السكري والكيتو…
وشو الأدوية يللي لازم نوقفها أنو نخففها لما نبلش كيتو ….
وكتبولنا تجاربكم بعد إذنكم ……
.
.
.
.
.
.
.
(البوست موجه للعموم )
في تفاصيل كتيرة طبية بتخص الحمية …
………………………………………………..
ليش موضوع الكيتوو حساس ؟
ليش لازم نسق مع طبيب وأخصائي تغذية بكل خطوة؟
لأنو الكيتو نظام (قاسي) يعتبر شوي من ناحية السكر والكارب…
فتخيل عمتاخد أدوية لأفراز الإنسولين ومافي سكر بأكلك ….
وتبدأ فجأة بالحمية و تضل عدواك؟
ممكن لا سمح الله يصير نوب نقص سكر
ومتل ما منعرف نقص السكر خطير جدا ولازم متابعتو خلال دقايق ….
ولأنو في أعراض بتصير معنا لما نبلش كيتو ….
هي الأعراض اسمها كيتو فلو …
وكمان في مرض خطير اسمو حماض كيتوني (نتيجة التقصير بالحمية أو التقصير بالأدوية) …
الفرق كبير بينهم حتى بتحليل كيتونات الدم …
الكيتو غالبا بيضل بحدود 1.5 ل 3….
بالحماض فوق 9 غالبا ….
الحماض الكيتوني مرض خطير جدا ولازمو مشفى ….
لهيك منخاف يصير التباس عند المريض أو الطبيب إذا صارت الصدفة وما يقدرو يميزو بين الموضوعين ….
(لهيك بدك حدا جنبك ينبهك ويقويك ويتابعك أو نقرا منيح البوست وتشوف أدويتك وتسألني بالتعليقات)
رح تشوفوني نبهت كتير يكون بتنسيق مع طبيب كل خطوة بخطوتها ….
ويكون تدريجي تبلشو …..
لا مانع إذا السكري قديم حتى لو ضليتو 2 ل 3 شهر لحولتو للكيتو …
إذا السكري حديث والتحاليل ما بترتفع فوق 200 (بعد الطعام بساعتين )
مافي مشكلة بعد ما تقرا البوست تبدأ لحالك …
واكتبلي بالتعليقات ملخص عن حالتك وتحاليل عالريق وبعد الطعام بساعتين ومدة السكري من إيمت وشو الأدوية اللي عبتاخدها لأقدر ساعدك…..
برجع بأكد لا تبلش لتشتري جهاز تحليل سكر ….
وتستشير مختص تغذية وطبيبك…
وقياسات السكر عالريق مرة…
وبعد الطعام بساعتين مرة …
المفروص تقيس السكر كل أسبوع حوالي الأربع مرات …
وتخبر طبيبك بالنتايج ليعدلك الأطعمة أو الأدوية …..
………………………………………………..
ممكن لمرضى السكري نمط 1 ؟
للمرضى يللي عبياخدو إنسولين ممنوع تبلشو كيتو قبل شهرين تلاتة واحتمال ست أشهر حتى لبين ما طبيبك يقلك أنت في مأمن الآن وصار فيك تبدأ….
الخلاصة التنسيق مع طبيب ضروري جدا…
منبدأ حمية لو كارب ومنراقب جرعات الإنسولين …
والطبيب حسب برنامجك والحمل السكري للوجبات وكمية السكر الموجود بالوجبة ووزنك بيحسبلك جرعة الإنسولين وبيعدل الجرع وبتلتزم بالطعام 100%
مستقبلا بعد ضبط السكر ضمن القيم المطلوبة ….
وبأقل جرعة إنسولين مطلوبة…
ممكن طبيبك يتخذ هالقرار ويقلك خلينا نبلش
الإلتزام مية بالمية لازم يكون معو بكل شي ….
………………………………………………..
بخصوص السكري نمط 2 ؟
الموضوع أسهل قليلا …
ولكن البداية التدريجية ضرورية ….
وكمان بفضل يكون في شهر لشهرين تحضير بحمية اللوكارب ويكون في متابعة طبية …
بالنسبة للأدوية
عنا …
1 …السلفونيل يوريا …
هي أدوية بتزيد من إفراز الإنسولين لهيك في خطورة يصير عندنا نقص سكر ولهيك مطلوب مننا نعدل الجرعة لما نبلش حمية قليلة الكارب ….
أسماءهم غالبا
جليمبيريد ، جليكلازيد ، غليبيزيد ، جليبنكلاميد ، غليبوريد ، تولبوتاميد ، إلخ) ،
(عنا بسوريا ديامكرون بحري كرون غليكلازيد إلخ إلخ)
وأيضا باسم ميجليتينيدات (مثل ريباجلينيد وناتيجلينيد)
لهيك منحاول نخفض الجرعة أول ما نبلش
2..الميتفورمين
مافيو أي مشكلو ومافي أي خطورة مع الكيتو فيك تاخدو بأمان
3 ..منبهات GLP-1 ومثبطات DPP-4
متل
سيماغلوتيد…
ليراغلوتيد..
اكستينيديت …
سيتاغلبتين …
لينا غلبتين …
هالصنف من الأدوية يعتبر آمن ونادرا ما يساوي نوب نقص سكر …
لهيك ما في داعي لإيقافو …
ملاحظة في بهالصنف أدوية تستخدم للتنحيف وتكلفتا عاللية رح يكون في بوست منفصل عن هالموضوع …
بس مبدأيا لا مانع يتاخد مع الكيتو إذا المريض عندو سكر ….
4 ….مثبطات SGLT-2…
لها أسماء عامة تنتهي بـ -gliflozin ، مثل canagliflozin و empagliflozin و dapagliflozin
(بتفتحو عالدواء وبتشوفو الإسم العلمي)
هي الأدوية خطرة مع الكيتو ولازم تتوقف ….
آلية عملها بتزيد من إفراز الغلوكوز من الكلى …
ممكن تساهم بزيادة احتمال حدوث الحماض الكيتوني السكري ….
لدرجة ممكن يكون في حماض بدون ارتفاع رقم السكر بالتحليل….
لهيك لازم نوقف هالصنف من الأدوية بشكل مباشر قبل ما نبلش العلاج ….
………………………………………………..
آخر سؤال شو المقصود بموضوع بالتدريج …
نحن متفقين نعامل الأكل كجزيئات نت كارب ….
وهالشي منعرفو ….
لهيك نصيحتي نبلش
لو كارب خفيف ثم أشد ثم أشد ثم كيتو ….
أول أسبوع مثلا 150 نت كارب
تاني أسبوع 100 نت كارب
تالت أسبوع 50 نت كارب
رابع أسبوع 25 نت كارب …..
عفوا ما فهمت عليك ممكن شرح مبسط ؟….
طيب أول أسبوع فوت تقريبا 12 ل 15 ملعقة نشويات ….
وقطعتين فواكه …
تاني أسبوع 7 ل 8 ملاعق نشويات و قطعتين فواكه ….
تالت أسبوع منقطع النشويات منضل عالفواكه …
رابع أسبوع منبقى عحصة الفواكه المسموحة يللي بالكيتو فقط …..
نشويات (يعني برغل رز أو معكرونة و ممكن خبز بدل الحصة رغيف أسمر بحدود 100 غرام)
الفواكه أي نوع عدا العنب والمنغا غير مفضلين …
طبعا وكل أسبوع بتعمل نظرة عتحاليل السكر ….
وبتعدل الدواء بعد ما تتواصل مع طبيبك إذا كان بحاجة …
متلازمة المبيض متعدد الكيسات….
(تكيس المبايض) (PCOS) …
بصيب تقريبا 10 بالمية من النساء في سن الإنجاب يعني من كل عشر صبايا في وحدة معها ياه…
50 بالمية من اللي عندن هالمرض رح يصير عندهم سكر أو ما قبل السكر قبل ال 40 سنة…
ممكن هالشي يكون وراثي ومنتشر بالعيلة كمان…. (بسبب مقاومة الإنسولين)
بربكم لسه غرقانين بالحلو والرز والخبز؟
عرفتي ليش إنتي لازم تساوي لو كارب أو كيتو بشكل مهم أكتر من غيرك وهلأ؟
حتى لو مانك مقتنعة بالكيتو إنو ممكن يخليكي تحملي أو يساعدك عالإنجاب بس لازم تجربي العيشة بلا سكر كرمال المستقبل ما تكتئبي بس يصير معك سكري لا سمح الله وتعرفي في عندك علاج إلو….
شو هي أعراضو؟
١…اضطراب الدورة الشهرية بكل أشكالها حتى انعدامها..
٢….العقم وعدم القدرة على الحمل…
٣…حب الشباب…
٤…بيظهر الشعر عمناطق مو لازم يكون موجود عند الانثى (شفى عليا، ذقن، صدر)
٥… البدانة…
٦…انقطاع التنفس أثناء النوم وممكن ما نعرف هالشي ونصحى ونضل دايخين طول اليوم..
ممكن نشوف شي اسمو الشواك الأسود بقع سميكة مع فرط تصبغ (عنق، إبط، تحت الثدي)
شو سببها؟
بيرجعو سببها للمتلازمة الإستقلابية بتكون شائعة يللي عندن… وتقرييا كلهم بيتماشو مع مقاومة الإنسولين
زيادة وزن…
سكري نمط 2..
سكري حملي سابق..
ارتفاع الضغط…
ارتفاع الكوليسترول…
طيب كيف منشخصها؟
منروح عند طبيب النسائية وبيعمل إيكو للمبيض وبيخبرنا بهالشي (ممكن الإيكو عبر المهبل)…..
وبساوي شوية تحاليل ممكن يبين شي عالإيكو ممكن لأ…
عموما نحيفة أو سمينة مجرد عدم القدرة الإنجاب رح تتشخص الحالة وينشك فيها حتى لو ما نشاف شي ولازم تقطعي الكارب….
حاليا عرفنا السبب وأكيد خطر عبالنا العلاج فورا؟ …
المشكلة إنسولين …. سكر… الحل؟ حميتنا الجميلة
بال 2005 عملو دراسة ل 11 صبية عالكيتو خلال ست أشهر وكان عندن عقم …
فقط 5 قدرو يكملو للدراسة
فقدو وزن وتحسنت حالتن بشكل رائع وقدرو يحملو 3 منهم وينجبو
المهم في دراسات كتيرة عالموضوع اغلبها كان ناجح في تحسين حالة المريض…
حتى صار يعتبر الحمية منخفضة الكارب إحدى الخيارات العلاجية!
في كتير قصص عقم كان ميأوس منها وحدث حمل والموضوع كان بمثابة المعجزة للأطباء..
دكتور فوكس (خبرة 12 سنة بعلاج المبيض متعدد الكيسات مع اللوكارب الكيتو)
قال..
إضافة نظام غذائي منخفض الكربوهيدرات لمرضى متلازمة تكيس المبايض يزيد من فرصهم في الحمل من 45٪ إلى أكثر من 90٪
يعني بتاخد مع كل أدويتك يللي لازم تلتزم فيها مع طبيبك احتمال 45 بالمية يصير حمل؟
بس مع الكيتو بتوصل ل 90…
طبعا بيشمل من ضمنها الحالاات الزرع ونجاح عمليات الزرع يعني لو ناوية عالزرع فجربي الحمية…
متخيلين النسبة؟
شرح بسيطة عالسريع وبالعامية….
منعرف الدورة الشهرية…
بتنقسم لقسمين….
