحتو وشكلو نفسو من وقت عصرووووو….
ووممنوع يكون إلو ريحة زنحة أي ريحة بتشم زنخة فيو بتكبووووو
نقطة الإحتراق؟
يعني أديش بيتحمل هالزيت درجة حرارة قبل ما يتأكسد ويبلش يصير ضار ومسرطن…
الأوميغا 3 و 6 و 9….
هنة أحماض دهنية وموجودة بالجسم…
الأوميغا 9 (بيصنعو الجسم) … ما رح نحكي عنو…
الأوميغا 3 (مصدر خارجي) منعرفو ومنعرف فوائدو للجسم..
الأوميغا 6 (مصدر خارجي) إذا أخدناه بكمية مقبولة مانو ضار بس كترتو ضارة…
والجسم بيلعب لعبة توازن بين 3 وال 6….
المفروض يكون نسبة تناولنا لأوميغا 3 مع أوميغا 6 …….. 1 مقابلة 1…
بس يللي صاير حاليا بالزيووت زادت نسبة ال 6 كتير وعمتوصل ل 16 ضعف الأوميغا 3
معلومة في دراسة نعملت….
(ارتبطت نسبة 4/1 بانخفاض بنسبة 70٪ في إجمالي الوفيات)….
يعني لما ساو الدراسة وكانت أوميغا 6 أربع أضعاف الأوميغا3 … كتير قلت الأمراض والوفيات عن نموذج حياتنا الحالي يللي هوة 16/1؟
حاليا رح نحكي عن أفضل الدهون بدون ترتيب….
1….السمن الحيواني…
درجة إحتراقها 240
2… الزبدة الحيوانية..
درجة إحتراقها 200 ( غير مفضلة) السمن أفضل…
3… دهن البقر….
(أي لا تستغرب كلها فيتامينات ومفيدة للجسم كتير)
وبيتقلا فيه شو ما بدك وبيتغمر كمان الأكل بس بدك تنتبه بتصير سعراتو الحرارية بالسما
نقطة احتراقو حوالي 205 ل 215
فيو اوميغا ثري وفيتامين دال وفيتامينات تانية مفيدة
4… زيت الزيتون..
درجة احتراقه 170
بشرط يكون أصلي ومعصور عالبارد ولازم ننتبه ونشم ريحة الزيت وتكون فريش وفيها زيتون….
رح تسأل بنفسك شو فرقو عن باقي الزيوت؟
معصور (مضغوط عالبارد)…
يعني ما ارتفعت حرارتو ل 200 عشر ساعات وراح خيرو وريحتو وتأكسد…..
عموما يفضل ناخدو مع السلطات لأنو فوائدو بتكون اكتر بكتير بس في حال حبينا نحمر فيو شي مافي مشكلة ومانو مضر…
( ممكن تلاحظو إنو بيبلش يدخن شوي أوقات قبل ما يغلي هي الدخنة الأولية مو ضارة بس يعني فيك تقول قوائدو بمضادات الأكسدة يللي فيو بلشت تروح) بس مانو ضار بهالمرحلة بس فوائدو عمتروح….
وطبعا يفضل لما نقلي فيه ما نطول المدة ونرفع الحرارة كتير لا ننسى درجة احتراقه 170؟؟
5…. زيت جوز الهند…
درجة احتراقو 170
يحوي على حمض اللوريك وهاد إلو فوائد كبيرة كتير للجسم والدماغ والقلب وكل شي
6… زيت الأفوكادو..
درجة احتراقو 240 وحتى 270 تقريبا
الأفضل والاغلا والأكثر فائدة للجسم ولكن مشكلته الغلاء….
هاد نقطة اشتراك بين الكيتونين وغير الكيتونين يعني إذا مانك كيتو وما اقتنعت بكل هالحكي وانت شاكك بالزيوت مالك غير هاد الزيت….
آخر شي ……
الافضل للجسم إنك تحمر الأكل تحمير…. بالدهون يللي ذكرناها….
القلي والتغمير بالزيوت وإعادة استخدام الزيوت هي عادة غير صحية وغير مفضلة شو من كان نوع الزيت….
آخر ملاحظة رح أحكي عن السمن النباتي يعني هدول الزيوت يللي حكينا عنها وفوق ضررها وبيضيقولا ذرة هيدروجين لتصير صلبة بتتسمى دهون مهدرجة…..
هالدهون المهدرجة يقال بدها 22 ل 56 بوم ليقدر بتعرف عليها الجسم ويستقلبها ويكبا
عرفت شو قصة دهونك الصعبة؟
عرفت ليش في ناس بيرتفع عندن التحاليل بالكيتو وبرا الكيتو؟
عرفت ليش مو بيووم ليلة رح نخسر وزن ودهن وكيلوات من جسمنا…..
تنوووويه بسيططططط…..
أول شي منحط المادة يللي بدنا نقليها بالزيت…
بينقلا بس طرافو وبصير متل الختم عاللي جوا صح وما بيعود يفوت زيت ؟
هون الرطوبة يللي جوا بتتحول لبخار وبينقلا الزيت فيها…
يعني يللي جوا ما فات إلها الزيت….
وهالشي حلو…
لهيك ضروري نختار درجة حرارة مناسبة…
ما تكون خفيفة يفوت الزيت لجوا من أول عملية القلي؟
ولا تكون كبيرة كتير وتحرق المادة كلها حرق وتتأكسد….؟….
طريقة التخزين لكل الزيوت والدهون بوعاء محكم الإغلاق ركزو عكلمة محكم الإغلاق وبدرجة حرارة الغرفة…. أو بالبراد…..
الكيتو والرياضة… وشو ناكل قبل وبعد وشو نتمرن؟
كالعادة…
دوم بوستاتي طويلة ومملة بس متأكد يللي مهتم بالموضوع رح يقراه ويركز عالشغلات بللي بتهمو وانا بنزلن ولو مافي تفاعل عادي بس بيجي يوم وبيفوت حدا وبيقرر يساوي رياضة بوقتا منقلو هي البوست جاهز تفضل كلف نفسك عشر دقايق وأقراه وإذا في أي سؤال حطوه بالتعليقات…
أول سؤال بصير أدمج رياضة وكيتو؟
أكيد بصير بس مو تبلش تنين سوا..
مثلا بحياتك ما ساويت رياضة ودايت وتجي فورا كيتو ورياضة …. لا هيك كتيررر….
فوت كيتو وبعد أسبوعين زود ساعات المشي والجري و بلش رياضة محترمة بعد شهر…
طيب أنا عبساوي رياضة وبدي فوت كيتو؟
فيك تفوت عادي بس رح تتحمل العذاب أول أسبوع… رح تخف طاقتك كتير والاوزان يللي رح تشيلا ورح تنقص شوي بس بعد فترة بترجع كلها ما تاكل هم ممكن جمالية العضل وبروزها يخف بس كون واثق رح ترجع وما رح تخسر عضل بس تخلص تنشيف وتبلش تضخم وتزود كارب شوي شوي..
لهيك خلي نفسيتك مهيأة للموضوع…
وخفف ساعات التمرين أول أسبوع لعشر أيام …..
الرياضة نوعين…
هوائية : متل المشي الركض السباحة ركوب الدراجة… يللي بتحرك عضلات الجسم كلها وبدها أوكسجين بتكون شدتها خفيفة لمتوسطة؟
وغالبا بتكون لمدة طويلة وهدفها إنو نستهدف تفعيل الكيتون؟
يعني منخلص مخازن السكر أول شي بعدين بيعتمد عالكيتون فما بالك بالكيتوني يللي شبه فاضية مخازن السكر؟
ويللي عامل صيام؟
هالشي بيسرع بالدخول بالكيتوزيز وبينصفلك جسمك من تخببصات يللي عمتاكلا….
وفي دراسات بتقلك إنو الرياضة المسائية بتزيد معدل حرق الدهون عن الصباحية(يمكن بسبب موضوع النوم بعد التمرين)
ويقال أفضل وقت للتمرين قبل آخر وجبة يعني تاكل وتريح شوي وتنام وهكذا؟
الخلاصة عكيفك ما بتفرق كتير كيف بترتاح ساوي رياضة بس المهم وجبة بعدا
لا هوائية : متل تمارين الأثقال والحديد واللي بتستخدم وزن الجسم والجنباز
وأنا بفضلا … وبفضل الدمج بين التنين …
لأنو إنك تكسب وزن معين من العضل؟
بيزيد من استقلاب جسمك سعرات أكتر باليوم؟
يعني وإنت نايم عمتحرق سعرات أكتر بفضل عضلاتك… (كرمال المستقبل متخيل) ؟
طبعا غير فوائد شد الجسم والترهلات وكتير فوائد تحسين الكتلة العضلية
و هي ما بتعتمد عالأوكسجين وبتعتمد عالسكر ومخزون السكر…..
والعضل عشقو السكر والعضلة بتشتغل أكبر بالسكر بس طبعا هالشي نسبي وفينا نعودها عالكيتون وتخليا تحبو أو نستلتسم إلها ونعطيا شوية سكر ونحافظ عالكيتونية….
(طبعا هون رح نلاقي إنو بالنادي الطاقة ضعيفة وعمنخسر الاوزان إذا كان رياضي من قبل وبالذات أول شهر من الكيتو … لهيك منحاول نتأقلم ونصبر بهالخطوات يللي رح أكتبها وإذا ما مشي الحال فينا نفوت ونحول عالنطام المعدل)
وبشكل عام شافو أي تمرين بدو أكتر من عشر ثواني جهد مستمر رح تتعب عليه لهيك كمان يفضل بالنادي تكتر مجموعات تقلل عدات مثلا
تخليهم 10/8/6/6 او خمس مجموعات
المهم ما تتجاوز العشر عدات بالمجموعة؟
( موضوع الأكل قبل النادي عليه خلافات كتيرررررة وتاركين الموضوع إلك تختارو طبيا كيف بتحس جسمك تأقلم أمشي عليه وحتى فيك تروح صايم)….
رح نبلش بشوية أسألة لنشوف إذا شغلنا منيح ولا بدو تعديل ؟
هل تشعر بثقل في قدميك؟
هل تشعر بالتعب؟
هل تشعر بأنك لا تستطيع مواصلة التمارين؟
هل تشعر بالدوخة والإغماء أثناء التمرين؟
هل تشعر بأن لديك الطاقة الكافية للقيام بالتمارين الرياضية وأنت راضي بشكل كامل؟
إذا راضي كمل بالنظام يللي إنت فيه …
إذا لا …
رح نضيف خطوتين صغار قبل النادي والحديد خصوصا….
.
١..قبل بنصف ساعة كاسة قهوة وزيت جوز الهند ملعقتين أو ملعقة زبدة بقرية (بوليت بروف) في وصفات إلها بالكروب …
٢… قبل بساعة بدك شي فيو مغنزيوم وبوتاسيوم
مية غرام أفوكادو….
مية غرام جرجير…
مئة غرام سبانغ….
بتختارو واحد منهم بشكل دائم
بترجع بتسأل نفسك نفس الأسئلة ضليت مو راضي؟
معناها لازم تفوت عجسمك وجبة محترمة دهون وبروتين وكاربس خفيف….
رح حطلكم الخيارات الجيدة
طبعا هي الوجبة يفضل بين ال ساعة ل ثلاث ساعات…
حسب تأقلم جسمك وطاقتك بالتمرين وفي ناس بيضطرو يبعدو أكتر إذا عندن مشاكل بالهضم أو المري أو المعدة ممكن يصير ارتجاع أكل وحموضة أثناء التمرين لهيك الخيار إلكم
الجبن خيار جيد قبل النادي…
فيها بروتين ودهن وكاربس خفيف
عموما وصفات حلويات الكيتو كويسة بهااطريقة وفيك تساوي شي محسوب السعرات وتحطن بالبراد وتاكل قطعة قبل التمرين…
وهي خيارات مفضلة من موقع هيلثي لاين…
عجة بياض البيض مع السبانخ وجبنة الفيتا (عالية الدسم)
كوب من الجبن وبعض التوت قليل السكر
عصير الفاكهة (توت فريز) مع اللبن اليوناني العادي ، والتوت ، وبروتين مصل اللبن كيتو الشوكولاته (رح حط صورتو)
خبز كيتو مع نصف أفوكادو مهروس
حمص منخفض الكربوهيدرات (حمص كيتوني رح نزل وصفتو بالقرنبيط والطحينة) مع البندورة والجزر ممكن
خلطة الكاجو ورقائق جوز الهند والشوكولاتة الداكنة وفينا نساوي وصفات حلو كيتو بهالطريقة ونحطن بالبراد وناخدن قبل النادي
نصف بطاطاية حلوة المهروسة مع حليب اللوز غير المحلى والقرفة والفانيليا (آخر خيار)
لوح بروتين منخفض الكربوهيدرات بينشروو من النت جاهزين…
ببتاخد عودة أو تنين قبل النادي
زبدة كيتو البندق… (بدلا من زبدة الفول السوداني)
فيكم تستخدمو ستيفيا أو أرثيريتول..
وآخر شي لسه حسيتو بضعف طاقة فيكم تحولو عنظام ال TKD
يللي هوة تاخد 25 ل 50 غرام سكر غلوكوز أو ديكستروز قبل التمرين بنصف ساعة …
المكملات المنصوحة في الكيتو…
رح حط كل شي مذكور كرمال يللي بيتوفر عندو ما يقصر…. وحسب أمكانياتكم المادية..
الكافئين.. كتير شي كويس تاخدو قهوة قبل ربع ساعة ومعكم للساعة ونصف
طبعا يفضل 200 ملغ كافئين مع العلم فنجان الاسبريسو فيو 30 ل 50 ملغ يعني بدك أربع خمس فناجين أو ساويها عإيدك قهووة عادية والتخمير وتقلا
الكرياتين مونوهيدرات كتير كويس ومفيد وبيتاخد بأي وقت بدك ياه ومنصوح فيو وأفضل مكمل برأيي للرياضة …
ومتل ما قلنا بالكيتو زيت جوز الهند
او المسحوق mct الأفضل مكمل للرياضين…
مناخد ملعقتين زيت كتير مفيدين وبيفعلو الكيتونات بسرعة قبل نصف الساعة او ساعة…
الأوميغا ثري حبة عيار ألف أقل شي في حال عدم الإمكانية لآخذ وجبتين سمك اقل شي خلال الأسبوع ….. كالعادة تكوني نوعيتو جيدة وفيو مادة فعالي EPA+DHA مجموعن فوق ال 800 بالحبة…
المغنزيوم والبوتاسيوم صرعتتكم فيهم ما في داعي أحكي عنهم
الواي بروتين…. كتير كويس وبيساهم بالبناء العضلي بالذات يللي عندن مشكلة في أكل البرووتين ويفضل عشرين ل أربعين غرام بعد التمرين….
بيتا آلانين…
ال سيرتولين…
مركب Alpha GPC
التورين..
طبعا بالكيتو يفضل يضل الدهون بين ال 70 ل 75 بالمية من أكلنا ….
بالنسبة للكاربوهيدرات لازم نلتزم برقم تحت ال 35 غرام يوميا…
وفينا نزود بالتدريج إذا حبيتو لنوصل لأرقام أعلا… بشكل تدريجي
(المفروض نحلل كيتونات ونشوف) …
بالنسبة للبروتين وهوة أهم موضوع ومقدسسسس جدا جدا جدا بالرياضة…
إذا بدك تنشف ولا تضخم شووما بدك ما بصير ينزل برووتينك عن أقل من 1.4 غرام لكل كيلو من جسمممممممك غير هيك بتكون عمتروح عالنادي تأذي حالك وترجع يا ريت تنتبهو….
مجرد التمرين بالنادي عبيحرق بروتين معقول ما تزلع وتعوض هالبروتين؟
فهمتو ليش موضوع البروتين مهم كتير..
كيف بنحسب البروتين…
أقلها 1.4 غرام ل 2.2 غرام لكل كيلوو وإذا بدنا كتلة عضلية كبيرة نوصلو ل 3 غرام لكل كيلو بس طبعا هون البروتين الزايد ممكن يفعل الأنسولين ويشتغل بالطاقة ويخفف شوي من الكيتوزية …
يعني إنت شب وزنك 80 كيلو لازم تبلش نادي ب 112 غرام ببروتين أقلها ويفضل تزيد لتوصل ل 160 غرام بروتين …
يعني أقل من نص كيلو لحم لا تقلي بدي حافظ عالعضل أو ابني عضل؟
ولا تساوي كيتو بيض وتشبعلي بسبع تمن بيضات؟ أقل شي بدك 15 لعشرين بيضة بالرياضة وهالشي صعب نتقبلو
عرفت ليش بنصحك تشتري بودرة بروتين لأنو ما رح تلتزم وإذا لتزمت ما رح توصل ل 70 فسكوبين بودرة بيصيرو 120 بتسرع نتائجك وبتستفيد أكتر وبتشد وتبني عضل أكتر وبنفس الوقت ما رح تلتزم ب 3 وجبات رح تاكل وجبتين وتطنش فهيك بيتوزع بروتينك عأربع دفعات وبيكيفو عضلاتك
هاد الكلام كلياتنا منكتشفو بعد ما نضيع سنة أو شهور بالنادي عالفاضي ونشوف جسمنا عالمراية مو فارق ولا حليان وغالبا بنيأس ومنكتأب ومنترك نادي ورياضة وبالذات يللي حالتن متوسطة وما خرج يشترو مكملات رجاء رجاء رجاء انتبهو عالموضوع
هلأ منجي لوجبة بعد النادي…
يفضل تناول الوجبة خلال 45 دقيقة وفي حال عدم الإمكانية… لا تأخر وجبتك بعد الساعتين….
الوجبة مقدسة خلال ساعتين شو من كان بدك تنحف ولا تسمن وإنسولي هي الخرافات تبع الأكل بعد التمرين بيسمن
قبل كل شي منحط ربع ملعقة ملح صخري او ملح كيتو بكاسة مي ومنشربا مشان تخف الدوخة بعد التمرين الناتجة عن نقص المعادن…
والوجبة لازم تكون متكاملة..
تقريبا..
25 ل 30 غرام دهن يفضل من زيت جوز الهند (ملعقتين) أو الزبدة البقرية (30 ل 40غرام زبدة) …
بين ال 20 ل 40 وحد أقصى بالوجبة 50 غرام بروتين
مثلا أربع لست بيضات بيضات …
أو من مية لميتين غرام لحم (أي نوع)
يفضل السمك(سردين… سلمون) مثلا…
مو أكثر من عشر غرامات كاربوهيدرات
(نت كارب ) …
ويفضل الخضروات الورقية…
بروكلي ميتين غرام مثلا…
فطر مسموح كتير ….
كوسا ميتين لتلاتمية غرام..
وهيك…
وآخر شي عدد الوجبات…
يفضل يكون بين ال 3 ل 4 إذا مهتمبن بالعضل كتير ونقسم البرووتين بينهم..
حسب نموذج حياتك وكيف إذا عمتصوم ولا لا…
أنا ما بفضل الصيام الطويل بالرياضة ..
صيام 14 ل 16 مقبول الواحد ممكن يقدر ياكل حاجتو من البروتين بهالفترة عوجبتين أو تلاتة أيام الحديد…
وممكن تمرقو يوم أو يومين بالأسبوع تصومو تزودو ل 18 أو أكتر بس بشرط وجبتين ….
وهي جدول للتدريب خلال أسبوع للكيتو….
الخروووج الآمن من الكيتو…..
طبعا هالحكي للأشخاص يللي وصلو للوزن المثالي وخلص مقررين مية بالمية يطلعو من الكيتو واللوكارب حتى ويرجعو لنمط حياتن العادية……
اللي معن أمراض وأستفادو…. نصيحة لا تطلعو خدو الكيتو كلايف ستايل…. أو حولو عالللو كارب….
شوية قواعد لتحطا ببالك….
1… السكر ممنوع طول حياتك…
الكارب المصنع يللي متل الرز الأبيض المعكرونة البيضة الكعك … حلويات مخلوطة عجينة بيتزا… همبرغر لازم نتجنبن كتيررر وما ناكل إلا للضرورة القسوى…..
هدول كاربوهيدرات مكررة.. يعني يينطحنو… وبتيكرر وبيرجعو ييتصنعو…
بطريقة تروح كل الألياف والفيتامينات والمعادن ومؤشرن غلايسيمي مرتفع جدا ومرعب وهنة سم عالجسم.. يعني لازم نتجنبا مو؟
2… الرياضة ثم الرياضة وهي فرصتك للرياضة
ولتزود كتلة عضلية….. ولتزود طاقتك وقوتك…
لأنو بس تكمل قراءة رح تعرف إنو رح نزود بروتين وخلونا نستفيد من البروتين في البناء…..
يفضل رياضة ال HIIT…
وإذا ما في قدرة (أرجوك أمشي خمس ساعات بالأسبوع وهرول شوي كمان)
3…. الصيام المتقطع لازم يكون نمط حياتك…..
خلي كل حياتك صيام أقل شي صوم 14 ويفضل 16 عود حياتك ونظم وقتك….
4… السناكات ممنوعة دائما وممارسة الصيام المتقطع بتساعدك كتيررر عهالشي…..
5… يمنع جمع الدهن والسكرررررر تحت أي ظرف من الظرووووف وأكيد هالشي خلال شهر لشهرين كيف ما طلعت من الكيتو تطلع….
6… مضادات الأكسدة ضرورية للجسم كتيررر منجيبا من كل شي أكل صحييي وخاصة الفواكه والخضروات وأكتر شي بالشوكلا دارك….
بهالمرحلة اعتمد فيها وعدهونها….
7.. لازم تزود ألياف وشرب سوائل بهالمرحلة…
بذور الشيا… قشور السليليوم لأنو بنظام الكيتو الالياف قليلة كان (والجسم تأقلم) حاليا رح نرجع عنظامنا العادي ولازم نزود ألياف…..
8…. كمل عالمغنزيوم أقل شي وأصلا إنت عوضت فيتامين دال أثنااء الكيتو بيكفي حبة بالأسبوع عيار 10 آلاف وإذا في مشكلة بجسمك كمل بالفيتامين يللي بتحتاجو…..
قبل كل شي ….
بتتذكر كم كيلو خسرناهم وفرحنا فيهم أول الكيتو؟
أي… هدول رح نرجع نصن أو أقل بس طبعا مي هدول مو دهون….
بس هالمي بالعضلات رح تكون….
لهيك خود مقاساتك وشوف ما رح تزيد نشالله….
ولو كتير متعقد من الميزان… (قبل ما تطلع من الكيتو أنزل كيلوين تلاتة عن هدفك مثلا بدك 70 نزول ل 68 وبلش رحلة الخروج من الكيتو)
ورغم كل هالشي بجوز ما تزيدن إذا تتبعت هالخطوات….
أول خطوة بدنا نرجع للحساب والشغل بدقة وبرنامج الفات سكرت….
أول شي نضل منقصين 300 ل 500 عن سعراتنا الحرارية..
بدنا نزود كل يومين تلاتة 5 ل 10 غرام كاربوهيدرات…..
بالمقابل رح نزود بروتين بأكلنا
ونخفف دهون…
يعني رح نحاول نعتمد عزيت الزيتون والأفوكادو بالدهون تبعنا…… رح نخفف سمن وزبدة ودهنة خروف….
مثلا كربوهيدرااتك كانت 30 بترفعا ل 40 وبعد يومين تلاتة (يفضل أسبوع) ل 50 بتنطر يومين تلاتة وبتضل ترفع…… بتاكل معك هالعملية حوالي شهر لتوصل ل 130 غرام كاربوهيدرات وهوة أقصى حد مسموح تضل فيو لوكارب (عفرض هدفك لوكارب) ….
وبالمقابل منزود بروتين تدريجيا…. البروتين يللي يفضل نحول عليه تدريجيا… صدر وسمك ولحوم قليلة الدهون…..
يعني رح نصير نشيل جلد الفروج وما ناكلو ورح نخفف سقسقة للأكل وما نحط قشقوان وموتزاريلا لكل الأكل…… وشلف دهن بلا لزمة
شو هنة الكاربوهيدرات المفضلة بالتدريج….
إنت ختار لحالك… من أول فترة لآخر فترة بالتدريج….
فريز…. تووووت… مثلا منضيف كل يوم 100 غرام أول أسبوع على شكل حصة واحدة…
بعدا القرع والشوفان… وشوية شوية البطاطا
وبصيرو حصتين للأكل….