بأول نص بيطلع ال FSH بينرسل للمبيض ليحضر البويصة ويكبرها ويخليا تنضج…
بتاني نص بيطلع هرمون LH وبيعطي امر للمبيض بانطلاق البويضة
بس بسبب مقاومة الإنسولين؟
الأمر تبع إنطلاقة البويضة فشل وما وصل…
كل شهر ويللي بعدو… بيصير نفس الشي…
وبتضل البويضة وهية كبيرة بالمبيض وبعد شهور بيتجمعو هالبويضات ليصيرو مبيض جواتو أكياس…. وبيصير العقم لأنو مافي إباضة ولأنو الإباضة عمتفشل.. والمبيض مش قادر يوصل البويضة خارجو وكلهم عبيموتو جواتو
ولا ننسى الأنسولين بيحرض ارتفاع هرمون الذكورة (التستوستيرون وبتبلش المشاكل تبع الشعر وضخامة الصووت وتوابعو وإلخ….)
الحل هلأ؟ شو؟
نساوي كيتو دايت
ورح يتصلح كل شي إن شاء الله…
يفضل بمرحلة العلاج تتابعي مع طبيبتك….
وتستمري بآخذ أدوية تنظيم الدورة هالشي بيساعدك بالعلاج…
وأكيد طبيبتك كاتبتلك دوا اسمو ميتفورمين (غلوكوفاج)…..
لامشكلة فيه يفضل الإستمرار فيه حاليا لأول شهر حتى شهرررين…
(في حال لا وجود لمشاكل من الدواء ولا وجود لمشاكل كبدية، كلوية، ولم يؤثر على المعدة)
حتى الدخول بالكيتوزيز…
أكيد سالت إيمت برأيك وقفو؟
بدك تتأكد ساوي تحليل خضاب غلوكوزي إذا كان =5.8 أو تحت…..
بفضل توقفو…
إذا ما بدك بيكفي إلتزام شهر لشهرين بالكيتو بعدين منوقف الميتفورمين…..
ممكن يكتبلك حب تنظيم…
مككم يكتبلك حب تحريض وتنشيط…
المهم بتلتزمي بكل تعليمات طبيبك وحكيلو سمعت عن الكيتو…
وأكيد ما رح يمانع….
……. شو الأكلات المفضلة وأي كيتو ننتبع؟
اتبع الكيتو اللي بريحك… حسب هدفك ونفسيتك وقديه مستعجل عالنتائج…
في أطباء بينصحو بالكيتو الصارم تحت 20 غرام نت كارب….
المهم تكون مرتاح ورضيان بالنتائج…
وبالنسبة للأطعمة
أول شي لازم نركو عالاطعمة المليئة بالألياف….
وهدول الخيارات…
للكيتو واللوكارب (للأشخاص يللي ما بدهم كيتو) في خيارات تانية …
اللي مو مكتوب جنبن شي فهنة مسموحين بالكيتو….
الخضروات الصليبية ، مثل البروكلي والقرنبيط وملفوف بروكسل
الخضر ، بما في ذلك أوراق الخس الأحمر والجرجير
الفلفل الأخضر والأحمر
الفول والعدس (ممكن باللوكارب وخارج الكيتو فقط ممنوعين بالكيتو)
لوز…
التوت
البطاطا الحلوة (لغير الكيتونين)
القرع الشتوي (بكمية قليلة في الكيتو)
يقطين (بكمية قليلة في الكيتو)
بشكل عام أطعمة الكيتو مفيدة واللحوم كلها مسموحة بس يفضل نركز عالأسماك واللحوم البيضاء أكتر من الحمر…
في مجموعة أطعمة مفيدة وبتتصنف من الأطعمة اللي بتقلل الإلتهاب بالجسم….
تكون الأطعمة التي تساعد في تقليل الالتهاب مفيدة أيضًا. يشملوا (مسموحين بالكيتو) :
زيت الزيتون البكر (الأهم)
طماطم
كرنب
سبانخ
اللوز والجوز
الفواكه ، مثل التوت والفراولة
الأسماك الدهنية التي تحتوي على نسبة عالية من أحماض أوميغا 3 الدهنية ، مثل السلمون والسردين
الرياضة مهمة جدا…
وإذا مافيكي تسجلي رياضة محترمة بنائية (كالحديد) يللي بتزود كتلة عضلية وبتخفف من مقاومة الإنسولين بشكل رهيب…
فعليكي الإلتزام ب ممارسة اي رياضة المهم مو أقل من 150 دقيقة بالأسبوع….
الصيام المتقطع مفيد جدا…
(حسب نفسيتك وتحملك)
بفضل 15 ساعة….
التخفيف من التوتر والقلق..
هي شغلة كتير مهمة … كتير منننا ما بينتبه إلها مجرد التفكير بالإنجاب رج يساوي قلق وتوتر ويرفع من الكورتيزون ويضيع تعبك…
ولا ننسى تفاهة وضغط المجتمع وأهل العريس عنا والحماية وبنات الأحمى اللي مابيرحم؟؟
(بس حتى هاد لازم تروقي ويكون حافز إلك)
لهيك عليكي بالهدوووء…
تمشي بريجيمك براحة..
تساوي رياضة…
تساوي يوغاااا…
النوووم باكرررا….
الراحة النفسية مهمة جدا…….
كم من المدة لازم أصبر حتى شوف نتائج؟
حاليا المفروض حسب الوزن…
بس عموما مو أقل من 3 شهور إلتزام تام…
وبحد أقصى 6 أشهر…
طبعا حسب وزنك ودهونك قبل الكيتو…
مثلا وزنك فوق 100 بدك بتلاقي تحسن وعلامات جيدة خلال ست شهور والشفاء ممكن ياخد فترة طويلة …
BMI تحت التلاتين كهدف أول
ممكن تتأثر الدورة الشهرية بهالمدة؟
نعم ولكن تتحسن وتعود لتنتظم أو ظهور بوادر انتظام بعد شهرين لتلاتة واستقرار خلال ست أشهر (إذا دورتك من قبل معدومة أو قليلة) ….
…. ملاحظة جميلة ممكن نستفيد منها وتورجيها لزوجك….
في الواقع ، تنصح بعض برامج المساعدة على الإنجاب الآن كل من النساء والرجال بتقليل تناول الكربوهيدرات وزيادة الدهون والبروتين في نظامهم الغذائي لتحسين صحة وخصوبة البويضات والحيوانات المنوية بشكل طبيعي قبل الخضوع لعلاجات الخصوبة مثل الإخصاب في المختبر .
يعني مو بس إنتي بدك توقفي سكر خلي زوجك يضحي معك ويجرب…
إذا ناوية تعملو زرع مثلا …… بيتحسن من نوعية النطاف حتى للذكر وممكن تزيد فرص الإنجاب….
… ملاحظة : ممكن يكون هالمرض وراثي ويكون عند أخوة البنت مقاومة إنسولين أو صلع مبكر….
وبالذات يللي عندن صلع قبل 30 وأشعار كثيفة…
ممكن الحمية تخففلن من مظهر الشعر الغليظ والصلع….
وأكيد بالكيتو رح نصلح جسمنا…
رح ناخد فيتاميناتنا كاملة ..
أوميغا 3…
فيتامين دال…
مغنزيوم…
بوتاسيوم….
بتنسقي مع أخصائي التغذية أو الطبيب يللي متابعك وبتاخدي المكملات المهمة…
بالتوفيق….
(في كتير قصص نجاح خليها تكون ملهمة إلك…
اليوم نشرت عن قصة جميلة للإرادة والأصرار….
إذا ما بدك تساوي كيتو… فقط أمنع كل شي دهون مهدرجة ووقف السكر والكارب المكرر)
هي قصة كارولينا بتوقع ملهمة إلك للصبر…
الكيتو والمرارة….
نظريا المرارة هية بتهضم الدهون لهيك مافينا نساوي كيتو… طبعا هالحكي غلط لنشرح شوي شوي ونوصل المعلومة بهدوووء ونعطيكم الخطوات لنقدر نفوت كيتو بدون ما نواجه مشاكل…
المرارة.. بالعامية…
هية كيسة موجودة تحت الكبد بيتجمع فيو مفرزات الكبد تقريبا (نص لتر حتى اللتر باليوم) وبتتركز فيها مشان تنفرز عند الحاجة للأمعاء مشان تهضم الطعام…
وظيفتا لهي المادة يللي بتنفرز…
١…هضم الدهون مشان يقدر الجسم يمتصا…
٢…القضاء على الكوليسترول والمواد الضارة للجسم وجزيئات التقيلة يللي ما بتمر عبر الكلية…
٣… بتحمينا من التهابات الإمعاء
٤…بتحسن التحكم بإنسولين الدم بطريقة غير مباشرة
٥…امتصاص الفيتامينات والهرمونات يللي بتطور الأمعاء…
بعدين هي المادة بيرجع بيمتصا الجسم بنسبة 95 بالمية وبترجع بتروح عالكبد لتهضم الوجبة اللي جاية…
شو فهمنا لهلأ؟
إنو المرارة صح هية كيس بتجمع الصفراء فيها بس بنفس الوقت بتخلي هي المادة تكون أقوى وتركيزا أكبر وفاعليتا أكبر وبتفرزا بأوقات محددة لهيك لما شلنا المرارة ضلت هي المادة بس تركيز أقل وإفرازها دائم مو بأوقات محددة يعني هضم الدهون موجود والمادة موجودة بس قلت الفاعلية تبعها شوي لهيك بدنا نبرمج جسمنا شوي ليستقبل الموضوع بالتدريج ويصير يستقبل الكيتو كيف؟
هلأ البوست موجه للأشخاص يللي شايلين المرارة ووبدهم يساوو كيتو أكيد مو شلتا ألبارح وبدك تبلش اليوم ….
كيف بنعرف جسمنا إنو ما عبيهضم الدهن؟
البراز بيكون
١… رائحة كريهة..
٢…ثخين وسميك…
٣…بيطفو غالبا بال wc او صعب تنضيفو..
بس صارت هالأعراض معناها معنا مشكلة بالهضم ولازم نتبه هالطرق ليتحسن هضمنا ونحسن جسمنا ….
(النصائح للكيتو والمرارة)
١…بأول يوم بتخفف شوية كاربوهيدرات وبتضيف مثلا لقهوتك الصباحية أو لآكلك ملعقة زبدة صغيرة (يفضل بقرية بس )
أو بتحط ملعقة كبيرة زيت جوز الهمد لغداك…
وبتشوف جسمك كيف إذا ما صار برازك متل يللي كتبناه فوق معناها ستقبلو جسمك وهضمو
وإذا حسيت صار شي غلط بتاكل مع الدهن تفاحة خضرة أو حبة شمندر..
٢.. النصيحة التانية خلي مع وجبتك كمية ألياف منيحة إذا مو أكل فيك تشتري حب ألياف تاخدو مع الوجبات بيساعد على الهضم بعد الأكل الكيتوني يللي فيو ألياف…
بروكلي
الكرنب
نبات الهليون
الخرشوف
التفاح (للفترة الانتقالية فقط)
بذور اليقطين
بذور زهرة عباد الشمس
بذور الكتان
بذور الشيا
(يعني خبز الكيتو مناسب لهالفترة كتير)
(في وصفات خبز استخدمو يالي مكتوبين)
وممكن نستخدم حبوب ألياف بالصيدلية….
٣…ساعد جسمك على هضم الدهون ببعض المشروبات مع الألياف يللي حكيناهم فوق….