وآخر شي ممكن نضيف القمح والشعير وتوابعو بشرط يكون حبوب كاملة متل ما حكينا المكرر يفضل نبعد عنو…..
منرجع منأكد يرجع عدم جمع الدهن والسكر مع بعضضضضضض….
وإذا ولا بد أترك مسافة بينهم…. تلت ساعات أقل شي….
طيب أنا مستعجل وبدي فورا فوت وكتر كارب وأنا متأكد كل الحكي يللي حكيتو عالفاضي لهيك تعال معي وساوي متل ما بدي قلك ويفضل تعتمدا كمان لو بدك تطلع من الكيتو تدريجيا …..
(((((صيام متناوب متدرج متقطع)))))
اسمها منقسم الأسبوع هيك…..
أول يوم…. يوم كيتو عادي على وجبتين تلاتة …
تاني يوم صيام 22 ساعة مع وجبة فيها كارب وبروتين ودهوت صحية ( إنت وضميرك) ….
تالت يوم كيتو عادي على وجبتين تلاتة ….
رابع يوم صيام 20 ساعة مع وجبة أو تنين فيهم كارب وبروتين ودهون صحية….
خامس يوم كيتو عادي على وجبتين تلاتة….
سادس يوم صيام 18 ساعة مع وجبة أو تنين كيتو….
يوم كيتو عادي على وجبتين تلاتة …..
وهكذا حتى نوصل ل 12 ساعة صيام……
ومنرجع منعيد…..
وآخر شي منضل كل حياتنا صيام متقطع أقلها 16/8 ومناخد حاجتنا من البروتين وحاجتنا من الدهون يللي متوفر بالأكل (صفار بيض) زيت زيتون إلخ….
آخر شي في عمليتين غش منقدر نساويا عالكاربوهيدرات لنخفف امتصاصا ونخفف مؤشرها الغلايسيمي….. .
1… نصف ملعقة خل تفاخ عكاسة مي قبل الأكل…..
وفينا نحطو للسلطات المهم نمرق شوي خل في دراسات بتقول إنو بيخفف من المؤشر الغلايسيمي للأطعمة…
2… تسخين وتبريد الأكل (إذا الأكل فيو كارب مكرر) …. بالفرن بعدين تبريد…. وهكذا….. حتى يتحطم السلاسل يللي فيها ويزيد من النشاء المقاوم ويقدر يتعامل معها الجسم وتزيد الشعور بالشبع …..
بوست قديم نحذف بالغلط نزلتو لرجعو للبوست المثبت ….
الغش وما أدراكم ما الغششش….
أقرو البوست لتتجبنو الغششششش وتعرفو شو بيصير بالجسم وقت الغششش….
الكل ناطر هالبوست ومتوقع بعد ما يقراه رح ينزل عالسريع ويطرق صحن نابلسية بالقشطة ويرجع مرتاح الضمير
للأسف مو هيك أكيد….
في عنا نوعين من الغششش…
الغش يوم كامل وهالشي ممنوع ممنوع ممنوع بالكيتو….
وهاد الغش بيستخدموه ببعض الأنظمة الصارمة ويللي بتكون الغش فيه (بدهون وكاربوهيدرات صحية) شغلة إنو تاكل شو ما بدك وغير صحي هاد جهل مية بالمية وخطأ من الكوتشات أو يللي عبيعطي النظام تبع يوم فري
الغششش لوجبة محددة وهالشي رح نحكي عنو بهالبوست…
فكرة الغش المخطط له هي إنو تسمح لنفسك لتفوت شوية كاربوهيدرات وتعرف شو عمتاكل…. وكل شي محسوب يكون… لأنو عالمدى الطويل … ممكن نضطر لطلعة مشوار… أي مناسبة اجتماعية لتقدر تتأقلم مع نظام حياتك….
بس بالكيتو عنا رقم معين للكاربوهيدرات مو لازم نتجاوزو أبداااا ويللي هوة 50 غرام كاربوهيدرات صافية مجرد ما تجاوزناه طلع جسمنا من الكيتوزية وممكن نحس بشوية أعراااااض تزعجنا من صداع وتعب وزيادة شرب ماء وحبس سوائل بالجسم وزيادة كيلو لكيلوين …
بس لازم تكون متأكد أنو هالشي يللي زدتو وزن هوة سوائل لبين ما ينحرق هالسكر يللي فات عجسمك ….
لأنو كل جزيئة سكر بدو 4 جزيئات ماء H2o لينحرققق ومجرد ما يخلص ويحرقو الجسم رح ترجع تخسر هالوزن فورا لهيك لا تزين نفسك كرمال ما تأثر عنفستيك وتكتئب يعني فوتت 250 غرام حلو أكيد رح تزيد 1 كيلو مي وهكذا عدا عن حجم الوجبة والملح يللي فيها أديش رح يخزن مي كمان …..
مجرد ما صار سكر بجسمك أول شي جسمك بيعشق السكر ورح يحاول يستخدمو كمصدر طاقة ويخلص منو بأقرب وقت ممكن…
ليش وجبة ممكن تتمرق ومانو يوم كامل؟
لأنو وجبة ممكن يستوعبها الجسم وتضل تحت 50 غرام كاربوهيدرات ما بين يوم كامل خلص منكون ضيعنا كل تعبنا ورجعتنا عالكيتو شي أشبه بالمستحيل (وبدنا إرادة حديدية لنرجع) ….
في دراسات للأسف نعملت عأنو لما تفوت كمية كبيرة من الكاربوهيدرات وتكرار هالشي كل فترة ممكن يؤذي الأوعية الدموية لهيك منرجع منأكد الكيتو نمط حياة ومافي شتهيت وبدي..
طيب أنا خبصت الدنيا وغشيت ونفسي راودتني شو لازم ساوي؟
أول شي لازم تكون مخطط ومتأكد لهالشي…
يللي ساويتو لا تزيد عليه مثلا ما تقول خربتا وخربتا خليني كمللل خلص كتفي بالخسائر يللي صارت وتجنب الإنخراط بنمط الحياة السيئة وتأكد إنو جسمك رح يتعافي بشكل سريع بين اليومين لللأسبوع كحد أقصى وكل ما كان غشك أخف كل ما كان وضعك أسهل…..
وقبل ما تاكل هالوجبة تأكد إنو شعور اللذة يللي رح تعيشو هوة لثوانييي ودقايق مو أكتررر
مو حرزانة تفوت جسمك بهالشي كرمالو….
بعد كم ساعة رح تندم وتقول ليه ساويت هيك وتروح لذة الأكل من تحت سنانك وتصير بال wc
وإذا جربت الغش شوف شو حيصير بجسمك بعد ساعة لساعتين رح يصير ذروة بالسكر وارتفاع ويرجع ينزل ولما ينزل رح يطلب سكر وأكل فيو حلو مرة تانية ورح تضل عايش عهالدوامة لبين ما ترجع بقوة للكيتو….
لهيك رح تتأكد بوقتا إنو نظامك اللي خترتو هوة الصح والبديل أنك تصير عاشق للسكر والحلويات… (تذكر حياتك قبل الكيتو)
طيب كيف بدي أرجع للكيتوزيز…
1…جرب الصيام المتقطع…
صيام 16 ل 18 ساعة بعد التخبيصة بيساعدك لتحرق اللي فات عجسمك وترجع للكيتوزيز…
2… جرب صيام الدهون….
متل كيتو البيض .. ليومين أو تلاتة … يالي هوة عبارة عن 8 ل 10 بيضات باليوم فقط مع ورقيات كتيررر ودهن بكمية جيدة متل الللي بالكيتو….
أو كارنيفور يومين تلاتة … فقط لحوم ودهون وبدون أي شي خضار .. وأجبان عالية الدسم موتزاريلا أو شيدر ومسموح السوائل والمشروبات شاي قهوة إلخ ……
طبعا أنا ضد هالشي ولو إني ذكرتو بس المهم تخففو كارب كتيرررر باليومين تلاتة يللي جاين…. بيكفي هيك . بس ذكرتو من باب إنو خيار موجود ولو صعب ولو ما بحبو
3… ساوي أي نوع رياضة والأفضل بفترة الصييام بعد الغش قبل ما تاكل الوجبة التالية ….
الجسم فورا رح ياخد الغليكوجين يللي تشكل ويحرقو بالرياضة…. وممكن صيام ورياضة بيوم ترجع للكيتوزيز….
بس حاول رياضة تكون محترمة ركض حبلة ما تكتفي بالمشي العادي وحسب إمكانيتك…
4… فيك تستخدم مكمل زيت MCTs بيساعدك عالحرق وبيرجعك الكيتوزيز..
5…. بيوم الغش بترفع المغنزيوم للحبتين… وبترفع شراب البوتاسيوم للملعقتين…. وإذا في فيتامين B حاول تاخد حبة بتضل هيك لأسبوع بعدين بترجع للحبة والملعقة …..
6… ساوي محلول كيتوني (خل التفاح ملعقة ممدة بليتر مي مع ترانشان ليمون ونصف ملعقة ملح) استخدمو قبل وجبتك الغششش بربع ساعة ملعقة ممدة ..
وخليه جنبك بعد ساعتين رح ترجع تشتهي الحلو (بسبب نزول مستويات السكر في الدم) كمان خدلك كاسة لتنسى هالشي خليك صاحي وعارف هالشي قبل ومهيأ نفسيا
7.. إذا فقست بمخك بدك تغش تذكر إنو العشر ملاعق رز مطبوخين فيهم 50 غرام كارب…
كول كم ملعقة مثلا… شفت قرص كبة كول واحد صغير مثلا….لو كنت معزوم عمائدة مفتوحة.. ختار الشي الكيتوني الشهي قليل كاربوهيدرات…
شفت بروستد تجنب القشر وكول اللب…
شفت هامبرغر كول وحاول تخفف من الصمونة تبعيتا قد ما بتحسن…
خفف من غمساتك للميونيز…
طلوب كولا دايت أرحم من الكولا العادية…
طلوب عيران أرحم من العصير….
إذا نحط فواكه خود الكيوي أخف من الموز….
كول فريز أحسن من التفاح الأحمررر الحلو…
البطيخ الأحمر أفضل من الأناناس…
خود كم قطعة عادي….
التفاح الأخضر الحامض أفضل من الأحمر…
لما ينحط مكسرات خود بزر عباد الشمس وشوية فستق ومكسرات أحسن من المكسرات الصينية….
لا تاخد كولا مع المكسرات برجع بقلك كولا دايت معلش أو شراب شعير (يدون سكر) أو مشروب طاقة بمحليات صنعية بيضل أرحم من الكولا والعصير….
تجنب الخبز ولما تشتهي ومضطر قسمو قسمين وخود طرف واحد منو….
شفت البطاطا حط قدامك كم إصبع ولا تجيب غيرهم…
كتر سلطات مع الوجبة وسبقها عوجبتك الأساسية..
شراب كاستين مييي قبل ومتل ما قلت شراب كاسة محلول كيتوني قبل ربع ساعة ليخفف من تأثير السكر ومؤشرو الغلايسيمي ومن شهيتك عالسكر….
طيب شي يوم مريت أنتو وال ex من قدام محل حلووو وبدك تاكل أكيد ؟ حلاوة الجبن أرحم من صحن النابلسية كم قطعة (تجنب إنك تخلص الصحن) و(لما تشتري الصحن قلو قطعتين بدل 5 وبدون قطر) (النكهة وحدة القطعة متل العشرة وحاول تخفف من لفات الحلاوة وركز عالقشطة بس) ….؟ أكيد يتضل أخف من غير حلويات وتخبيصات …
مارر أنت ورفقاتك من محل كوكتيل…. لا تاخد عصير خود صحن سلطة فواكه بدون كريمة وعسل وشوكولا… قلو للبياع… بيضل أرحم من الكوكتيل والعصير يللي مليانين سكر وحاول ما تخلصو كلوووو قلو يكترلك أفوكادو وفريز وكيوي وشوية بطيخ أحمر وتوت وفاكهة النجم
شوية نصائح لتجنب الغششش…
مارس اليقظة : يشمل اليقظة الانتباه لجسمك ، مما قد يساعدك على مقاومة الرغبة الشديدة والأكل العاطفي ….