متل…
ليمون
جير
كرفس
ملفوف مخلل
خل التفاح
زنجبيل
٤… أهم شي هوة شرب المي بكل الأوقات عدا (قبل وبعد الوجبة بنصف ساعة) حاولو تتجنبو شرب الماء مشان نحافظ عتركيز الصفراء منيح ويقدر يهضم الدهون الموجودة…
٥…اختيار أنواع الدهون متوسطة السلسة يعني بينهضم بسهولة متل…
يعني يفضل نتجنب أول فترة الدهون الطويلة السلسلة متل اللي موجودة بصفار البيض ولحم البقر والحليب والمكسرات والأفوكادو ووالزيتون …
ويفضل نعتمد بهالفترة على الدهون النباتية متل زيت ال mct
أو الزبدة البقرية…
٦…. منكتر عدد الوجبات ومنقلل كمية الوجبة ومنزود الدهون بشكل تدريجي مثلا بدل وجبتين باليوم منساويهم أربعة وصغار منركز عالشي الصحي وكل يوم منزود دهون شوي…
٧… لا ننسى المكملات وخاصة المغنزيوم والبوتاسيوم
٨.. طريقة حلوة هية ناخد أملاح أو أنزيمات المرارة
ونشتريهم جاهزين طبعا بسوريا مستحيل تلاقوهم وهي أصنافهم وأنواعهم يللي برا سوريا يسألو عنهم ورح حط صورهم تحت…
هي نصائح عامة لنبلش…
ومنزووود كمية الدهون تدريجيا وحسب تقبل جسمنا….
يعني فينا نكون جاهزين خلال أسبوعين ونكون لو كارب….
وبعد شهر فيكم تكونو كيتو بكل سهولة….
بالتوفيق….
الكيتو والنقرس وحمض البول…
نصائح عامة للكيتونين ولغير الكيتونين….
النقرس..
هوة التهاب مفاجئ ومؤلم في المفصل غالبا في قاعدة الأصبع الكبرى وقد ينتشر في مفاصل آخرى رح حط صورة تحت…
سببه…
ارتفاع في حمض البول يعني تحليل ال uric acid يللي بتقلولو الأملاح؟ بيكون مرتفع وكتير الناس بيخافو منو بالكيتو…
ملاحظة : مو ضروري كل شي مرتفع عندو حمض البول يعني معو نقرس (هي شي وهي شي)
لسه الإتهامات موجودة عاللحوم ولكن غير مثبتة مية بالمية وفي دراسات بتقول إنو تناول اللحوم بتزيد إفراز حمض اليوريك من الكلى يعني مالو تاثير عمستوياتو في الدم…
وفي دراسات أثبتت ودراسات نفت تأثير اللحم بس لسه بيحذرو منو عند مرضى النقرس…
أسباب النقرس المثبتة…
السكري نمط ٢…
السمنة وزيادة الوزن…
الكحول…
ضطرابات الدرق (لهيك لازم نتطمن عالغدة)…
بعض الأدوية…
متلازمة التمثيل الغذائي..
ومن المحتمل يكون كل هالأسباب بسبب السكر وفي دراسات بتحكي عن هالشي وحتى على فركتوز الفواكه كمان …
دكتور أنا معي ارتفاع حمض البول بصير فوت كيتو وفي خطر شي؟
هلأ يقال أول ست اسابيع في خطورة إنو يزداد حمض البول بس بعدين بيرجع للطبيعي وغالبا بينزل؟
بس طبعا هالزيادة مو حادة وما لاحظو إنو بتساوي نوبات من النقرس حتى أول ست أسابيع وإذا صارت فبتكون خفيفة وصغيرة؟
((نقلا عن الدكتور تيد نيمان : تقريبا جميع مرضاي ينجحون في اتباع نظام غذائي منخفض الكربوهيدرات يصبحون في النهاي خالين من النقرس ولديه مستويات منخفضة من حمض البول))
طيب لحم ولا مو لحم؟
مو ضروري كل كيتو أو لو كارب يعني لحم؟
والكيتو مو يعني عالي بروتين هوة معتدل البروتين…
ومو ضروري كل أكلنا يكون لحم..
والأطعمة يللي متهمة بالنقرس هية :
اللحوم الحمراء: لحم البقر ولحم الخنزير ولحم الضأن
لحم الأعضاء: الكبد والكلى والخبز الحلو
المأكولات البحرية: المحار والتونة والأنشوجة
الأطعمة والمشروبات الغنية بالسكر: المعجنات والحلويات والمشروبات المحلاة
الكحول
خلصنا من ارتفاع حمض البول أثناء الكيتو؟
هلأ إنت بالأساس عندك ياه مرتفع وبدك تفوت كيتو شو بتساوي؟
قبل كل شي…
بتراجع طبيبك وبتخبرو بالموضوع…
بتطلب منو يرفعلك جرعة الزيلوريك (الكل يياخدو بسوريا) أو اسمو العلمي allopurinol
وإذا ما كنت عبتاخدو بتقلو يبلشلك فيه
وبتلتزم فيه بشكل نظامي مية بالمية….
تاني شي منخفف
السكر بالتدريج … لبين ما نقطعو وو عالآخر ونفوت لوكارب…. وإذا شفنا جسمنا منيح وتحمل منفوت كيتو….
منوقف المشروبات الكحولية والبيرة لأنو ممنوعة مية بالمية في حاب ارتفاع حمض البول….(عند غير هالحالة مسموح الكحول)
بس نفوت بالكيتوو منحاول نصوم…
الصيام كتير كويس ومفيد ..
وبساعد عخسارة الوزن أسرع…
مناخد مكملاتنا أهم شي المغنزيوم (نوعو يكون مغنزيوم سيترات ضروري جدا) والبوتاسيوم (كمان يكون نوعو بوتاسيوم سيترات إذا لتقى ) …
منركز عالورقيات بكمية محترمة…
منركز بآكلنا بالخضروات المسموحة بالكيتو…
مناكل لحم أبيض مسموح بكميات مو مبالغ فيها أخف من الأحمر…
ومنبعد عن الأحمر والمأكولات البحرية…
وبطبيعة الحال البقوليات ممنوعة بالكيتو…
منشرب قهوة منيح اقل شي تلت فناجين ومو أكتر من ستة…
مناكل لبنة وزبادي يوناني…..
منجيب حب فيتامين سي حبوب وليس الفوار (فيو سكر)…
شرب الكثير من المييييييي كتير كتير كتير مفييييد مخلوط مع الليمون رايحين جاين منشرب…
ممارسة الرياضة مفيييددددد…
منمرق يوميا عشر كرزات هدول مسمحلن بشكل خاص لأنو بالذات الكرز مفيد للنقرس
ولاقو كتير مفيد الكرز مع الدوا ووبيقلل من الإصابة سوا حوالي 75 بالمية….
وإذا بدكم ما تمرقو الكرز في حب فيو خلاصة الكرز
وفي بذووور الكرفس كتير مفييييييدة….
فيكم تجيبوهم عشكل منتجات جاهزة…
الكيتو والدرق…..
كتير بنسأل هالسؤال أنا معي قصور درق فيني ساوي كيتو؟
أكيد مافي مشكلة…. وممكن يفيدك….
لهيك رح أنصحك شوية نصائح وأشرح شوي عن الغدة الدرقية….. وفي نظام معدل شوي ممكن إذا حبيتو تجربو لفترة…..
ويفضل الكل يقرا عن أعراضها ممكن يكون عندو وحدة منها….
قبل كل شي إذا مريض قديم بتساوي تحليل TSH وهوة المفضل وفي حال ناوي تلتزم بكل التعليمات تحت وتجرب رحلة الشفاء وتخفيف المرض…..(برجع بأكد ما يكون مستأصل الدرق لأنو هي مافي شفاء منها)
إذا في إمكانية ساوي FT4.. FT3.. Anti TPO بس طبعا مكلفين شوي وغالين ومو ضروريات أبدا بس إذا حبيت تساويهم وتجرب التعليمات رح تفيد ولا لا ساويهم ….
المهم بتساوي أول تحليل وبتعدل مع طبيبك الجرعة وبتطمن عليها …..
بعد شهرين لتلاتة…. منحاول نعيد التحليلل والأهم TSH ممكن نحتاج نخفف الجرعة….
المكملات المطلوبة أو المفيدة للغدة….. أو اللي بنصح نجربها بهالفترة ويفضل بعد استشارة طييبك….زنك سيلينيوم (200 ل 400 بيجي) مع يود …….. ممكن عشكل حبة موجود عند الصيدلي (للدرق) ( طبعا في حال ضعف بالغدة وهي موجودة مو مستأصلة) ؟ …..
الإنتباه على فيتامين دال وتعويضو مفيد جدا….. جرعة تعويض كالعادة…
10 آلاف أربع مرات بالأسبوع لمدة شهرين ثم حبة أسبوعيا دائما
الرياضة والنوم بكيررر (لا تستقلو بالموضوع) وتخفيف الضغط….
الصيام المتقطع يفضل بين 14 ل 15 ساعة مو أكثرررر ومو أول أسبوعين فيك تزيد شوي حسب استطاعة جسمك بس ضيام الغدة مفضل 15 فقط…
لا تمشي كيتو صارم… خلي الكيتو تبعك يين 20 ل 40…..
أدخل بعض الفواكه الكيتونية المسموحة، ريح نفسيتك كل فترة…
النظافة ونظافة المنتجات وغسل الأطعمة بالماء الاوكجسيني حتى وانتقاء المتجات البعيدة عن الهرمون (كل شي حاول تجيبو بلدي مو معلب)
تخفيف الكافئين لأقل كمية ممكنة…
حاول تتجنب استخدام معجون الاسنان يللي قيو فلوريد….(طلوب معجون سنان بلا فلوريد)
حاول نتجنب الخبز والمشروبات الغازية يللي فيها برومين
حاول تتجنب المي يللي فيها كلوريد(شراب مي من النبع أو من فلتر)
كملو شرح لتشوفو شوية نصايح وتتثقفو عن الغدة كمان….
أهم أسباب قصور الغدة….
1… داء هاشيموتو (90 بالمية)
مرضى مناعي بصير أضداد بالجسم من نوع TPO وهالأضداد بتهاجم الغدة الدرقية وشوي شوي بتساوي قصور….
2… نقص اليووود…
3… اضطراب وراثي (نادر) ….
4… بعد العمليات الجراحية (يللي كان معن فرط نشاط واضطرو يشيلو الغدة أغلبها)
طبعا أنا بنصح الكل يساوي التحليل قبل الكيتو….
لأنو ممكن هية تكون سبب بمشكلتك وبدانتك….
قصور الغدة إلو أعراض وممكن ما يكون إلو أعراض (ينكشف بالصدفة)
….. إذا حسيت بهالشغلات حاولو تساووو التحليل….
…. التعب وفقدان الطاقة والخمول
….زيادة الوزن
…..قلة الشهية
…..عدم تحمل البرد
….. جلد جاف تعابير وجه باهتة وناشف ووجه خشن ومممكن تشوفو ورم حوالين العيون
…..تساقط شعر… شعر خشن هششش يشبه القششش
….. النعاس
….. آلام العضلات ، آلام المفاصل ، ضعف في الأطراف
…..كآبة
…..الضعف العاطفي ، والضعف العقلي
…..النسيان وضعف الذاكرة وعدم القدرة على التركيز
….. الإمساك
…..اضطرابات الدورة الشهرية ، ضعف الخصوبة
…..قلة التعرق
…..خدر وتنميل
…..رؤية مشوشة
…..ضعف السمع
…..امتلاء في الحلق ، بحة في الصوت
…..تضخم الغدة الدرقية (تحسو في ورم برقبتكم)
…..ممكن نزول الضغط وأوقات بيرتفع…
طيب في أضرار للكيتو عالغدة الدرقية …
مبدأيا مافي ضرر بس كرمال نجمع العلم بالطب بالكيتو….
في نقطتين ضد نظام الكيتو ويللي فينا نعدلها ونكون عنظام محترم وما نزعل حدا …
1… إنو الإنسولين القليل يللي بسبب الكيتو ممكن ينقص من إنتاج تي 4 من تي 3 عن طريق الكبد (طبعا جماعة الكيتو بيقلولك هالشي كويس وما بيضر)
2… إنو البقاء في الحالة الكيتونية لفترة طويلة بيرفع من حموضة الجسم وممكن يزيد الإلتهابات والضغط النفسي…
لهيك قالو ونصحو إنو يا جماعة الكيتو ساوو كيتو بس عدلو عليه شوية تعديلات….
الكيتو المعدل (القلوي)
حسب رأي الأخصائية Dr.anna Cabeca
من اسمو يعني لازم يكون البول قلوي…
يعني إذا ساوينا تحليل بول لازم يكون ph فوق ال 7 (بالتحليل)
كيف بدي ساويه؟
1… تحسين إدارة الجهد… بدنا نخفف توتر كتيرر ضروري ونخفف ضغط وما نضل نفكر بوزنا وإذا الكيتو ساوالنا أذية نفسية أو ستريس مافي داعي إلو لأنو هيك منكون عمنأذي الغدة الكظرية وعمنضر الغدة الدرقية أكتر ما لازم نضغط عجسمنا منلتزم ومنريح نفسيتنا أهم من كل شي…
2… دعم الغدة الكظرية متل ما حكيت فوق وفي مادة اسمها الماكا مفيدة جدا والاغليية عبينصحو فيها إذا سعرا مو غالي بفضل تجربا وتخبرنا بالنتائج…
3…. تحسين نومنا… أكيد النوم قبل الساعة 12 و 11 مهم جدا للجسم…
4.. معالجة الخلل الوظيفي المعوي….وأكيد الحمية خالية الغلوتين ( والكيتو مافيو غلوتين)
انخفاض حمض المعدة….(خل التفاح يشكل متكرر)
نقص الزنك… ممكن ناخدو كمكمل للغدة الدرقية
نقص السيلينوم… ممكن ناخدو عشكل مكمل
معالجة الإمساك إذا موجود (راجع بوست الإمساك) …
5… الحد من سموم البيئة…
لازم تبحث عن الأكل يللي مافيو هرمونات…
لازم تجيب البيض بلدي…
اللحوم بلدية مو مافيها هرمون…
6… حاول تخفف من منتجات الألبان والأطعمة المصنعة والمواد الحافظة….
7… الصيام جيد وشي حلو تساوي نافذة بين العشا والفطووور….
بس تجنب الصيام الطويل….
الصيام حد أقصى 16/8 ومو كل يوم ويفصل بين 13 ل 15…
الصيام 24 ممنوووووع…
الكارنيفوووور ممنووووع…
كيتو البيض ممنووووع…
8… ممكن نستخدم….
خل التفاح… بشكل متكرررر
الليمون… بشكل متكرررر
مخلل الملفوووووووف (بروبايوتيك هام للجسم)
التركيز عللأطعمة والدهون يللي بالصورة تحت….
حاول تشرررب مرقة عظام كل فترة… لا تحرم جسمك من فوائدها….
يعني زيت زيتون، زيت جوز الهند، مرق عظام،أفوكادو،بروكلييي، كوسا!، المكسرات والمفضلة الجوز البرازيلي،البراعم، الملفوف
(الله يخليك لا تحكيني وتقلي يا دكتور شو السبب ؟
هي خطوات بتمنى تتواضع حضرتك وتقراهم و تقدر تعبنا …
وتسئل حالك كل هالأسئلة وتشوف وين تقصيرك وتحلو حسب النصائح ؟
بس عالمسنجر وبمحادثة ما رح أقدر رد ولا رح أخد جواب منك )
وحل مشكلة تساقط الشعر مع خسارة الوزن ومعلومات عامة لشعرك ….
ويا ريت تحكولنا عن تجربتكم بتساقط الشعر وشو عمتاخدو وكيف تحسنتو..
أول شي يقال في بفروة الرأس حوالي 100 ألف شعرة….
تساقط يوومي بحدود 50 ل 100 شعرة هوة شي عادي وطبيعي وبيكون عبيتعوض….
يعني الشعر يللي عراسك عمرو سنين وكل يوم بيهرهر بس ما بتحسي…
طبعا هالكمية للتساقط تعتبر قليلة وغير ملحوظة عند الصبايا….
الأسباب عموما… وأهم شي رقم 7..
2… أغلب الأمراض يللي بتصيب الجسم بتأثر وممكن بعد العمليات الجراجية… وبيرجع بعد زوال هالحالة…
وفي أمراض نفسية متل هوس نتف الشعر؟؟
4… التغيرات الهرمونية… من حمل ولادة … والتوقف عن استخدام حبوب منع الحمل.. وممكن بسن اليأس..
مرضى الغدة الدرقية لهيك مننبه عتحليل الغدة وممكن هوة سبب بالوزن الزايد
التهاب فروة الرأس…. آخر حالتين بيكونو بمناطق محددة ومناعيات وبدن طبيب حصريا ..
متل مرضى السرطان .. ارتفاع ضغط الدم… التهاب المفاصل .. الإكتئاب…. الأمراض القلبية…
لهيك بدنا ننبه شوي عن بعض المواضيع وبعض النصائح يالي بتهمك بهالمجال….
قبل كل شي دائما وأبدا يفضل تراجع طبيبك (طبيب جلدية حصريا) ….
والبوست مو أكتر من تثقيفي … لأنو غايتنا بالكروب نوصل لمجتمع مثقف ويقدر يفهم جسمو وكل شي بهمو….
ورح نركز عن أسباب تساقط الشعر مع الكيتو بشكل خاص…
وحسب استيعاب جسمكم ممكن تطورو الصيام وتزيدوه …
رابع سبب نقص البروتين… البرووتين مهم كتيررر للجسم ومجرد ما حسيت بتساقط الشعر…..
لازم ترفع بروتينك ل 1 وحتى 1.2 لكل كيلو يعني وزنك 80 تاخد 80 غرام بروتين….
وانتبه ما ترفع البروتين كتير لأنو ممكن يشتعل شغل عكسي….
مجرد ما تحسو بلش تساقط الشعر راجعو الخطوات يللي حكيت عنها وصلحوها..
وهلأ خلصنا من الأساسيات وجينا للفيتامينات والمركبات وكيف نحصلا بدون فيتامين….
البيوتين…. فيتامين و هو مثبت بالدراسات نقصو بسبب تساقط الشعر وموجود هالمركب
وهوة موجود بحبة بيوتين وموصى بجرعة 30 ميكروغرام يوميا…..
(كريم علي بيحكي الجرعة بين 1000 ل 3000 ويفضل تاخدوها عشكل سائل)
أطباء الجلدية بيكتبو بالعادة فوق العشرة آلاف …
يعني توسطو بكل شي…. وخلينا عرأي كريم علي بهالشي بهالحالة…
موجود بالأسماك الدهنية (سلمون، السردين الطازج وغيرها) بشكل خاص وجبتين بالأسبوع سمك بيكفوك….
بذر الكتان أو زيت بذر الكتان ممكن ملعقة كبيرة باليوم تغني…
وإذا بدكم تاخدو مكمل…. اسمو اوميغا 3
رجاء انتبهو ما يكون ملحوش فيه أوميغا 6 و 9 هدول ما بدنا ياهن بدنا ال 3 فقط…
ويفضل مجموع المادتين EPA+DHA يللي مكتوبين بتفاصيلو فوق ال 800
حبة يوميا مع الأكل فيك ترفعو لحبتين بعد فترة.
كرنب، الخردل و السبانخ، الكراث، البقدونس
وإذا ما بدكم ممكن تعتمدو عمرق العظام وتستعينو فيها بشكل دائم وتشربو منها….
أو في مركب بيحبو كتير كريم علي ود. بيرغ اسمو بون بروث (مسحوق مرق العظام)….
وبرجع بقول إذا بتساوو مرق عظام عإيدكم أفضل بكل شي وأوفر..
ما بنصح تاخدوه عشكل دوا لأنو متوفر وكتير بأكل الكيتو…
كالعادة التعرض للشمس ضروري ولو لنص ساعة تلت مرات بالأسبوع مكشوف اليدين والأرجل….
الأسماك الدهنية مثل السلمون والرنجة والسردين والتونة ولمحار وصفار البيضو الفطر
وكالعادة كل شعبنا عندو نقص منو لهيك…
خود حبة عيار 10 آلاف أربع مرات أسبوعيا لمدة تلات شهور بعدين حية كل أسبوع إذا ما بدك تساوي تحليل…..
موجود في بذور زهرة عباد الشمس، لوز، بندق، الفول السوداني، افوكادو، سبانخ، طماطم
كمان بكفي بالأكل مافي داعي للمكمل وإذا نوجد ضمن مجموعة فيتامينات الشعر لا مانع فيو…
المغنزيوم والبوتاسيوم … ما رح أحكي عنهم لأنو صرعتكم بكل البوستات….
منجي لأهم شي ويللي هوة الحديد…
الحديدد الحديددددد الحديدددددد
رجاء إذا عندك فقر دم سابقا ونقص حديد عالجييييه ضرووووري….
استشيري طبيب أخصائي داخلية دموية او داخلية شاطر وخلي يتصرف…
او أبعتي تحاليلك ببوست لنزبط الجرعة المناسبة..
أغلب الأطباء بيكتبو دوا مكمل جرعتو خفيفة مو قادرة تعوض النقص ولا بسنين؟
وبيحطو معو شي فيتامين بي أو حمض الفوليك وهالشي غلط…
جربو البروبيوتيك (نوع من أنواع الجراثيم النافعة)
ممكن تاخد خميرة غذائية جاهزة عشكل بودرة أو حب إذا متوفرة مافي مشكلة فيها….
ال إل كارنتين ممكن يفيدنا موجود باللحوم ومتوفر عشكل مكمل عيار 500…
1… خففي من وقت استخدام السشوار والليس…
2…تجنبي فرك الشعر بمنشفة لإزالة الرطوبة الزائدة بعد الغسيل الفرك الزايد كافي ليهر الشعر.
3… جربي لف شعرك بمنشفة ناعمة ، وخلي الشعر يجف في الهواء.
آخر شي منجي لأربع علاجات سحرية من الطبيعة للشعر…
1.. استخدم زيت جوز الهند ( مثبت بالدراسات)
التغذية بالشعرة بترتفع 40 بالمية حسب الدراسات …
تدليك الشعر بزيت جوز الهند مرتين لتلاتة بالإسبوع
في دراسة قريتا استخدام عصير البصل مرتين يوميا أدى لزيادة نمو الشعر عند 74 بالمية بعد أربع أسابيع….
وبعد ست أسابيع عند 87 بالمية ؟
أنا ما دخلني إذا تقلعتو بالبيت جربوها مرتين بالأسبوع وحكولنا نتائج بعد تلت شهور
كريم جينكوبيلوبا… بيزود عمر الشعرة وكمان مثبت… بيجي عشكل كريم أو زيت وينصح فيهه مرتين بالإسبوع…..
آخر شي مرة تانية بدي نبه إمشو كيتو عادي ونوعو بالخضروات والروقيات والمكسرات…
في حلل جسمكم استجاب ومشي نظامي وما نضر تخففو مكسرات وفواكه وتحولو عأنظمة أشد….