خليك صاحي لجسمك… بالذات الصبايا قبل موعد الدورة ممكن يشتهو الحلو بشكل غير طبيعي وهالشي سببو متلازمة اسمها (ما قبل الطمث)
لازم تكوني صاحية لهالموضوع وما تخلي جسمك ينجر ورا رغبتو وعواطفو…
أحكي لطبيبتك توصفلك دوا يخفف من هالأعراض ومو عيب ولا حرام تاخدي دوا مضاد للإكتئاب لأنو علاج هالحالة هالدوا بشكل أساسي بيتاخد قبل أسبوعين حبة مساءا أو عند بداية الأعراض غالبا الدوا بدو وصفة طبية…. اسمو باروكسيتين أو سيرتالين….
ممكن طبيبك يوصفلك مسكنات متل بروفين أو ممكن يوصفلك مدر بولي متل السبيرونولاكتون إذا في تنفخ وتراكم سوائل بهالمرحلة لهيك لازم ما تزيني حالك غير بعد الطمث…
خطط لوجباتك…. ما تطلع من البيت وإنت جوعان بهالفترة بالذات … تجنبي الصيام إذا كانت نفسيتك مزعوجة وكل ما تجوعي كلي وجبة كاملة الدهون والبروتين والخضروات….
أجعل نظامك الغذائي اليومي ممتعًا.
إنسو موضوع الميزان وإنو تشدو عجسمكم كتيررر وخلو مجال للراحة ولا تلتزمو بكيتو معين بس تعبتو ساووو أي وصفة غيرو جو فيهاا…..
ساووو حلويات كيتو مشروبات كيتو…
وخلي نفسيتكم راضية عن الدايت أكتر من
إنو يكون راضية عن نزول الوزن….
حطو هدف بعيد إلكم…
أعرفو إنو دهون سنين ما رح تخسروها بيوم وليلة….
فتاح صورك القديمة وقارن إنجازك والشي يللي وصلتلتو…
خوج مقاساتك الجديدة وأحكي لنفسك ليهوما وصلت لهدفي…
وإنو نظامك رح تضل تلتزم فيه شهور لا مانع من أيام راحة بحلويات كيتو وقشطة وجبن وووصفات شهية…..
وإذا في مناسبة خود معك أكلاتك….
حافظ على الأطعمة المغرية بعيدة عنك.
لازم تحكي لكل شي حواليك….
عن نفستيك وأديش محتاجة لدايت وتفهمن الكيتو وإنو هاد النظام خلاصي… وإنو الغش رح يخلي جسمي مضطرب وشرحلن شو حيصير بجسمك وأديش رح تتعب وطلوب منهم يساعدوك….
وأحكي عيلتك تتجنب الأكل المغري بوجودك ….
الدايت بدو ثقافة شخصية ومجتمعية….
أجعل لديك رقابة من شريك…..
نفس الفكرة أطلب من أهلك ورفقاتك يساعدوك
ويحاولو يبعدو عنك الأكل السيء…
وأطلب منهم يكونو حدك ويمارسو الرقابة عليك….
استخدام ريجيم الزكزاك في الكيتو مع شوية رياضة… وهي أنواع….
ملاحظة الرقم يللي عبيعطيك ياه برنامج الفات سكرت ….
إذا حطيت الحفاظ عالوزن…. بيعطيك سعراتك نفسها حتى يضل وزنك ثابت….
لما تحط نقصان الوزن بشكل بطيء… بينقصلك سعراتك 200 يعني بتنحفلك بالشهر كيلو..
لما تحط نقصان الوزن…. بينقصلك سعراتك 500 يعني بتنحف بالشهر 2 كيلو…..
أغلبكم حاطط آخر خيار عبيطلع معو مثلا 1900 وعبيرجع ينقص 500 عبيصير نقصان 1000 بالشهر يعني المفروض ينحف بحدود 4 كيلو بالشهر….
بس هالشي مستقبلا ما عمتلاقوه نافع….
وشو من صار لا تاكل سعرات تحت 1400 بحد
أدنى و إذا صبية وزنا خفيف ومافي مجهود لا تاكلي تحت 1200 سعرة…
هلق ما في مشكلة بهالشي بس مستقبلا ممكن يثبت وزنك …
لهيك هالطريقة لعبة صغيرة عالجسم حتى نضل ننحف وبنفس الوقت ما يثبت وزننا….
دورة عطلة نهاية الأسبوع: 5 أيام من اتباع نظام غذائي منخفض السعرات الحرارية ، ثم إعادة تغذية ذات سعرات حرارية عالية لمدة يومين.
الدورة المصغرة: 11 يومًا من اتباع نظام غذائي منخفض السعرات الحرارية متبوعًا بتغذية عالية السعرات الحرارية لمدة 3 أيام.
3 بواحد : نظام غذائي منخفض السعرات لمدة 3 أسابيع يتبعه 5-7 أيام ذات سعرات حرارية عالية.
الدورة الشهرية: من 4 إلى 5 أسابيع على نظام غذائي منخفض السعرات الحرارية متبوعًا بتغذية أطول من 10 إلى 14 يومًا ذات سعرات حرارية أعلى.
هيك يعني بتختارو أي طريقة… وبتزودو سعراتكم فيها… حوالي 300 وإذا في جوع بتزودوهم ل 500 يعني بتاكل سعراتك يللي بتحافظلك عوزنك وبهالأيام بتزود نشاط بدني وجهد ورياضة ولو ركض نصف ساعة أو تمرين معين لمدة ساعة…
وهيك منحمي جسمنا من الثبات ومنشعر بالرضى فيه…
أختارو أي طريقة بتناسبكم….
بالتوفيق…
الكيتو والإمساك… وكيف حل مشكلة الإمساك….
أول شي إيمت منقول معنا إمساك؟
لما ما يصير خروج تلت مرات بالأسبوع …
أو البراز صلب وجاف ومتكتل..
أو ألم وصعوبة بالتبرررزززز…
أو عمتحس البراز عبيطلع بشكل جزئي وما عمتقدر تفرغ يللي موجود..
يعني مو ضروري تطلع كل يوم بيكفي 3 مرات بالأسبوع هيك ….
إذا مو حاسس بشي طنشن عادييي…. بس إذا في إزعاج أو خروجك مرتين بس بالإسبوع لازم نلاقي حل ..
شو أضرار الإمساك؟
ممكن يساوي شق شرجي… بواسير…. وآلام بالبطن…
طيب ليش بصير بالكيتو إمساك؟
1…. قبل كان جسمنا عايش عالسكريات والنشويات وهضمن سريع فطبيعي تخرج مرات كتيرة باليوم….
منعرف الدهن بيطول هضمو بالمعدة والأمعاء لهيك شي طبيعي يخف خروجك لدرجة مرة يوميا أو مرة كل يومين وهالشي عادي…
ولا تنسى وجبتنا خفيفة نضيفة ومشبعة ومانا هالحجم
2…. لأنو ما عمتنوع وتاكل خضروات وورقيات ولأنو ألياف ما ضل بأكلك وأهم شي للجسم وحركة الأمعاء يكون في ألياف بالجسم …..
يعني كل إنسان لازم ياكل بين 7 ل 15 كوب خضرة باليوم وما حدا بياخد أبدا وإذا التزم كم يوم وبعدين بيترك؟ من وين الجسم بدو يجيب المعادن ؟
طيب كيف بدي عالج عالإمساك؟
1…إذا حضرتك جديد عالكيتو بدك فترة منيحة ليتأقلم جسمك عالنظام أيام لأسابيع .
إذا الموضوع مو زاعجك طنشوووو
2… شرب الكثير من الماءءء… بين 2 ل 3 ليتر أقل شييي…
3… زود ألياف بأكلك….. ضمن مسموحات الكيتوووو..
بروكلي قرنبيط، براعم، البروكسسسل أفوكادوووو، توووت العليقق… العلييييق…
ورقيااات بشكل كتيرررر…….
وفيك تضيف قشوووور السيليوم لسلطاتك بذور الكتان أو الشياا (أهم شي) أو منضيفن لمشروباتنا هدول كتير مهمين ملعقتين كباار (بذور الشيا) ييحلو المشكلة ولا تحسبوهم من سعراتكم عادييي…
وفيك تضيييف البروبيوياتيك لأكلك (مخللات ومخلل الملفوف أهم شي ومفيد كتير ) …
4… طلاع تمشششى بين الوجبات… وبعدا
5…حاول تدرب أمعاءك… إنو تروح عالحمام كل يوم بوقت محدد وتحاول تخرج…
هيك بيتعودو عهالشيي..
6… جرب شراب الصبح كاسة مي مع ملعقة صغيرة خل تفاح وليمون دافيييي ممكن يفيدك كتير وما بيكسر الصيام…
بشرط ما بتعاني من حموضة بمعدتك… ولا قلس معدي ولا قرحة…
7… تجنب مشتقات الألبان… حوالي 75 بالمية من الشعب معو نقص خميرة اللاكتاز وفي صعوية بهضم اللاكتوز صح الجبنة بالكيتو قليلة اللاكتوز بس في ناس أمعائهم حساسة كتير إلو….
8.. جرب اليوغا والإسترخاءءء مفيدة كتيررر..
9.. الهضم عالبطيء..
تاخذ نفسين عميقين قبل كل وجبة …
تاكل ببطء لتهضم الأكل منيييح وتعطيه فرصة كاملة…
حط قوانين لأكلك مثلا لازم تحط الشوكة والسكين عالطاولة خمس مرات…
لتاخد وقت كامل للهضم….
10.. ما ننسى المغنزيوم صديق الكيتو ….
الجرعة المطلوبة بالكيتو 200 ل 400….
في حال الإمساك فيك ترفعا ل 600 وفينا نرفعا 1000 مو أكتر…
لأنو المغنزيوم ممكن من تأثيراتة الجانبية الإسهال وهالشي بيساعد عالخروج
(يعني ما عمتاخد معنزيوم بلششش خود)
(عمتاخد : ساويهم ضعف الكمية)
11… البوتاسيوم ما ننساه أكيييييد…. بالذات إذا خضرواتنا وورقياتتنا قليلة .
12… ممكن تستخدم زيت الزيتون أكتر بدهونك …
13.. جرب زيت النعناع عند العطار (نقطتين عكاسة مي دافية) …
14…. عدل وضعيتك بال wc بشكل مشابه للصورة مع إمالة قليلة للأمام..
15… بدي أرجع كرررر ضيف بزور الكتان أو الشيا لأكلك بمعدل ملعقتين لتلاتة وشوف كيف
الخمائر الغذائية بين الطب والتغذية….
كتير بتفتحو ووبتشوفو فوائد الخميرة وفي خميرة بيرة وفي خميرة عادية وغذائية هوة مقال تثقيفي رح أكتب أنا شو رأيي بالموضوع وشو نصيحتي لانو كتير نسألت عن الخميرة بالذات وكتير في ناس عمتاخدا….
الخميرة هية عبارة عن فطريات؟ أي فطريات مو جراثيم ولا فيروسات بس هية كائنات حية بالآخر وفيها تلت أنو وكل نوع إلو خصوصية خاضة وفوائد خاصة….
1….. خميرة الخبز….
هي خميرة حية ونفسا تبع الكاتو منحطا للأكل وبتخليه ينفش وبتموت الفطريات أثناء الطهي والحرارة وبتعطيه طعم ونكهة للأكل هي مالا علاقة بالمكملات للصناعة فقط وبيقولو مانا كويسة للجسم…..
2…. خميرة البيرة…
هي منشتريها إما حية ومنستخدما لتخمير البيرة ونساوي فيها مشروبات كحولية…
أو منشتريها ميتة وهي اللي بتهمنا ومنستخدما كمكل غذائي…. بس طعما مر كتيرر وغليظ
3… الخميرة الغذائية…. هي مصنعينا خصوصي لتكون مكمل غذائي يفيد الصحة وأثناء تصنيعها بتنتقل وبتموت وإلها نكهة مالحة أو عجبنة…. أو جوزية (ممكن استخدامها للطهي)
والغذائية في منها نوعين….
إما غير مدعمة.. فيها بس فيتامينات ومعادن… بتكون موجودة بشكل طبيعي فيها وهي لا حدا يشتريها غير مفضلة .
أو بيدعموها بفيتامينات خاصة مثلا حمض الفوليك للحوامل؟
مدعمة ب B12 للنباتين….
وبيكتبو عليها هالشي من برا العلبة….
والخمائر المدعمة هي أكتر شي موجودة ومتوفرة للبيع بالصيدلياات…
بتجي عشكل رقائق أو مسحوق أو حبيبات حسب الشركة المصنعة …
منجي لفوائد الخميرة الغذائية…..
١..بروتين جيد كل ملعقة فيها 2 غرام بروتين وفيها كل الأحماض الآمنية الأساسي للجسم التسعة وهي جيدة للبنباتين….
٢… بتحوي فيتامينات كويسة كتير للجسم….
ممكن توصل ل 30 أو 180 بالمية من حاجتك من الفيتامينات متل فيتامين B12 و فيتامين B6 و تيامين وريبوفلافين والنياسين
٣…بتحوي معادن نادرة مثلا ملعقة ممكن تحوي بين 2 ل 30 بالمية من حاجتك….
من الزنك والموليبيديوم والسيلينيوم والمنغنيز
٤….بتحوي مضادات أكسدة هامة للجسم وبتساعدك على مقاومة الأمراض والسرطانات وغيرررهم…. فيها مواد ومركبات بتقوي مناعتك (ولاحظو لما ضافوها عطعام الحيوانات صار عندم مقاومة أكتر للأمراض الفيروسية والجرثومية) (التجارب عالحيوانات لسه) وبتساعدك على خفض الكوليسترول السيء…
كيف منحفظا بس نشتريها….
منحطا بمكان بارد ومعتم… بكيس أسود بطرف البراد (مو ببيت البوظ)….
ومنسكرا منيح ممكن تضلومعنا لسنتين إذا حفظناها منيح…..
الجرعة اليومية…. من ملعقة لملعقتين….
كيف ما بدكم بتاخدوها بتحبو مع الأكل مع السلطات….
طبعا بتكسر الصيام إذا نأخدت أثناء الصيام لأنو فيها سعرات…..
يقال قبل الطعام للتنحيف مع كاستين مي (كرمال موضوع كاستين المي لحالو بيصد نفسك عن الأكل) ….
بعد الأكل بساعة بتفتح شهيتك ….. عكيفكم إذا قتنعتو خدوه هيك…..
بمواقع التغذية مو ذاكرين هالحكي شكلو تأثير نفسي أو بسبب المي…..
منجي لخميرة البيرة…..
متل ما حكينا فوق نوعين….
نوع حي…. لتخمير البيرة والخبز …..
نوع… تاني ميت…. بتستخدم كمكمل وهية مرة كتيررررررر…(بسبب وجود الكروم فيها)
فخضعت لمعالجة أكتر وشالو منها الكروم وصارت طعمتا مقبولة شوي……
طبعا إذا بدك ياها للسكري يفضل تجيبا مرة أكتر….
الفرق لخميرة البيرة عن الخميرة الغذائية إنو فبها معادن أكثرررر…..
كروم (للسكري) (أهم فائدة إلو)
سيلينيوم (للشعر والدرق وجلد)…. بوتاسيوم…. مغنزيوم… زنك…. حديد…. وفيا بروتين…
كمان فيها فيتامينات B1… B2… B3….. B5… B9…. B7
لا تنسى ما فيها B12
يعني أذا إنت نباتي ما بتفيدك. لحالا…
ممكن استخداما ببعض الحالاات الهضمية
ممكن تحسن الهضم..
وتوقيك من إسهال المسافرين…
وتحميك من إسهال الصادات…
إلها آثار جانبية ممكن تساوي شوية نفخة وصداع وغازات إذا صارت معك و زاعجتك وقفها هية السبب …
ممكن تأثر على بعض الأدوية لهيك حاول تستشير حدا مختص إذا عمتاخدها مع شي دوا تاني بالذات أدوية اكتئاب وأدوية السكر وأدوية المسكنة المركزية….
كيف بتتاخد…. ملعقة لملعقتين مع الأكل أو مع شي مشرووووب وبترشوها وين ما بدكم…..
بعد ما قريتو كل هالحكييي….. رأييي…
ولعيت كل هاللعي مشان تتذكرو….
شو بتنصحني آخدها ولا لأ؟
أنا بنصحك تاخد فيتاميناتك كحبوب حسب وضعك وتلتزم فيهم ومافي داعي إلها بصراحة بس إذا مصر عليها كمل لتعرف شو تساوي….
النباتين …… انتبهتوو وتذكرتو إنو فيتامين بي 12 مهم عندكم ولازم ياخدوه عشكل خميرة مدعمة أو حب
الحوامل تذكرو إنو حمض الفوليك هام ولازم تاخدو عشكل حب أو خميرة مدعمة(مشان صحة البيبي) …
استفدنا من المنشور إنو في معادن لازمة للجسم ولازم ناخدا…. طبعا قد ما آخدنا خميرة ما رح نقدر ناخد حاجتنا…
رح تسألوني بصير آخد خميرة بدل حب المغنزيوم والبوتاسيوم شفتك كاتب إنو فيهم رح جاوبك لأ…. لأنو إذا بتاخد نص كيلو منهم (هي كمية قاتلة طبعا حدنا ناخد ملعقة أو تنين) ما رح تحصل حاجتك منهم يلللي موجودة بالحبة عرفت كيف كميتهم كتير قلية غير الحب ييللي مناخدو اللي بيكون محسوب كل شي فيه؟
طيب للشعر للغدة للجلد وللسكري؟ شفتك كاتب إنو مفيدين؟
طيب تذكرت حب المكمل ملتي فيتامين الخاص بالسكري؟
تذكرت حب الملتي فيتامين يللي خاص بالشعر يللي كتبتو طبيبتك الجلدية آخدت منو حبتين وتركتو؟
تذكرت حب السيلينيوم وشوية معادن للغدة الدرقية؟
فتاح شوف كل شي كاتبن موجودين فيهم…..
حاول تاخدن وتلتزم فيهم…. أو تجيهم…
طيب إذا إنت مصرياتك منيحة ومتوفرة جيب شي نوع حسب يللي شفتا مناسبة أكتر لوضعك بس طبعا بدك تضل تاخد فيتاميناتك المغنزيوم والبوتاسيوم… والأوميغا وغيرهم….
حسب إمكانياتك والمتوفرة بتاخد إما حب فيتامين مكمل… (الأهم) …
وإذا مرتاح ماديا بتاخد الفيتامين ومعو الخميرة اللي بتشوفا مناسبة…
الأولوية لمكمل الحب ومافي شي بيغني عنهم حسب وضعك طبعا ويفضل استشارة طبيب
مرق العظام….
الكل يحاول ياخد ولو كاسة يوميا…..
بتجيبو أي نوع عظام؟
شو من كانت بتفيد يللي متوفرة حتى عظمات جاجة وسمك معلش
طبعا الأفضل بقر وعجل…
و الأفضل تنوعو بنوع العظام…
متل نخاع مفاصل مقادم ذيل كل شي بيجي بطريقكم…
____________________________________
طريقة التحضير…..
١…تقريبا لكل كيلو عظام بحدود 3 ل 4 ليتر مي…
بتحطو كيلو لكيلوين عظم ومتل ما حكينا مي تقريبا…
بتحطو ملعقة لملعقتين خل تفاح (كبيرة) لكل كيلو….
بتحطو ملح وبهارات…
(ضرووريات قبل الطبخ كرمال يساهمو بسحب المواد الغذائية من العظم قبل الغلي)
٢…بتغلو المي لنصف ساعة او ساعة…
٣..خفض الغليان وتركها لمدة 12 ل 24 ساعة وكل ما زاد الوقت زادت الفائدة…
٤..خلي المرق يبرد وصفيه من المواد الصلبة…
ممكن تضيفو أعشاب وخضروات إذا طعمتا مش ولا بد…
وممكن تضيفو الثوم والبصل والكرفس والجزر والبقدونس والزعتر وهدول ممكن نضيفن قبل ما نبلش غلي….
نسألت بالتعليقات فينا نستخدم عن طريق طنجرة الضغط…
ولاقيت الجواب بس مو بمواقع طبية…
بمواقع طبخية
بس إذا وضع الغاز عندكم مو كويس فيكم تستخدمو هالطريقة…
بالنسبة لمرق العظام ، أطبخ على ضغط مرتفع لمدة 3 ساعات لعظام الدواجن ،
وأريع ساعات ونصف لعظام البقر أو العظام المختلطة.
____________________________________
طريقة التخزين…
بتحطوه شي بكفيكم بالبراد 5 أيام…
والباقي بتحطو بالتلاجة ببيت البوظ ليتجمد….
وكل 5 أيام بتطالعو عبوة وبتحطوها تحت…
لا ينصح باستخدام العبوة أكتر من 5 أيام….
____________________________________
كم مرة باليوم؟
مافي رقم محدد ولا حدا قدر يعرف أديش فيها معادن أو فيتامينات بس الأكيد مفيدة وقد ما قدرت تشرب منها منيحة؟ …
بنصحك تساويها شوربة مع كل وجبة تاخد كاسة مثلا…
وبنصحك تمرق كاسة قبل النوم رح تساعدك عالنوم كتير….
السعرات الحرارية لكل كوب..
مختلف عليه..
بس حوالي…
الكوب
بين ال 30 وال 50 سعرة
5 ل 8 غرام بروتين
1 ل 3 غرامات دهن
1 ل 3 غرامات كارب
____________________________________
شو فوائدها؟
١..يحتوي على العديد من الفيتامينات والمعادن الهامة…
كالسيوم مغنزيوم بوتاسيوم فوسفور زنك حديد بورون منغنيز
أوميغا 3
وإذا في عظام سمك بيكون فيها يود…
غلوكوز آمني وكوندرويتين
فيتامين آ وفيتامين ك ٢
بروتين الكولاجين ولما بينطهى بيتحول لهلام كلها أحماض آمنية مهمة للجسم….
٢…. قد يفيد الجهاز الهضمي
الجيلاتين يسمى الجلوتامين في يساهم في الحفاظ على وظيفة جدار الأمعاء وقد عُرف بمنع وعلاج حالة تعرف باسم “الأمعاء المتسربة”
وبتفيد في بكتيريا الأمعاء…
٣…يساعد في مكافحة الالتهاب….
الأحماض الأمينية الموجودة في مرق العظام ، بما في ذلك الجلايسين والأرجينين ، لها تأثييرات قوية مضادة للإلتهاب…
حتى ممكن يفيدك في التهاب الربو التحسسي…
٤…ثبت أن مغذياته تعمل على تحسين صحة المفاصل…
يحتوي الكولاجين يللي بيتحول بالطهي لجيلاتين وكتير هام لصحة المفاصل وفيه برولين وجليسين…
كمان ما ننسى الكوندروتين وغلوكوز آمين الموجودين بالمفاصل…
وفي دراسات نعملت.. الجلوكوزامين وكوندروتن يمكن أن يساعدا في تقليل آلام المفاصل وتقليل أعراض هشاشة العظام…
٥….تساعد في إنقاص الوزن….
وجدت الدراسات أن تناول الحساء بانتظام يمكن أن يزيد من الشعور بالامتلاء وقد يرتبط بانخفاض وزن الجسم ودهون البطن…
ولا ننسى فيه بروتين….
وعملو دراسة على 53 رجلاً أنه عند اقترانه بتدريب المقاومة ، يساعد الكولاجين في زيادة كتلة العضلات وتقليل الدهون في الجسم…
٦…يحسن النوم ووظائف المخ….
في دراسة نعملت على تناول 3 جرامات من الجلايسين قبل النوم أدى إلى تحسن كبير في نوعية النوم لدى الأفراد الذين يعانون من صعوبة في النوم…
ساعد تناول الجلايسين قبل النوم المشاركين:
تغفو أسرع
الحفاظ على نوم أعمق
استيقظ مرات أقل طوال الليل…
وجدت هذه الدراسة أيضًا أن الجلايسين ساعد في تقليل النعاس أثناء النهار وتحسين الوظيفة العقلية والذاكرة….
لذلك ، يمكن أن يكون لشرب مرق العظام فوائد
٧…تقوية الجلد وعلاج التجاعيد ونضارة البشرة… ومنع تساقط الشعر
الفواكهة المسموحة في الكيتو واللو كارب….
(لا تاخدو راحتكم غالبا مو مسموح اكتر من 70 وبحد أقصى 100 غرام من نوع واحد فقط للكيتوني)
واللوكارب كميات اكتررر…
بس منحب ننقل المعلومة الطبية بمصداقية متل ما بتنكتب بالمواقع الاجنبية….