طبعا النتائح ما رح تشوفو أقل من شهر لتلت شهوووور بكل شي وبالذات الأدوية والدهووووون
شكرا لمروركم وإذا في أي سؤال بعد القراءة والتدقيق بالبوست كتبوه بالتعليقات…
شو المكمل يللي حسيتوه ناقصكم؟ ….
ولما تساقط شعركم شو ساويتو وكيف تحسن هالشي؟
وعكل حال رح عدل البوست مستقبلا وحط تفاصيل ونصائح أكتررر في حال شفت شي جديد….
الخلاصة : أنا بلشت كيتو… وبلش تساقط الشعر
2…. رفع االبروتين والتنويع…. بين لحم أحمر وكبدة وأسماك دهنية…
4.. رفع الكاربوهيدرات يوميا منفوت قبضة مكسرات يوميا فليقلة وليمونة وسبانغ وورقيات ضروري….
5… بيوتين على شكل سائل من 1000 ل 3000
7… أوميغا ثري.. فيتامين دال.. مغنزيوم… بوتاسيوم… صرعتكم فيهم إذا ما، عمتاخدوهم بتاخدوهم…..
9… جرب ال ال كارنتين عيار 500 حبتين او أربع حبات عدفعتين….
10 … جرب زيت جوز الهند وفي حال الإمكانية جرب البقية وأنطري النتائج بعد تلت شهور… .
كيتو راش(طفح الكيتو) …
ضروري الكل يقراه مو بس يللي عندن حكة؟
حتى إنتو فيو معلومات مهمة للبشرة ونصائح وكرمال يللي بدكم تفوتوهم بالمستقبل
أهم معلومة …
ثبت أن بعض الأدوية غير فعالة لطفح الكيتو أيضًا. وتشمل هذه مضادات الهيستامين ، والكورتيزون الموضعي ، والكورتيزون عن طريق الفم ، لذلك لا تضيع وقتك معهم.
يعني الأدوية مضادة الحكة يللي عمتشتروها عالفاضي تقريبا…
تاني شي يا ريت الكل ويللي بشرتهم حساسة ما يفوتو فورا بالكيتو يقرو البوست المثبت ويفوت بالتدريج ويخفف كاربوهيدرات ليفوت كيتو
رح نبلش حكي ويا ريت تبلشو العلاج من نفسكم وحدة وحدة…
طبعا كالعادة كل الأمراض الجلدية بتبلش بمجهول السبب وغير معروفة
مع بالغ إحترامي وتقديري لزملائي الجلدية…
تصنيفو من ضمن ….
الحكة الصبغية@
رح نحكي عنهم شوي…
١..بينتشر عند النساء بنسبة ضعفين ونص الرجال..
٢..بيضيب غالبا المراهقات والشباب بالأعمار أكتر من غيرهم…
٣…أسبابها
أنماط الحياة / بخاصة يللي بيزيد نسبة كيتونات الدم…(أهم سبب)
الإجهاد العاطفي الزائد…
التعرض لمهيجات الجلد…
معناها لحد الآن فهمنا إنو كل حكة كيتونية هية نفسا حكة صبغية وليس العكس…
كيف شكلو؟
هي آفاات عالجلد لونها حسب مرحلتا رح حط بالصور تحت ممكن تكون حمراء أو وردية او فاتحة اللون أو بنية…
خطرة شي؟
هية مزعجة وغير مريحة بس أبدا ما بتشكل خطر عحياة الإنسان
وين بينتشر؟
رقبة.. ظهر… صدر… كتفين… جذع… تحت الإبط…
ممكن يأثر عالوجه والإيدين والرجلين ولكن مانو شائع وقليل….
كمان المفروض غالبا يكون ثنائي الجانب يعني اليمين متل اليسار وآخد شكل الشبكة…
بيزيد؟
أي بيتحرض وبيزيد لما بيتعرض للحرارة والعرق والإحتكاك او إذا حطينا شغلات هيجتو زيادة…
مراحلو؟
بيبلش متل خدوش وردية ما منلاحظا ومنطنشا غالبا…
بعدين بيتطور شوي متل حطاطات أكبر وبتنجس بالإيد وممن تنتفخ.. هون بتكون مزعجة جدا…
بعدين بتتقشر وبتصير متل الأزرق عأسود وبتعطي منظر شبكة…
لإيمت رح يضل؟
بصراحة ممكن أيام ممكن شهور وممكن يروح لحالو….
وممكن كل ما رجعت للكيتو يرجعلك؟
يعني الخلاصة ممكن تضطر تغير الكيتو كلو كرماالو …
بس في خطوات ممكن نساويها ونحاول نتأقلم عليها قبل ما ناخد القرار ونقول هالشي….
رح نحكي شوي عن تفسير هالموضوع كرمال نلاقي حلول؟
١.. لما نبلش كيتو بيكون كميات الكيتوزية والاسيتون كبيرة وممكن هالشي يحرض الراش لهيك هدول من الأشخاص يللي ممكن يتحسنو شوي بعد فترة إذا مو زاعجتك كتير ومجرد منظر بس في تطنشا وبعد شهر بتروح لوحدا…
٢…أنا زاعجني الموضوع والحكة مزعجة وبدي حل ومافيي أصبر شهر؟
يقال ممكن يكون يكون السبب نقص الأنسولين وبالذات بالصيام؟
الحل منوقف صيام… ومناخد وجبتين تلاتة …
منرفع كاربو هيدراتنا من 25 ل 50…
رح نضل كيتو هيك…
إذا ما تحسن الوضع …
منرجع منرفع بين 50 ل 100 غرام باليوم…
غالبا رح يتحسن الوضع إن شاء الله…
بعدين شفنا الوضع استقر…
منرجع منخفف بالتدريج…
وبس رجع الراش مرة تانية…
هون منقول جسمي حساس للكيتو وما بيناسبني الحمية الكيتونية…
وفيك تكمل بنظام لو كارب بين ال50 و100
٣.. بيقلولك ممكن يكون سبب الحكة هية شي أكلة من أكلات الكيتو…
مثلا إنت فوتتت عحياتك شغلات جديدة ما كنت تاكلا بنفس هالكمية من قبل ممكم يكون جسمك ما تقبلها …
منتجات الألبان (مثل الجبن والزبادي كامل الدسم والجبن الصلب).
بيض
الأسماك (مثل التونة والسلمون)
المحار (مثل المحار والمحار وسرطان البحر)
مكسرات الشجر (مثل المكاديميا واللوز)
الفول السوداني
لهيك جرب سحاب هالأكلة إذا ما تحسنت بعد فترة معناها مو منها….
٤…نصائح عامة للجلد والبشر…
المعادن والمكملات يللي مهمة كتير..
متل فيتامين دال وفيتامين أ والنياسين…
أوميغار ثري مفيد جدا للجلد ويخفف من الإلتهابات..
ولازم نزبط الأكل نشرب مي عظم (كولاجين) وجلد الأكل (غلايسين)
نركز عزيت الزيتون كتير مفيييد…
ناكل خضروات ورقية وصليبية متل القرنبيط…
٥… شرب المي بكميات جيدة ومهم كتير وبيخفف من تراكم الكيتونات….
٦… تجنب المهيجات الجلدية..
الأبسة الضيقة وبالذات حوالين منطقة الإصابة …
أغلب الألبسة الحديثة فيها مواد كيميائية محسسة…
خففو استخدام المقشرات
خففو من التنشيف بقوة عالجسم…
لا تحطو ضمادات او كحووولل عالراش…
لا تناموووو عالطرف الموجود فيها….
٧… خففو الرياضة والتعرق…
أو حاول تقللو من شدة التمارين… ويفضل فورا تتحممو بعد الجيم….
٨…حاولو تخفففو إجهاد نفسي…
لانو أغلب الامراض الجلدية نفسية…
٩… آخر شي استشر طبيبك ليكتبلك شوية أدوية ومضادات حيوية مفيدة أثبتت فاعليتها…
متل مينوسيكلين أو دوكسيسكلين….
وحتى العلاج فيهم يمكن ما يفيدك وممكن يبرجع يطلع الراش يعني لا مانع من التجريب بس لا تسب عالطبيب إذا رجعت الحكة..
الكيتو والشحوم…….
وشو لازم ساوي لما شوفن مرتفعين ونصائح للأشخاص يللي معن ارتفاع شحوم وحابين يبلشو دايت…
إذا مستعجل ومو حابب تقرا…
إنتقل لآخر البوست…
في خطوات تمشي عليها (7 نصائح) لتنزل الكوليسترول يللي هوة مانو ضار بإذن الله ولا بيخوف…
وإذا حاب تتثقف لتقدر تناقش طبيبك أقرا البوست بالكامل….
____________________________________
يمكن هالبوست ما كتير يهمكم…
بس أكتر سؤال بنسأل…
كيف طبيب قلبية وبتدعم هيك حميات….
كملو البوست لتعرفو ليش بنسأل هالسؤال…
هاد البوست رح أكتب فيو كتير كلمة عمسؤؤليتكم لأني كطبيب مافيني ناقش طبيب تاني غير بالدراسات …..
والكيتو بينقصو الدراسات (وأغلبو عمنعتمد عخبرات وأخصائين عندن خبرة بهالمجال وشايفين ومتابعين مرضى كتيررر) لهيك هالبوست ليوضحلكم شوية أفكار عن الكيتو وسبب كره الأطباء إلها…..
والأشخاص يللي عندن ارتفاع شحوم بدون أمراض مرافقة (ضغط سكري جلطات) ولا أعمار كبيرة وحابين يبلشو كيتو عمسؤؤليتن يتبعو النصائح من أولها المذكورة تحت…..
____________________________________
الأفضل الكل يساوي تحاليل قبل الكيتو وبعد ثلاث أشهر….
(بالذات يللي ناوي يساوي الكيتو كنمط حياة أو مريض سكري وآخدو لأسباب علاجية، صرع، ضغط…. وغيرووووو)…
أرجوكم قبل وبعد ؟ قبل وبعد …؟
لا حدا يخطر عبالو يحلل بعد أسبوع أو أسبوعين ويقللي شفلي ياهم ما رح أستفيد ولا رح يستفيد هو من التحليل….
وإذا حابب تقيم الموضوع وتتطمن عحالك لنقدر ننحط بالصورة أو طبيبك يقدر يعرف شو عبيصير بجسمك والتحاليل هنة الأربعة كلهم؟ مو تساوي واحد بس؟ ….
إذا مافي تحاليل قبل ما فينا نعرف بالأساس هنة مرتفعين؟ ولا من جديد بعد الكيتو؟
بجوز معك ارتفاع شحوم وراثي وبالأساس مرتفعين كيف؟
ويا ريت تساوو تحاليل الغدة tsh لأنو إذا في قصور ممكن ترفع الشحوم وفيتامين د مهم كتير وضروري تعويضو إذا ناقص..