لنطبق الكيتو بثقافة بدون جهل….
طبعا منعرف الكيتو….
إنو هدفنا فيها لازم يكون تحت ال 20 غرام كاربوهيدرات بشكل صافي (بعد حذف الألياف)
هاد الكيتو الملتزم المنضبط…
ونحن منفضل فيه الإلتزام أول شهر أقل شي لضبط السكر ولتسريع الدخول بالكيتوزيز….
يللي مسموح فيها كفواكه المفروض يكون أقل من 7 غرام كاربوهيدرات صافية ولما تاخد حصتك من شي فاكهة ممنوع أو يفضل ما تاخد بنفس اليوم حصة تانية من غير شي مذكور تحت ….
بعد شهر… أو للأشخاص القديمين بالكيتو ويللي آخدينو كنمط حياة…
موضوع الإلتزام بهاد الرقم صعب….
وكرمال تضل نفسيتك مرتاحة….
لهيك ممكن نرفع بالمسموح بالكاربو هيدرات تدريجيا من 20 ل 30 والمهم نضل تحت ال 50 ومنضل محافظين عللكيتوزيز تدريجيا مو بين يوم وليلة نرفع من 20 ل 50 …..
وبالنسبة للوكارب متل ما قلنا بين 30 غرام كاربو هيدرات صافية ل 100 او 130 يعني مسموحة الفواكهة بأرقام أكبر ممكن توصل ل 20 غرام صافي يعني فيك تفوت 100 و 200 غرام فواكهة وحتى ربع كيلو بشكل متنوع ….
هالحكي إذا جديد ما رح تفهمو لتقرا كل البوستات المثبتة….
القديمين رح يفهمو الحكييي يللي رح أشرحو…
لهيك المختصر حضرتك جديد بالكيتو…
يفصل تلتزم بكميات قليلة من أول 6 انواع فواكه فقط يللي كاتبن (هدول مسموحين بشكل اكيد) البقية للقدامى ولما تحسو نفسيتكم خلص بدها؟ فبتحسبو قديش مسمحلكم وبتاكلو ..
حضرتك قديم أكترر من شهر لشهر ونص فيك تنوع وتفوت حصص ضمن سعراتك من كل الأصناف المذكورة..
رح بلش بأفضل أنواع الفواكه المسموحة للأقل جودة في الكيتو مع نسبة الكاربو هيدرات الصافية فيها …
1…. الأفوكادو…. كل 100 غرام تحوي 1.5 غرام كاربو هيدرات صافية…
2… الفراولة (الفريز)… كل 100 غرام تحوي 6 غرام كاربو هيدرات صافية مسموحة حوالي… (مسموح 100 غرام إلك يوميا)
3… الليمون… كل 100 غرام تحوي 4 غرام كاربو هيدرات صافية… (لا تكتر مشي أمورك بأقل من ليمونة ويفضل نص ليمونة انبسط بالبقية مو حرزانة تنحسب عليك سكر كرمال الحامض)
4… توت العليق الاسود(بلاك بيري) … كل 100 غرام تحوي 5 غرام كاربو هيدرات صافية..
5… التوت الأزرق (بلو بيري)… كل 100 غرام تحوي 12 غرام كاربو هيدرات صافية…
6… جوز الهند …. كل 100 غرام تحوي 6 غرام كاربو هيدرات صافية
7… الكيوي…. كل 100 غرام تحوي 12 غرام كاربو هيدرات صافية..
8… الخوخ (الأحمر)…. كل 100 غرام تحوي 8 غرام كاربو هيدرات صافية…
9… الدراق…. كل 100 غرتام تحوي 8 غرام كاربو هيدرات صافية…
10.. الكرمنتينا (يفضل حامضة) كل 100 غرام حوالي 11 غرام كاربو هيدرات صافية….
11… البطيخ الأصفر (الشمام)…. كل 100 غرام تحوي 8 غرام كاربو هيدرات صافية…
12…. فاكهة النجمة (استوائية)… كل 100 غرام تحوي 4 غرام كاربو هيدرات صافية…
13… البطيح الأحمر (الجبس)… كل 100 غرام تحوي 8 غرام كاربو هيدرات صافية..
14… الكرز…. كل 100 غرام تحوي 11 غرام كاربو هيدرات صافية…
صرلي مدة طويلة كتير بحاول أبحث عن السعرات الحرارية لهدول الكائنات وقديش فيهم كارب وسكر…
لا مقالات ولا أخصائين تغذية بالدنيا قدرو يفيدوني برقم سعرات وكارب ….
ولا حدا (مواقع طبية) عامل دراسة عليهم….
بس الدراسات يللي أكيد نعملت فيهم ألياف وفيهم فيتامين سي وبوتاسيوم ومعادن بشكل وفير وفيهم مضادات أكسدة رهيبة للجسم ومفيدين للريجيم ولمرضى السكري؟ بكل شي قريتو عنهم؟ …….
اللوز الأخضر أليافو أغزر بكتيررر من اللوز المكسرات يللي معنا (المسموح بالكيتو) و 80 بالمية ماء سعراتو ما قدرت لاقيهم لأنو مواقع عربية أغلبها شي يقلك سعرات المية غرام حوالي 100 كالوري…
شي سعراتا بال 450…… وشي يعتبرو أقل من اللوز العادي العادي ب 20 بالمية سعرات؟
لهيك خلونا نتفق ناكل أقل من مية غرام لما نشتهي ومو كل يوم…..
الحصرم… السعرات الحراارية للمية غرام (عصير حصرم) 70 فيها 14 غرام سكر….
والحصرم غير العصير فيوووو بذوووور وفيوووو ألياف بالقشرة منطقيا لازم بالمية غرام أقل من 10 غرام سكر فينا ناكل ل 70 غرام بدل حصتنا من الفواكه بهاليوم….
الجانرك نفس الشي لاقيت القيمة الغذائية للجانرك بس ( للمستوي الحلو شوي) لأنو هنة ما بيعرفوه يللي عنا (العض الفريش) متل يللي مناكلو بسوريا….
وللجانرك المستوي سعراتو 50 فيو 7 غرام كارب لكل مية غرام؟
فما بالكم الفريش يللي عنا؟
الخلاصة ليه نحرم حالنا من شي المنطق والعقل والفائدة الصحية بتقول إنو معنا….
هاد البوست اعتبروه رأي شخصي كوني ما عندي إثبات بالأرقام وإنتو حرييين؟
ما بدي أخد مكملات…
ما بدي أخد مغنزيوم…
معي نقص كالسيوم….
معي فقر دم….
طيب تفضل خود ملعقتين سمسم باليوم…
(طبعا السمسم لا يقارن مع الطحينة أبدا لانو أفضل بكتيرررر)
فوائد رهيب….
لا يوه بقرف ما بدي
وما حبيت الجوز البرازيلي…
ما هضمت الأفوكادو……
وما خرج اشرب مرق عظام….
والورقياات ما حبيتن كمان حاسس حالي خاروف….
طيب شو بدك بس فهمني؟
بس تاكل لحم مشوي وتمشي
.
.
.
.
.
الحاجة اليومية من الحديد بتختلف بين الشب والبنت والحامل….
مثلا الشب 8 ملغ يوميا
البنت بحدود ال 18 وبأيام الدورة 20 ملغ
الحامل 27 وهالشي مستحيل تجيبو بالأكل (أثناء الحمل ضروري المكمل)….
لا تهملوه رجاء…
المرضع أكثر من الشب 10 ملغ بشوي يعني مو متل الحامل…
النساء بعد ال 50 بحدود ال 8 ملغ
والكالسيوم الحاجة اليومية بين 800 ل 1200 ملغ باليوم…
والمغنزيوم الحاجة اليومية بين 300 وال 350 ملغ وحتى 400 ملغ باليوم للرياضي أو مريض سكري ….
.
.
كل 100 غرام سمسم…
تحوي…
975 ملغ كالسيوم…
14.5 ملغ حديد….
375 ملغ مغنزيوم…
468 ملغ بوتاسيوم…
كل 100 غرام طحينة….
حديد 95 ملغ…
كالسيوم 426ملغ….
مغنزيوم 95 ملغ..
بوتاسيوم 414…
فتخيلو لحالكم فوائد ملعقتين سمسم تنضاف لأكلكم…
ويفضل ما يكون محمص
عندي عملية رح ساويها عن قريب ..؟
وأنا عاملة كيتو في مشكلة شي ؟
إذا مدة العملية تحت الساعة ونصف …
مافي أي مشكلة …
(مافي أي خطورة)….
ولكن أكيد منخبر دكتورنا ومنأكد عليه الموضوع ومنشرحلو بجوز ما بيعرف حتى يخبر أخصائي التخدير بهالشي …
ولعدة أسباب…
حتى
1 … ما يستخدمو محلولات سكري …
2 … إذا طلع تحليل الكيتونات بالدم مرتفع ما يخافو ولا يتفاجئو ….
3 …يكون في مراقبة وثيقة لمستويات السكر في الدم …
4 …لا سمح الله إذا صارت مشكلة واختلاط و ستمرت العملية لأكثر من 1.5 ساعة حتى 3 ساعات ….
(لازم يكون الطبيب جاهز ليتصرف في حال حدوث أي طارئ) …
نقص سكر .. العلاج محاليل سكرية
زيادة حموضة الدم ….العلاج محلول بيكربونات …
(( الأدبيات حول النظام الغذائي الكيتون
تشير الدراسة الأكثر شمولاً التي تم إجراؤها حتى الآن إلى أن المحاليل الخالية من الكربوهيدرات آمنة وأن مستوى الجلوكوز في الدم يظل مستقرًا خلال العمليات الجراحية لمدة تصل إلى 1.5 ساعة ))
وإذا شعرنا الدكتور غير مكترث للموضوع أو حضرتك بسوريا وقلتيلو أنا كيتو وحكالك شو هاد …..
أو طلب منك تطلعي من الكيتو ….
منطلع من الكيتو قبل العملية ب 3 أيام منفوت حصتين فواكة يوميا
(حوالي 300 غرام كل حصة 150 غرام)
و حوالي 200 غرام بطاطا أو 10 ملاعق رز بعد الطبخ
………………………………………………
أنا رح أعمل تكميم أو مساوية تكميم أو تحويل مسار جديد ؟ فيني ساوي كيتو ؟
الأفضل ….لبعد 30 يوم من العملية …
خوفا من متلازمة الإغراق يللي ممكن تصير بسبب زيادة الدهون والسكر
ثبات الوووووووووووزن….
قبل كل شي يللي بتنزلو وزن أول شهر هوة ميييي مييي ميييي مي كتيرررر ودهووون..
مي ناتجة عن تجمع السكرر بجسمك ومخبيها الجسم ليحرقووو…
لما وقفت سكر راح وكبهااااااا…
فلا تتوقع تخسر وزن متل كل شهررررر…
وهالمي ممكن ترجع وقت تخبص لهيك بس تخبص لا تفكر بالميزان لبعد أسبوع شو من كان نظامك الغذائي كل الأنظمة بتوقف السكر والنشويات لا تقرب عالميزان بعد يوم الفري تبعك (نحن بالكيتو ما عنا فري) …
منبلش حكي عن ثبات الوزن..
أول سؤال؟
كم من المدة حدث لديك ثبات الوزن؟
هل أكثر من ثلاث أشهر؟
إذا جاوبت لأ فهو ما اسمو ثبات الوزن…..
ليه؟
لأنو خسارة الوزن ما بتضل بشكل ثابت ومنحى ثابت يعني في نوبات لنقص الوزن وفي ثبات …
وعملو دراسات عمرضى السكر عاملين كيتو….
300 شخص لاقو إنو أول تسع شهوة كانو عبينزلو طبيعي بعد تسع شهور ثبتو تلت شهور بشكل طبيعي وبعدين رجعو صار ينزلو بشكل منيح…..
يمكن الحكي غير مقنع بصراحة إنو تلت شهور كتاررر هالحكي يللي بينطبق عاللي صرلن مدة طويلة بالكيتو وممكن يفسر هالشي بس الجدد رح كمل حكييي عنهم تحت….