وما لازم تكونو صايمين أكتر من 12 ساعة سواء بالكيتو أو قبل الكيتو؟
وحاولو تاكلو كاربس ل ٥٠ غرام منيح قبل يوميين تلاتة بشكل يومي من التحليل لأنو ممكن يعطي نتائج غير دقيقة بالذات الرياضين…
التحاليل هن….
cholestrol
ldl
hdl
tg
vit d(فيتامين د)
tsh(غدة)
بشكل عام أي طبيب بيشوف عندك ldl مرتفع رح يقلك وقف الحمية ورح يعملك حمية عن كل شي دهون وشحوم ممكن تأكلا حتى يمكن رح ينسى ينبهك عن الدهون المهدرجة يللي موجودة بالنوتيلا مثلا (زيت النخيل) وأكتر من 60 بالمية من شركات التصنيع بتحط بمنتجاتا زيوت مهدرجة؟ يللي رح أحكي عنها ببوست قادم…
لأنو آخر توصية تكون صفر بالمية من آكلك يعني ممنوع ولا لحسة شوكولا وهالشي عليه إجماع دولي عالمي طبي حتى منعو ينعمل دراسات لأنو ضررن مية بالمية ومثبت ومافي داعي تتكلفو بدراسات جديدة
ونحن بالكيتو كتير منحذر من الدهون المهدرجة…. لهيك لما تاكل فروجة من برا مسئسة بالزيوت النباتية المهدرجة إنت ما طلعت من الكيتو صح بس خربت جسمك
لأنو ldl مثبت بالأدب الطبي خطورتو وخطورة ارتفاعو
المفروض يكون تحت ال 100 (في حالات خاصة لازم يكون فيها تحت 60 كمان حسب حالة المريض)
ولكن فوق ال160 يعتبر مرتفع….
فوق ال 190 مرتفع بشدة؟
هون بيبلش الخلاف بين الطب والتغذية (يللي بيدعمو موضوع الكيتو)
بس ارتفع مستوى تحليل ldl
التفسير حسب نظرية أهل الكيتو…..
١… إنو في ناس كتيير عندن هالرقم مرتفع وعايشين حياة طبيعية….
٢..الحمية أساسها لفترة مؤقتة وارتفاعن عالمدى القريب ما بيضر…..
٣..وإنو ما لازم نعتمد عرقم ال ldl لحالو لازم تشوفو يللي صار عندن جلطات شو كان معهم غير ارتفاع ldl ؟ تدخين؟ تناول سكر؟ نموذج حياة غير صحي؟ أنو ليش كلو عال ldl؟
وحتى ال ldl بيقسموه لقسمين قسم سيء وقسم ضار وفي نظريات بترفض اعتبار إنو كل ال ldl سيء …. بس ما عنا هالتحليل ….
٤.. وأغلبن بيميلو ليعتبرو ارتفاع tg هو الأساس وهوة المسبب لكل شي (بنظرن) وطبعا هاد التحليل عند أغلب الناس مرتفع يللي عايشين نمط حياة سيء وبدانة وبشكل أساسي تناول السكر والمتلازمة الإستقلابية بتكون سببو
منجي للكيتو؟
شافو نسبة كبيرة من الكيتونين بيكون أرقام الشحوم جيدة أو تحسنت حتى بعد الكيتو …..
وشافو نسبة تانية بترتفع بس هالإرتفاع مفسر
أول فترة (حسب رأين) بسسبب خسارة كمية كبيرة من الدهون….
ويقال بيضل هللإرتفاع حتى ييلش يثبت الوزن ويصير قريب من المثالي بيرجعو الأرقام للطبيعي وإنو هالإرتفاع للمدى القريب بس عالمدى البعيد بيتحسن…..
يعني من المنطقي تنطر شهرين لتلاتة وتعيد التحاليل….
نسبة 5 ل 25 بالمية شافو إنو بيرتفع عندن الارقام بشكل كبير وبتصير فوق ال 200 وهالشي كتير خطر (حسب جماعتنا القلبية)…
بس في أخصائي اسمو فيلدمان بيفسر هالشي أنو الكبد بيزيد تصنيع هال ldl كرمال يزيد تخليق الطاقة ويساهم بنقل الجزيئات الدهنية أكتر لأنو الجسم عليه ضغط كبير وبدو طاقة لهيك بيطلع التحليل مرتفع لهالرقم….
وفي نظريتين تانين صعب شرحن كتابة بصراحة
بقولو جماعة الكيتو إنو ما في ولا دراسة تظهر ضررًا لارتفاع ldl عند الأشخاص الذين قضوا أو قللوا بشكل كبير من مقاومة الأنسولين وعلامات الإلتهاب وبنفس الوقت بيردو عليهم؟
جماعة القلبية إنو ما عندكم ولا دراسة بتقول إنكم استثتاء من هالشي…. (يعني علقة ببعض) و(خلاف كبير مالو حل حاليا)
آخر شي دكتور بيرغ بيقول …
شوف تحاليلك…
TG, HDL ضمن الطبيعي
لا تفكر كتير بال LDL
بس إذا كانو مرتفعين أول تنين معناها عمتخبص….
____________________________________
المهم عملت تحاليل وطلعو الشحوم مرتفعة شو لازم ساوي؟
مقتنع ب.. الكيتو وبدك تكمل عمسؤؤليتك؟ وبدك تمشي عمسؤؤليتك؟ ما عندك أمراض قلب؟ ولا أعراض؟ ومتوكل عربك..
ساوي هالخطوات وعيد التحاليل بعد شهرين تلاتة مشان تطمن قلبك….
عبينزل وزنك كتير بالشهر احتمال تضطر تنطر أكتر من هيك ليثبت وزنك شوي و يصيرو تحاليلك كويسة…..
١…حاول ترفع كاربوهيدراتك شوي وفيك توصلهم ل 50 غرام باليوم وتضل كيتو بس لما ترفعن بيكون عحساب المكسرات والبذر والخضرووات الصليبية…
٢… تجنب البولت بروف ( بزبدة أو زيت جوز هند ) تجنب الأكل لما ما تكون جوعان فقط كووول لما تجوع…
٣… اعتمد الصيام المتقطع… وحاول تزيد منو تدريجيا (في دراسات عالصيام الإسلامي إنو بتنقص من مستوى ldl)
٤….ركز عالدهون غير المشبعة بدلا من المشبعة…زيت الزيتون…. أسماك دهنية… أفوكادو….زيت المكاديميا.. زيت الأفوكادو
٥…. ارجوك الرياضة ثم الرياضة ثم الرياضة وإذا مافي قدرة عالرياصة إمشي وحرك حالك أقل شي 5 ساعات بالأسبوع…
الخمول بيأهب لكل شي مرض الدنيا…
أرجوك خليك نشط وتحرك…
٦… تناول الأطعمة التي تساهم بتخفيض الكوليسترول…
متل الأفوكادو بشكل منتظم ويومي… (ضروري)
الخضروات الخضراء: الخضار الورقية الداكنة والخضروات الصليبية (الملفوف والفجل واللفت والقرنبيط والبروكلي والكرنب والجرجير ولفت الشلجم)
الكاكاو والشوكولاتة الداكنة متل الشوكولا فوق ال 85 بالمية… والكاكاو الخام…
المكسرات والبذووور كل يوم قبضة بذر قبضة مكسرات مفيدة جدا جدااا (هااام)
ممكن تركز عالأطعمة يللي فيها فيتامين ك٢ وييقال مفيدة وبتثبت الكالسيوم بالعظام وبتحمي من الجلطات….
متل.. الكبد والبيض ومنتجات الألبان للحيوانات العاشبة…
٧…. الأوميغا ثري مفيد ويفضل تاخدو بجرعة ٣ أو ٤ آلاف… (بيجي عيار ألف غالبا) بعد الفطور
كالعادة ركزو عالمكونات تبعو وما يكون مخلوط مع أوميغا 6 و9….
يكون فيو حمضين دهنين EPA+DHA مجموعهم فوق ال 800 أفضل
٨…. بالآخير الكيتو مو فرض عليك فيك تختار غير نظام وفيك تحول لنظام اللوكارب… تزيد الكاربوهيدرات لتوصلن من 50 ل 100 وتكون بنظام اللوكارب الليبرالي هيك.. ويقلل من الكوليسترول الضار..
الكلية والكيتووووووو وحصيات الكلى….
وكيف منحمي نفسنا وشوية نصائح إذا عنا مشكلة بالكلى…. للكيتو وغير الكيتو….
شو هن الكلى؟ وبشو بفيدونا؟
الكلية بتقوم بعملية تصفية الدم ووظائفها كالتالي….
إزالة السوائل والأحماض الزائدة من الجسم
التوازن الأمثل للسوائل والمعادن
تنظيم ضغط الدم …
التخلص من الفضلات والسموم والأدوية
تنتج الكلى أيضًا هرمونات تساعد في الحفاظ على صحة الدم والعظام متل الكاليسترول (الشكل النشط لفيتامين د) …
الخلاصة مافينا نعيش بدون كلى….
طيب كيف بيتلفو وبينضرو الكلى ؟
أكثر سببين وأشيعهن…
السكري والضغط…..
تناول المسكنات(متل بروفين وديكلون وتوابعو السيتامول ما بيأثر عالكلى)
(معلومة عالطاير 30 ل 50 بالمية من اللي عندن ضعط أو سكري رح يصير عندن قصور كلى بالآخر ويحتاجو للغسيل إذا ما هتمو بصحتن)
الألية طويلة وفيزيولوجية ما بدي عقدكم فيها
المهم… شو قصة البروتين والكلى؟ وصح إذا أكلنا كتير بروتين رح تنضر الكلاوي؟
هلأ أحد علامات الأولى لتلف أو مرض الكلى….
بصير بيلة بروتينية…(بروتين بالبول) بتعمل تحليل بول بيطلع بروتين…
ولأنو زيادة البروتين المفروض تزيد البيلة البروتينية ويزيد التلف؟.
هنة بيفترضو إنو الكيتو فيو كاربوهيدرات اقل بس بروتين أعلا وهالحكي مو صحيح…
البروتين يللي مناخدو بيشبه باقي الأنظمة وهو نفس الحاجة اليومية للإنسان…
(هي كرمال إذا فتحت غوغل وشفت عن الكيتو بيسبب حصيات) تعرف ليش لأنو بالأساس ما بيعرفو الكيتو..
لهيك بالنسبة للشخص الطبيعي مافي أي مشكلة بالكيتو وباللوكارب …
حتى الأشخاص يللي عندهم سمنة وعملو كيتو أو لوكارب كان (حسب الدراسات الموثوقة) في تحسن في أرقام الكلى ….
وملاحظة تانية للرياضين مثلا تناول البروتين المعتدل والعالي ما كان في أي ضرر عالكلى (للأشخاص الأصحاء)
خلصنا من موضوع البروتين….
رح نحكي عن حصيات الكلية…..
شو هن حصوات الكلى؟
ببساطة هي رواسب معدنية وصلبة ممكن تتجمع عشكل بلورات وممكن تطور مستقبلا لتصير حصيات….
يعني بتبلش برواسب وبتصير حصيات…
80 بالمية من الحصيات هن أوكسالات وفوسفات الكالسيوم…
9 بالمية من حمض البول….
10 بالمية من السيتروفايت…
إذا شخصناها وعالجناها مبكرا…. ما رح تساوي ضرر..؟
بس المشكلة الحصيات مؤلمة جدا وممكن تطلب مننا ناخد مسكنات ونعمل إيكو للكلى لنتأكد منها….
شو هن أعراض الحصيات كيف الألم بيكون؟
١…ألم في الظهر من جانب واحد من طرف الخاصرة…
٢…ممكن يمتد الألم للأمام شوي عالبطن من نفس الطرف…
٣..ممكن يضرب لأعلا الفخذين شوي ولمنطقة الحالب…
٤…ممكن ينزل دم بالبول…
٥…ممكن يصير عنا (إلحاح بولي) يعني تجايق وبدك تبول بس مافي شي…
٦…ممكن غثيان (قلبان معدة بالعامية) وإقياء
هدول غالبا بيوجهوك للحصيات ولازم تراجع طبيب وتساوي إيكو…
أكثر الناس معرضين للحصيات…
السكرين ومرضى الضغط واللي بيعانو من السمنة…
يللي عندن حصيات سابقة احتمال 50 بالمية ترجع عندن خلال 5 سنوات… يعني بدك تضل آخد احتياطاتك ومجهز نفسك…
الأبحاث ما قدرت تربط بين الكيتو واللوكارب وتشكل حصيات …. بالكيتو المتوازن….
يعني مافي داعي للخوف من هالموضوع بس لازم نقرا البوست ونستفيد من ملاحظاتو…
بس المشكلة إنو في كتير ناس بيشكو من إصابتن بالحصيات عالنت… وبينزلو بوستات بكروبنا وبكل كروبات الكيتو بس طبعا النسية قليلة وأذا جينا لنحسبها هي النسبة نفسا موجودة بدون كيتو لأنو الحصيات منتشرة بنسبة منيحة .. مثال…
10 بالمية من الرجال بأمريكا عندن حصيات و 7 بالمية للنساء؟
يعني إذا من كل عشرة كيتونين صار عند واحد حصيات فهي نفس النسبة يللي منشوفا بدون كيتو وممكن تشكل هالحصيات رح يكون عندن…
وممكن موجودة سابقا وظهرت المشكلة نتيجة أخطاء في تطبيق الكيتو مثلا…..
شو هن الأخطاء يللي ممكن يعرضوننا لحصيات كلى وكيف منعالجها…. ؟
1.. عدم شرب كمية وفيرة من الماء… وبالذات اول مرحلة لما نحول عالكيتو….
جسمك بيطلب مي كتيرررر ولو ما طلب عطيييه لهيك مانع بالكروب عالكل يساووو كيتو وصيام جاف (إسلامي)
وللزم نشرب أقل شي لترين ونصف من المي (للأشخاص المعرضين)
وممكن 3 وأربعة ليتر ويا ريت تحطولن عصرة ليمون بيكون أحسن….
2… تناول جرعات كبيرة من فيتامين سي… فيتامين سي مافي داعي (مكمل) ناخدو لأنو متوفر بالأطعمة (موجود بالفليفلة الحلوة والفريز والليمون والبروكلي والخضروات الورقية) ….
(شرب كاسة ليمون يوميا كتير كتير مفيد للوقاية وببعطيك فيتامين سي منيح مافي داعي للمكمل)
3.. عدم استهلاك كمية وافرة من المغنزيوم…
لهيك مننبه عتناول المكملات والمغنزيوم أهم شي وكل المغنزيومات بتفيد والأفضل مغنزيوم سيترات
4.. عدم استهلاك كمية وافرة من الكالسيوم…
الأوكزالات يللي حكينا عنها فوق وبتساوي حصيات كلية… بترتبط بالكالسيوم وبتنطرح برا الجسم بس لما يكون الكالسيوم قليل ممكن يمتص الأوكزالات الجسم لوحدا ويساعد عتشكل حصيات….
الألبان ومشتقاتها مفيدة بموضوع الكالسيوم لهيك أنا دائما ضد أي شي اسمو كلاسيك وغيرو وبيحرم الجسم من عنصر ما….
ملاحظة الكالسيوم اللي بالأكل هالحكي… بس ممنوع ناخد مكمل كالسيوم (كربونات الكالسيوم يللي موجود بكل المكملات لهيك بركز لا تجيبو خلطة مغنزيوم وكالسيوم بس مغنزيوم جيبو مثلا) لأنو بزيد من تشكل الحصيات….. بس الكالسيوم يللي موجود بالأطعمة ما بيساهم فيهم ولازم ناخدو….
(هي الفقرة خاصة باللي عندن مشاكل بالكلية إذا حضرتك سليم وقريت هالفقرة وما عندك مشاكل خليك عمتاخد الكالسيوم تبعك لا تخاف)
4… عمناخد بروتين كتير كتيررر؟ ومافي رياضة يعني كل شي للازم متوازن ممكن تزود يوم يومين بس يوميا تاخد كمية كبيرة مافي داعي…
5… تناول الكثير من الخضار يللي فيها أوكزالات طبعا هالشي نادر وقليل لأنو قد من أكلت ما رح تقدر تاكل كمية كبيرة تساويلك تسمم فيها (السبانخ ، والأفوكادو ، والتوت ، واللفت ، والطماطم ، وبراعم بروكسل ، والكرفس ، واللوز ، والجوز البرازيلي ، والصنوبر ، والكاجو)
طبعا هاد مو يعني ما ناكلن بس يللي عندن حصيات لما ياكلو هالشغلات يخلطو معها جبن وياكلوها وهيك بيرتبط الكالسيوم بالأوكزالات وما بيضرو إن شاء الله…..
6.. كمية الصوديوم….
يعني لازم ننتبه وما ناخد ملح كتير وبالذات ملح اليود لأنو الصوديوم تبعو عالي كتير وبيكفي ملعقتين شاي عموما يوميا ولمرضى الضغط ملعقة فقط …
7…. استخدام مكمل سيترات البوتاسيوم (للأشخاص المؤهبين بسكل خاص) (لأنو غالي وصعب تأمينو) لاقو إنو يللي استخدموه كانت نسبة تشكل الحصيات قليلة عندن… أقل بخمسة أضعاف… وعموما سيترات المغنزيوم والكالسيوم ممكن يفيدو…
6….. عشبة تشانكا بيدرا ، المعروف أيضًا باسم “تكسير الحصيات” ، هو علاج عشبي شعبي لحصوات الكلى. يُعتقد أن هذه العشبة تساعد في منع تكون حصوات أكسالات الكالسيوم. يُعتقد أيضًا أنه يقلل من حجم الحصيات الموجودة سابقا.
ممكن الطبيب يكتبلك دوا اسمو سيستون تاخد منو يوميا حبة لحبتين فيو مجموعة وتشكيلة أعشاب بسوريا متوفرة ممكن تساعدك بموضوع الحصيات والرواسب ….
7… في أدوية كتيرة ممكم تساهم بتشكل حصيات الكلى وهالشي لازم مناقشتو مع الطبيب..
مثل…
مزيلات الاحتقان
مدرات البول
بعض خافضات الضغط ومثبطات البروتياز
مضادات الاختلاج
منشطات
أدوية العلاج الكيميائي
أدوية حمض اليوريك
كلما طالت مدة تناول هذه الأدوية ، بتزيد من تشكل الحصيات…
8.. الأدوية يللي ممكن تمنع تشكل حصيات طبعا بعد المناقشة مع طبيبك…. بس رح أذكر أمثلة…. (ثقافيا) وإذا في أطباء عبيقروو البوست للتذكير….
حصيات الكلس ممكن استخدام مدرات البول الثيازيدية أو الفوسفات.
حصيات حمض اليوريك ، يمكن أن يساعد ألوبيورينول (زيلوريك) في تقليل حمض البوليك في الدم أو البول….
حصيات السيتروفيت ، يمكن استخدام المضادات الحيوية طويلة المدى للمساعدة في تقليل كمية البكتيريا الموجودة في البول…..
حصيات السيستين ، فقد يساعد الكابوتين (كابتوبريل) في تقليل مستوى السيستين في البول…
سؤال سريع؟
بصير يكون عندي قصور كلية وساوي كيتو أو لو كارب؟ ….
القصور بيتقسم لمراحل…. ست مراحل حسب درجة تصفية الكلية…
في حال المرحلة الأولى… معدل الترشيح الكبيبي فوق 90 والبروتين موجود في البول…..
هون الطبيب والمريض بيقررو إذا السبب سمنة وسكري…
ممكن نستفيد بالكيتو بالتنحيف وضبط السكري وتخفيف السمنة….
وتحسن في المرض بس أكيد بدو متابعة ويكون كل شي مدرووووس…..
باقي المراحل لقصور الكلية لا ينصح بالكيتو أو لوكارب (إلا للضرورة وبمتابعة جيدة) …..
بالخط العريض…
((المرضى الذين يعانون من أمراض الكلى المتقدمة يجب ألا يحاولوا اتباع نظام غذائي منخفض الكربوهيدرات دون إشراف دقيق))
الكيتو والكبد الدهني…..
____________________________________
صباح الخير….
(الحكي أغلبو من صفحات طبية تغذوية وفيو خلاصة فيديوهات كريم علي وبيرغ حتى ما تضيعو وقتكم بفيديوهاتن ) وفيو ملخص شو كاتبين أطباء الهضمية …
رح نحكي اليوم عن مشكلة موجودة عند 25 بالمية من البشر واحتمال كبير تكون إنت واحد منهم…..
هوة تنكس كبدي دهني… من اسمو يعني الكبد المفروض ما يكون فيو دهون لكن مع الزمن وعوامل كتيرة بيبلش يتجمع الدهن بالكبد والكبد منعرف إنو بيقدر يعاوض لبين ما يوصل لكمية كبيرة يبلش يأذي ويضر الكبد وبيبلش المرض لما يتجاوز كمية الدهون فوق ال 5 بالمية من الكبد…
في مرض تاني تنكس كبدي دهني كحولي هاد بسب التناول للكحول لمدة طويلة وبكميات منتظمة ما رح نحكي عنو لأنو السبب واضح إيقاف الكحول بشكل قاطع هو المطلوب هون ….
رح نحكي عن التنكس الكبدي الدهني اللاكحولي…..
بشكل عام هوة مرض مانو خطير إذا قدرنا نلحقو ونعالجو مشكلتو إنو الكبد بيبلش يحاول يصلح الخلايا التالفة بسبب تجمع الدهون…
هون بيصير عنا مرض اسمو التهاب الكبد الدهني بيتطور عند نسبة 7 ل 30 بالمية من يللي عندن دهون بالكبد لهيك بيبلش يتشكل ندب بالكبد وكالعادة ضلينا مهملين الموضوع يتليف الكبد ويصير تشمع الكبد وهون منكون خسرنا الكبد وما عاد نقدر نساوي شي….
غالبا مافي أعراض وإذا نوجدت بتكون بالمراحل النهائية (بعد ما نخسر الكبد لنحس عليه) يعني ممكن ما تكون عمتحس بشي متل ما حكينا الكبد بيقدر يعاوض لآخر مرحلة بعدين بيفرششش عالاخر لهيك ضروري تزبط تغذيتك وصحتك ولو ما عندك شي لتوقي نفسك وتتجنب توصل للمراحل الخطرة…..
____________________________________
الأسباب غالبا :….
1…تناول السعرات الحرارية العالية بغض النظر عن شو مصدرها مجرد إنك عمتاكل فوق سعراتك وتسمن فهاد كافي لتكون معرض لهالشي….
2…تناوب الكاربوهيدرات المكررة متل الرز الكعك والخبز الأبيض …
نعملت دراسة زادو فيها 1000 سعرة من هالكربوهيدرات فقط وبعد 3 أسابيع شافو إنو زادت دهون الكبد بنسبة 27٪ عن غيرنم متخيلين ؟؟؟
شو عبيساوي بجسمكم وجبة المندي يللي عمتاكلوها وعشر رغفان الخبز يللي عمتطرقوهن؟ فوق السمنة يللي عنا ياها..
3… السكر وبشكل خاص الفركتوز … الفركتوز (الفواكه) بأكد عكلمة كترتها (استقلابا الوحيد بالكبد) يعني كترتها سامة عاالجسم أكتر من السكر العادي والغلوكوز رغم إنو الحلويات عموما متهمة بهالشي……
4… نمط الحياة الخاملة… حياتك ورا المكتب… نوم… سيارة لا حركة لا نشاط لا رياضة…
____________________________________
يللي معرضين لهالمرض بالذات كمان في 4 أصناف….. لازم يديرو بالن زيادة….