طيب نحن منزين حالنا كل يوم وأول كم شهر؟
ليش ثبات الوزن؟
1… احتباس ماء… مثل الظروف النفسية والعادة الشهرية (آخرها)
2… المثانة ممكن يكون فيها بووول…
3… معدتك وأمعائك فيهم أكل أكيد و وإنت كل يومين لتخرج مرة ….
لهيك إذا مخطط تزين السبت وشفت خروجك مو منيح أجل الميزان يوم تاني وراجع بوست الإمساك (الموضوعات) وحل المشكلة إذا مزعجة….
كاسة المي وزنا نص كيلو؟ لهيك الله يخليك ما عبقلك زين كل تلت شهوووور…
زين كل شهر معلش…… وبعدين قلي ثبت الوزن وبالذات الصبايا بعد الدورة….
4… الرياضين إنسولي الميزان وحسبولي نسبة دهون جسمكم من هالرابط فقط وبنصح الكل يحسبوووو قبل وبعد ما يفوت أي دايت بس تكمل قراءة بتعرف ليش…
إنتو وضعكم خاصص إذا بتبنيلك شوية عضل وعمتاكل بروتين منيح بيكفي تشوف فرق واضح بالمقاسات وتيابك…..
شوية نصائح للميزان…
زين حالك عنفس الميزااان…. (مو ميزان البيت وميزان النادي وميزان الجارة)…
زين حالك بنفس الوقت (صباحا بعد الخروج)
انتبه من إنقاص السعرات كتير هالشي بينزلك أول شهر بعدين بيأدي لإنقاص معدل الأيض والحرق بالجسم لا تنقص سعراتك قد ما كان عن ال 1300 لو شو من كان وما لازم تنقص عن 500 من احتياجك …
يعني الجسم بيصير يتكيف عالسعرات القليلة وبيحاول يعيش فيها بأسوء الظروف وبيخفف حرق…
لهيك كل الدراسات بتقلك لا تنقص عن سعراتك أكثر من 300 ل 500 لأنو هالشي مستقبلا رح يوقف الحرق ويوقف خسارة الوزن….
خطط لمستقبلك وبلش وإنت مرتاح وحط هدف بعيد كحد أقصى 3 ل 4 كيلو بالشهر واعتبر رقم 2 كيلو هوة رقم منطقي وطبي وصحي وأرضى فيه وعيش عليه لتوصل لهدفك…..
والله هالدهون بجسمك عمرن سنين شو متوقع جسمك بكبسة يخسرن ولا بشهر ولا شهرين؟
سؤال؟ إنت شو غايتك من الحمية؟
إذا مريض ولأسباب مرضية ..
مريض سكر…. خلي أولويتك ضبط السكر…. وإذا مرتاح لا تفكر بالوزن معناها حققت هدفك….
مريض كولون… تحسنت أمعاءك….
مريض ضغط… تحسن ضغطك….
مريض التهابات… عمول تحليل crp وشوف هل نزل ووصلت لهدفك الأهم..
شخص مدمن حلويات .. قدرت تترك هالموضوع… فهاد إنجاز كبير ….
بشرتك وحب الشباب تحسنت …..؟
الجوع خلصت منو وصرت تشبع بأقل كمية ممكنة….
صار عندك طاقة وخفت الآلام عندك….
كل هدول مكاسب صحية…. في حال حصلت عليها لازم تخليا أولوية عن الميزان…
يللي عندن حالات مرضية ممكن يكون نزول الوزن أبطء من غيرهم بكل أنواع الدايت مو بس الكيتو وهن…
١… مقاومة الإنسولين ومرضى السكر… والحل إنو تلتزم مية بالمية بالكيتو الصارم (لمقاومة الإنسولين) … وتفعل الكيتونات بالدم… وتوقف وصفات والشغلات غير المسموحة وتحسب كاربوهيدراتك بدقة ويضل تحت الرقم تحت 20….
٢… الأشخاص يليي عاملين دايتات غريبة عجيبة وخسرانين كتلة عضلية منيحة ومخربين معدل استقلاب جسمن…
هدول صعب نزول وزنهم وممكن يزيد بأول فترة للكيتو لأنو صرت تاخد فيتاميناتك وصرت تأخد حاجتك من البرووين فأكيد الجسم بدو يصلح نفسو ويرمم حالو …..
هدول ضروري يمارسو رياضة ليسرعو نتائجهم ويزودو الكتلة العضلية ويرجعو حالة الجسم الإستقلابية للسليم..
٣… المشاكل الهرمونية….
سن اليأس (نساء الخميسينات)
قصور الدرق… (ضروري تساوي تحليل وتطمن tsh)
المبيض متعدد الكيسات (بدا التزام ونظام كيتو صارم) وما في مشكلو ولو أخدت ميتفورمين(غليسيفاج) بعد استشارة طبيبك…
٤..الأدوية ….
أدوية الإكتئاب…
أدوية السكر….
أدوية الهرمونات (تنظيم الدورة ومانع الحمل)
الكورتيزونات (مرضى المناعة والربو)
حاول تتناقش مع طبيبك إذا بيقدر يوقف شي منهم حسب حالتك …… أو يخفف من جرعتن.. أو يلاقي بديل …
كيف منحل مشكلة الثبات …..
١… راقب الكاربوهيدرات يللي عمتاكلا
بالذات المنتجات الجاهزة للكيتو …. غالبا مغشوشة.
الخضروات …. جزر قرع بصل لفت …. صح مسموحين بس كاربن عالي.. حاول تخففهم…
صح السلطة منيحة بس فيها كاربوهيدرات كتير أكيد ما تاكل كيلوين سلطة كل يوم…
الفواكه…. متل التوت حاول تخففوووو
٢… خليك حذر من منتجات الألبان….
غالبا مغشوشة ببلدنا وفيها نشااااء …
وغالبا ما منلتزم بكمية ورقم محدد ومنفرط بأكلها….
لهيك لازم نكون حذرين وحتى نوقفها …
الكريمة…
المكسرات… مثلا منقلك تاكل قبضة…. حوالي 30 غرام بس بتنسى حالك وبتاكل قبضة حوالي النصف كيلو
لهيك بدك تنتبه ….
٣… انتبه عكمية البروتين… إذا قليلة بتنقص معدل الأيض بجسمك وإذا كتيرة بتفعل الإنسولين…
كتير ناس بتشتري أكل ولحم جاهز وبتاخد راحتا بالأكل….
والكمية المطلوبة ما لازم تكون هالقد..
لما تاكل بتنسى حالك وبدون خضروات ووورقيات وما بتشبع إلا بكمية كبيرة بهالشي غلط….
٤… انتبه عكمية الدهون ما ننسى إنو سعراتا عالية صح نظامنا عالي الدهون…
بس كمان لازم ننتبه كتير ناس بتبالغ بالكمية وبتزود سعرات…
ملعقة الزيت فيها 119 سعرة مثلا…
٥… حاول تتجنب المحليات الصنعية والطبييعية وتوقفها….
٦.. مارس الصيام المتقطع….
هوة سلاح ذو حدين…. إذا عمتصوم دوم لازم تخففو…. وتكسر روتينك وتوقف صيام كم يوم بالأسبوع وتاكل 3 وجبات وترجع تصوم…..
وإذا ما عمتصوم للازم تضيفو لنظامك الغذائي وحاول تصوم بين ال 16 ل 18…
ومرر يوم أو 2 صيام …. 24..
حسب وضعك تصرف …..
٧.. الرياضة ثم الرياضة… كل أنواع الرياضة حسب المستطاع…
والرياضات البنائية وحمل الأثقال مفضلة عن غيرها….
ولا تنسى تراجع بوست الرياضة وتشوف كيف تستفيد منها…
٨… النوم والتوتر….
قلة ساعات النوم رح تزيد من اضطراب هرموناتك…
ولازم تلتزم بكمية نوم كافية….
تجنبا لزيادة الكورتيزول بالدم لأنو هالشي بيبطء نزول وزنك وبيحبس مي بجسمك…
حاول تمارس اليوغااااا والمشي صباحي أو مسائي لتخفف التوتر…
٩… متل ما قلت انتبه عقصور الدرق …..
حاول تساوي التحليل …. بجوز هوة سبب زيادة وزنك وأكيد حيكون سبب ثبات وزنك…
لا تنسى تاخد فيتامين دال… وتعوضو…
المغنزيوم ضرووووووري….
البوتاسيوم ضروري بالذات يللي عندن سكري ومقاومة إنسولين …. (لاتستقل بشي)
آخر شي جرب خطة د.بيرغ لكسر ثبات الوزن…
و(أنا عملتلا تعديل شوي لتنشف سوائل جسمك)
اسمها التكيف مع الكيتونية البكريية ….
بتحط خطة لتسع أيام…. أو أكثررر
أول 3 أيام بتاكل 3 وجبات كاملة مع دهون وفيرة تحسسك بالشبع حسب حاجتك…..
(مع فواكه ومكسرات حصص محسوبة )
بس خلي عينك عكمية الملح يللي عبتاخدا باليوم والمي يللي عمتشربو ؟
تاني 3 أيام تدريجيا بتحاول تحذف وجبة وتساويهم وجبتين بتخفف دهون وبتاكل لحوم وبروتين أكتر بشوي…
(مع فواكه نصف الكمية ومكسرات حصص محسوبة نقصها شوي اذا 50 ساويها 30 …30 غرام ساويها 20)
بس خلي عينك عكمية الملح ونقصها نصف ملعقة ملح يللي عبتاخدا باليوم والمي يللي عمتشربو زيدو نصف ليتر ؟
تالت تلت أيام جسمك رح يبطل يحس بالجوع وبتاكل وجبة يومية فقط… اعتمد عاللحوم وخفف دهون لأقل كمية ممكنة….
(حاول توقف فواكه …مكسرات بنفس الكمية حاول تختار نوع كاربو قليل بقان أوومكاديميا )
بس خلي عينك عكمية الملح ونقصها نصف ملعقة ملح يللي عبتاخدا باليوم والمي يللي عمتشربو زيدو نصف ليتر كمان تاني ؟
يعني لنفرض أول 3 أيام راقبت حالك كنت عبتاخد 2.5 ملعقة ملح وليترين مي
تاني 3 إيام ساويهم 2 ملعقة ملح والمي 2.5 ليتر….
آخر تلات أيام ملعقة ونصف ملح و 3 ليتر ماء ….
(ملاحظة يفضل آخر يومين تشرب عصير الورقيات أو تعمل أكلة تعتمد عالورقيات بكميات كبيرة شوي متل ملوخية وسبانغ أو سلق حتى تقدر تاخد كمية بوتاسيوم جيدة وتكب السوائل المتجمعة بجسمك بسبب زيادة الملح ونقص الماء والبوتاسيوم)
(ملاحظة لما تزيد ورقيات خلي في ليمونة جنبهم يوميا مشان يمتص الحديد جسمك وملعقتين لبن أو شوية جبن جنب الوجبة حتى ما يمتص جسمك أوكزالات الكالسيوم ومشان يقوم بطرحها مع الأمعاء)
طبعا ما تنسى المغنزيوم ….
زين وخود مقاساتك…. بأول يوم ….
زين وخود مقاساتتك… بعاشر يوم وخبرنا النتيجة ……
طريقة الزكزاك لكسر ثبات الوزن ممكن تفيدك..
آخر شي نقلا عن بعض الخبراء بيقولو وبيفسرو ثبات الوزن بظاهر اسمها (الووووش ايفيكت)
هي ظاهرة بتقول إنو جسمك متعود كل حياتو عالدهن والأكل الغير صحي وفجأة بتساوي دايت وجسمك ما بيقتنع إنو إنت صادق وبدك تخسر هالدهن
فبصير يخسر دهن ويملا محلن مي….(لأنو ناطر منك تخرب الدايت وترجعلو دهناتو)
وبيضل الوززن مثبت….
آخر شي بييأس منك وبيصير يكب المي يللي حبسها وتخسر وزن…
هاد الحكي نقلا عن كريم علي وعذمتو صارت معو لمدة 48 يوم وبعدا خسر وزن منيح…..
لهيك الصبر ثم الصبرررررر…..
وهي صورة للوش إيفيكت…
آخر شي جربو الصيام الطويل ومتل ما بتعرفوني أنا من أنصار الصيام الطويل …
وهي بوست لتصومو بطريقة صحية …
كتبولي كيف كسرتو ثبات الوزن…
أنا ضد فكرة الكارنيفور أو كيتو البيض لكسر الثبات ومافي ولا واحد جايب سيرتن لا فيديوهات حضرتا ولا مقالات عصفحات طبية تغذوية…..