1… مرضى مقاومة الإنسولين….
2.. وجود الكثير من الدهن في وسط الجسم …
حتى لو كان وزنك منيح ومو زاعجك بس عندك كرش وخواصر فإنت معرض لهالشي لهيك دوم بقلكم مو بس الميزان خود مقاساتك كمان وشوف نسبة دهون جسمك….
3.. وراثة وبيكون هالشي موجود عند الأهل…
4.. كمان بيقولو ممكن السبب يكون بجراثيم الأمعاء بينقلب التوازن لصالح الجراثيم الضارة بدل الجراثيم النافعة….
____________________________________
كيف منعرف إنو معنا هالمرض؟
1… ايكو للكبد… او طبقي محوري…. أو خزعة…
2… تحاليل للدم وأهم شي
TG
Alt
GGT
الشحوم الثلاثية وأنزيمات الكبد بيرتفعو بالعادة
وأكيد حجم الخصر….
يللي حابب أحسبلو ياهن وإذا في احتمالية يكون عندو هالمرض أو لأ يكتبلي
الوزن
الطول
مقاس الخصر عند السرة
تحليل GGT + Tg3 أو يفووت عهالرابط يحطن ويحسب هاد مشعر خاص بيقلك إذا احتمالية الإصابة عندك عالية إذا ما عرفت حلل وخود مقاساتك وخبرني بساعدك…..
____________________________________
بالنسبة للعلاج…
فالخيار الأول تخفيف الوزن…
الكيتو أحد هالخيارات ونعملت دراسات كتيرة للكيتو وتنكس الدهون عالكبد أغلبها كان مفيد حتى في درجات من، التليف تحسنت وكان في حالات شفاء ….
شوية نصائح بتساعدك مع الإلتزام بالكيتو للشفاء او تخفيف الدهون عالكبد….
1… ممارسة الرياضة بإنتظام…
إما تمارين هوائية ركض سباحة مسكليت جري سريع…
أو تمارين مقاومة…
المهم 45 دقيقة ثلاث مرات بالأسبوع مثبت تأثيرو الإيجابي…
2… حاول تاكل من الأسماك الدهنية ….
سلمون، سردين، ماكريل… أنشووووجي …
مرتين كل أسبووووع….
3…لازم يكون الكيتو تبعك فوق ال 20 غرام كارب ل 50 غرام… لا تلتزم ببالكيتو الصارم الخصروات مقدسة بوجبتك لازم يوميا 7 ل 10 أكواب وحتى إذا بدك لا تحسبا….
ركز عالتوم والبصل والفجل والخضروات الورقية والبروكلييييي…..
4… الصيام المتقطع ممكن يساهم بتسريع عملية الشفاء…
5… كركم أو الكركمين….
(نوع من أنواع التوابل الصفرة فاتحة مستخدمة بالكاري)
حاول تساوي وصفاتك بالكركم ولحومك…
تأثيرو ممكن يساعدك على تنزيل الوزن وقياس الخصر ..
وفيك تاخدو عشكل مكمل… كركمين عيار 500
(بس انتبه إذا عمتاخد مميع دم.. استشير طبيبك قبل )
5.. الجوز …
6… القهوة….
7… الأفوكادو….
8.. شاي أخضر….
9.. كتير بيركزو عالأكل يكون عضوي ومو مهرمن واللحوم والخضروات تكون من الطبيعة وبعدو عن المعلبات يعني…
10… ما ننسى أكل الكيتو مفيد عموما وخضرواتو وصفار البيض بالذات …..
____________________________________
المكملات يللي شافو إنها مفيدة وبتخفف من المرض….
1.. بروتين مصل اللبن Why protien
نفسو يللي بياخدوه الرياضين بصراحة مذكور بس ما بعرف شو العبرة منو بس ذكرتو في حاب كنت رياضي فخليه أولوية عندك ممكن يفيدك ما رح يضرك…
2… فيتامين دال.. أكيد لازم نعوضو…
حبة عيار 10 آلاف يوميا لشهرين ثم حبتان كل أسبوع مدى الحياة والتعرص للشمس ثلاث مرات بالأسبوع…. لمدة ربع ساعة مع أقل كمية ممكنة من اللباس…
3.. نبتة حليييب الشووووك (مذكورة بالمواقع الطبية التغذوية) وهوة نفسو مستخرج منو الدواء يللي بيكتبوه الأطباء لهالحالة….
(((نصائح خاصة من كريم علي في حال حابب تعرف رأيو طبعا حلقاتو ساعة حكي مشان تلت أربع معلومات المهم بينصح…..
(شي ما تضيع وقتك عحلقتو)
البرقوق… والتوت… (قشر التفاح) ….
الحمام مي باردة كل يوم صبح 10 دقايق؟؟
تساوي عصير بقدونس وبيشرررررب يوميا مع شوية بذور الشيا مشروبو السحري….)))
وبينصح كمان بحليب الشوك وحاطط مركب جاهز بس بنصحك تجيبو من عند العطار أكيد أرخص في حال بدك المركب رح حط صورتو بالتعليقات…..
((كمان د.بيرغ بينصح بآخد مكمل اسمو كولين بيلتقا بالمحلات الرياضة عيار 500 حبة يوميا)
وبيركز كتير عالصيام المتقطع بفيديوهاتو..
(( بالصفحات الطبية اللاتغذوية (أطباء الهضمية والكبد) إذا كنت طبيب وحابب تعرف عن الموضوع… النصائح هي…
الدايت ونزول الوزن
الرياضة
فيتامين E ممكن يفيد عيار 800
بعض أدوية السكري بتخفف من مقاومة الأنسولين متل دواء بيوغليتازون عيار 30… طبها هالدوا محظور دوليا ما بعرف ليش كاتبينو (بيساوي سرطان مثانة) ))
يعني بصراحة بيقلولك روح نزل وزنك ورجاع ما عندن علاج؟ وهالمرض بالذات عللاجو مية بالمية بمعدتك…
____________________________________
كم من المدة لازم تلتزم لتتعالج من هالمرض؟ …
هالمرض بدو صبر وشغل وإلتزام لمدة طويلة بتشوف نتائج خلال السنة ولكن العلاج ممكن يطووووول ل2 سنة أو 3 سنواااات…
ليقدر الكبد يصلح نفسووووو….
(يعني لا تراجع طبيبك بعد شهر؟ وتقلو شفلي تحسنت أو لأ… أقل شي ست شهور لسنة)
الألبان….. واللبن اليووناني والعادي شو المسموح واللممنوع…
قبل كل شي… اللبن مفيدددددد…
وفيو برووبوياتيك…. يعني بيصلح من بكيتريا الأمعاء يللي بدها أكتر من بوست لنحكي فيها….
يعني الجراثيم يللي فيو مفيدة وضروري تاخدها وما نحرم حالنا منها مشان كذبة الكيتو كلاسيك والعادي (إلا في حال وجود حالة صحية ما)
____________________________________
السعرات رح أكتبها بالبوست….
لكل 100 مل؟ ركزو معي 100 مل وليس كوب؟ … الكوب 245 مل
القيمة الغذائية للحليب كامل الدسم…
61 سعرة حرارية….
3.27 غرام دهن…
3.15 غرام بروتين….
4.78 غرام كارب
الحليب ممنوع ولكن ممكن تستخدم كم ملعقة للقهوة (2 ل 3) ملاعق ويفضل اقل من 2 إذا الكريمة مو مأمنة عندك (إذا حبيت تشرب قهوة أو نسكافيه) أو متعود عليها… بتضل أرحم من المبيض يللي كلو زيوت نباتية…..
لسكان سوريا …
ولكن شرط (كامل الدسم) وتلتزم بأقل كمية بتقدر…..
بس بكميات كييرة لااااا… لأنو الكارب هوة سكر صرف ودهونو قليلة…
((مملاحظة : الحليب فري اللاكتوز (بدون لاكتوز)
ممنوووع؟
ليش؟
بما إنو منتشر مرض عدم تحمل اللاكتوز..
يعني صعوبة في هضم سكر الحليب… وبصير نفخة وغازات وتطبل بطن وألم عند أغلب الناس لما ناخد الحليب… بسبب نقص خميرة اللاكتاز يللي بتهضم اللاكتوز…
فصارو يضيفو للحليب هالخميرة مشان تساعد جسمنا لتهضمو للحليب؟
يعني هو مو خالي من اللاكتوز بس منصفلو لاكتاز…)))
منكمل
لحتى يصير الحليب لبن بيضيفولو جراثيم للتخمير (جراثيم مفيدة) …
بتخمر قسم منيح من اللاكتوز الموجود بالحليب وبتحولو لحمض اللاكتيك…
هون بصير معنا منتج اللبن …
وبيختلف قوامو إما سميك أو بينشرب وفيو سوائل…. (اسمو لبن عادي)
رغم إنو طعمو حامض بس فيو سكر أكتر من اللبن اليوناني؟
ليش؟
لانو المرقة يللي ضمن اللبن هية يللي فيها السكر (لاكتوز) ….
لهيك…
بتتصصفا السوائل يللي فيه وبيزداد تركيز اللبن وبينقص الكارب يللي فيه….
وهيك بصير اسمو لبن يوناني (أو قبل مرحلة اللبنة بالسوري)
طبعا قوام اللبن عنا أفضل وأسمك من اللبن اليوناني….
لهيك اللبن اليوناني = لبن مصفى (قبل ما توصل لمرحلة اللبنة )….. تقريبا …
لبن البقر..
2.7 غرام دهن…
5.5 غرام كارب..
2.7 غرام بروتين…
الدهن والبروتين أقل من من نصف الكارب لهيك غير مفضل وأقرب للمنوع (رغم إني ما بحب قولها) …
وبسورياا كلووو مغشوووووووش وفيووو نشااااااء وأغلبو بيستخدمو الهرمون لتصنيعو وزيادة إنتاجو…..
وعند الضرورة أقل من 50 غرام ….
القيمة الغذائية للبن اليوناني …
120 سعرة حرارية….
10 غرام دهن…
3.5 ل 4 غرام كارب…
4.6 غرام بروتين…
مسموح شي 100 ل 150 غرام حسب نسبنا
اللبنة كتير مختلف عليها بس المهم حسب مصدرها وإذا شتريتو جاهزة بتشوفو شو مكتوب عالعلبة …
اوقات بتشوف 6 غرامات دهن فيها و أوقات بتشوف 18
بس عموما إذا شغل البيت عاملوها معاملة اللبن اليوناني حاليا….
طيب آخر شي؟
القيمة الغذائية للبن الغنم….
91 سعرة…
5.5 غرام دهن ويمكن أكتر بكل محل بتقرا شكل ..
5 غرام برووتين…
من 4.5 ل 6 غرام كارب… حسب الجودة…
مسموح بحدود ال 100 غرام وممكن نبحبها شوي إذا عنا طبخة ونخفف كارب من غير محلات….و يفضل يكون من مصدر موثوق (ريف, راعي غنم) وإذا وكل ما صفيناها بيكون أفضل بيزيد ابدسم وبيقل الكارب وفينا نستخدم أكتر من 100 غؤام حسب سعراتنا المسموحة
آخر شي… القريشى مسموحة أو جبن القريششش..
وما بعرف ليش ما بتاكلوها مع إنو فيا برووتين منيح…..
بحدود ال 11 غرام بروتين لكل 100 غرام .
وبحدود من 5 غرام كارب….