بالنسبة لثبات الوزن
صح كتير بشوف بوستات عن هاللموضوع وشكايات لدرجة صرت خاف وقول معقول الكيتو بينزل وزن بعدين بيثبت …
وأنا كنت ظن هيك
بس بعد ما فتت بمواضيع المتابعة مع الناس وأحسبلن سعراتهم للمشتركين بين معي إنو كلو بينحف حسب سعراتو واللي ملتزمين مية بالمية حسب البرنامج الحمد لله ولا مرة ثبت وزنهم لدرجة مع الرياضة تتغير نسبة الدهون بنفس الرقم اللي مقدرلن ياه واللي ثبت وزنو أسبوع مو أكتر وتاني أسبوع فقش زيادة عن أسبوعين وبالذات جماعة الرياضة
برجع بأكد الشخص نفسو صاحب ثبات الوزن بيعرف حالو شو غلطو وبيعرف حالو…..
إنو وصل لمرحلة الملل وما عاد يحسب كارب ولا بروتين ولا سعرات وصار عالله توكلنا ….
وبرجع بأكد بوستات ثبات الوزن هي بوستات نق مو أكتر مع احترامي للجميع
وبدن كلمة حلوة تصبرهم ودعم نفسي ومعنوي وكتير بنبسط بالتعليقات لدرجة بوست عادي بيجي عليه 70 تعليق حلو من أخوة إلهم بالكروب وأهل ….
لهيك خلينا نكون صادقين مع حالنا ….
بلاها ميتين الغرام تبع المكسرات نحن قلنالك 30 غرام فقط
القبضة المسكرة يا حلو هي 30 غرام مو قبضة متل اللي بالصورة…
بلاها طبخة اللبنية بنص كيلو لبن نحن قلنالك لبن يوناني مية لمية وخمسين غرام
أو 3 ملاعق معرمين شوي أو 4 ممسوحين مو متل الملعقة يللي بالصورة
بلاها الأكل بلا سلطات وبسرعة وبدون خضروات دايما خلي بوجبتك شوية خضروات مسلوقة أو مشوية أو مسوحة بالدهون مع عصرة ليمون جيب هيليون جيب كوسا أشوي بروكلي أي شي
بس شايفك ها حضرتك مليت وصرت توصي عفروجة جاهزة وتروح طارقها كلها
بعرفك صرت تحط جنب الفروجة نص كيلة مسبحة بدل 50 ل 100 الغرام المسموحين
بلاها وجبة الكريمة وتسكب كوبين كريمة
قلنالك 100 مل بكفي …
بلاها حركات الشيدر والموزاريلا وتحط ست كواب جبنة للأكلة بحجة إنو كيتو هي سعراتها عالية كتير
بلاها كل يوم وصفة طحين اللوز يعني 100 غرام طحين لوز 600 سعرة وأنت كل سعراتك بجوز ما تتجاوز 1400 إذا وزنك خفيف
وبلاها كل شوي نطة عالميزان بدون ما أعرف ظروفي اليوم خرجت ولا ما خرجت …
الدورة الشهرية قريبة …
شربان سطلين مي ونص كيلو ملح قبل بيوم وقبل الميزان
متوتر كتير وعندي ستريس ومقضيا معصب من حياتي …
نومي تلت ساعات وعبسهر ل 6 الصبح
وولا تنسى شرب المي ولا تنسى فيتامينانك و لا تنسى تقرا بوست ثبات الوزن بكل صدق رح حطو بالتعليقات
المحليات المسموحة في الكيتو….
___________________________________
قبل كل شي يا ريت كل شخص يصورلنا المحلي (الطرفين مو بس الواجهة) يللي عندو ويشرحلنا كيف حس طعمتو وبشو أطيب شي وكيف بيستخدمو واسم الدولة يللي موجود فيها خلينا ننصح ونفيد بعض بعد إذنكم الكل يشارك….
بس أهم شي ننتبه مو بس نشوف استيفيا مثلا يعني نشتريه منفتح ورا ومنشوف كلمة المكونات Ingredients
إذا في شي غير يللي ذاكرو يفضل بلاه وممكن يكون ممنوع مطلقا حسب الجدول..
عموما ما تشترو محلي رخيص غالبا مغشوش انتبهو عالرف بيكون سعرو أعلا من غيرو
___________________________________
بتتذكرو مرة نزلتلكن صورة مع المحليات المسموحة والمفضلة والأكثر أمانا بالكيتو….
هلا رح نشرح عنهم وعن خواص كل واحد وووين منستفيد منهم أكتر شي….
وهدول المذكورين مفضلين و كلهم مسموحين بالكيتو وما بيرفعو السكر ولا بيرفعو الإنسولين بس بدنا ننتبه عالكمية للإكسليتول بالذات….
في كم نوع جدد حطيتن تحت جيدين بس لسه مو موجودين بالسوق….
رح نزل بوست تاني عن المحليات الصنعية ورأي العلم فيها…
يللي بين الخطين البرتقالين مسموحين غالبا رغم إني بفضل بس اللي مذكورين بالبوست بالنسبة للأيزومالت في خلافات عليه كمان بس مؤشرو 2 وكتبت عنو تحت….
يللي تحت وخضر ومكتوب جنبن artificial
بجوز ما بيطلعوك من الكيتو بس بيضروك مستقبلا ولسه العلم محتار شوي فيهم وممكن يرجعوك لإدمان السكر ويزيدو من حاسة الجوع وفي خبراء بيتهموهم مسرطنات وخبراء بيقولو إنهم بيدمرو بكتيريا الأمعاء وإنهم سامين لهيك خلونا نتجنبن وإذا اضطرينا (بيبسي دايت +مشروب طاقة دايت مثلا) عند الضرورة فقط منمرقن ومننتبه عحالنا….
___________________________________
1…سكر ستيفيا….Stevia
محلي طبيعي مشتق من أوراق نبات ستيفيا ريبوديانا…
الورق الأخضر ما زال ممنوع استخدامو يللي مسموح الابيض فقط…
إيجابياتو…..
صفر سعرة حرارية + صفر غرام كارب…
بيحلي أكتر من 200 ل 350 ضعف سكر الطعام….
مثلا حضرتك متعودة تحطي كوب 200 غرام سكر لوصفة الحلو فيكي تبدليها بملعقة شاي 4 غرام…. (شوفو الفرق)
سلبياتو….
في ناس ما بتحبو لأنو بيقولو ما بيشبه طعمة السكر وإلو لدعة مرارة….
صعب الطهي فيه وفي كتير وصفات مافينا نستبدلها بالإستيفيا وبتطلع مو طيبة…..
___________________________________
2… إريثريتول…. Erythritol
مصنوع من نشاء الذرة ، هو سكر كحولي موجود بشكل طبيعي بكميات صغيرة في الفواكه والفطريات مثل العنب والبطيخ والفطر.
بيمتصو الجسم بشكل ضئيل من الأمعاء…
إيجابياتو…
يحتوي على كمية ضئيلة من السعرات والكاربوهيدرات شي لا يذكر..
بشكل عام افضل للوصفات بالذات الحبيبات بيجي أو مطحون ووصفات الحلو…
افضل كل انواع المحليات بالنسبة للأسنان وما بساوي ترسبات سنية…
حلاوتو 70 ل 80 بالمية من حلاوة السكر…..
يعني إنت كنت تستخدم كوب 200 غرام من السكر العادي لوصفتك الحلو فيك تستبدلها ب 250 غرام من الأريثريتول…
سلبياتو…
كمان في ناس بيقولو إنو مو نفس نكهة السكر العادي وإلو ملمس بارد بالغم…
ممكن يساوي انتفاخ وغازات وإسهال… يعني إذا حسيت بلشت هالأعراض وزاعجتك لازم توقفو وتحول عغيرو..
___________________________________
3….الإكسيليتول …Xylitol
كمان سكر كحولي… مشتق من النباتات (أكواز الذرة أو أشجار البتولا)
إيجابياتو…
حلاوتو تعادل حلاوة السكر.. يعني لوصفتك كنت تحط كوب بتحط كوب كمان..
المؤشر الغلايسيمي 13 بس ممكن بيرفع السكر الإنسولين شوي يعني لازم ننتبه للكمية…
مفضل للقهوة والشاي والمخفوقات والعصائر ومذاقو طيب…
بيمتص الجهاز الهضمي 50 بالمية منو بس…
لهيك إلو تقريبا نصف سعرات السكر….
ولهيك لازم نستخدمو بأقل كمية ممكنة ولازم نحسبو من ضمن سعراتنا تبعنا حسب شو مكتوب بالوصفة… يعني مانو صفر سعرة تقريبا متل البقية..
أكتر شي بيستخدموه بالعلكة خالية السكر لأنو مالو ضرر عاللثة والأسنان والحلويات ….
ممكن استخدامو بالمخبوزات وجيد التحمل وبيمتص الرطوبة لهيك لازم نكتر شوية مي لما نستخدمو….
سلبياتو….
ممكن يساوي انتفاخ إسهال غازات حتى لو بكمية ضئيلة لهيك خلينا ننتبه لما يصير معنا هيك شي….
سام جدا عالكلاب ممكن لحسة صغيرة تموت الكلب؟؟ لهيك لازم ننتبه حرام….
___________________________________
4… فاكهة الراهب…Monk Fruit (مونك فروت)
مستخرج من نوع فاكهة… كانو يزرعوها الرهبان بآسيا والصين
بأوروبا ممنوع… بأمريكا مسموح…
إيجابياتو…
طعمة افضل من استيفيا لهيك بيخلطوه معو….
ممكن ينخلط مع الإريثريتول ليزيد درجة الحلاوة ومنقدر نستخدمو بالطهي أكتر….
لا بسبب اضطرابات هضمية….
حلو كتير 150 ل 200 ضعف السكر العادي…
إذا بدك تستخدمو بالوصفات مكمكن تبدلو بنفس كمية السكر أو بنصف كميتها….
فيو مضادات أكسدة..
سلبياتو…
غالي كتيررر…..
بينخلط مع نوعيات رديئة….
بس شفت كلمة مزيج الملائمة بيكون مغشوش….
___________________________________
5 … شراب الياكون…Yacon Syrup
من جذور درنات الياكون بأمريكا الجنوبية..
ممكن استخدامو بالسكر والشاي والحبوب والسلطات….
ممكن استبدالو بنفس الكمية من السكر العادي يعني ملعقة بملعقة…
كل ملعقة كبيرة فيها 20 سعرة حرارية…..
بتنحسب من السعرات…
___________________________________
هدول المحليات المفضلة….
في محليات جديدة لسه مو متوفرة بالاسواق بس هية كويسة كمان….
بس مشكلتا ما نعمل عليها دراسات كتيرة عالمدى البعيد لنقدر نقول آمنة مية بالمية بس في منهم توافق عليهم وانطرحو بالأسواق….
___________________________________
الأليوز …. Allulose
افضلهم وطعمتو مشابهة للسكر…
غالي كتيررر….
بجرعة صغيرة ما بساوي أعراض هضمية إذا كترنا شوي للازم ننتبه بس صار شي منوقفو…
حلاوتو 70 بالمية من حلاوة السكر العادي…
___________________________________
بوكا سويت… BochaSweet
مستخلص من الكابوتشا بيشبه القرع باليابان
حلاوتو نفس حلاوة سكر المائدة….
___________________________________
الإينولين…Inulin
هاد مستخرج من الهندباء وغالبا بيتم دمجو مع المحليات الآخرى…
حلاوتو 10 بالمية من حلاوة السكر…
لهيك إذا شفتوه بباقي المحلليات مافي مشكلة باستخدامو…….
بس إذا ساوالكم اعراض هضمية خففو منو شوي….
___________________________________
في محلي اسمو ايزو مالت قليل السكاريد…
اختصارو IMO
هاد غير مفضل وبيرفع السكر والإنسولين شوي …
لهيك خلونا ننتبه ونتجنبو…
مع إنو في صفحات تانية سامحة فيو….؟
___________________________________
إذا كملت قراءة كتبلي…
نوع المحلي…
دولتك…
ولشو بتستخدمو…
كيف حسيت طعمتو…؟
